1/21:ārdhadhātukasañjñāyām dhātugrahaṇam |*
2/21:ārdhadhātukasañjñāyām dhātugrahaṇam kartavyam |
3/21:dhātoḥ parasya ārdhadhātukasañjñā yathā syāt |
4/21:iha mā bhūt |
5/21:vṛkṣatvam vṛkṣatā iti |
6/21:kriyamāṇe ca api dhātugrahaṇe svādipratiṣedhaḥ |*
7/21:svādīnām pratiṣedhaḥ vaktavyaḥ |
8/21:iha mā bhūt |
9/21:lūbhyām lūbhiḥ iti |
10/21:anukrāntāpekṣam śeṣagrahaṇam |evam api agnikāmpyati vāyukāmyati iti prāpnoti |
11/21:tasmāt dhātugrahaṇam kartavyam |
12/21:na kartavyam |
13/21:ā tṛtīyādhyāyaparisamāpteḥ dhātvadhikāraḥ prakṛtaḥ anuvartate |
14/21:kva prakṛtaḥ |
15/21:dhātoḥ ekācaḥ halādeḥ iti |
16/21:evam api śrīkāmyati bhūkāmyati iti prāpnoti |
17/21:tadvidhānāt siddham |*
18/21:vihitaviśeṣaṇam dhātugrahaṇam |
19/21:dhātoḥ yaḥ vihitaḥ iti |
20/21:dhātoḥ eṣaḥ vihitaḥ |
21/21:saṅkīrtya dhātoḥ iti evam yaḥ vihitaḥ iti|

tiṅaḥ śitaśca varjayitvā anyaḥ pratyayaḥ śeṣo dhātusaṃśabdanena vihitaḥ ārdhadhātukasaṃjño bhavati. lavitā. lavitum. lavitavyam. dhātoḥ 3-1-91 ityeva. vṛkṣatvam. vṛkṣatā asti. lūbhyām. lūbhiḥ. jugupsate.

ārdhadhātukaṃ śeṣaḥ 3.4.114 tiṅaḥ śitaśca varjayitvā anyaḥ pratyayaḥ śeṣo dhātusaṃśabdanena vihitaḥ ārdhadhātukasaṃjño bhavati. lavitā. lavitum. lavitavyam. dhātoḥ 3.1.91 ityeva. vṛkṣatvam. vṛkṣatā asti. lūbhyām. lūbhiḥ. jugupsate.

ārdhadhātukaṃ śeṣa-. , 3.4.114 "lavitā" iti. tṛc, "ārdhadhātukasyeḍvalādeḥ" 7.2.35 itīṭ. "vṛkṣatvam" iti. "tasya bhāvastvatalau" 5.1.118. "lūbhyām" iti. lunāteḥ kvibantādbhyām. "jugupsate" iti. gupādisūtreṇa 3.1.5 san. tvalādīnāmārdhadhātukatvābhāvādiḍabhāvaḥ. yaktaṃ "vṛkṣatvam" pratyudāharaṇam, tvapratyayasya dhātoravidhānāt, "lūbhyām" ityādyayuktam, "kvibantā dhātutvaṃ na jahati" (vyā.pa.132) iti nyāyāt, myāmpratyayo dhātoreva vihitaḥ, sanpratyayo'pi dhātoḥ, gupāderdhātutvāt? naitadasti;asyaiva hi doṣasya parīhārāya dhātuśabdena yo vihita ityuktam. tasya cāyamarthaḥ-- dhātorityevaṃ yo vihitaḥ,dhātuśabdamuccārya yo vihita iti yāvat. yasya vidhāyakalakṣaṇe dhātugrahaṇamasti,na caivaṃ bhmāṃsanau vihitau; tdavidhau dhātvadhikārasya dhātugrahaṇasya cāsambhavāt. kathaṃ punardhātusaṃśabdanena yo vihita ityeṣo'rtho labhyate, yāvatā dhātorityekameva dhātugrahaṇamanuvatrtate, taccādhātupratyayanivṛttau caritārthatvānnāparaṃ kiñcidviśiṣṭamabhidhātumutsahate? evaṃ manyate-- yaṅavidhānasūtrāt 3.1.22 "śamidhāto saṃjñāyām" 3.2.14 ityato vā dvitīyadātugrahaṇamanuvatrtate, tatraikena dhātunā adhātupratyayo nivartatate, apareṇa dhātupratyayo viśiṣyate-- dhātorityevaṃ yo vihita iti. śeṣagrahaṇaṃ kim? tiṅaśitormā bhūt, anyathā hrekasaṃjñādhikārābhāvāt pratyayādisaṃjñānāmiva samāveśaḥ syāt॥

bhū tās ti iti sthite–ādrdhadhātukaṃ śeṣa-. `tiṅ?śitsārvadhātuka'miti pūrvasūtropāttatiṅśidanyaḥ śeṣaḥ. tadāha– tiṅ?śidbhyo'nya iti. vihita iti. `dhāto'rityadhikṛtaṃ vihitaviśeṣaṇamāśrīyata iti bhāvaḥ. evaṃ ca `jugupsate' ityādau `guptijkidbhya' ityādivihitasanādīnāṃ dhātorityuccārya vihitatvā'bhāvena ādrdhadhātukatvā'bhāvādiḍāgamo na bhavati. etatsaṃjñaḥ syāditi. ādrdhadhātukasaṃjñaka ityarthaḥ. iḍiti. tāspratyayasyoktasūtreṇādrdhadhātukatvātsvato valāditvācca `ādrdhadhātukasyeḍvalāde'ritīḍāgama ityarthaḥ.

ādrdhadhātukaṃ śeṣaḥ 36, 3.4.114 bhū tās ti iti sthite--ādrdhadhātukaṃ śeṣa-. "tiṅ()śitsārvadhātuka"miti pūrvasūtropāttatiṅśidanyaḥ śeṣaḥ. tadāha-- tiṅ()śidbhyo'nya iti. vihita iti. "dhāto"rityadhikṛtaṃ vihitaviśeṣaṇamāśrīyata iti bhāvaḥ. evaṃ ca "jugupsate" ityādau "guptijkidbhya" ityādivihitasanādīnāṃ dhātorityuccārya vihitatvā'bhāvena ādrdhadhātukatvā'bhāvādiḍāgamo na bhavati. etatsaṃjñaḥ syāditi. ādrdhadhātukasaṃjñaka ityarthaḥ. iḍiti. tāspratyayasyoktasūtreṇādrdhadhātukatvātsvato valāditvācca "ādrdhadhātukasyeḍvalāde"ritīḍāgama ityarthaḥ.

`dhātorekācaḥ' ityatra dhātorityanuvartamāne punardhātorityadhikārasūtrārambhādidaṃ labhyate. etacca tatraiva manoramāyāṃ spaṣṭam. dātoritivihita iti kim ?. lūbhyāṃ. jugupsate॥

ādrdhadhātukaṃ śeṣaḥ 29, 3.4.114 "dhātorekācaḥ" ityatra dhātorityanuvartamāne punardhātorityadhikārasūtrārambhādidaṃ labhyate. etacca tatraiva manoramāyāṃ spaṣṭam. dātoritivihita iti kim?. lūbhyāṃ. jugupsate॥