1/13:kimartham yāsuṭaḥ ṅittvam ucyate |
2/13:yāsuṭaḥ ṅidvacanam pidartham |*
3/13:piti vacanāni prayojayanti |
4/13:atha kimartham udāttavacanam kriyate |
5/13:udāttavacanam ca |*
6/13:kim |
7/13:pidartham eva |
8/13:āgamānudāttārtham vā |*
9/13:atha vā etat jñāpayati ācāryaḥ āgamāḥ anudāttāḥ bhavanti iti |
10/13:asati anyasmin prayojane jñāpakam bhavati |
11/13:uktam ca etat yāsuṭaḥ ṅidvacanam pidartham udāttavacanam ca iti |
12/13:śakyam anena vaktum yāsuṭ parasmaipadeṣu bhavati apit ca liṅ bhavati iti |
13/13:saḥ ayam evam laghīyasā nyāsena siddhe sati yat garīyāṃsam yatnam ārabhate tat jñāpayati ācāryaḥ āgamāḥ anudāttāḥ bhavanti |

liṅaḥ ityeva. parasmaipadaviṣayasya liṅo yāsuḍāgamo bhavati, sa ca udātto bhavati, ṅic ca. sīyuṭo'pavādaḥ. āgamānudāttatve prāpte, ṅittvaṃ tu liṅa eva vidhīyate, tatra tatkāryāṇāṃ sambhavād, na āgamasya. kuryāt,kuryātām,kuryuḥ. sthanivadbhāvādeva liṅādeśasya ṅittve siddhe yāsuṭo ṅidvacanaṃ jñāpanārtham - lakārāśrayaṅittvam ādeśānāṃ na bhavati iti. acinavam. akaravam.

yāsuṭ parasmaipadesu udātto ṅic ca 3.4.103 liṅaḥ ityeva. parasamaipadaviṣayasay liṅo yāsuḍāgamo bhavati, sa ca udātto bhavati ṅic ca. sīyuṭo 'pavādaḥ. āgamānudāttatve prāpte, ṅittvaṃ tu liṅa eva vidhīyate, tatra tatkāryāṇāṃ sambhavād, na āgamasya. kuryāt, kuryātām, kuryuḥ. sthanivadbhāvādeva liṅādeśasya ṅittve siddhe yāsuṭo ṅidvacanaṃ jñāpanārtham, lakārāśrayaṅittvam ādeśānāṃ na bhavati iti. acinavam. akaravam.

yāsuṭ parasmaipadeṣūdātto ṅicca. , 3.4.103 "parasmaipadaviṣayasya" iti. etena "parasmaipadeṣu" ityasyāḥ saptamyā viṣayasaptamītvaṃ darśayati, na parasaptamītvam. parasaptamītvaṃ tu na sambhavati; liṅaḥ parasmaipadānāmasambhavāt. "āgamānudāttatve prāpte" iti. kutaḥ punarāgamānudāttatvaṃ bhavatīti niścitam? ata eva yāsuṭa udāttavacanāt. yadi hrāgamā anudāttā na syustadodāttavacanamanarthakaṃ syāt; pratyayabhaktatvenaiva yāsuṭaḥ pratyayasvareṇaivādyudāttasya siddhatvāt. nanu yāni pidvacanāni tadarthamudāttavacanaṃ syāt, teṣāṃ hranudāttatvāt tadbhakto yāsuḍanudātta eva syāt, yadyudātta iti nocyeta? naitadasti;yadyetat pyojanamabhimataṃ syāt, apidityevaṃ brāūyāt. tadaitadudāttavacanamāgamānudāttasya jñāpakameva. "tatra ṅitkāryāṇāmasambhavāt" iti. na sarveṣāmityabhiprāyaḥ. kuta etat? yāvatā "uṣyāt" ityatra grahijyādisūtreṇa 6.1.16 yatsamprasāraṇaṃ tat yāsuṭa()yi ṅiti sambhavati. ṅinmātnibandhanaṃ hi samprasāraṇam; viśeṣānupādānāt. tatra yadi yāsuṭo ṅittvaṃ vidhīyeta tadā graheḥ samprasāraṇasyaivekasyānugrahaḥ syāt. liṅastu ṅitve vidhāne sarvasya ṅitkāryasya guṇavṛddhipratiṣedhādevānugraho bhavatīti liṅa eva ṅittvaṃ vidhīyate. "ṅitkāryāṇām" iti. ṅiti kāryāṇāmityarthaḥ. "kuryāt" iti. vikaraṇāśrayo dhātorguṇaḥ, "ata ut sārvadhātuke" 6.4.110 ityutvam, "ye ca" 6.4.109 ityukāralopaḥ. "kuryuḥ" iti. "usyapadāntāt" 6.1.93 iti pararūpatvam. "acinavam" iti. mipo'm. atra ṅittvābhāvādguṇaḥ. etacca jñāpakasya prayojanam॥

atha liṅastipi itaścetīkāralope śapi guṇe'vādeśe bhava t iti sthite–yāsuṭ para. `liṅa sīyu'ḍityato liṅa ityanuvartate. ṣaṣṭha\ufffdrthe saptamī. tadāha–liṅaḥ parasmaipadānāmiti. sīyuṭo'pavādaḥ. yāsuṭi ṭakāra it, ukāra uccāraṇārthaḥ. ṭittvāttibādīnāmādyavayavaḥ. avayave ṅittvaṃ ca `ānarthakyāttadaṅgeṣu' iti nyāyena samudāye āgamaviśiṣṭatibādau viśrāmyati. `āgamā anudāttā' iti yāsuṭo'nudāttatve prāpte udāttavacanam. idameva vacanam `āgamā anudāttā' ityatra jñāpakamiti bhāṣyam. stuyāt stuyātāmityādau guṇādiniṣedhārthaṃ yāsuṭo ṅittvavacanam. nanu yadāgamā iti nyāyena yāsuḍāgamo liṅādeśaparasmaipadāvayavaḥ, tataśca sthānivattvenaiva ṅittvasiddheryāsuṭo ṅittavavidhir?vyarthaḥ. na ca sthānibhūtaliṅo ṅakārasyā'la ittvena guṇaniṣedhavidhāvāśrayaṇādanalvidhāviti niṣedhaḥ śaṅkyaḥ, `ghumāsthāgāpājahātisāṃ halī'ti kṅiti vihitasya ītvasya `na lyapī'ti niṣedhena liṅgenā'nubandhakārye analvidhāviti niṣedhā'bhāvajñāpanādityata āha– ṅittvokteriti. kvacadanubandhakārye'pi analvidhāviti niṣedha iti. yāsuṭo ṅittvena jñāyata ityanvayaḥ. tathā ca etajjñāpanārthameva yāsuṭo ṅittvamiti bhāvaḥ. jñāpanaphalaṃ tu vakṣyamāṇetyatra ṅībabhāvaḥ. anyathā lṛḍādeśasya śānacaḥ sthānivattvena ṭittvānṅīp syāt. nanu `kvacidanubandhakārye'pyanalvidhāviti niṣedha' ityatra yāsuṭo ṅittvavacanaṃ na jñāpakam. anubandhakārye sarvatra analvidhāviti niṣedhā'bhāve satyapi yāsuṭo ṅittvasya tip?sip?mibāgamayāsuṭo ṅittvārthamāvaśyakatvāt, naha liṅādeśatve'pi tipasip?mipāṃ ṅittvaṃ sthānivattvalabhyam. `halaśśnaśśānajjhā'viti sūtrabhāṣye `ṅicca pinna picca ṅinne'ti prapañcitatvādityasvarasādāha–śnaḥ śānacaḥ śittavamapīha liṅgamiti. iha–anubandhakārye'pi kvacadanalvidhāviti niṣedho'stītyasminnarthe, śnaḥ– śnāpratyayasya, yaḥ śānajādeśo halaḥ śnaśśānajjhāviti vihitaḥ, tasya śittvamapi liṅgaṃ–jñāpakamityarthaḥ. anyathā sthānivattvenaiva tasya śitt?vasiddhestadvacanaṃ vyarthaṃ syāditi bhāvaḥ. atra ca yadvaktavyaṃ tatstrīpratyayaprakaraṇe vakṣyamāṇetyatra prapañcitam.

yāsuṭ parasmaipadeṣūdātto ṅicca 58, 3.4.103 atha liṅastipi itaścetīkāralope śapi guṇe'vādeśe bhava t iti sthite--yāsuṭ para. "liṅa sīyu"ḍityato liṅa ityanuvartate. ṣaṣṭha()rthe saptamī. tadāha--liṅaḥ parasmaipadānāmiti. sīyuṭo'pavādaḥ. yāsuṭi ṭakāra it, ukāra uccāraṇārthaḥ. ṭittvāttibādīnāmādyavayavaḥ. avayave ṅittvaṃ ca "ānarthakyāttadaṅgeṣu" iti nyāyena samudāye āgamaviśiṣṭatibādau viśrāmyati. "āgamā anudāttā" iti yāsuṭo'nudāttatve prāpte udāttavacanam. idameva vacanam "āgamā anudāttā" ityatra jñāpakamiti bhāṣyam. stuyāt stuyātāmityādau guṇādiniṣedhārthaṃ yāsuṭo ṅittvavacanam. nanu yadāgamā iti nyāyena yāsuḍāgamo liṅādeśaparasmaipadāvayavaḥ, tataśca sthānivattvenaiva ṅittvasiddheryāsuṭo ṅittavavidhir()vyarthaḥ. na ca sthānibhūtaliṅo ṅakārasyā'la ittvena guṇaniṣedhavidhāvāśrayaṇādanalvidhāviti niṣedhaḥ śaṅkyaḥ, "ghumāsthāgāpājahātisāṃ halī"ti kṅiti vihitasya ītvasya "na lyapī"ti niṣedhena liṅgenā'nubandhakārye analvidhāviti niṣedhā'bhāvajñāpanādityata āha-- ṅittvokteriti. kvacadanubandhakārye'pi analvidhāviti niṣedha iti. yāsuṭo ṅittvena jñāyata ityanvayaḥ. tathā ca etajjñāpanārthameva yāsuṭo ṅittvamiti bhāvaḥ. jñāpanaphalaṃ tu vakṣyamāṇetyatra ṅībabhāvaḥ. anyathā lṛḍādeśasya śānacaḥ sthānivattvena ṭittvānṅīp syāt. nanu "kvacidanubandhakārye'pyanalvidhāviti niṣedha" ityatra yāsuṭo ṅittvavacanaṃ na jñāpakam. anubandhakārye sarvatra analvidhāviti niṣedhā'bhāve satyapi yāsuṭo ṅittvasya tip()sip()mibāgamayāsuṭo ṅittvārthamāvaśyakatvāt, naha liṅādeśatve'pi tipasip()mipāṃ ṅittvaṃ sthānivattvalabhyam. "halaśśnaśśānajjhā"viti sūtrabhāṣye "ṅicca pinna picca ṅinne"ti prapañcitatvādityasvarasādāha--śnaḥ śānacaḥ śittavamapīha liṅgamiti. iha--anubandhakārye'pi kvacadanalvidhāviti niṣedho'stītyasminnarthe, śnaḥ-- śnāpratyayasya, yaḥ śānajādeśo halaḥ śnaśśānajjhāviti vihitaḥ, tasya śittvamapi liṅgaṃ--jñāpakamityarthaḥ. anyathā sthānivattvenaiva tasya śitt()vasiddhestadvacanaṃ vyarthaṃ syāditi bhāvaḥ. atra ca yadvaktavyaṃ tatstrīpratyayaprakaraṇe vakṣyamāṇetyatra prapañcitam.

kvaciditi. jñāpanaphalaṃ tu vakṣyamāṇetyādau ṭidugillakṣaṇaṅībabhāva iti `ṭiḍḍhe'ti sūtra evoktam. `ruyā'dityādau `uto vṛddhirluki halī'ti na pravartate, bhāṣye `picca ṅinna, ṅicca pinne'ti vyākhyānādviśeṣavihitena ṅittvena pittvasya bādhādityadādau vakṣyamāṇatayā yāsutaṭo ṅittvaṃ na jñāpakamityaparitoṣādāha– śnaḥ śānacaḥ śittvamiti॥

yāsuṭ parasmaipadeṣūdātto ṅicca 43, 3.4.103 kvaciditi. jñāpanaphalaṃ tu vakṣyamāṇetyādau ṭidugillakṣaṇaṅībabhāva iti "ṭiḍḍhe"ti sūtra evoktam. "ruyā"dityādau "uto vṛddhirluki halī"ti na pravartate, bhāṣye "picca ṅinna, ṅicca pinne"ti vyākhyānādviśeṣavihitena ṅittvena pittvasya bādhādityadādau vakṣyamāṇatayā yāsutaṭo ṅittvaṃ na jñāpakamityaparitoṣādāha-- śnaḥ śānacaḥ śittvamiti॥