1/12:kimartham imau dvau pratiṣedhau ucyete na adyatanavat iti eva ucyeta |
2/12:na anadyatanavatpratiṣedhe laṅluṭoḥ pratiṣedhaḥ |*
3/12:na anadyatanavatpratiṣedhe laṅluṭoḥ pratiṣedhaḥ draṣṭavyaḥ |
4/12:adyatanavadvacane hi vidhānam |*
5/12:adyatanavadvacane hi sati vidhiḥ iyam vijñāyeta |
6/12:tatra kaḥ doṣaḥ |
7/12:tatra laḍvidhiprasaṅgaḥ |*
8/12:tatra laḍvidhiḥ prasajyeta |
9/12:luṅlṛṭoḥ ca ayathākālam | luṅlṛṭoḥ ca ayathākālam prayogaḥ prasajyeta |*
10/12:luṅaḥ api viṣaye lṛṭ syāt lṛṭaḥ ca viṣaye luṅ syāt |
11/12:adya punaḥ ayam dvau pratiṣedhau uktvā tūṣṇīm āste |
12/12:yathāprāptem eva adyatane bhaviṣyati iti |

bhūtānadyatane bhaviṣyadanadyatane ca laṅluṭau vihitau, tayorayaṃ pratiṣedhaḥ. anadyatanavat pratyayavidhir na bhavati kriyāprabandhe sāmīpye ca gamyamāne. kriyāṇāṃ prabandhaḥ sātatyenānuṣṭhānam. kālānāṃ sāmīpyaṃ tulyajātīyenāvyavadhānam. yāvajjīvaṃ bhṛśamannamadāt. bhṛśamannaṃ dāsyati. yāvajjīvaṃ putrānadhyāpipat. yāvajjīvamadhyāpayiṣyati. sāmīpye khalvapi yeyaṃ paurṇamāsyatikrāntā, etasyāmupādhyāyo 'gnīnādhita, somenāyaṣṭa, gāmadita. yeyamamāvāsyā āgāminī, etasyāmupādhyāyo 'gnīnādhāsyate, somena yakṣyate, sa gāṃ dāsyate. dvau pratiṣedhau yathāprāptasya abhyanujñāpanāya.

na anadyatanavat kriyāprabandhasāmīpyayoḥ 3.3.135 bhūtānadyatane bhaviṣyadanadyatane ca laṅluṭau vihitau, tayorayaṃ pratiṣedhaḥ. anadyatanavat pratyayavidhir na bhavati kriyāprabandhe sāmīpye ca gamyamāne. kriyāṇāṃ prabandhaḥ sātatyenānuṣṭhānam. kālānāṃ sāmīpyaṃ tulyajātīyenāvyavadhānam. yāvajjīvaṃ bhṛśamannamadāt. bhṛśamannaṃ dāsyati. yāvajjīvaṃ putrānadhyāpipat. yāvajjīvamadhyāpayiṣyati. sāmīpye khalvapi yeyaṃ paurṇamāsyatikrāntā, etasyāmupādhyāyo 'gnīnādhita, somenāyaṣṭa, gāmadita. yeyamamāvāsyā āgāminī, etasyāmupādhyāyo 'gnīnādhāsyate, somena yakṣyate, sa gāṃ dāsyate. dvau pratiṣedhau yathāprāptasya abhyanujñāpanāya.

nānadyatanavatkriyāprabandhasāmīpyayoḥ. , 3.3.135 "kālānāṃ sāmīpyamityenana kālasambdhi sāmīpyamihāśrīyata iti darśayati. kutaḥ punaḥ sāmānyoktena kālasambandhina eva sāmīpyasya grahaṇaṃ labhyate? vatrtamānasāmīpya ityata ārabhya prāyikatvādasya prakaraṇasya. etadapi kutaḥ? vatrtamānādiśabdānāṃ kālaśabdatvāt. api ca laṅaluṭoḥ pratiṣedhaḥ, tau ca kālavihitau. ato yatra hi tau, tatra tatsambandhenaiva kālasāmīpyamihāśrīyata iti vijñāyate. tatpunaḥ kīdṛśamityāha-- "tulyajātīyena"ityādi. tulyajātīyagrahaṇaṃ bhinnajātīyanivṛttyartham. kālamātreṇa vyavadhānena gṛhramāṇe yeyaṃ paurṇamāsyatikrāntā tasyāmupādhyāyo'gnīnādhitetyevamādāvudāharaṇe sāmīpyaṃ na syāt; amāvāsyayā anyābhiśca tithibhyavryavadhānāt. tasmāt samānajātīyenāvyavadhānamaśrīyate. "adāt" iti. "gātisthā"2.4.77 ityādinā sico luk. "adhyāpipat" iti. "hetumati ca"3.1.26 iti ṇic. "krīṅajīnāṃ ṇau" 6.1.47 ityāttvam, "arttihyī"7.3.36 ityādinā puk, luṅa, cleḥ "ṇi śrī"3.1.48 ityādinā caṅa, "ajāderdvitīyasya" 6.1.2 iti pītyetasya dvirvacanam, "āḍajādīnām" 6.4.72 ityāṭ, "āṭaśca" 6.1.87 iti vṛddhiḥ, ṇico lopaḥ. "yeyaṃ paurṇamāsyatikrāntā" iti. paurṇamāsyantareṇāvyavahitā yā paurṇamāsī, tāmadhikṛtyedamāha. sā hi yadyapyamāvāsyayā anyābhiśca tithibhivryavahitā, tathāpi tulyajātīyena paurṇamāsyākhyena kālenāvyavahitatvāt sāmīpyaṃ nātivatrtate. "agnīnādhita" iti. dadhāterāṅapūrvasya "sthāghvoricca"1.2.17itīttvam, sicaśca kitvam, "hyasvādaṅgāt" 8.2.27 iti sico lopaḥ. "adita"iti. dadāte rūpam. pūrvavat. "yakṣyate"iti.yajerlalṛṭ(), syaḥ, tasmin parastathā ṣaṣve kṛte "ṣaḍhoḥ kaḥ si"8.2.41 iti katvam. "ādhita" ityādau sarvatra "svaritañitaḥ"1.3.72 ityādinā'‌'tmanepadam. kimarthaṃ pratiṣedhadvyamucyate, "nādyatanavat kriyāprabandhasāmīpyayoḥ"ityevocyeta? kriyāprabandhasāmīpyayohrradyatanapratyayau luṅalṛṭāviṣyete, nānadyatanapratyayau laṅalṛṭau. tau ca laṅaluṭāvevamucyamāne sidhyata evetyata āha-- "dvau pratiṣedhau" ityādi. evaṃ manyate-- yadi "nādyanavat kriyāprabandhasāmīpyayoḥ"ityevocyeta tadaitadevaṃ sūtraṃ vidhāyakaṃ syāt, tataśca saṅkaraḥ prasajyeta-- luṅo'pi viṣaye lṛṭ, lṛṭaśca viṣaye luṅa. na hratrāyaṃ viśeṣa upādīyate. bhūte luṅa bhaviṣyati lṛḍiti pratiṣedhaviṣaya ucyamāne nāyaṃ doṣaḥ, tato nānena kiñcidvidhīyate, kevalamanadyatanapratyayānāṃ pratiṣedhaḥ kriyate, teṣu pratiṣiddheṣu svaireva vākyairvidhāyakairluṅādaya utsargāḥ sve svekāle'pavādavinirmukte bhavanti. ato yathāprāptābhyanujñāpanāya pratiṣedhadvayamucyate॥

bhaviṣyati maryādā. `avarasmi'nniti cchedaḥ. anadyatanavanneti. luṇnetyarthaḥ. `akriyāprabandhārtha'miti bhāṣyam. `asāmīpyārthaṃ ce'ti kaiyaṭaḥ. yo'yamiti. ka\ufffdsmaścijjanapadaviśeṣe vasataḥ āpāṭaliputrādyo'yaṃ gantavyo'dhvā tasya adhvano madhyavartinyāḥ kauśāmbyāḥ yadavaraṃ pūrvapradeśastatra saktūn \ufffdāḥ prabhṛti pāsyāma iti yojanā. atra kauśāmbyā iti maryādā gamyate. `avara'mityanena avaratvaṃ gamyate. atra bhaviṣyatyadyatena luṇna, kiṃtu lṛḍeveti bhāvaḥ. kālavibhāge. pūrvasūtramiti. `bhaviṣyati maryādāvacane'varasmi'nniti sūtramityarthaḥ. nanu kālamaryādāyāmapi pūrvasūtreṇaiva siddhamityatāaha– ahorātreti. tathā ca āhorātrasaṃbandhini pravibhāge `bhaviṣyati maryādāvacane ityuktavidhirna bhavatītyarthaḥ. nanu `bhaviṣyati maryādāvacane'varasminkālavibhāge cānahorātrāṇāmityekameva sūtraṃ kuto netyata āha– yogavibhāga uttarārtha iti. idamuttarasūtre spaṣṭībhaviṣyati. yo'yaṃ vatsara āgāmīti. kālato maryādāyāmudāharaṇam. āgrahāyaṇyā iti. mārgaśīrṣapaurṇamāsyā ityarthaḥ. yuktā iti. niyamayuktā ityarthaḥ. adhyeṣyāmahe iti. atra na luṭ, kiṃtu lṛḍeveti bhāvaḥ. pañcadaśarātrayuktā iti. pañcadaśa rātrayo yasya pakṣasyeti bahuvrīhiḥ. `acpratyanvavapūrvādityatra ajiti yogavibhāgādacsamāsāntaḥ. yadvāpañcadaśānāṃ rātrīṇāṃ samāhāraḥ pañcadaśarātraḥ. `ahaḥsarvaikadeśe'tyacsamāsāntaḥ. `saṅkhyāpūrvaṃrātraṃ klība'miti tu `liṅgamaśiṣyaṃ lokāśrayatvālliṅgasye'ti vacanānna bhavati.

nā'nadyatanavatkriyāprabandhasāmīpyayoḥ 617, 3.3.135 nā'nadyatanavat. kriyāyāḥ prabandhaḥ = sātatyam. tadāha-- kriyāyāḥ sātatye iti. anadyatanabadityanena anadyane bhūte bhaviṣyati ca vihitau laṅluṭau vivakṣitau. tadāha-- laṅluṭau neti. anadyatane bhūte laṅ na bhavati, bhaviṣyatyanadyatane tu lugnetyartha-. kriyāsātatye laṅniṣedhamudāharati-- yāvajjīvamannamadāditi. luṅi "gātisthe" ti sico luk. sāmīpye udāhariṣyannāha-- sāmīpyamiti. yeyamiti. porṇamāsyā upari kṛṣṇapakṣe katapayāhorātre vyavadhāne'pi sāmīpyamastyeva, paurṇamāsyantareṇa sajātīyena vyavadhānā'bhāvāt. ādhiteti. dhādhātorluṅi "sthādhvoricce"ti dhādhātorittvaṃ, sicaḥ kittvaṃ ca "hyasvādaṅgā"diti sico lopaḥ. somenāyaṣṭeti. "yeyaṃ paurṇamāsyatikrāntā tasyā"mityanuṣajyate. atha kriyāsātatye luṭo niṣedhamudāharati-- yeyamamāvāsyeti. somena yakṣyate iti. "yeyamamāvāsyā āgāminī tasyā"mityanuṣajyate.

nānadyatana. bhūtānadyatane laṅvihito, bhaviṣyatyanadyatane tu luṭ, tau cānayorarthayorniṣidhyete. tadāha–laṅluṭau neti. evaṃ ca bhūte luṅ, bhaviṣyati tu lṛḍityāśayenodāharati– annamadāt, dāsyatītyādi. agnīniti. āhavanīyādīn.

nā'nadyatanavatkriyāprabandhasāmīpyayoḥ 508, 3.3.135 nānadyatana. bhūtānadyatane laṅvihito, bhaviṣyatyanadyatane tu luṭ, tau cānayorarthayorniṣidhyete. tadāha--laṅluṭau neti. evaṃ ca bhūte luṅ, bhaviṣyati tu lṛḍityāśayenodāharati-- annamadāt, dāsyatītyādi. agnīniti. āhavanīyādīn.