1/19:kimarthaḥ nakāraḥ |
2/19:ñniti iti ādyudāttatvam yathā syāt |
3/19:na etat asti prayojanam |
4/19:ekācaḥ ayam vidhīyate |
5/19:tatra na arthaḥ svarārthena nakāreṇa anubandhena |
6/19:dhātusvareṇa eva siddham |
7/19:yaḥ tarhi anekāc |
8/19:dadhṛk iti |
9/19:vakṣyati etat dhṛṣeḥ dvirvacanam antodāttatvam ca nipātyate iti |
10/19:viśeṣaṇārthaḥ tarhi |
11/19:kva viśeṣanārthena arthaḥ |
12/19:kvinpratyayasya kuḥ iti |
13/19:kvipratyayasya kuḥ iti ucyamāne sandehaḥ syāt |
14/19:kviḥ vā eṣaḥ pratyayaḥ kvip vā iti |
15/19:sandehamātram etat bhavati |
16/19:sarvasandeheṣu ca idam upatiṣṭhate |
17/19:vyākhyānataḥ viśeṣapratipattiḥ |
18/19:na hi sandehāt alakṣaṇam iti |
19/19:kkvipratyayasya iti vyākhyāsyāmaḥ |

spṛśe rdhātoranudake subanta upapade kvin pratyayo bhavati. nanu sakarmakatvāt spṛśeḥ karmaivopapadaṃ prāpnoti? na eṣa doṣaḥ. kartari iti pūrvasūtrādanuvartate, tat kartṛpracayārthaṃ vijñāyate. subantamātre ca upapade kartṛpacayo labhyate ghṛtaṃ spṛśati ghṛtaspṛk. mantreṇa spṛśati mantraspṛk. jalena spṛśati jalaspṛk. anudake iti kim? udakasparśaḥ. nakāraḥ kvinpratyayasya kuḥ 8-2-62 iti viśeṣaṇārthaḥ.

spṛśo 'nudake kvin 3.2.58 spṛśe rdhātoranudake subanta upapade kvin pratyayo bhavati. nanu sakarmakatvāt spṛśeḥ karmaivopapadaṃ prāpnoti? na eṣa doṣaḥ. kartari iti pūrvasūtrādanuvartate, tat kartṛpracayārthaṃ vijñāyate. subantamātre ca upapade kartṛpacayo labhyate ghṛtaṃ spṛśati ghṛtaspṛk. mantreṇa spṛśati mantraspṛk. jalena spṛśati jalaspṛk. anudake iti kim? udakasparśaḥ. nakāraḥ kvinpratyayasya kuḥ 8.2.62 iti viśeṣaṇārthaḥ.

spṛśo'nudake kvin. , 3.2.58 "supi sthaḥ" 3.2.4 ityatroktam-- "karmaṇi" "supi"iti dvayamanuvatrtate, tatra sakarmakeṣu karmaṇītyupatiṣṭhate, anyatra supīti. spṛśirayaṃ sakarmakaḥ, ataḥ spṛśerdhātoranudake subanta upapada ityukte pūrvāparavyāhati manyamāna āha-- "nanu ca" ityādi."naiṣaḥ" ityādinā parihāraḥ. kathaṃ punaḥ karttṛgrahaṇe karttuśca pracayārthe vijñāyamāne subanta upapade pratyayo labhyata ityāha-- "subantamātre" ityādi. subantamātra upapade satyekaḥ pracayārthaḥ katrtā karmaṇyupapade sati bhavati, aparaḥ karaṇādāvupapade; tatra bhede sati tatsambandhabhedena bhidyamānasya karttuḥ pracayo labhyate. "ghṛtaspṛk" iti. "kvinpratyayasya kuḥ" ityādi. "kvipratyayasya kuḥ" ityucyamāne kvipo'pi grahaṇaṃ syātto nakāro'nubadhyate. prakṛterādyudāttārtho nakāro na bhavita; spṛśerekāctvāt,tatsvareṇaiva siddhatvāt. kakāro guṇapratiṣedhārthaḥ, vakāraḥ "verapṛktasya" 6.1.65 iti viśeṣaṇārthaḥ॥

anudake supyupapade spṛśeḥ kvin. ghṛtaspṛk, ghṛtaspṛg. ghṛtaspṛśau. ghṛtaspṛśaḥ.. dadhṛk, dadhṛg. dadhṛṣau. dadhṛgbhyām.. ratnamuṣau. ratnamuḍbhyām.. ṣaṭ, ṣaḍ. ṣaḍbhiḥ. ṣaṅbhyaḥ. ṣaṇṇām. ṣaṭsu.. rutvaṃ prati ṣatvasyāsiddhatvasasajuṣo ruriti rutvarm.. ,

spṛśo'nudake kvin 352, 3.2.58 anudake supyupapade spṛśeḥ kvin. ghṛtaspṛk, ghṛtaspṛg. ghṛtaspṛśau. ghṛtaspṛśaḥ॥ dadhṛk, dadhṛg. dadhṛṣau. dadhṛgbhyām॥ ratnamuṣau. ratnamuḍbhyām॥ ṣaṭ, ṣaḍ. ṣaḍbhiḥ. ṣaṅbhyaḥ. ṣaṇṇām. ṣaṭsu॥ rutvaṃ prati ṣatvasyāsiddhatvasasajuṣo ruriti rutvarm॥ ,

spṛśo'nudake. anudake supīti. udakaśabdabinne subante ityarthaḥ. `supi sthaḥ' ityataḥ `sapī'tyanuvartate iti bhāvaḥ. ghṛtaspṛgiti. ghṛtaṃ spṛśatīti vigrahe kvin. upapadasamāsaḥ. subluk. ghṛtaspṛśaśabdātsubutpattiḥ. sorhalṅyādilopaḥ. `kvinpratyayasye'ti kutvasyā'siddhatvāt pūrvaṃ `vraśce'ti ṣaḥ.tasya jaśtvena ḍaḥ. tasya kutvena gaḥ. tasya catrvāvikalpa iti bhāvaḥ. ghṛtaspṛgbhyām. ghṛtaspṛkṣu. atha `kvinpratyayasya kuḥ' ityatra `kvinaḥ kuḥ' ityatāvataiva kvinnantasyeti labdhe pratyayagrahaṇaṃ kvin pratyayo yasmāditi bahuvrīhilābhāyetyuktaṃ yukśabdanirūpaṇāvasare, tasya prayojanamāha–kvipyapikutvamiti. `sati bhavatī'ti śeṣaḥ. anudake supyupapade tāvat spṛśeḥ kvin vihitaḥ. ato nirupasargāt spṛśeḥ kvibeva. tasya saṃprati kvinnantatvā'bhāve'pi kutvaṃ bhavatyeva, bahuvrīhrāśrayaṇena kadācit kvinnantatvamātreṇāpi kvinpratyayāntatvayogyatālābhāditi bhāvaḥ. ṣaḍagakāḥ prāgvaditi. ṣatvajaśtvakutvacatrvairiti bhāvaḥ. iti śāntāḥ. atha ṣāntāḥ. dadhṛṣśabdasya vyutpatiṃ?ta darśayati–ñi dhṛṣeti. `ādirñiṭuḍavaḥ' iti ñirit. ākārastu `upadeśe'janunāsika' iti it. ṛtvigādineti. kvinnāditrayaṃ nipātyate. kpini lupte dhṛṣ ityasya dvitvaṃ. `urat' raparatvam. `halādiḥ śeṣaḥ'. kittvānna laghūpadhaguṇaḥ, dadhṛṣ iti rūpam. ñnityādirnitya'mityādyudāttanivṛttyarthamantodāttanipātanam. kutvātpūrvamiti. jaśtvaṃ prati kutvasyā'siddhatvātprathamaṃ jastvena ṣasya ḍakāra ityarthaḥ. gaḥ ka iti. `kvinpratyayasye'ti ḍasya kutvena gakāraḥ, tasya cartvena kakāra ityarthaḥ. ratnamuḍiti. `muṣa steye'kvip, upapadasamāsaḥ subluk, halṅyādilopaḥ, jaśtvacartve iti bhāvaḥ. ṣaṣśabdo nityaṃ bahuvacanāntaḥ. tasya bahuvacaneṣveva rūpāṇi darśayati–ṣaḍbhyo lugiti. `anena jaśśasorluki jaśtvacartve' iti śeṣaḥ. tadantavidhiriti. `ṣaḍbhyo luk, ṣaṭcatubhryaśce'tyanayorāṅgatvāditi bhāvaḥ. priyaṣaṭa-priyaṣaḍ, priyaṣaṣau, priyaṣaṣa ityādi ratnamuṣaśabdavat. tatra `ṣaḍbhyo luk' iti `ṣaṭcatubhryaśce'ti ca luṅnuṭoḥ pravṛtteriti bhāvaḥ. paṭhitumicchatītyarthe `paṭha vyaktāyāṃ vāci'-iti dhātoḥ `dhātoḥ karmaṇaḥ' iti sanpratyaye `sanyaṅīḥ' iti dvitve halādiśeṣe `sanyataḥ' ityabyāsasya ittvaṃ, sana iṭ, ṣatvaṃ, `sanādyantāḥ' iti dhātutvam. `pipaṭhiṣa' ityasmāt kvip, `ato lopaḥ', pipaṭhiṣ iti ṣakārāntam. kṛdantatvātprātipadikatvaṃ, tataḥ suḥ. tatra viśeṣaṃ darśayati-rutvaṃ pratīti. `kvau luptaṃ na sthānivat' iti niṣedhāddhalṅyādilope kṛte `sasajuṣo ruḥ' iti rutvam. na ca sakārā'bhāvaḥ śaṅkyaḥ, rutvaṃ prati ṣatvasyā'siddhatvādityarthaḥ.

spṛśo'nudake kvin , 3.2.58 spṛśo'nudake. anudake supīti. udakaśabdabinne subante ityarthaḥ. "supi sthaḥ" ityataḥ "sapī"tyanuvartate iti bhāvaḥ. ghṛtaspṛgiti. ghṛtaṃ spṛśatīti vigrahe kvin. upapadasamāsaḥ. subluk. ghṛtaspṛśaśabdātsubutpattiḥ. sorhalṅyādilopaḥ. "kvinpratyayasye"ti kutvasyā'siddhatvāt pūrvaṃ "vraśce"ti ṣaḥ.tasya jaśtvena ḍaḥ. tasya kutvena gaḥ. tasya catrvāvikalpa iti bhāvaḥ. ghṛtaspṛgbhyām. ghṛtaspṛkṣu. atha "kvinpratyayasya kuḥ" ityatra "kvinaḥ kuḥ" ityatāvataiva kvinnantasyeti labdhe pratyayagrahaṇaṃ kvin pratyayo yasmāditi bahuvrīhilābhāyetyuktaṃ yukśabdanirūpaṇāvasare, tasya prayojanamāha--kvipyapikutvamiti. "sati bhavatī"ti śeṣaḥ. anudake supyupapade tāvat spṛśeḥ kvin vihitaḥ. ato nirupasargāt spṛśeḥ kvibeva. tasya saṃprati kvinnantatvā'bhāve'pi kutvaṃ bhavatyeva, bahuvrīhrāśrayaṇena kadācit kvinnantatvamātreṇāpi kvinpratyayāntatvayogyatālābhāditi bhāvaḥ. ṣaḍagakāḥ prāgvaditi. ṣatvajaśtvakutvacatrvairiti bhāvaḥ. iti śāntāḥ. atha ṣāntāḥ. dadhṛṣśabdasya vyutpatiṃ()ta darśayati--ñi dhṛṣeti. "ādirñiṭuḍavaḥ" iti ñirit. ākārastu "upadeśe'janunāsika" iti it. ṛtvigādineti. kvinnāditrayaṃ nipātyate. kpini lupte dhṛṣ ityasya dvitvaṃ. "urat" raparatvam. "halādiḥ śeṣaḥ". kittvānna laghūpadhaguṇaḥ, dadhṛṣ iti rūpam. ñnityādirnitya"mityādyudāttanivṛttyarthamantodāttanipātanam. kutvātpūrvamiti. jaśtvaṃ prati kutvasyā'siddhatvātprathamaṃ jastvena ṣasya ḍakāra ityarthaḥ. gaḥ ka iti. "kvinpratyayasye"ti ḍasya kutvena gakāraḥ, tasya cartvena kakāra ityarthaḥ. ratnamuḍiti. "muṣa steye"kvip, upapadasamāsaḥ subluk, halṅyādilopaḥ, jaśtvacartve iti bhāvaḥ. ṣaṣśabdo nityaṃ bahuvacanāntaḥ. tasya bahuvacaneṣveva rūpāṇi darśayati--ṣaḍbhyo lugiti. "anena jaśśasorluki jaśtvacartve" iti śeṣaḥ. tadantavidhiriti. "ṣaḍbhyo luk, ṣaṭcatubhryaśce"tyanayorāṅgatvāditi bhāvaḥ. priyā ṣaṭ yasyeti bahuvrīhau priyaṣaṣśabdasya ekadvibahuvacanāni santi. priyaṣaṭa-priyaṣaḍ, priyaṣaṣau, priyaṣaṣa ityādi ratnamuṣaśabdavat. tatra "ṣaḍbhyo luk" iti "ṣaṭcatubhryaśce"ti ca luṅnuṭoḥ pravṛtteriti bhāvaḥ. paṭhitumicchatītyarthe "paṭha vyaktāyāṃ vāci"-iti dhātoḥ "dhātoḥ karmaṇaḥ" iti sanpratyaye "sanyaṅīḥ" iti dvitve halādiśeṣe "sanyataḥ" ityabyāsasya ittvaṃ, sana iṭ, ṣatvaṃ, "sanādyantāḥ" iti dhātutvam. "pipaṭhiṣa" ityasmāt kvip, "ato lopaḥ", pipaṭhiṣ iti ṣakārāntam. kṛdantatvātprātipadikatvaṃ, tataḥ suḥ. tatra viśeṣaṃ darśayati-rutvaṃ pratīti. "kvau luptaṃ na sthānivat" iti niṣedhāddhalṅyādilope kṛte "sasajuṣo ruḥ" iti rutvam. na ca sakārā'bhāvaḥ śaṅkyaḥ, rutvaṃ prati ṣatvasyā'siddhatvādityarthaḥ.

spṛśo'nudake kvin. kakāro guṇā'bhāvārthaḥ. nakārastu `kvinpratyayasya kuḥ'iti viśeṣaṇārthaḥ. vastuprayojanaṃ, kvinaḥ prakṛtīnāmekāctvāddhātusvareṇā'pi tatsiddheḥ. `dadhṛ'gityatra tvantodāttatvanipātanādadyadāttatvaṃ nāpekṣitameveti dik. atra `supī'tyanuvartate, `karmaṇī'ti tu nivṛttamityāśayenāha—anudake supyupapade iti. ghṛtaspṛgiti. ghṛtaṃ ghṛtena vā spṛśatīti vigrahaḥ. anudake kim?, udakaṃ spṛśatīti udakasparśaḥ. niṣedhasāmathryādiha kvibapi na bhavati, tasminha sati kvinpratyayo yasmāditi bahuvrīhrāśrayaṇena kutvasyā'varjanīyatayā `anudake'iti niṣedhasya phalā'bhāvāt. kecittu `udākaspṛ'ḍiti pratyudāharanti, niṣedhasāmathryātkutbaṃ mā'stu, kvipsyādeveti teṣāmāśayaḥ. iti śāntāḥ. gauṇatve tviti.

spṛśo'nudake kvin 384, 3.2.58 spṛśo'nudake kvin. kakāro guṇā'bhāvārthaḥ. nakārastu "kvinpratyayasya kuḥ"iti viśeṣaṇārthaḥ. vastuprayojanaṃ, kvinaḥ prakṛtīnāmekāctvāddhātusvareṇā'pi tatsiddheḥ. "dadhṛ"gityatra tvantodāttatvanipātanādadyadāttatvaṃ nāpekṣitameveti dik. atra "supī"tyanuvartate, "karmaṇī"ti tu nivṛttamityāśayenāha---anudake supyupapade iti. ghṛtaspṛgiti. ghṛtaṃ ghṛtena vā spṛśatīti vigrahaḥ. anudake kim(), udakaṃ spṛśatīti udakasparśaḥ. niṣedhasāmathryādiha kvibapi na bhavati, tasminha sati kvinpratyayo yasmāditi bahuvrīhrāśrayaṇena kutvasyā'varjanīyatayā "anudake"iti niṣedhasya phalā'bhāvāt. kecittu "udākaspṛ"ḍiti pratyudāharanti, niṣedhasāmathryātkutbaṃ mā'stu, kvipsyādeveti teṣāmāśayaḥ. iti śāntāḥ. gauṇatve tviti.