1/7:apraṇikartṛke iti vaktavyam |
2/7:iha mā bhūt |
3/7:nagaraghātaḥ hastī |
4/7:yadi apraṇikartṛke iti ucyate śaśaghnī śakuniḥ iti na sidhyati |
5/7:astu tarhi amanuṣyakartṛke iti eva |
6/7:katham nagaraghātaḥ hastī |
7/7:kṛtyalyuṭaḥ bahulam iti evam atra aṇ bhaviṣyati |

amanuṣyakartṛke vartamānād hanteḥ dhātoḥ karmaṇi upapade ṭak pratyayo bhavati. jāyāghnastilakālakaḥ. patighnī pāṇirekhā. śleṣmaghnaṃ madhu. pittaghnaṃ ghṛtam. amanuṣyakartṛke iti kim? ākhughātaḥ śūdraḥ. iha karmān na bhavati, cauraghāto hastī? kṛtyalyuṭo bahulam 3-3-113 iti bahulavacanādaṇ bhavati.

amanuṣyakartṛke ca 3.2.53 amanuṣyakartṛke vartamānād hanteḥ dhātoḥ karmaṇi upapade ṭak pratyayo bhavati. jāyāghnastilakālakaḥ. patighnī pāṇirekhā. śleṣmaghnaṃ madhu. pittaghnaṃ ghṛtam. amanuṣyakartṛke iti kim? ākhughātaḥ śūdraḥ. iha karmān na bhavati, cauraghāto hastī? kṛtyalyuṭo bahulam 3.3.113 iti bahulavacanādaṇ bhavati.

amanuṣyakarttṛke ca. , 3.2.53 "amanuṣyakarttṛke" iti. amanuṣyaḥ katrtā yasya sa tathoktaḥ etacca dhātvarthaviśeṣaṇam, dhātvartho hanterityata āha-- "{ evaṃprakārā paṃktirmūlapāṭhe nāsti} amanuṣyakarttṛke dhātvarthe" ityādi. athāmanuṣyakarttṛkagrahaṇamupapadaviśeṣaṇaṃ kasmānna bhavati? karmaṇītyanuvatrtate, karmaṇaścāmanuṣyakatrrā saha sambandhānupapatteḥ. sādhanasya hi kriyāyāḥ sambandhaḥ, na kārakāntareṇa. pratyayārthasya karttṛridaṃ viśeṣaṇaṃ kasmānna vijñāyate? tasyāmanuṣyakarttṛkatvābhāvāt. na hi karttuḥ katrtā sambhavati, api tu kriyāyāḥ. nanu ca karttṛgrahaṇaṃ na katrtavyam, vināpi hi tenāmanuṣyakatrtari pratyayo labhyata eva? naivaṃ śakyam; karttṛgrahaṇamantareṇāmanuṣyagrahaṇaṃ kevalamupādīyamānamupapadaviśeṣaṇamapi vijñāyate. tasmāt karttṛgrahaṇaṃ katrtavyam. tasmin satyamanuṣyakarttṛgrahaṇaṃ tasya viśeṣaṇaṃ na sambhavatītyato dhātvartha eva tena viśeṣayituṃ yuktaḥ. "iha kasmānna bhavati" iti. hastikarttṛkatvādamanuṣyakarttṛko dhātvarthaḥ. etasmādbhavativyameva ṭakpratyayeneti manyate॥

amanuṣya. amanuṣyakartṛke dhātvarthe vartamānāddhanteḥ karmaṇyupapade ṭagityarthaḥ. jāyāghnastilakālaka iti. tilākṛtakṛṣṇabindurityarthaḥ. pūrvasūtrasya lakṣaṇavati kartari pravṛttiriti bhāvaḥ. atha kathamiti. pralambaghnādau hantermanuṣyakartṛkatayā ṭako'saṃbhavādityākṣepaḥ. samādhatte– mūlavibhujāditvātsiddhamiti. kapratyayeneti bhāvaḥ. nanu `coraghāto hastī'tyādi katham, amanuṣyakartṛkatvena hanteṣṭako durvāratvādityata āha– coraghāta ityādīti. bāhulakādaṇīti. `kṛtyalyuṭo bahula'miti bahulagrahaṇādaṇi samādheyamiti bhāvaḥ.

amanuṣyakartṛke ca 781, 3.2.53 amanuṣya. amanuṣyakartṛke dhātvarthe vartamānāddhanteḥ karmaṇyupapade ṭagityarthaḥ. jāyāghnastilakālaka iti. tilākṛtakṛṣṇabindurityarthaḥ. pūrvasūtrasya lakṣaṇavati kartari pravṛttiriti bhāvaḥ. atha kathamiti. pralambaghnādau hantermanuṣyakartṛkatayā ṭako'saṃbhavādityākṣepaḥ. samādhatte-- mūlavibhujāditvātsiddhamiti. kapratyayeneti bhāvaḥ. nanu "coraghāto hastī"tyādi katham, amanuṣyakartṛkatvena hanteṣṭako durvāratvādityata āha-- coraghāta ityādīti. bāhulakādaṇīti. "kṛtyalyuṭo bahula"miti bahulagrahaṇādaṇi samādheyamiti bhāvaḥ.

amanuṣyakartṛke ca. manuṣyabhinnakartṛke'rthe vartamānāddhanteḥ karmaṇayupapade ṭak syāt. yadyapyamanuṣyaśabdo rūḍha\ufffdā rakṣaḥ piśācādīnāheti prāguktaṃ,tathāpīha lakṣyānurodhena vyākhyātavyamityāśayenāha— tilakālaka ityādi. `tilakālaka ityādi. `nānubandhakṛtamasārūpya'miti ṭagaṇoḥ sārūpyādvāsarūpavidhyapravṛtterāha- - bāhulakāditi.

amanuṣyakartṛke ca 648, 3.2.53 amanuṣyakartṛke ca. manuṣyabhinnakartṛke'rthe vartamānāddhanteḥ karmaṇayupapade ṭak syāt. yadyapyamanuṣyaśabdo rūḍha()ā rakṣaḥ piśācādīnāheti prāguktaṃ,tathāpīha lakṣyānurodhena vyākhyātavyamityāśayenāha--- tilakālaka ityādi. "tilakālaka ityādi. "nānubandhakṛtamasārūpya"miti ṭagaṇoḥ sārūpyādvāsarūpavidhyapravṛtterāha-- bāhulakāditi.