liṅaḥ ityeva. liṅsambhandhinoḥ takārathakārayoḥ suḍāgamo bhavati. takarathakārāvāgaminau, liṅ tadviśeṣaṇam. sīyuṭastu liṅevāgamī. tena bhinnaviṣayatvāt suṭā bādhanaṃ na bhavati. takāre ikara uccāraṇārthaḥ. kṛṣīṣta. kṛṣīyāstām. kṛṣīṣṭhāḥ. kṛṣīyāsthām.

suṭ tithoḥ 3.4.107 liṅaḥ ityeva. liṅsambhandhinoḥ takārathakārayoḥ suḍāgamo bhavati. takarathakārāvāgaminau, liṅ tadviśeṣaṇam. sīyuṭastu liṅevāgamī. tena bhinnaviṣayatvāt suṭā bādhanaṃ na bhavati. takāre ikara uccāraṇārthaḥ. kṛṣīṣta. kṛṣīyāstām. kṛṣīṣṭhāḥ. kṛṣīyāsthām.

suṭ tithoḥ. , 3.4.107 atha takārathakārābyāṃ liṅa viśiṣyate-- takārathakāyoryo liṅa sthānīti? tena vā tau liṅasambandhinostakārathakārayoriti? tatra yadyādyaḥ pakṣa āśrīyeta, tadā viśeṣyatvālliṅaḥ prādhānyam. tataśca pradhāne kāryasampratyayālliṅa eva suḍāgamaḥ syāt. evañca paratvādviśeṣavihitvācca suṭā sīyaḍ bādhyeta. tasmādduṣṭo'yaṃ pakṣa iti dvitīyaṃ pakṣamāśrityāha-- "liṅsambandhinoḥ" iti. yaduktam-- takārathakārayoḥ suḍāgamo bhavatīti, tasyārtha spaṣṭīkarttumāha-- "takārathakārāvāgaminau" iti. viśeṣyatvena prādhānyāditi bhāvaḥ. yaduktañca-- liṅasambandhinoriti, tasyārtha spaṣṭīkarttumāha-- "liṅ tadviśeṣaṇam" iti. "sīyuṭastu liṅevāgamī" iti. takārathakārāvevakāreṇa vyavacchidyete. "tena" ityādi. yata evaṃ takārathakārāvāgaminau suṭaḥ, sīyuṭastu liṅeva, tena bhinnadeśatvāt suṭā sīyuḍ na bādhyate. na ca bhinnadeśayorbādhyabādhakabhāvo yuktaḥ; virodhābhāvāt. "kṛṣīṣṭa, kṛṣīṣṭhāḥ" iti. tathāsorekavacanayo rūpe. "kṛṣīyāstām, kṛṣīyāsthām" iti. ātāmāthāmoḥ. sarvatrāśiṣi liṅa, "uśca" 1.2.32 iti kittvādguṇābhāvaḥ॥

liṅastathoḥ suṭ. yalopaḥ. ārdhadhātukatvātsalopo na. edhiṣīṣṭa. edhiṣīyāstām. edhiṣīran. edhiṣīṣṭhāḥ. edhiṣīyāsthām. edhiṣīdhvam. edhiṣīya. edhiṣīvahi. edhiṣīmahi. aidhiṣṭa. aidhiṣātām..

suṭ tithoḥ 525, 3.4.107 liṅastathoḥ suṭ. yalopaḥ. ārdhadhātukatvātsalopo na. edhiṣīṣṭa. edhiṣīyāstām. edhiṣīran. edhiṣīṣṭhāḥ. edhiṣīyāsthām. edhiṣīdhvam. edhiṣīya. edhiṣīvahi. edhiṣīmahi. aidhiṣṭa. aidhiṣātām॥

tathā ca prakṛte bhava yās ta iti sthite– suṭ?tithoḥ. liṅaḥ sīyuḍityato liṅa ityanuvartate. tiśca th ceti dvandvātṣaṣṭhīdvivanacam. ikāra uccāraṇārthaḥ. tadāha- -liṅastakāreti. suṭi ṭakāra it, ukāra uccāraṇārthaḥ. bhava yās s t iti sthitam. nanviha pareṇa suṭā yāsuṭaḥ kathaṃ na bādhaḥ ?. bhaveyurityādau parasmaipadeṣu yāsuḍ?vidheścaritārthatvādityāśaṅkya nirākaroti–suṭā yāsuṇna bādhyata iti. tatkutaḥ ityata āha– liṅo yāsuḍiti. liṅaḥ sīyuṭ yāsuḍāgamaśca, liṅādeśaikadeśasya takārasya suḍāgama iti viṣayabhedādityarthaḥ. tathā ca yaugapadyā'sambhavā'bhāvādvipratiṣedhā'bhāvānna peraṇāpi suṭā yāsuṭo bādha iti bhāvaḥ.

suṭ tithoḥ 59, 3.4.107 tathā ca prakṛte bhava yās ta iti sthite-- suṭ()tithoḥ. liṅaḥ sīyuḍityato liṅa ityanuvartate. tiśca th ceti dvandvātṣaṣṭhīdvivanacam. ikāra uccāraṇārthaḥ. tadāha--liṅastakāreti. suṭi ṭakāra it, ukāra uccāraṇārthaḥ. bhava yās s t iti sthitam. nanviha pareṇa suṭā yāsuṭaḥ kathaṃ na bādhaḥ?. bhaveyurityādau parasmaipadeṣu yāsuḍ()vidheścaritārthatvādityāśaṅkya nirākaroti--suṭā yāsuṇna bādhyata iti. tatkutaḥ ityata āha-- liṅo yāsuḍiti. liṅaḥ sīyuṭ yāsuḍāgamaśca, liṅādeśaikadeśasya takārasya suḍāgama iti viṣayabhedādityarthaḥ. tathā ca yaugapadyā'sambhavā'bhāvādvipratiṣedhā'bhāvānna peraṇāpi suṭā yāsuṭo bādha iti bhāvaḥ.