1/11:khaśprakaraṇe vātasunītilaśardheṣu ajadheṭtudajahātibhyaḥ | khaśprakaraṇe vātasunītilaśardheṣu ajadheṭtudajahātibhyaḥ iti vaktavyam |*
2/11:vātamajāḥ mṛgāḥ |
3/11:vāta |
4/11:śunī |
5/11:śunīndhayaḥ |
6/11:śunī |
7/11:tila |
8/11:tilandtudaḥ |
9/11:tila |
10/11:śardha |
11/11:śardhañjahāḥ māṣāḥ |

ejṛ kampane ityasmāt ṇyantāt karmaṇyupapade khaś pratyayo bhavati. khakāro mumathaḥ. śakāraḥ sārvadhātukasaṃjñārthaḥ. aṅgamejayati aṅgamejayaḥ. janamejayaḥ. khaśprayaye vātśunītilaśardheṣvajadheṭtudajahātīnām upasaṅkhyānam. vātamajā mṛgāḥ. śunindhayaḥ. tilantudaḥ. śardhañjahā māṣāḥ.

ejeḥ khaś 3.2.28 ejṛ kampane ityasmāt ṇyantāt karmaṇyupapade khaś pratyayo bhavati. khakāro mumathaḥ. śakāraḥ sārvadhātukasaṃjñārthaḥ. aṅgamejayati aṅgamejayaḥ. janamejayaḥ. khaśprayaye vātśunītilaśardheṣvajadheṭtudajahātīnām upasaṅkhyānam. vātamajā mṛgāḥ. śunindhayaḥ. tilantudaḥ. śardhañjahā māṣāḥ.

ejeḥ khaś. , 3.2.28 ṇyantāt" iti. etena prakṛtyantarasyāyamejerikā nirdeśa ityāśaṅkāṃ nirasyati. kutaḥ punaṇryantamavasitam? khaśaḥ śitkaraṇāt. prakṛtyantarasya grahaṇe śitkaraṇamanarthakaṃ syāt. taddhi sārvadhātuke sati tadāśrayasya śapo vidhiryathā syādityevamarthaṃ kriyate. na caijeḥ prakṛtyantarasya satyasati vā śapi kaścidviśeṣo'sti, ṇyagrahaṇe tu sati śitkaraṇamarthavadbhavati. asati tasmin ṇilopaḥ syāt, ta()smastu sati sārvadhātunibandhane śapi ṇilopo na bhavati. ārdhadhātukatvaṃ ṇilopa ityeke, etaccāyuktam; uttarārthaṃ hi śitkaraṇaṃ syāt. asati hi tasminnuttarasūtre dheṭa āttvaṃ syāt, dhmaśca dhamādeśo na syāt. tathā ca stanandhayaḥ, nāsikandhama iti na sidhyet. tasmādvyākhyānādeva ṇyantatvamavaseyam. "khakāro'yaṃ mumarthaḥ"iti. "khityanavyayasya" 6.3.65 ityadhikṛtya "arurdviṣadajantasya" 6.3.66 iti mumāgamo yathā syāt. "śakāraḥ sārvadhātukasaṃjñārthaḥ" iti. "tiṅaśit sārvadhātukam" 3.4.113 iti sārvadhātukasaṃjñā yathā syāt. "aṅgamejayaḥ" iti. śap, guṇāyādeśau. "khaśprakaraṇe" ityādi. vātādiṣūpapadeṣu "aja gatikṣepaṇayoḥ" (dhā.pā.230), "dheṭ pāne" (dhā.pā.902), "tuda vyathane" (dhā.pā.1281),"ohāk tyāge" (dhā.pā.1090)--ityebhyo dhātubhyaḥ khaśprakaraṇa upasaṃkhyānaṃ katrtavyam. upasaṃkhyānaśabdasya pratipādanamarthaḥ. tatredaṃ pratipādanam -- "nāḍīmuṣṭa()ośca" 3.2.20 ityatra cakāraḥ, sa cānuktasamuccayārthaḥ. tena vātādiṣūpapadeṣvajādibhyo dhātubhyaḥ khaś bhaviṣyati. "śunindhayaḥ" iti. "khityanavyayasya" 6.3.65 iti hyasvatvam. "śadrdhañjahāḥ" iti. juhotyādibhyaḥ śapaḥ śluḥ, "ślau"6.1.10 iti dvirvacanam, "śnābyasatyorātaḥ" 6.4.112 ityākāralopaḥ॥

#ejeḥ khaś. ejeriti ṇyantasya ejṛdhātogrrahaṇam, na tvikā nirdeśaḥ, vyākhyānāditi bhāvaḥ. khakāraśakārāvitau. karmaṇyupapade ityapi jñeyam.

ejeḥ khaś 754, 3.2.28 #ejeḥ khaś. ejeriti ṇyantasya ejṛdhātogrrahaṇam, na tvikā nirdeśaḥ, vyākhyānāditi bhāvaḥ. khakāraśakārāvitau. karmaṇyupapade ityapi jñeyam.

ejeḥ khaś. ejṛ kampane. ejeriti ṇyantasya nirdeśo, na tu śuddhasyekā nirdeśaḥ, khaśaḥ śitkaraṇālliṅgāt. taddhi sārvadhātukatve sati śabyathā syāditi. na caśuddhasya [śabdasya] śapi satyasati vā viśeṣo'sti. na cottarārtha śittvamiti vācyam, ihā'rthavattve saṃbhavati kevalottarārthatvasyā'nyāyyatvāt. tadetadāha– - ṇyantādejeriti.

ejeḥ khaś 629, 3.2.28 ejeḥ khaś. ejṛ kampane. ejeriti ṇyantasya nirdeśo, na tu śuddhasyekā nirdeśaḥ, khaśaḥ śitkaraṇālliṅgāt. taddhi sārvadhātukatve sati śabyathā syāditi. na caśuddhasya [śabdasya] śapi satyasati vā viśeṣo'sti. na cottarārtha śittvamiti vācyam, ihā'rthavattve saṃbhavati kevalottarārthatvasyā'nyāyyatvāt. tadetadāha--- ṇyantādejeriti.