1/9:kṣipravacane lṛaḥ āśaṃsāvacane liṅ vipratiṣedhena |*
2/9:kṣipravacane lṛaḥ āśaṃsāvacane liṅ bhavati vipratiṣedhena |
3/9:kṣipravacane lṛṭ bhavati iti asya avakāśaḥ |
4/9:upādhyāyaḥ cet āgataḥ kṣipram adhyeṣyāmahe |
5/9:āśaṃsāvacabe liṅ bhavati iti asya avakāśaḥ |
6/9:upādhyāyaḥ cet āgataḥ āśaṃse yuktaḥ adhīyīya |
7/9:iha ubhayam prāpnoti |
8/9:upādhyāyaḥ cet āgataḥ āśaṃse kṣipram adhīyīya |
9/9:liṅ bhavati vipratiṣedhena |

1/28:aniṣpanne niṣpannaśabdaḥ śiṣyaḥ aniṣpannatvāt |*
2/28:aniṣpanne niṣpannaśabdaḥ śiṣyaḥ śāsitavyaḥ |
3/28:kim kāraṇam |
4/28:aniṣpannatvāt |
5/28:devaḥ cet vṛṣṭaḥ niṣpannāḥ śālayaḥ |
6/28:tatra bhavitavyam sampatsyante śālayaḥ iti |
7/28:siddham tu bhaviṣyatpratiṣedhāt |*
8/28:siddham etat |
9/28:katham |
10/28:bhaviṣyatpratiṣedhāt |
11/28:yat lokaḥ bhaviṣyadvācinaḥ śabdasya prayogam na mṛṣyati |
12/28:kaḥ cit āha |
13/28:devaḥ cet vṛṣṭaḥ sampatsyante śālayaḥ iti |
14/28:saḥ ucyate |
15/28:mā evam vocaḥ |
16/28:sampannāḥ śālayaḥ iti evam brūhi |
17/28:hetubhūtakālasamprekṣitatvāt vā |*
18/28:hetubhūtakālasamprekṣitatvāt vā punaḥ siddham etat |
19/28:hetubhūtakālam varṣam varṣākālā ca kriyā |
20/28:yadi tarhi niṣpannaḥ arthaḥ kim niṣpannakāryāṇi na kriyante |
21/28:kāni |
22/28:bhojanādīni |
23/28:anyat idānīm etat ucyate kim niṣpannakāryāṇi na kriyante iti |
24/28:yat tu tat niṣpannaḥ arthaḥ na niṣpannaḥ iti |
25/28:saḥ niṣpannaḥ arthaḥ |
26/28:avaśyam khalu api koṣṭhagateṣu api śāliṣu avahananādīni pratīkṣyāṇi |
27/28:evam iha api niṣpannaḥ arthaḥ |
28/28:avaśyam tu jananādīni pratīkṣyāṇi |

1/34:astyarthānām bhavantyarthe sarvāḥ vibhaktayaḥ | astyarthānām bhavantyarthe sarvāḥ vibhaktayaḥ |*
2/34:kūpaḥ asti |
3/34:kūpaḥ bhaviṣyati |
4/34:kūpaḥ bhavitā |
5/34:kūpaḥ abhūt |
6/34:kūpaḥ āsīt |
7/34:kūpaḥ babhūva iti |
8/34:katham punaḥ jñāyate bhavantyāḥ eṣaḥ arthaḥ iti |
9/34:kartuḥ vidyamānatvāt |
10/34:kartā atra vidyate |
11/34:katham punaḥ jñāyate kartā atra vidyate iti |
12/34:kūpaḥ anena kadā cit dṛṣṭaḥ |
13/34:na ca asya kam cid api apāyam paśyati |
14/34:saḥ tu tatra buddhyā nityām sattām adhyavasyati |
15/34:kūpaḥ asti iti |
16/34:siddham tu yathāsvam kālasamuccāraṇāt |*
17/34:siddham etat |
18/34:katham |
19/34:yathāsvam etāḥ vibhaktayaḥ sveṣu sveṣu kāleṣu prayujyante iti |
20/34:katham punaḥ jñāyate yathāsvam etāḥ vibhaktayaḥ sveṣu sveṣu kāleṣu prayujyante iti |
21/34:avātvāt |*
22/34:yat na vā bhāṣyante |
23/34:asiddhaviparyāsaḥ ca | asiddhaḥ ca viparyāsaḥ |*
24/34:na hi kaḥ cit kūpaḥ asti iti prayoktavye kūpaḥ abhūt iti prayuṅkte |
25/34:kim punaḥ kāraṇam |
26/34:na vā bhāṣyante asiddhaḥ ca viparyāsaḥ |
27/34:iha kim cit indriyakarma kim cit buddhikarma |
28/34:indriyakarma samāsādanam buddhikarmavyavasāyaḥ |
29/34:evam hi kaḥ cit pāṭaliputram jigamiṣuḥ āha |
30/34:yaḥ ayam adhvā gantavyaḥ ā pāṭaliputrāt etasmin kūpaḥ bhaviṣyati |
31/34:samāsādya atikramya uṣitvā kūpaḥ āsīt iti |
32/34:samāsādya atikramya uṣitvā vismṛtya kūpaḥ babhūva iti |
33/34:tat yadā indriyakarma tadā etāḥ vibhaktayaḥ |
34/34:yadā hi buddhikarma tadā vartamānā bhaviṣyati |

āśaṃsāyām it yeva. kṣipravacane upapade āśaṃsāyāṃ gamyamānāyāṃ dhātoḥ lṛṭ pratyayo bhavati. bhūtavac ca ityasya ayam apavādaḥ. upādhyāyaścet kṣipram āgamiṣyati, kṣipraṃ vyākaraṇam adhyeṣyāmahe. vacanagrahaṇaṃ paryāyārtham. kṣipram, śīghram, āśu, tvaritam, adhyeṣyāmahe. na iti vaktavye lṛḍgrahaṇaṃ luṭo 'pi viṣaye yathā syāt. śvaḥ kṣipram adhyeṣyamahe.

kṣipravacane lṛṭ 3.3.133 āśaṃsāyām it yeva. kṣipravacane upapade āśaṃsāyāṃ gamyamānāyāṃ dhātoḥ lṛṭ pratyayo bhavati. bhūtavac ca ityasya ayam apavādaḥ. upādhyāyaścet kṣipram āgamiṣyati, kṣipraṃ vyākaraṇam adhyeṣyāmahe. vacanagrahaṇaṃ paryāyārtham. kṣipram, śīghram, āśu, tvaritam, adhyeṣyāmahe. na iti vaktavye lṛḍgrahaṇaṃ luṭo 'pi viṣaye yathā syāt. śvaḥ kṣipram adhyeṣyamahe.

kṣipravacane lṛṭ. , 3.3.133 "bhūtavaccetyacasyāyamapavādaḥ"iti. na prāpte bhūtavaccetyasminnasyārambhāt. atha vacanagrahaṇaṃ kimartham? yāvatā kṣipre lṛḍityenenaiva sarvaṃ siddhamityata āha-- "vacanagrahaṇaṃ paryāyārthamiti. asati hi vacanagrahaṇe kṣipraśabda evopapade lṛṭ syāt, ta()smastu sati yāvantaḥ kṣipravacanāsteṣu sarveṣu bhavati. atha lṛḍgrahaṇaṃkimartham, na kṣipravacana ityevocyeta, bhūtavaccetyasyātideśasya bhaviṣyatkālaviṣayatvāt tasmin pratiṣidodhe "laṭ śeṣe ca"3.3.13 ityenenaiva siddhaḥ? ityāha--"neti vaktavye"ityādi. neti vaktavye yallṛḍ()grahaṇaṃ kriyate tasyaitat prayojanam-- luṭo'pi viṣaye bhaviṣyadanadyatane kāle "lṛḍ? yathā syāt, anyathā, hi lṛḍapavādo luḍeva syāt॥

kṣipravacane lṛṭ. vacanagrahaṇātkṣipraparyāye iti labhyate. tadāha- - kṣipraparyāye iti. pūrvaviṣaye iti. āśaṃsāyāmityarthaḥ. `āśaṃsāyāṃ bhūtavacce'tyasyāpavādaḥ. nanu `kṣipravacanene'tyetāvataiva āśaṃsāyāṃ kṣipraparyāye upapade bhaviṣyati na bhūtavanna vartamānavaditi lābhāllṛṅgahaṇamanarthakamityata āha– neti vaktavye iti. `kṣipravacane ne'tyukte `sāmānyātideśe viśeṣānatideśaḥ ini nyāyena bhaviṣyatsāmānye vihitasya lṛṭa eva niṣedhaḥ syānnatu luṭaḥ, tasyānadyatanabhaviṣyadviśeṣavidhānāt. śīghraṃ vapsyāma iti. anadyatanatvadyotāya \ufffdāśśabdaḥ. atra na luḍiti bhāvaḥ.

kṣipravacane lṛṭ 615, 3.3.133 kṣipravacane lṛṭ. vacanagrahaṇātkṣipraparyāye iti labhyate. tadāha-- kṣipraparyāye iti. pūrvaviṣaye iti. āśaṃsāyāmityarthaḥ. "āśaṃsāyāṃ bhūtavacce"tyasyāpavādaḥ. nanu "kṣipravacanene"tyetāvataiva āśaṃsāyāṃ kṣipraparyāye upapade bhaviṣyati na bhūtavanna vartamānavaditi lābhāllṛṅgahaṇamanarthakamityata āha-- neti vaktavye iti. "kṣipravacane ne"tyukte "sāmānyātideśe viśeṣānatideśaḥ ini nyāyena bhaviṣyatsāmānye vihitasya lṛṭa eva niṣedhaḥ syānnatu luṭaḥ, tasyānadyatanabhaviṣyadviśeṣavidhānāt. śīghraṃ vapsyāma iti. anadyatanatvadyotāya ()āśśabdaḥ. atra na luḍiti bhāvaḥ.

kṣipravacane. vacanagrahaṇaṃ svarūpagrahamanirāsārtham. tadāha– kṣipraparyāya iti. pūrvaviṣaya iti.āśaṃsāyāmityarthaḥ. tena pūrvalakārāpavādo'yam.

kṣipravacane lṛṭ 506, 3.3.133 kṣipravacane. vacanagrahaṇaṃ svarūpagrahamanirāsārtham. tadāha-- kṣipraparyāya iti. pūrvaviṣaya iti.āśaṃsāyāmityarthaḥ. tena pūrvalakārāpavādo'yam.