1/45:kimartham kriyāyām upapade kriyārthāyām ṇvul vidhīyate na aviśeṣeṇa vihitaḥ ṇvul saḥ kriyāyām upapade kriyārthāyām anyatra ca bhaviṣyati |
2/45:ṇvuli sakarmakagrahaṇam coditam |
3/45:akaramakārthaḥ ayam ārambhaḥ |
4/45:āsakaḥ vrajati |
5/45:śāyakaḥ vrajati |
6/45:pratyākhyātam tat na vā dhātumātrāt darśanāt ṇvulaḥ iti |
7/45:evam tarhi tṛjādiṣu vartamānakālopādānam coditam |
8/45:avartamānakālārthaḥ ayam ārambhaḥ |
9/45:tat api pratyākhyātam na vā kālamātre darśanāt anyeṣām iti |
10/45:idam tarhi prayojanam| akenoḥ bhaviṣyadādhamrṇyayoḥ iti atra ṣaṣṭhyāḥ pratiṣedhaḥ uktaḥ |
11/45:saḥ yathā syāt |
12/45:etat api na asti prayojanam |
13/45:yaḥ eva asau aviśeṣavihitaḥ saḥ yadā bhaviṣyati bhaviṣyati tadā asya pratiṣedhaḥ bhaviṣyati |
14/45:evam tarhi bhaviṣyadadhikāravihitasya pratiṣedhaḥ yathā syāt |
15/45:iha mā bhūt : aṅga yajatām |
16/45:lapsyante asya yājakāḥ |
17/45:ye enam yājayayiṣyanti iti |
18/45:na eṣaḥ bhaviṣyatkālaḥ |
19/45:kaḥ tarhi |
20/45:bhūtakālaḥ |
21/45:katham tarhi bhaviṣyatkālatā gamyate |
22/45:dhātusambandhe pratyayāḥ iti |
23/45:yaḥ tarhi na dhātusambandhaḥ |
24/45:ime asya yājakāḥ |
25/45:ime asya lāvakāḥ iti |
26/45:eṣaḥ api bhūtakālaḥ |
27/45:katham tarhi bhaviṣyatkālatā gamyate |
28/45:sambandhāt |
29/45:saḥ ca tāvat taiḥ ayājitaḥ bhavati |
30/45:tasya ca tāvat taiḥ yavāḥ alūnāḥ bhavanti |
31/45:ucyate ca |
32/45:idam tarhi prayojanam |
33/45:ayam kriyāyām upapde kriyārthāyām tumun vidhīyate |
34/45:saḥ viśeṣavihitaḥ sāmānyavihitam ṇvulam bādheta |
35/45:etat api na asti prayojanam |
36/45:bhāve tumun vidhīyate kartari ṇvul |
37/45:tatra kaḥ prasaṅgaḥ yat bhāve vihitaḥ tumun kartari vihitam ṇvulam bādheta |
38/45:lṛṭ tarhi bādheta |
39/45:vāsarūpeṇa bhaviṣyati |
40/45:ataḥ uttaram paṭhati |
41/45:ṇvulaḥ kriyārthopapadasya punarvidhānam tṛjādipratiṣedhārtham |*
42/45:ṇvulaḥ kriyārthopapadasya punarvidhānam kriyate jñāpakārtham |
43/45:kim jñāpyam |
44/45:etat jñāpayati ācāryaḥ kriyāyām upapade kriyārthāyām vāsarūpeṇa tṛjādayaḥ na bhavanti iti |
45/45:ṇvul api tṛjādiḥ |

bhaviṣyati ityeva. kriyārthāyāṃ kriyāyām upapade dhātor bhavisyati kale tumunṇvulau pratyayau bhavataḥ. bhoktuṃ vrajati. bhojako vrajati. bhujikriyārthaḥ vrajiratropapadam. kriyāyām iti kim? bhikṣiṣya ityasya jaṭāḥ. kriyārthāyām iti kim? dhāvataste patiṣyati daṇḍaḥ. atha kimarthaṃ ṇvul vidhīyate yāvatā ṇvultṛcau 3-1-133 iti sāmānyena vihita eva so 'sminnapi viṣaye bhavisyati? lṛṭā kriyārthaupapadena bādhyeta. vā 'sarūpavidhinā so 'pi bhavisyati? evaṃ tarhi etad jñāpyate, kriyāyām upapade kriyārthāyāṃ vā 'sarūpeṇa tṛjādayo na bhavanti iti. tena kartā vrajati, vikṣipo vrajati ityevam ādi nivartyate.

tumunṇvulau kriyāyāṃ kriyārthāyām 3.3.10 bhaviṣyati ityeva. kriyārthāyāṃ kriyāyām upapade dhātor bhavisyati kale tumunṇvulau pratyayau bhavataḥ. bhoktuṃ vrajati. bhojako vrajati. bhujikriyārthaḥ vrajiratropapadam. kriyāyām iti kim? bhikṣiṣya ityasya jaṭāḥ. kriyārthāyām iti kim? dhāvataste patiṣyati daṇḍaḥ. atha kimarthaṃ ṇvul vidhīyate yāvatā ṇvultṛcau 3.1.133 iti sāmānyena vihita eva so 'sminnapi viṣaye bhavisyati? lṛṭā kriyārthaupapadena bādhyeta. vā 'sarūpavidhinā so 'pi bhavisyati? evaṃ tarhi etad jñāpyate, kriyāyām upapade kriyārthāyāṃ vā 'sarūpeṇa tṛjādayo na bhavanti iti. tena kartā vrajati, vikṣipo vrajati ityevam ādi nivartyate.

tumun?ṇvulau kriyāyāṃ kriyārthāyām. , 3.3.10 "bhikṣiṣya ityasya jaṭāḥ" iti. lṛṭ, anudāttettvādātmanepadamuttamapuruṣaikavacanam, iṭ, ṭerettvam, "ato guṇe" 6.1.94 pararūpatvam. atrāsti bhikṣikriyārthamupapadaṃ jaṭāśabdaḥ, na tu jaṭāśabdaḥ kriyāvacanaḥ; jaṭānāṃ dravyatvāt. "dhāvataste patiṣyati daṇḍaḥ"iti. "dhāv gatiśuddhayoḥ"(dhā.pā.601), laṭ, tasya śatrādeśaḥ, ṣaṣṭha()ekavacanam. atha vā "sṛ gatau" (dhā.pā.935)ityasya prāghrādisūtreṇa 7.3.78 dhāvādeśaḥ. astyatra dhāvatikriyopapadam, na tu kriyārthaḥ. arthaśabdo hrayaṃ prayojanavacanaḥ, yacca yaduddiśya pravatrtate tattasya prayojanaṃ bhavati, na cāsau daṇḍapatanamuddiśya dhāvati, kiṃ tarhi? kāryāntarārtham. "atha" ityādi codyam. "sāmānyena vihita eva"iti. bhaviṣyatyanyatra ca kāle kriyāyāṃ kriyārthāyāmupapade'nyatra cāviśeṣeṇa vidhānāt. "lṛṭā" ityādi parihāraḥ. "lṛṭa śeṣe ca" 3.3.13 iti lṛṭaṃ vakṣyati, tena viśeṣavihitena lṛṭā bādhyate, tanmā bhūtattasya bādheti punariha vidhīyate. atha tumun kriyārthopapadena bādhyata ityetat ksamānnoktam? bhinnārthatvāt. na hi bhinnārthayorbādhyabādhakabhāvo bhavati, bhinnārtho ca ṇvultumunau. tathā hi-- katrtari ṇvul, tumun punarbhāve. kathaṃ jñāyate? "tumarthe sesen" 3.4.9 ityatra tumarthagrahaṇāt. yadi tumun "katrtari kṛt" 3.4.67 ityato vacanāt katrtari syāt,tataḥ sesenprabhṛtayo'pi tatraiva bhaviṣyantīti tumarthagrahaṇaṃ na kuryāt, kṛtavāṃśca, tatastumarthagrahaṇādavasīyate-- tumun katrtari na bhavati. na cānyārtho nirddiśyate, tatra "anirddiṣṭārthāḥ pratyayāḥ svārthe bhavanti" (pu.pa.90) iti bhāva eva tumun bhavatīti vijñāyate. yaduktam-- lṛṭā kriyārthopapadena bādhyata iti,tadvighaṭayitumāha-- "vāsarūpavidhinā"ityādi. "evaṃ tarhi" ityādi. etena jñāpakārthatāṃ ṇvulvidhānasyācaṣṭe. yadi hi kriyāyāmupapade kriyārthāyāṃ vāsarūpeṇa tṛjādayaḥ syurṇvulapi tṛjarthābhidhāyitvādvāsarūpavidhinā bhaviṣyantīti punariha tanna vidadhyāt, vihitavāṃśca;tatastena ṇvulvidhānenāsmin viṣaye vāsarūpeṇa tṛjādayo na bhavantītyeṣo'rtho vijñāpyate. "tena" ityādinā jñāpanasya prayojanaṃ darśayati. "katrtā" iti. tṛc. "vikṣipaḥ" iti. "igupadhajñāprīkiraḥ kaḥ"3.1.135. tumuno nakāra ādyudāttārthaḥ, ukāra uccāraṇārthaḥ. ṇvulo lakāro liti pratyayāt pūrvasyodāttārthaḥ, ṇakāro vṛddhyarthaḥ॥

kriyārthāyāṃ kriyāyāmupapade bhaviṣyatyarthe dhātoretau staḥ. māntatvādavyayatvam. kṛṣṇaṃ draṣṭuṃ yāti. kṛṣṇaṃ darśako yāti..

tumunṇvulau kriyāyāṃ kriyārthāyām 852, 3.3.10 kriyārthāyāṃ kriyāyāmupapade bhaviṣyatyarthe dhātoretau staḥ. māntatvādavyayatvam. kṛṣṇaṃ draṣṭuṃ yāti. kṛṣṇaṃ darśako yāti॥

tumunṇvulau. kriyā arthaḥ prayojanaṃ yasyāḥ sā kriyārthā, tasyām. atredaṃ bodhyaṃ– tumunṇvuloḥ kṛttvā'viśeṣe'pi `avyyakṛto bhāve' iti vacanādbhāve tumun. ṇvultu kartari. kriyāyāmiti saptamīnirdaśāttadvācakasya yātītyādeḥ `tatropapadaṃ saptamīsthamityupapadatvamiti. kṛṣṇaṃ draṣṭumiti. kṛṣṇakarmakaṃ yadbhaviṣyaddarśanaṃ tatprayojakaṃ yānamityarthaḥ. kṛṣṇaṃ darśaka iti. kṛṣṇakarmakabhaviṣyaddarśanakartṛkartṛkaṃ darśanaprayojanakaṃ ca yānamityarthaḥ. kriyāyāṃ kim ?. bhikṣiṣye ityasya jaṭāḥ. iha bhikṣārthā jaṭāḥ, tāśca dravyaṃ, na tu kriyā, `bhikṣituṃ jaṭā' iti prayogastu dhārayatītyadhyāhāreṇa samarthanīyaḥ. kriyārthāyāṃ kim ?. `dhāvataste patiṣyati daṇḍaḥ'. astyatra dhāvata iti kriyā, na tvasau daṇḍapatanārthā. dhāvanaṃ tu daṇḍapatane heturbhavati na tūddeśyamiti dik.

tumun?ṇvulau kriyāyāṃ kriyārthāyām 1508, 3.3.10 tumunṇvulau. kriyā arthaḥ prayojanaṃ yasyāḥ sā kriyārthā, tasyām. atredaṃ bodhyaṃ-- tumunṇvuloḥ kṛttvā'viśeṣe'pi "avyyakṛto bhāve" iti vacanādbhāve tumun. ṇvultu kartari. kriyāyāmiti saptamīnirdaśāttadvācakasya yātītyādeḥ "tatropapadaṃ saptamīsthamityupapadatvamiti. kṛṣṇaṃ draṣṭumiti. kṛṣṇakarmakaṃ yadbhaviṣyaddarśanaṃ tatprayojakaṃ yānamityarthaḥ. kṛṣṇaṃ darśaka iti. kṛṣṇakarmakabhaviṣyaddarśanakartṛkartṛkaṃ darśanaprayojanakaṃ ca yānamityarthaḥ. kriyāyāṃ kim?. bhikṣiṣye ityasya jaṭāḥ. iha bhikṣārthā jaṭāḥ, tāśca dravyaṃ, na tu kriyā, "bhikṣituṃ jaṭā" iti prayogastu dhārayatītyadhyāhāreṇa samarthanīyaḥ. kriyārthāyāṃ kim?. "dhāvataste patiṣyati daṇḍaḥ". astyatra dhāvata iti kriyā, na tvasau daṇḍapatanārthā. dhāvanaṃ tu daṇḍapatane heturbhavati na tūddeśyamiti dik.