avyaye upapade ayathabhipretā'khyāne gamyamāne karoteḥ ktvāṇamulau bhavataḥ. brāhmaṇa, putraste jātaḥ. kiṃ tarhi vṛṣala, nīcaiḥ kṛṭyācakṣe, nīcaiḥ kṛtvā, nīcaiḥ kāram. uccair nāma priyam ākhyeyam. brāhamaṇa, kanyā te garbhiṇī. kiṃ tarhi vṛṣala, uccaiḥ kṛtyācakṣe, uccaiḥ kṛtvā, uccaiḥ kāram. nīcair nāmāpriyam ākhyeyam. ayathābhipretā'khyāne iti kim? uccaiḥ kṛtvācaṣṭe putraste jātaḥ iti. ktvāgrahaṇaṃ kim, yāvatā sarvasminneva atra prakaraṇe vāsarūpeṇa ktvā bhavati ityuktam? samāsārthaṃ vacanam. tathā ca ktvā ca 2-2-22 ityasmin sūtre tṛtīyāprabhṛtīnyanyatarasyām 2-2-21 iti vartate. ṇamuladhikāre punar ṇamulgrahaṇaṃ tulyakakṣatvajñāpanārtham, tena uttaratra dvayorapyanuvṛttir bhaviṣyati.

avyaye 'yathābhipretā'khyāne kṛñaḥ ktvāṇamulau 3.4.59 avyaye upapade ayathabhipretā'khyāne gamyamāne karoteḥ ktvāṇamulau bhavataḥ. brāhmaṇa, putraste jātaḥ. kiṃ tarhi vṛṣala, nīcaiḥ kṛṭyācakṣe, nīcaiḥ kṛtvā, nīcaiḥ kāram. uccair nāma priyam ākhyeyam. brāhamaṇa, kanyā te garbhiṇī. kiṃ tarhi vṛṣala, uccaiḥ kṛtyācakṣe, uccaiḥ kṛtvā, uccaiḥ kāram. nīcair nāmāpriyam ākhyeyam. ayathābhipretā'khyāne iti kim? uccaiḥ kṛtvācaṣṭe putraste jātaḥ iti. ktvāgrahaṇaṃ kim, yāvatā sarvasminneva atra prakaraṇe vāsarūpeṇa ktvā bhavati ityuktam? samāsārthaṃ vacanam. tathā ca ktvā ca 2.2.22 ityasmin sūtre tṛtīyāprabhṛtīnyanyatarasyām 2.2.21 iti vartate. ṇamuladhikāre punar ṇamulgrahaṇaṃ tulyakakṣatvajñāpanārtham, tena uttaratra dvayorapyanuvṛttir bhaviṣyati.

avyaye'yathābhipretākhyāne kṛñaḥ ktvāṇamulau. , 3.4.59 "ayathābhipretākhyāne" iti. yadyadabhipretamiṣṭaṃ yathābhipretam, "yathā'sādṛśye"2.1.7 iti vīpsāyāmavyayībhāvasamāsaḥ, na yathābhipretamayathābhipretam. apriyamityarthaḥ. "ācakṣe"iti. āṅapūrvāccakṣiṅo laṭ; "thāsaḥ se"3.4.80, "skoḥ saṃyogādyoranteca"8.2.29 iti kakāralopaḥ, "ṣaḍhoḥ kaḥ si" 8.2.41 iti katvam,iṇkoḥṭa 8.1.57 iti ṣatvam. "uktam" iti. kvoktam? "upadaṃśastṛtīyāyām" 3.4.47 ityatra. upapadasamāsārthaṃ vacanamiti ca. "ktvā ca" 2.2.22 ityanenopapadasamāsaḥ pakṣe yathā syāt. kasmāt punaranena yaḥ ktvā vihitastena samāso bhavati? yastu "samānakarttṛkayoḥ" (3.4.21) ityādinā vihitastena na bhavati? ityāha-- "tathā hi" ityādi. "ktvā ca"2.2.22 ityatra "tṛtīyāprabhṛtīni" 2.2.21 ityanuvatrtate. tasmādanena yaḥ ktvā vihitastenaiva pakṣe samāso bhavati, na tu tena, tṛtīyāprabhṛtiṣūpapadeṣu ktvā vidhīyate. atha ṇamulgrahaṇaṃ kimartham; yāvatā ṇamulanuvatrtata eva,tataḥ ktavā ceti vaktavyam? ityāha-- "ṇamuladhikāre" ityādi. tulyakakṣatvaṃ tadvat tulyabalatvam. "tena" ityādi. jñāpakasya prayojanaṃ darśayati. yadi "ktvā ca" ityucyeta. cakāreṇa yatnādanukṛṣṭo ṇamuluttaratra nānuvatrteta; yatnābhāvāt. yathā tena ktvāpratyayasyānvācīyamānatā vijñāyeta tataścottaratra tasyāpradhānyādanuvṛttirna syāt. punarṇamulgrahaṇe sati sahanirdeśāt ktvāṇamulorguṇapradhānabhāvo na bhavatīti dvayorapyanuvṛttirbhavati॥

avyaye. ayatheti. na yathābhipretamayathābhipretaṃ tathākhyāna ityarthaḥ. triyasyoccaiḥ, apriyasya nīcaiḥ kathanaṃ yathābhipretākhyānam. tadviparītākhyāne iti yāvat. nanvapriyākhyāne ityeva kuto noktamiti cedatrāhu– priyasya nīcaiḥ kathanamapi priyākhyānameva, na tvapriyākhyānamiti `nīcaiḥ kṛtya nīcaiḥ kāraṃ priyaṃ brāūte' iti prayogo na syāt. tathā apriyasya nīcaiḥ kathanamapyapriyākhyānamiti nīcaiḥ kṛtya nīcaiḥ kāramapriyaṃ brāūta iti prayogo'pi syādityayathābhipretākhyāne ityuktamiti.

avyaye'yathābhipretākhyāne kṛñaḥ ktvāṇamulau 1631, 3.4.59 avyaye. ayatheti. na yathābhipretamayathābhipretaṃ tathākhyāna ityarthaḥ. triyasyoccaiḥ, apriyasya nīcaiḥ kathanaṃ yathābhipretākhyānam. tadviparītākhyāne iti yāvat. nanvapriyākhyāne ityeva kuto noktamiti cedatrāhu-- priyasya nīcaiḥ kathanamapi priyākhyānameva, na tvapriyākhyānamiti "nīcaiḥ kṛtya nīcaiḥ kāraṃ priyaṃ brāūte" iti prayogo na syāt. tathā apriyasya nīcaiḥ kathanamapyapriyākhyānamiti nīcaiḥ kṛtya nīcaiḥ kāramapriyaṃ brāūta iti prayogo'pi syādityayathābhipretākhyāne ityuktamiti.