1/26:yāsuḍādeḥ sīyuṭpratiṣedhaḥ |*
2/26:yāsuḍādeḥ sīyuṭaḥ pratiṣedhaḥ vaktavyaḥ |
3/26:cinuyuḥ sunuyuḥ |
4/26:liṅaḥ sīyuṭ iti sīyuṭ prāpnoti |
5/26:na vā vākyāpakarṣāt |*
6/26:na vā vaktavyaḥ |
7/26:kim kāraṇam |
8/26:vākyāpakarṣāt |
9/26:vākyāpakarṣāt yāsuṭ sīyuṭam bādhiṣyate |
10/26:suṭtithoḥ tu apakarṣavijñānam |*
11/26:suṭaḥ tithoḥ tu apakarṣaḥ vijñāyeta |
12/26:kṛṣīṣṭa kṛṣīṣṭhāḥ |
13/26:anādeḥ ca suḍvacanam |*
14/26:anādeḥ ca suṭ vaktavyaḥ |
15/26:kṛṣīyāstām kṛṣīyāsthām |
16/26:takārathakārādeḥ liṅaḥ iti suṭ na prāpnoti |
17/26:na vā tithoḥ pradhānabhāvāt tadviśeṣaṇam liṅgrahaṇam |*
18/26:na vā vaktavyam |
19/26:kim kāraṇam |
20/26:tithoḥ pradhānabhāvāt |
21/26:tithau eva tatra pradhānam |
22/26:tadviśeṣaṇam liṅgrahaṇam |
23/26:na evam vijñāyate |
24/26:takārathakārayoḥ liṅaḥ iti |
25/26:katham tarhi |
26/26:takārathakārayoḥ suṭ bhavati tau cet liṅaḥ iti |

liṅādeśānām sīyuḍāgamo bhavati. ṭakāro deśavidhyarthaḥ. ukāra uccāraṇārthaḥ. paceta, paceyātām, paceran. pakṣīṣṭa, pakṣīyāstām, pakṣīran.

liṅaḥ sīyuṭ 3.4.102 liṅādeśānām sīyuḍāgamo bhavati. ṭakāro deśavidhyarthaḥ. ukāra uccāraṇārthaḥ. paceta, paceyātām, paceran. pakṣīṣṭa, pakṣīyāstām, pakṣīran.

liṅa sīyuṭ. , 3.4.102 "pacet" ityādau "vidhinimantraṇa" 3.3.161 ityādinā liṅa, "liṅa salopo'nantasya" 7.2.79 iti sakāralopaḥ, śapā saha "ādguṇaḥ" 6.1.84 vali lopaḥ. "pakṣīṣṭa" ityādau āśiṣi liṅa, cakārasya "coḥ kuḥ" 8.2.30 iti kutvam, "iṇkoḥ" 8.3.57 iti ṣatvam॥

liṅaḥ sīyuṭ. spaṣṭam. parasmaipadānāṃ liṅādeśānāṃ yāsuḍāgamavidhānādātmanepadaviṣayamidam. sīyuṭi ṭakāra it. ukāra uccāraṇārthaḥ. salopa iti. `liṅaḥ salopa ityanene'ti śeṣaḥ. edheteti. liṅastādeśaḥ. sīyuṭ. salopaḥ. ādguṇaḥ. yalopaḥ. edheyātāmiti. ātāmi sīyuṭ śap salopaḥ. ādguṇaḥ. jhasya ran. `liṅaḥ sīyu'ḍityato liṅa ityanuvartate. tadāha–liṅo jhasyeti. liṅādeśasya jhasyetyarthaḥ. anekāltvātsarvādeśaḥ. edheranniti. jhasya ran. śap. sīyuṭ. salopaḥ. ādguṇaḥ. yalopaḥ. edhethā iti. thās sīyuṭ śap. sīyuṭaḥ sasya lopaḥ. ādguṇaḥ. yalopaḥ.thāsaḥ sasya rutvavisargau. edheyāthāmiti. āthāṃ. sīyuṭ. salopaḥ. śap.ādguṇaḥ. edhedhvamiti. dhvam sīyuṭ. śap. salopaḥ. ādguṇaḥ. yalopaḥ.

liṅaḥ sīyuṭ 101, 3.4.102 liṅaḥ sīyuṭ. spaṣṭam. parasmaipadānāṃ liṅādeśānāṃ yāsuḍāgamavidhānādātmanepadaviṣayamidam. sīyuṭi ṭakāra it. ukāra uccāraṇārthaḥ. salopa iti. "liṅaḥ salopa ityanene"ti śeṣaḥ. edheteti. liṅastādeśaḥ. sīyuṭ. salopaḥ. ādguṇaḥ. yalopaḥ. edheyātāmiti. ātāmi sīyuṭ śap salopaḥ. ādguṇaḥ. jhasya ran. "liṅaḥ sīyu"ḍityato liṅa ityanuvartate. tadāha--liṅo jhasyeti. liṅādeśasya jhasyetyarthaḥ. anekāltvātsarvādeśaḥ. edheranniti. jhasya ran. śap. sīyuṭ. salopaḥ. ādguṇaḥ. yalopaḥ. edhethā iti. thās sīyuṭ śap. sīyuṭaḥ sasya lopaḥ. ādguṇaḥ. yalopaḥ.thāsaḥ sasya rutvavisargau. edheyāthāmiti. āthāṃ. sīyuṭ. salopaḥ. śap.ādguṇaḥ. edhedhvamiti. dhvam sīyuṭ. śap. salopaḥ. ādguṇaḥ. yalopaḥ.

salopa iti. `liṅaḥ salopo'nantyasye'tyanena. edheyātāmiti. sīyuṭaḥ salope ādguṇaḥ.

liṅaḥ sīyuṭ 75, 3.4.102 salopa iti. "liṅaḥ salopo'nantyasye"tyanena. edheyātāmiti. sīyuṭaḥ salope ādguṇaḥ.