Kāśikāvṛttī1: 
taspratyayo yataḥ svāṅgāt tadevam ucyate. taspratyaye svāṅgavācini upapade
karot 
See More
taspratyayo yataḥ svāṅgāt tadevam ucyate. taspratyaye svāṅgavācini upapade
karoteḥ bhavateśca dhātvoḥ ktvāṇamulau pratyayau bhavataḥ. yathāsaṅkhyam atra neṣyate,
asvaritatvāt. mukhataḥkṛtya gataḥ, mukhataḥ kṛtvā gataḥ, mukhataḥkāraṃ gataḥ. mukhatobhūya
tiṣṭhati, mukhato bhūtvā tiṣṭhati, mukhatobhāvaṃ tiṣṭhati. pṛṣṭhataḥkṛtya gataḥ, pṛṣṭhataḥ
kṛtvā gataḥ, pṛṣṭhataḥ kāraṃ gataḥ. pṛṣṭhatobhūya gataḥ, pṛṣṭhato bhūtvā, pṛṣṭhatobhāvam.
svāṅge iti kim? sarvataḥ kṛtvā gataḥ. tasgrahaṇaṃ kim? mukhīkṛtya gataḥ. mukhībhūya
gataḥ. pratyayagrahaṇaṃ kim? mukhe tasyati iti mukhataḥ, mukhataḥ kṛtvā gataḥ.
Kāśikāvṛttī2: svāṅge taspratyaye kṛbhvoḥ 3.4.61 taspratyayo yataḥ svāṅgāt tadevam ucyate. tas See More
svāṅge taspratyaye kṛbhvoḥ 3.4.61 taspratyayo yataḥ svāṅgāt tadevam ucyate. taspratyaye svāṅgavācini upapade karoteḥ bhavateśca dhātvoḥ ktvāṇamulau pratyayau bhavataḥ. yathāsaṅkhyam atra neṣyate, asvaritatvāt. mukhataḥkṛtya gataḥ, mukhataḥ kṛtvā gataḥ, mukhataḥkāraṃ gataḥ. mukhatobhūya tiṣṭhati, mukhato bhūtvā tiṣṭhati, mukhatobhāvaṃ tiṣṭhati. pṛṣṭhataḥkṛtya gataḥ, pṛṣṭhataḥ kṛtvā gataḥ, pṛṣṭhataḥ kāraṃ gataḥ. pṛṣṭhatobhūya gataḥ, pṛṣṭhato bhūtvā, pṛṣṭhatobhāvam. svāṅge iti kim? sarvataḥ kṛtvā gataḥ. tasgrahaṇaṃ kim? mukhīkṛtya gataḥ. mukhībhūya gataḥ. pratyayagrahaṇaṃ kim? mukhe tasyati iti mukhataḥ, mukhataḥ kṛtvā gataḥ.
Nyāsa2: svāṅge taspratyaye kṛbhvoḥ. , 3.4.61 "yathāsaṃkhyamatra neṣyate" iti. See More
svāṅge taspratyaye kṛbhvoḥ. , 3.4.61 "yathāsaṃkhyamatra neṣyate" iti. kathaṃ punariṣyamāṇamapi na bhavati, yāvatā dve prakṛtī, pratyayāvapi dvāvevetyasti yathāsaṃkhyaprāptinimittam? "kṛbhvoḥ" iti nirdeśāllakṣamavyabhicāracihnāt. iha pratyaye vidhīyamāne "paraśca" 3.1.2 iti sambandhāddigyogalakṣaṇayā pañcamyā bhavitavyam, tatar kṛbhūbhyāmiti pañcamīnirdeśe katrtavye yo'yaṃ "kṛbhvoḥ" iti nirdeśāllakṣaṇavyabhicāracihnāt. iha pratyaye vidhīyamāne "paraśca" 3.1.2 iti sambandhāddigyogalakṣaṇayā pañcamyā bhavitavyam, tatra kṛbhūbhyāmiti pañcamīnirdeśe katrtavye yo'yaṃ "kṛbhvoḥ" iti ṣaṣṭhīnirdeśaḥ sa lakṣaṇavyabhicāracihnam, tena yathāsakhyābhāva iti veditavyam. "mukhataḥ" iti. "apādāne cāhīyaruhoḥ" 5.4.45 iti tasiḥ.
"mukhīkṛtya" iti. atra mukhaśabdaścvyantaḥ. "abhūtatadbhāve" 5.4.50 ityādinā cviḥ, "asya cvau" 7.4.32 itīttvam. "mukhe tasyati" iti. "tasu upakṣaye", (dhā.pā.1212) "anyebhyo'pi dṛśyate" 3.2.178 iti kvip, halhrādinā 6.1.66 sulopaḥ, rutvavisarjanīyau. dhāturatra tas()śabdaḥ, na tu pratyayaḥ. tena tadanta ḍapadeśe ktvāṇamulau na bhavataḥ, "samānakarttṛkayoḥ" 3.4.21 iti ktvaiva bhavati॥
Tattvabodhinī1: svāṅge. taspratyayo yasmāttaspratyayastasminsvāṅge upapade ityeke.
pratyayagrah Sū #1633 See More
svāṅge. taspratyayo yasmāttaspratyayastasminsvāṅge upapade ityeke.
pratyayagrahaṇaparibhāṣayā taspratyayānte svāṅge ityanye. tas cāsau pratyayaśceti
karmadhārayaḥ. taspratyaye parato yatsvāṅgaṃ tasminnupapada iti tu prāñcaḥ. tatra
yadyapi svāṅgamātraṃ nopapadaṃ tathāpi tasminnityetatprakṛtipratyayasamudāyaparimiti
bodhyam. mukhataḥkāraṃ mukhatobhūyeti. ktvāṇamuloḥ kṛbhuvośca yathāsaṅkhyaṃ neṣyatata iti
bhāvaḥ. mukhata ityatrādyāditvātsaptamyarthe tasiḥ. pratyayagrahaṇaṃ kim ?. muke
tasyati mukhataḥ. tasu upakṣaye kvip. dhātutvādiha `atvasantasye'ti dīrgho na. mukhataḥ
kṛtvā gata iti kāśikādau sthitam. vastutastu
pratyayā'pratyayapariṣāṣāyaiveṣṭasiddheḥ pratyayagrahaṇaṃ sutyajam.
Tattvabodhinī2: svāṅge taspratyaye kṛbhvoḥ 1633, 3.4.61 svāṅge. taspratyayo yasmāttaspratyayasta See More
svāṅge taspratyaye kṛbhvoḥ 1633, 3.4.61 svāṅge. taspratyayo yasmāttaspratyayastasminsvāṅge upapade ityeke. pratyayagrahaṇaparibhāṣayā taspratyayānte svāṅge ityanye. tas cāsau pratyayaśceti karmadhārayaḥ. taspratyaye parato yatsvāṅgaṃ tasminnupapada iti tu prāñcaḥ. tatra yadyapi svāṅgamātraṃ nopapadaṃ tathāpi tasminnityetatprakṛtipratyayasamudāyaparimiti bodhyam. mukhataḥkāraṃ mukhatobhūyeti. ktvāṇamuloḥ kṛbhuvośca yathāsaṅkhyaṃ neṣyatata iti bhāvaḥ. mukhata ityatrādyāditvātsaptamyarthe tasiḥ. pratyayagrahaṇaṃ kim?. muke tasyati mukhataḥ. tasu upakṣaye kvip. dhātutvādiha "atvasantasye"ti dīrgho na. mukhataḥ kṛtvā gata iti kāśikādau sthitam. vastutastu pratyayā'pratyayapariṣāṣāyaiveṣṭasiddheḥ pratyayagrahaṇaṃ sutyajam.
1.Source: Arsha Vidya Gurukulam
2.Source: Sanskrit Documents
