1/55:bhūte iti ucyate |
2/55:kasmin bhūte |
3/55:kāle |
4/55:na vai kālādhikāraḥ asti |
5/55:evam tarhi dhātoḥ iti vartate |
6/55:dhātau bhūte |
7/55:dhātuḥ vai śabdaḥ |
8/55:na ca śabdasya bhūtabhaviṣyadvartamānatāyām sambhavaḥ asti |
9/55:śabde asambhavāt arthe kāryam vijñāsyate |
10/55:kaḥ punaḥ dhātvarthaḥ |
11/55:kriyā |
12/55:kriyāyām bhūtāyām |
13/55:yadi evam niṣṭhāyām itaretarāśrayatvāt aprasiddhiḥ |*
14/55:niṣṭhāyām itaretarāśrayatvāt aprasiddhiḥ |
15/55:kā itaretarāśrayatā |
16/55:bhūtakālena śabdena nirdeśaḥ kriyate |
17/55:nirdeśottarakālam ca bhūtakālatā |
18/55:tat etat itaretarāśrayam bhavati |
19/55:itaretarāśrayāṇi ca na prakalpante |
20/55:avyayanirdeśāt siddham |*
21/55:avyayavatā śabdena nirdeśaḥ kariṣyate |
22/55:avartamāne abhaviṣyati iti |
23/55:saḥ tarhi avyayavatā śabdena nirdeśaḥ kartavyaḥ |
24/55:na kartavyaḥ |
25/55:avyayam eṣaḥ bhūteśabdaḥ na bhavateḥ niṣṭhā |
26/55:katham avyayatvam |
27/55:vibhaktisvarapratirūpakāḥ ca nipātāḥ bhavanti iti nipātasañjñā |
28/55:nipātam avyayam iti avayayasañjñā |
29/55:atha api bhavateḥ niṣṭhā evam api avayayam eva |
30/55:katham na vyeti iti avyayam |
31/55:kva punaḥ na vyeti |
32/55:etau kālaviśeṣau vartamānabhaviṣyantau |
33/55:svabhāvataḥ bhūte eva vartate |
34/55:yadi tatri na vyeti iti avyayam |
35/55:na vā tadvidhānasya anyatra abhāvāt |*
36/55:na vā bhūtādhikāreṇa arthaḥ |
37/55:kim kāraṇam |
38/55:tadvidhānasya anyatra abhāvāt |
39/55:ye api ete itaḥ uttaram pratyayāḥ śiṣyante ete api etau kālaviśeṣau na viyanti vartamānabhaviṣyantau |
40/55:svabhāvataḥ eva te bhūte eva vartante |
41/55:ataḥ uttaram paṭhati |
42/55:bhūtādhikārasya prayojanam kumāraghātī śīrṣaghātī ākhuhā biḍālaḥ sutvānaḥ sunavantaḥ suṣupuṣaḥ anehāḥ agnim ādadhānasya |*
43/55:kumāraghātī śīrṣaghātī iti bhaviṣyadvartamānārthaḥ bhūtanivṛttyarthaḥ |
44/55:ākhuhā biḍālaḥ iti bhaviṣyadvartamānārthaḥ |
45/55:itarathā hi brahmādiṣu niyamaḥ triṣu kāleṣu nivartakaḥ syāt |
46/55:sutvānaḥ sunvantaḥ |
47/55:yajñasaṃyoge ṅvanipaḥ triṣu kāleṣu śatā apavādaḥ mā bhūt |
48/55:suṣupuṣaḥ |
49/55:najiṅ sarvakālapavādaḥ mā bhūt |
50/55:anehāḥ iti vartamānakālaḥ eva |
51/55:anyatra anāhantā |
52/55:ādadhānasya |
53/55:kānacaḥ cānaś tācchīlādiṣu sarvakālāpavādaḥ mā bhūt |
54/55:agnim ādadhānasya |
55/55:ādadhānasya iti eva anyatra |

bhūte ityadhikāro vartamane laṭ 3-2-123 iti yavat. yadita ūrdhvam anukramiṣyāmaḥ bhūte ityevaṃ tad veditavyam. dhātvadhikārāc ca dhātvarthe bhūte iti vijñāyate. vakṣyati karaṇe yajaḥ 3-2-85, agniṣṭomena iṣṭavānagniṣṭomayājī. bhūte iti kim? agniṣṭomena yajate.

bhūte 3.2.84 bhūte ityadhikāro vartamane laṭ 3.2.123 iti yavat. yadita ūrdhvam anukramiṣyāmaḥ bhūte ityevaṃ tad veditavyam. dhātvadhikārāc ca dhātvarthe bhūte iti vijñāyate. vakṣyati karaṇe yajaḥ 3.2.85, agniṣṭomena iṣṭavānagniṣṭomayājī. bhūte iti kim? agniṣṭomena yajate.

bhūte. , 3.2.84 bhūtaśabdo'yamatikrāntavacanaḥ, asti ca svarūpavacanaḥ, tatra na jñāyate-- kasmin bhūte pratyaya iti? atastatpajñānāyāha-- "dhātvadhikārācca"ityādi. caśabdo hetau. yasmād dhātoriti vatrtate tasmāddhātvarthabhūta iti vijñāyate. nanu ca dhātvadhikārāddhātoreva bhūta ityetadviśeṣaṇaṃ yuktam? na; asambhavāt. dhātohrrasminnabhidheye guṇībhūtasya bhūta ityetadviśeṣaṇamanupapannam. atastatrāsambhavāt tadarthasyaiva tadviśeṣaṇaṃ vijñāyate॥

bhūte. adhikāro'yamiti. dhātorityadhikṛtam. tataśca bhūtārthavṛtterdhātorityuttaratrā'nuvartate iti phalati. vartamāne iti. `vartamāne la'ḍityataḥ prāgityarthaḥ. atra vyākhyānameva śaraṇam.

bhūte 805, 3.2.84 bhūte. adhikāro'yamiti. dhātorityadhikṛtam. tataśca bhūtārthavṛtterdhātorityuttaratrā'nuvartate iti phalati. vartamāne iti. "vartamāne la"ḍityataḥ prāgityarthaḥ. atra vyākhyānameva śaraṇam.

bhūte. dhātorityadhikārāddhātvarthasya viśeṣaṇamid. bhūte'rthe vidyamānāddhātorityarthaḥ.

bhūte 665, 3.2.84 bhūte. dhātorityadhikārāddhātvarthasya viśeṣaṇamid. bhūte'rthe vidyamānāddhātorityarthaḥ.