1/8:kimartham idam ucyate na halaḥ ca iti eva siddham |
2/8:anudake it vakṣyāmi iti |
3/8:iha mā bhūt |
4/8:udakodañcanaḥ |
5/8:udaṅkaḥ anudakagrahaṇānarthakyam ca prāyavacanāt yathā godohanaḥ prasādhanaḥ iti |*
6/8:udaṅkaḥ anudakagrahaṇam ca anarthakam |
7/8:ghañ kasmāt na bhavati |
8/8:prāyavacanāt yathā godohanaḥ prasādhanaḥ iti |

udaṅka iti nipātyate anudakaviṣayaśced dhātvartho bhavati. utpūrvādañcateḥ ghañ nipātyate. nanu ca halaśca 3-3-121. iti siddha eva ghañ? udake pratiṣedhārtham idaṃ vacanam. tailodaṅkaḥ. anudake iti kim? udakodañcanaḥ. ghaḥ kasmān na pratyudāhriyate? viśeṣābhāvāt. ghañyapi thāthādisvarena antodātta eva.

udaṅko 'nudake 3.3.123 udaṅka iti nipātyate anudakaviṣayaśced dhātvartho bhavati. utpūrvādañcateḥ ghañ nipātyate. nanu ca halaśca 3.3.121. iti siddha eva ghañ? udake pratiṣedhārtham idaṃ vacanam. tailodaṅkaḥ. anudake iti kim? udakodañcanaḥ. ghaḥ kasmān na pratyudāhriyate? viśeṣābhāvāt. ghañyapi thāthādisvarena antodātta eva.

udaṅko'nudake. , 3.3.123 "nanu ca" ityādi codyam. "udakapratiṣedhārthaṃ vacanamiti parihāraḥ. yadyetannārabhyeta tadodake'pi pūrveṇa syādityarthaḥ. "tailodaṅkaḥ"iti. ṣaṣṭhīsamāsaḥ. ṣaṣṭhī punaḥ karmaṇi kṛdyogalakṣaṇā. "udakoñcanaḥ" iti. karame lyuṭ. "ghaḥ kasmāt" ityādi. evaṃ manyate-- "puṃsi saṃjñāyām" 3.3.118 ityādinā ghe prāpte ghañ vihitaḥ, tataśca tena mukte viṣaye ghanaiva yuktaṃ bhavitumiti. "viśeṣābhāvāt" iti. na hratrāñcaterghañi ghe vā sati viśeṣo'sti. tatra yadyudake'pi ghaḥ syādanukapratiṣedhenārtho na syādityabhiprāyaḥ. nanu ca ghe sati pratyayasvareṇāntodātta udaṅkaśabdo bhavati, ghañaḍhi sati ñitsvareṇādyudāttaḥ syāt, tat kimucyate viśeṣābhāvādityata āha-- "ghañyapi" ityādi. "thāthādisvareṇa" iti. thāthaghañktājabitrakāṇām" 6.2.143 ityetadvihitena॥

udaṅko. `halaśce'tyeva sidde udakapratiṣedārthamidam. udakodañcana iti. `puṃsi saṃjñāyā'miti ghe prāpte ghañvihitaḥ. udake tu ghañi pratiṣiddhe gha eva syānna tu lyuḍiti cenmaivam. pratiṣedhasāmathryāddhasyā'pyapravṛtteḥ. nahi iha ghe ghañi vā rūpe viśeṣo'sti. naca svare viśeṣaḥ, ghe sati kṛduttarapadaprakṛtisvareṇā'ntodāttatā, ghañyapi thāthādisvareṇa tathaiveti.

udaṅko'nudake 1576, 3.3.123 udaṅko. "halaśce"tyeva sidde udakapratiṣedārthamidam. udakodañcana iti. "puṃsi saṃjñāyā"miti ghe prāpte ghañvihitaḥ. udake tu ghañi pratiṣiddhe gha eva syānna tu lyuḍiti cenmaivam. pratiṣedhasāmathryāddhasyā'pyapravṛtteḥ. nahi iha ghe ghañi vā rūpe viśeṣo'sti. naca svare viśeṣaḥ, ghe sati kṛduttarapadaprakṛtisvareṇā'ntodāttatā, ghañyapi thāthādisvareṇa tathaiveti.