1/26:ajabbhyām strīkhalanāḥ |*
2/26:ajabbhyām strīkhalanāḥ bhavanti vipratiṣedhena |
3/26:ajapoḥ avakāśaḥ cayaḥ lavaḥ |
4/26:strīpratyayānām avakāśaḥ kṛtiḥ hṛtiḥ |
5/26:iha ubhayam prāpnoti |
6/26:citiḥ stutiḥ |
7/26:khalaḥ avakāśaḥ īṣadbhedaḥ subhedaḥ |
8/26:ajapoḥ saḥ eva |
9/26:iha ubhayam prāpnoti |
10/26:īṣaccayaḥ sucayaḥ īṣallavaḥ sulavaḥ |
11/26:anasya avakāśaḥ idhmapravraścanaḥ |
12/26:ajapoḥ saḥ eva |
13/26:iha ubhayam prāpnoti |
14/26:palāśacayanaḥ avilavanaḥ |
15/26:strīkhalanāḥ bhavanti vipratiṣedhena |
16/26:striyāḥ khalanau vipratiṣedhena |*
17/26:striyāḥ khalanau bhavataḥ vipratiṣedhena |
18/26:strīpratyayānām avakāśaḥ kṛtiḥ hṛtiḥ |
19/26:khalaḥ avakāśaḥ īṣadbhedaḥ subhedaḥ |
20/26:iha ubhayam prāpnoti |
21/26:īṣadbhedā subhedā |
22/26:anasya avakāśaḥ idhmapravraścanaḥ |
23/26:strīpratyayānām saḥ eva |
24/26:iha ubhayam prāpnoti |
25/26:saktudhānī tilapīḍanī |
26/26:khalanau bhavataḥ vipratiṣedhena |

karaṇādhikaraṇayoḥ iti nivṛttam. īṣat dus su ityeteṣu upapadeṣu kṛcchrākṛcchrārtheṣu dhatoḥ khal pratyayo bhavati. kṛcchraṃ duḥkham, tad duro viśeṣaṇam. akṛcchraṃ sukham, taditarayoḥ viśeṣanam, sambhavāt. īṣatkaro bhavatā kaṭaḥ. duṣkaraḥ. sukaraḥ. īṣadbhojaḥ. durbhojaḥ. subhojaḥ. īṣadādiṣu iti kim? kṛcchreṇa kāryaḥ kaṭaḥ. kṛcchrākṛcchrārtheṣu iti kim? īṣatkāryaḥ. lakāraḥ svarārthaḥ. khitkaraṇam uttarakra mumartham.

īṣadduḥsuṣu kṛcchrākṛccrārtheṣu khal 3.3.126 karaṇādhikaraṇayoḥ iti nivṛttam. īṣat dus su ityeteṣu upapadeṣu kṛcchrākṛcchrārtheṣu dhatoḥ khal pratyayo bhavati. kṛcchraṃ duḥkham, tad duro viśeṣaṇam. akṛcchraṃ sukham, taditarayoḥ viśeṣanam, sambhavāt. īṣatkaro bhavatā kaṭaḥ. duṣkaraḥ. sukaraḥ. īṣadbhojaḥ. durbhojaḥ. subhojaḥ. īṣadādiṣu iti kim? kṛcchreṇa kāryaḥ kaṭaḥ. kṛcchrākṛcchrārtheṣu iti kim? īṣatkāryaḥ. lakāraḥ svarārthaḥ. khitkaraṇam uttarakra mumartham.

īṣad?duḥsuṣu kṛcchrārtheṣu khal. , 3.3.126 "taditarayoḥ"iti. suśabdeṣacchabdayoḥ. kathaṃ punaḥ sāmānyoktenāpi viśeṣo labhyate? ityāha-- sambhavātiti. yatra yasya sambhavastatra tasya viśeṣaṇaṃ bhavati. kṛcchrameva duḥśabdasyārthe vatrtate, nākṛcchram. itarayostvarthe'kṛcchrameva varttaite na kṛcchram. tasmāt kṛcchraṃ dura eva viśeṣaṇam, akṛcchra tvitarayoreva. "īṣātkaraḥ kaṭo bhavatā" iti. akṛcchreṇāyatnena kriyate bhavatā kaṭa ityarthaḥ. "īṣatkāryaḥ"iti. "ṛhaloṇryat" 3.1.124 iti ṇyat. īṣacchabdo'tra manāgityasyārthe vatrtateta. "lakāraḥ svarārthaḥ" iti. liti pratyayāt pūrvasyodāttatvaṃ yathā syāt. nanu ca hyasvādikaṃ khitkāryaṃ "khityanavyayasya" 6.3.65 ityevamādiśāstreṇānavyayasya vidhīyate; īṣadādayaścāvyayasaṃsajñāḥ; tatkimarthaṃ khalaḥ, khitkaraṇamityāha-- "khitkaraṇamuttaratra mumartham" iti.uttaratrānavyaye'pyupapade khal vidhāsyate, tatra "arūrdviṣadajantasya mum" 6.3.66 iti mum yathā syādityevamarthaṃ khitkaraṇam॥

karaṇādhikaraṇayoriti nivṛttam. eṣu duḥkhasukhārtheṣūpapadeṣu khal tayoreveti bhāve karmaṇi ca. kṛcchre - duṣkaraḥ kaṭo bhavatā. akṛcchre - īṣatkaraḥ. sukaraḥ..

īṣaddussuṣu kṛcchrākṛcchrārtheṣu khal 879, 3.3.126 karaṇādhikaraṇayoriti nivṛttam. eṣu duḥkhasukhārtheṣūpapadeṣu khal tayoreveti bhāve karmaṇi ca. kṛcchre - duṣkaraḥ kaṭo bhavatā. akṛcchre - īṣatkaraḥ. sukaraḥ॥

īṣadduḥsuṣu. iha sāmānyoktāvapi yogyatābalādviśeṣaṇasya viṣayavibhāgo labhyate. duriti kṛcchrārthe,itarau tvakṛcchrārthe.tadetaddarśayati–kṛcchre duṣkara ityādinā. bhavateti. `na loke'ti ṣaṣṭhīniṣedhātkartari tṛtīyā. kacchretyādi kim ?. īṣatkāryam. svalpaṃ kāryamityarthaḥ. khaliti. lakāraḥ svarārthaḥ, khitkaraṇaṃ tūttaratra mumartham. nimimīti. `mīnātiminotidīṅāṃ lyapi ca ' `vibhāṣā līyateḥ iti prāptaṃ niṣidhyate. nimaya ityādi. `erac. upasargātkhalghañoḥ. `labheśce'tyanenaiva siddhe niyamārthamidamityāha–upasargādevati.

īṣadduḥsuṣukṛcchrā'kṛcchrārtheṣu khal 1579, 3.3.126 īṣadduḥsuṣu. iha sāmānyoktāvapi yogyatābalādviśeṣaṇasya viṣayavibhāgo labhyate. duriti kṛcchrārthe,itarau tvakṛcchrārthe.tadetaddarśayati--kṛcchre duṣkara ityādinā. bhavateti. "na loke"ti ṣaṣṭhīniṣedhātkartari tṛtīyā. kacchretyādi kim?. īṣatkāryam. svalpaṃ kāryamityarthaḥ. khaliti. lakāraḥ svarārthaḥ, khitkaraṇaṃ tūttaratra mumartham. nimimīti. "mīnātiminotidīṅāṃ lyapi ca " "vibhāṣā līyateḥ iti prāptaṃ niṣidhyate. nimaya ityādi. "erac. upasargātkhalghañoḥ. "labheśce"tyanenaiva siddhe niyamārthamidamityāha--upasargādevati.