1/25:supi sthaḥ bhāve ca |*
2/25:supi sthaḥ iti atra bhāve ca iti vaktavyam |
3/25:iha api yathā syāt |
4/25:ākhūtthaḥ vartate |
5/25:śyenotthaḥ śalabhotthaḥ |
6/25:tat tarhi vaktavyam |
7/25:na vaktavyam |
8/25:yogavibhāgāt siddham |*
9/25:yogavibhāgaḥ kariṣyate |
10/25:ātaḥ anupasarge kaḥ bhavati |
11/25:tataḥ supi |
12/25:supi ca ataḥ kaḥ bhavati |
13/25:kacchena pibati kacchapaḥ |
14/25:kaṭāhena pibati kaṭāhaḥ |
15/25:dvābhyām pibati dvipaḥ |
16/25:tataḥ sthaḥ |
17/25:sthaḥ ca kaḥ bhavati supi iti |
18/25:kimartham idam |
19/25:bhāve yathā syāt |
20/25:kutaḥ nu khalvu etat bhāve bhaviṣyati na punaḥ karmādiṣu kārakeṣu iti |
21/25:yogavibhāgāt ayam kartuḥ apakṛṣyate |
22/25:na ca anyasmin arthe ādiśyate |
23/25:anirdiṣṭārthāḥ pratyayāḥ svārthe bhavanti iti svārthe bhaviṣyanti |
24/25:tat yathā guptijkidbhyaḥ san yāvādibhyaḥ kan |
25/25:saḥ asau svārthe bhavan bhāve bhaviṣyati |

subante upapade tiṣṭhateḥ kapratyayo bhavati. samasthaḥ. viṣamasthaḥ. atra yogavibhāgaḥ kartavyaḥ supi iti. supi ākārāntebhyaḥ kapratyayo bhavati. dvābhyām pibati iti dvipaḥ. pādapaḥ. kacchapaḥ. tataḥ sthaḥ iti. sthaśca supi kapratyayo bhavati. kimartham idam? kartari pūrvayogaḥ. anena bhāve 'pi yathā syāt. ākhūnām utthānam ākhūtthaḥ. śalabhotthaḥ. ita uttaraṃ karmaṇīti ca supīti ca dvayamapyanuvartate. tatra sakarmakeṣu dhātuṣu karmaṇītyetadupatiṣṭhate. anyatra supīti.

supi sthaḥ 3.2.4 subante upapade tiṣṭhateḥ kapratyayo bhavati. samasthaḥ. viṣamasthaḥ. atra yogavibhāgaḥ kartavyaḥ supi iti. supi ākārāntebhyaḥ kapratyayo bhavati. dvābhyām pibati iti dvipaḥ. pādapaḥ. kacchapaḥ. tataḥ sthaḥ iti. sthaśca supi kapratyayo bhavati. kimartham idam? kartari pūrvayogaḥ. anena bhāve 'pi yathā syāt. ākhūnām utthānam ākhūtthaḥ. śalabhotthaḥ. iti uttaraṃ karmaṇi iti ca supi iti ca dvayam apyanuavartate. tatra sakarmakeṣu dhātuṣu krmaṇi ityetadupatiṣṭhate. anyatra supi iti.

supi sthaḥ. , 3.2.4 supīti grahaṇāt karmaṇīti na sambadhyate, tiṣṭhaterakarmakatvācca. "samasthaḥ" ityādau saptamyanta upapade "atra" ityādi. supītyeko yogaḥ, tatra cāta ityanuvatrtate. "supītyādinā" asya yogasyārthamācaṣṭe. "tataḥ stha ita" iti. dvitīyo yoga iti. "sthaśca supi" iti vivaraṇam. "kimityādi. pūrveṇa siddhamiti manyamānasya praśnaḥ. "bhāve'pi yathā syāt" iti. ārambhasāmathryāt katrtari tāvanna bhaviṣyati. na cārthāntaraṃ nirddiśyate, tatra "anirddiṣṭārthāḥ pratyayāḥ svārthe bhavanti" (pu.pa.pā.90) iti bhāva eva syāt. sa eva hi dhātūnāṃ svārthaḥ. "{ākhūtthaḥ-kāśikā} ākhūttham" iti. "udaḥ sthāstambhoḥ pūrvasya" 8.4.60 iti pūrvasavarṇaḥ॥

supi sthaḥ. `su'piti pratyāhāro gṛhrate, na tu saptamībahuvacam. kṛtrimā'kṛtrimayoḥ kṛtrimasyaiva grahaṇāt. ārambhasāthryāditi. kartari pūrveṇaiva siddhatvādiha `kartari kṛ'diti na saṃbadhyate, anirdiṣṭārthaścasvārthe, dhātoḥ svārtho bhāva eva. nanvevaṃ `ghañarthe kavidhāna' mityanena gatārthateti cet. na. vārtikaṃ dṛṣṭvā sūtrakṛto'pravṛtteḥ. kiṃ ca `ṣaṣṭhī'ti sūtreṇa pākṣikasamāse prasakte `upapadamati'ṅiti nityasamāsārthamidam. ataeva lyuḍantenā'svapadavigrahamāha- - ākhūnāmutthānamiti. nanvevaṃ `ghañarthe kavidhāne sthāruāāpāvyadhihaniyudhyartha'miti vārtike sthāgrahaṇaṃ vyarthamiti cet. atrāhuḥ– `akartari kārake vidhānārthaṃ tatra sthāgrahaṇa'miti. ākhūttha iti. sthā ityasya ke pare `āto lopaḥ' ityālopaḥ, `udaḥ sthāstambho'riti udaḥ parasya sasya thaḥ, udo dasya catrvam. atra prācā ākhūtthaṃ vartataiti napuṃsakaṃ paṭhitaṃ, tadupekṣyamiti manoramāyāmuktam, bhāṣyādau sarvatra puṃliṅgasyaivodāhmatatvāt. `lyuḥ kartarīmanij bhāveko ghoḥ kiḥ prādito'nyataḥ' ityamarakośe bāve kasya puṃstvavidhānāt, `bhāve naṇakacidbho'nye' iti napuṃsakavidhāne kasya paryudāsācceti. `naṇakacidbhya' ityatra cakāra idyasya sa cit, naśca ṇaśca kaśca cicca naṇakacitastebhyo'nya iti vigrahaḥ.

supi sthaḥ 612, 3.2.4 supi sthaḥ. "su"piti pratyāhāro gṛhrate, na tu saptamībahuvacam. kṛtrimā'kṛtrimayoḥ kṛtrimasyaiva grahaṇāt. ārambhasāthryāditi. kartari pūrveṇaiva siddhatvādiha "kartari kṛ"diti na saṃbadhyate, anirdiṣṭārthaścasvārthe, dhātoḥ svārtho bhāva eva. nanvevaṃ "ghañarthe kavidhāna" mityanena gatārthateti cet. na. vārtikaṃ dṛṣṭvā sūtrakṛto'pravṛtteḥ. kiṃ ca "ṣaṣṭhī"ti sūtreṇa pākṣikasamāse prasakte "upapadamati"ṅiti nityasamāsārthamidam. ataeva lyuḍantenā'svapadavigrahamāha-- ākhūnāmutthānamiti. nanvevaṃ "ghañarthe kavidhāne sthāruāāpāvyadhihaniyudhyartha"miti vārtike sthāgrahaṇaṃ vyarthamiti cet. atrāhuḥ-- "akartari kārake vidhānārthaṃ tatra sthāgrahaṇa"miti. ākhūttha iti. sthā ityasya ke pare "āto lopaḥ" ityālopaḥ, "udaḥ sthāstambho"riti udaḥ parasya sasya thaḥ, udo dasya catrvam. atra prācā ākhūtthaṃ vartataiti napuṃsakaṃ paṭhitaṃ, tadupekṣyamiti manoramāyāmuktam, bhāṣyādau sarvatra puṃliṅgasyaivodāhmatatvāt. "lyuḥ kartarīmanij bhāveko ghoḥ kiḥ prādito'nyataḥ" ityamarakośe bāve kasya puṃstvavidhānāt, "bhāve naṇakacidbho'nye" iti napuṃsakavidhāne kasya paryudāsācceti. "naṇakacidbhya" ityatra cakāra idyasya sa cit, naśca ṇaśca kaśca cicca naṇakacitastebhyo'nya iti vigrahaḥ.