1/22:strīgrahaṇam kimartham |
2/22:karmavyatihāre strīgrahaṇam vyatipākārtham | karmavyatihāre strīgrahaṇam kriyate vyatipākārtham |*
3/22:iha mā bhūt |
4/22:vyatipākaḥ vartate iti |
5/22:atha kimartham pṛthak grahaṇam |
6/22:pṛthak grahaṇam bādhakabādhanārtham |*
7/22:pṛthak grahaṇam kriyate bādhakabādhanārtham |
8/22:ye tasya bādhakāḥ tadbādhanārtham |
9/22:kim prayojanam |
10/22:vyāvacorīvyāvacarcyartham | vyāvacorī vartate |*
11/22:vyāvacarcī vartate |
12/22:tatra vyatīkṣādiṣu doṣaḥ |*
13/22:tatra vyatīkṣādiṣu doṣaḥ bhavati |
14/22:vyatīkṣā vartate |
15/22:vyatīhā vartate |
16/22:siddham tu prakṛte strīgrahaṇe ṇajgrahaṇam ṇijgrahaṇam ca |*
17/22:siddham etat |
18/22:katham |
19/22:prakṛte eva strīgrahaṇe ayam yogaḥ kartavyaḥ |
20/22:striyām ktin |
21/22:tataḥ karmavyatihāre ṇac |
22/22:tataḥ ṇicaḥ |

karma kriyā. vyatihāraḥ parasparakaraṇam. karmavyatihāre gamyamāne dhātoḥ ṇac patyayo bhavati strīliṅge vācye. tac ca bhāve. cakāro viśeṣaṇārthaḥ ṇacaḥ striyām añ 5-4-14 iti. vyāvakrośī. vyāvalekhī. vyāvahāsī vartate. striyām iti kim? vyatipāko vartate. bādhakaviṣaye 'pi kvacidiṣyate, vyāvacorī, vyāvacarcī. iha na bhavati. vyatīkṣā, vyatīhā vartate. vyātyukṣī bhavati. tadetad vaicitryaṃ kathaṃ labhyate? kṛtyalyuṭo bahulam 3-3-113 iti bhavati.

karmavyatihāre ṇac striyām 3.3.43 karma kriyā. vyatihāraḥ parasparakaraṇam. karmavyatihāre gamyamāne dhātoḥ ṇac patyayo bhavati strīliṅge vācye. tac ca bhāve. cakāro viśeṣaṇārthaḥ ṇacaḥ striyām añ 5.4.14 iti. vyāvakrośī. vyāvalekhī. vyāvahāsī vartate. striyām iti kim? vyatipāko vartate. bādhakaviṣaye 'pi kvacidiṣyate, vyāvacorī, vyāvacarcī. iha na bhavati. vyatīkṣā, vyatīhā vartate. vyātyukṣī bhavati. tadetad vaicitryaṃ kathaṃ labhyate? kṛtyalyuṭo bahulam 3.3.113 iti bhavati.

karamavyatihāre ṇac striyām. , 3.3.43 "dātoḥ"3.1.91 ityadhikārāddhātuvācyaṃ yatkarma tadava gṛhrate,na sādhanakarma. na hi dhātostatra vṛttirastīti matvā'‌'ha-- karmaṃ kriyā"iti. "cakāro viśeṣaṇārthaḥ" iti. antodattārthaścakāraḥ kasmānna bhavati? nārhatyantodāttārtho bhavitum; ṇajantādaño vidhānāt. satiśiṣṭasvareṇādyudāttena bhavitavyam,tatra kuto'ntodāttasya sambhavaḥ. tasmādviśeṣaṇārtha eva cakāraḥ. "striyām" ityucyamāne "prajñāśraddhārcābhyo ṇaḥ"5.2.100 iti prājñetyatrāpi syāt. "vyāvakrośī" ityādi. "kruśa { āhvāne rodane ca--dha.pā.}, "likha akṣaravinyāse" (dhā.pā.1365),"hase hasane" (dhā.pā.721)--ebhyo ṇac, "ṇacaḥ striyām"5.4.14 iti svārte'ñ, "ṭiḍ()ḍhāṇañ" 4.1.15 iti ṅīp, "na karmavyatihāre" 7.3.6 ityaijāgamapratiṣedhaḥ. ādivṛddhireva bhavati. "vyatipākaḥ" iti. tatra puṃlliṅgatvādbhāvasya ghañ bhavati. atha "striyāṃ ktin" 3.3.94 ityasminneva prakaraṇe ṇac kasmānnoktaḥ, kaḥ punarevaṃ sati guṇo bhavati, dviḥ striyāṃgrahaṇaṃ na katrtavyaṃ bhavita? asti guṇaḥ,vāsarūpavidhistu na syāt ; astriyāmiti pratiṣedhāt. tataśca ktino ṇacāsamāveśābhāvādvyāvakruṣṭiriti na sidhyet. iha tu kriyamāṇe ṇac sidhyati; yasmāt "vā'sarūpo'striyām" 3.1.94 ityatra strīgrahaṇasya ca svaritatvāt stryadhikarāravihitapratyayaviṣaya eva "astriyāma" 3.1.94 iti pratiṣedho vijñāyate,na strīpratyayamātraviṣaye. tasmādyathānyasameva nyāyyam. "vyāvacorī, vyāvacarcī" iti. "cura steye" (dhā.pā.1534), "carca adhyayane" (dhā.pā.1712)-- ābhyāṃ curādiṇijantābhyām "ṇyāsaśrantho yuc" 3.3.107 iti yuc prāpnoti, sa ca viśeṣavihitatvāt paravācca bādhakaḥ, tathāpi tadviṣaye tu ṇajeveṣyate. "vyatīkṣā,vyatīhā" iti. "īkṣa darśane" (dhā.pā.610), "īha ceṣṭāyām" (dhā.pā.632) -- ābhyāṃ "gurośca halaḥ" 3.3.103 ityakāraeva pratyayo bhavati. na ṇac śakyaḥ karttum;yasmāt kvacidbādhakaviṣaye sa iṣyate, na sarvatra. bādhakatvaṃ tvakārapratyayasya pūravavadveditavyam. "vyātyukṣī"iti. "ukṣa secane" (dhā.pā.657). atra bādhakasyāpyakārasya viṣaye ṇajeva bhavati. "tadetadvaicitryaṃ kathaṃ labhyate" iti. na kathañcit. tallābhahetorabhāvāditi bhāvaḥ. "kṛtyalyuṭo bahulam"3.3.113 ityanena. ato hetorvecitryametallabhyata iti darśayati॥

karmavyatihāre ṇac. karmavyatihāraḥ kriyāvyatihāraḥ. parasparakaraṇamiti yāvat. tatra vartamānāddhātorityarthaḥ. bhāve ṇajiti. kartṛvarcite kārake na bhavatyanabhidhānādityāhuḥ. `bhāvādā'viti prācoktaṃ yattadupekṣyam, ākaravirodhāt.

karmavyatihāre ṇac striyām 1530, 3.3.43 karmavyatihāre ṇac. karmavyatihāraḥ kriyāvyatihāraḥ. parasparakaraṇamiti yāvat. tatra vartamānāddhātorityarthaḥ. bhāve ṇajiti. kartṛvarcite kārake na bhavatyanabhidhānādityāhuḥ. "bhāvādā"viti prācoktaṃ yattadupekṣyam, ākaravirodhāt.