1/19:kim udāharaṇam |
2/19:aśrāddhabhojī |
3/19:kim yaḥ aśrāddham bhuṅkte saḥ aśrāddhabhojī |
4/19:kim ca ataḥ |
5/19:yadā asau aśrāddham na bhuṅkte tadā asya vratalopaḥ syāt |
6/19:tat yathā : sthāyī yadā na tiṣthati tadā asya vratalopaḥ bhavati |
7/19:evam tarhi ṇinyantena samāsaḥ bhaviṣyati : na śrāddhabhojī aśrāddhabhojī |
8/19:na evam śakyam |
9/19:svare hi doṣaḥ syāt |
10/19:aśrāddhabhojī iti evam svaraḥ prasajyeta |
11/19:aśrāddhabhojī iti ca iṣyate |
12/19:evam tarhi nañaḥ eva ayam bhujipratiṣedhavācinaḥ śrāddhaśabdena asamarthasamāsaḥ : na bhojī śrāddhasya iti |
13/19:saḥ tarhi asamarthasamāsaḥ vaktavyaḥ |
14/19:yadi api vaktavyaḥ atha vā etarhi bahūni prayojanāni |
15/19:kāni |
16/19:asūryampaśyāni mukhāni |
17/19:apūrvageyāḥ ślokāḥ |
18/19:aśrāddhabhojī brāhmaṇaḥ |
19/19:suṭ anapuṃsakasya iti |

vrata iti śāstrato niyama ucyate vrate gamyamāne subanta upapade dhātoḥ ṇiniḥ pratyayo bhavati. samudāyopadhiśca ayam. dhatūpapadapratyayasaudayena vrataṃ gamyate. sthaṇḍilaśāyī. aśrāddhabhojī. kāmacāraprāptau niyamaḥ. sati śayane sthaṇḍila eva śete na anyatra. sati bhojane 'śrāddham eva bhuṅkte na śrāddham iti. vrate iti kim? sthāṇḍile śete devadattaḥ. atacchīlyārtha ārambhaḥ, jātyartho vā.

vrate 3.2.80 vrata iti śāstrato niyama ucyate vrate gamyamāne subanta upapade dhātoḥ ṇiniḥ pratyayo bhavati. samudāyopadhiśca ayam. dhatūpapadapratyayasaudayena vrataṃ gamyate. sthaṇḍilaśāyī. aśrāddhabhojī. kāmacāraprāptau niyamaḥ. sati śayane sthaṇḍila eva śete na anyatra. sati bhojane 'śrāddham eva bhuṅkte na śrāddham iti. vrate iti kim? sthāṇḍile śete devadattaḥ. atacchīlyārtha ārambhaḥ, jātyartho vā.

vrate. , 3.2.80 "samudāyopādhiścāyam" iti. pratyayārthaviśeṣaṇaśaṅkāṃ nirākaroti. pratyayārthaviśeṣaṇe hi tasmin vrata eva katrtari pratyayaḥ prasajyeta,na tadvati devadatte. "dhātūpapada" ityādinā samudāyopādhitvaṃ vratasya darśayati. "kāmacāraprāptau niyamaḥ"iti. kāmacāraḥ = icchāpravṛttiḥ, tatprāptau satyāṃ niyamaḥ. aniyamatvādyatheṣṭaṃ sāmānyena śayane bhojane ca pravṛttau prāptāyāmayamarthāntarādvayāvarttyaviśeṣe sthaṇḍilādau na prāpnoti, tasmādvayavasthāpyate. niyamaścātra dvividhaḥ sambhavati-- sthaṇḍile śeta evāśrāddhaṃ bhuṅaktaṃ evetyeyaṃrūpo vā syāt, sthaṇḍila eva śete'śrāddhameva bhuṅkte ityevaṃrūpo vā,tatra pūrvake niyame yadaiva sthaṇḍile na śete'śrāddhañca na bhuṅkte tadaiva vratalopaḥ prāpnoti. tasmād dvitīyo niyamo yukta iti manyamāna āha-- "sati śayane"ityādi॥

vrate. ṇiniḥ syāditi. supyupapade ṇiniḥ syāddvrate gamye iti yāvat. sthaṇḍileśāyīti. `tatpuruṣe kṛtī'ti [saptamyā] aluk.

vrate 800, 3.2.80 vrate. ṇiniḥ syāditi. supyupapade ṇiniḥ syāddvrate gamye iti yāvat. sthaṇḍileśāyīti. "tatpuruṣe kṛtī"ti [saptamyā] aluk.