1/9:bhāvagrahaṇam kimartham |
2/9:abhividhau bhāvagrahaṇam napuṃsake ktādinivṛttyartham |*
3/9:abhividhau bhāvagrahaṇam kriyate napuṃsake ktādinivṛttyartham |
4/9:napuṃsakaliṅge ktādayaḥ mā bhūvan iti |
5/9:atha kimartham pṛthak grahaṇam |
6/9:pṛthak grahaṇam bādhakabādhārtham |*
7/9:pṛthak grahaṇam kriyate bādhakabādhārtham : ye tasya bādhakāḥ tadbādhanārtham |
8/9:na tu lyuṭaḥ | lyuṭaḥ tu bādhanam na iṣyate |*
9/9:saṅkūṭanam iti eva bhavati |

abhividhirabhivyāptiḥ, kriyāguṇābhyāṃ kārtsnyena sambandhaḥ. abhividhau gamyamāne dhātoḥ bhave inuṇ bhavati. sāṅkūṭinam. sāṃrāviṇam. sāndrāviṇaṃ vartate. abhividhau iti kim? saṅkoṭaḥ. sandrāvaḥ. saṃrāvaḥ. bhāve iti vartamane punar bhāvagrahaṇaṃ vāsarūpanirāsārtham, tena ghañ na bhavati. lyuṭā tu samāveśa iṣyate. saṅkūṭanaṃ vartate. tat katham? kṛtyalyuṭo bahulam 3-3-113 iti.

abhividhau bhāve inuṇ 3.3.44 abhividhirabhivyāptiḥ, kriyāguṇābhyāṃ kārtsnyena sambandhaḥ. abhividhau gamyamāne dhātoḥ bhave inuṇ bhavati. sāṅkūṭinam. sāṃrāviṇam. sāndrāviṇaṃ vartate. abhividhau iti kim? saṅkoṭaḥ. sandrāvaḥ. saṃrāvaḥ. bhāve iti vartamane punar bhāvagrahaṇaṃ vāsarūpanirāsārtham, tena ghañ na bhavati. lyuṭā tu samāveśa iṣyate. saṅkūṭanaṃ vartate. tat katham? kṛtyalyuṭo bahulam 3.3.113 iti.

abhividhau bhāva inuṇ , 3.3.44 "sāṃkūṭinam" iti. "kūṭa {paritāpe (paridāhe ityanye)-dhā.pā.} (dhā.pā.1890), "aṇinuṇaḥ" 5.4.15 itīnumantāt svārthiko'ṇ. "inaṇyanapatye" 6.4.164 iti prakṛtibhāvāt "nastaddhite" 6.4.144 iti ṭilopo na bhavati. "saṃrāvaḥ" iti. "upasarge ruvaḥ 3.3.22 iti ghañ. "saṃdrāvaḥ" iti. atrāpi "sami yudruduvaḥ" 3.3.23 iti. nanu ca bhāva iti vatrtata eva, tatkimarthaṃ punastad()grahamityāha-- "bhāve" iti. "vatrtamāne" ityādi. bhāvagrahaṇamihātiricyate, taditaricyamānaṃ vāsarūpanirāsārthaṃ vijñāyate. tena ktena sahenuṇaḥ samāveśo na bhavati. nanu ca kāraka ityapi vatrtate, tatastannivṛttyarthaṃ bhāvagrahaṇaṃ kasmānna bhavati? evaṃ manyate-- bhāve kāraka iti dvaye prakṛte'pi prayogadarśanavaśādvayavasthā bhavati, yathā ṇacaḥ. sa hi dvathe'pi prakṛte lakṣyadarśanānurodhāt punagrrahamantareṇāpi yathā bhāva eva vijñāyate, na karāke, tathātrenuṇapi bhāva eva vijñāsyate. tasmādvāsarūpavidhinirāsārthameva punarbhāvagrahaṇaṃ yuktamiti. yadyevam, tarhi, yathā ghañenuṇaḥ samāveśo na bhavati tathā lyuṭāpi na syādityata āha-- "lyuṭā tu" ityādi. gatārtham. inuṇo ṇakāro vṛddhyarthaḥ. ukāra uccāraṇārthaḥ॥

abhividhau. abhividhau kim ?. saṃrāvaḥ. vāsarūpeṇa ghañ ktaśca na bhavati, punarbhāvagrahaṇāt. naca kartṛbhinnakārakanivṛttaye bhāvagrahamamiti vācyaṃ, pūrvasūtra iva śaktisvābhāvyādevenuṇo'pravṛtteḥ. lyuṭā tu samāveśa iṣyate–saṃravaṇamiti. tacca bāhulakāllabhyata ityākaraḥ.

abhividhau bhāva inuṇ 1533, 3.3.44 abhividhau. abhividhau kim?. saṃrāvaḥ. vāsarūpeṇa ghañ ktaśca na bhavati, punarbhāvagrahaṇāt. naca kartṛbhinnakārakanivṛttaye bhāvagrahamamiti vācyaṃ, pūrvasūtra iva śaktisvābhāvyādevenuṇo'pravṛtteḥ. lyuṭā tu samāveśa iṣyate--saṃravaṇamiti. tacca bāhulakāllabhyata ityākaraḥ.