1/4:kimartham idam ucyate na lipsyamānasiddhiḥ api lipsā eva tatra kiṃvṛtte lipsāyām iti eva siddham |
2/4:akiṃvṛttārthaḥ ayam ārambhaḥ |
3/4:yaḥ bhavatām odanam dadāti saḥ svargam lokam gacchati |
4/4:yaḥ bhavatām odanam dāsyati saḥ svargam lokam gamiṣyati |

vibhāṣā ityeva. lipsyamānāt siddhiḥ lipsyamānasiddhiḥ. lipsyamānasiddhau gamyamānāyāṃ bhaviṣyati kāle dhātoḥ vibhāṣā laṭ pratyayo bhavati. akiṃvṛttārtho 'yam ārambhaḥ. yo bhaktaṃ dadāti sa svargaṃ gacchati, yo bhaktaṃ dāsyati sa svargaṃ gamiṣyati, yo bhaktaṃ dāta sa svargaṃ gantā. lipsyamānād bhaktāt svargasiddhimācakṣāṇo dātāraṃ protsāhayati.

lipsyamānasiddhau ca 3.3.7 vibhāṣā ityeva. lipsyamānāt siddhiḥ lipsyamānasiddhiḥ. lipsyamānasiddhau gamyamānāyāṃ bhaviṣyati kāle dhātoḥ vibhāṣā laṭ pratyayo bhavati. akiṃvṛttārtho 'yam ārambhaḥ. yo bhaktaṃ dadāti sa svargaṃ gacchati, yo bhaktaṃ dāsyati sa svargaṃ gamiṣyati, yo bhaktaṃ dāta sa svargaṃ gantā. lipsyamānād bhaktāt svargasiddhimācakṣāṇo dātāraṃ protsāhayati.

lipsyamānasiddhau ca. , 3.3.7 lipsāyāmeva satyāṃ sambhavati, nāsatyām. ato yatra lipsyamānasiddhirgamyate tatrāvaśyaṃ lipsayā bhavitavyam, tathā ca pūrveṇaiva siddham, tatkimartho'yamārambha ityata āha-- "akiṃvṛttārtho'yamārambhaḥ"iti. yadyevam, pūrvasūtra eva kiṃvṛttagrahaṇamakṛtvā pratyayo videyaḥ, evaṃ hīdaṃ nārabdhavyaṃ bhavati? naitadasti; eṃ hi yathā lipsyamānasiddhau gamyamānāyāṃ kiṃdṛttaṃ cākiṃvṛttaṃ ca bhavati tathā yatrāpi lipsyamānasiddhirahitaṃ lipsyamānaṃ gamyaṃ tatrāpi syāt. kiṃvṛtta eva tat tatreṣyate, tasmāt pūrvayoge kiṃvṛttagrahaṇaṃ katrtavyam. ta()smaśca satīdamapyakiṃvṛttārothamārabdhavyam. "dātāraṃ protsāhayati" iti. bhaktadānaviṣaye'sya protsāhaṃ janayatītyarthaḥ॥

lipsyamānasiddhau ca. laḍveti. pakṣe yathāprāptam. lipsyamānasiddhau lipsāyāyāḥ sattve'pyakiṃvṛttārthamidamiti matvodāharati– yo'nnamiti. yo'nnaṃ dadāti sa svargaṃ yāti, yo'nnaṃ dāsyati sa svargaṃ yāsyati, yo'nnaṃ dātā sa svargaṃ yātetyanvayaḥ.

lipsyamānasiddhau ca 610, 3.3.7 lipsyamānasiddhau ca. laḍveti. pakṣe yathāprāptam. lipsyamānasiddhau lipsāyāyāḥ sattve'pyakiṃvṛttārthamidamiti matvodāharati-- yo'nnamiti. yo'nnaṃ dadāti sa svargaṃ yāti, yo'nnaṃ dāsyati sa svargaṃ yāsyati, yo'nnaṃ dātā sa svargaṃ yātetyanvayaḥ.

lipsyamāna. lipsyamānasiddhau lipsāyāḥ sattvātpūrveṇa siddhe'pyakiṃvṛttārthamidamiti dhvanayannudāharati– yo'nnamiti.

lipsyamānasiddhau ca 501, 3.3.7 lipsyamāna. lipsyamānasiddhau lipsāyāḥ sattvātpūrveṇa siddhe'pyakiṃvṛttārthamidamiti dhvanayannudāharati-- yo'nnamiti.