sūda dīpa dīkṣa ityetebhyaśca yuc pratyayo na bhavati. anudāttettvāt prāptaḥ pratiṣidhyate. sūditā. dīpitā. dīkṣitā. nanu ca dīper viśeṣavihito rapratyayaḥ dṛśyate, namikampismyajasakamahiṃsadīpo raḥ 3-2-167 iti, sa eva vādhako bhaviṣyati, kiṃ pratiṣedhena? vā 'sarūpeṇa yujapi prāpnoti. tācchīlikeṣu ca vā asarūpavidhir na asti iti prāyikam etadityuktam. tathā ca samāveśo dṛśyate, kamrā yuvatiḥ, kamanā yuvatiḥ, iti yogavibhāgād vijñāyate. athavā madhusūdanādayo nandyādiṣu drakṣyante. kṛtyalyuṅo bahulam 3-3-113 iti lyuḍantā vā.

sūdadīpadīkṣaś ca 3.2.153 sūda dīpa dīkṣa ityetebhyaśca yuc pratyayo na bhavati. anudāttettvāt prāptaḥ pratiṣidhyate. sūditā. dīpitā. dīkṣitā. nanu ca dīper viśeṣavihito rapratyayaḥ dṛśyate, namikampismyajasakamahiṃsadīpo raḥ 3.2.167 iti, sa eva vādhako bhaviṣyati, kiṃ pratiṣedhena? vā 'sarūpeṇa yujapi prāpnoti. tācchīlikeṣu ca vā asarūpavidhir na asti iti prāyikam etadityuktam. tathā ca samāveśo dṛśyate, kamrā yuvatiḥ, kamanā yuvatiḥ, iti yogavibhāgād vijñāyate. athavā madhusūdanādayo nandyādiṣu drakṣyante. kṛtyalyuṅo bahulam 3.3.113 iti lyuḍantā vā.

sūdadīpadīkṣaśca. , 3.2.153 "ṣūda kṣaraṇe" (dhā.pā.25), "dīpau dīptau" (dhā.pā.1150), "dīkṣa {mauṇḍa()ejyopanayananiyamavratādeśeṣu-dhā.pā} mauṇḍa()e" (dhā.pā.609). "nanu ca" ityādi deśyam. "vā'sarūpeṇa" ityādi parihāraḥ. syādetat--vā'sarūpavidhirnāstīti jñāpitametat. tato nāsti yucprāptirityata āha-- "tācchīlika"ityādi. prāyikasya cāyameva liṅgam. yadi hi sarvatra vā'sarūpavidherabhāvaḥ syāt, tato viśeṣavihitenaiva pratyayena bādhitatvādeva yujna bhaviṣyīti pratiṣedho'narthakaḥ syāt. "tathā ca" ityādinā tācchīlikapratyayena samāveśaṃ darśayan prāyikatvameva jñāpakasya draḍhayati. "kamrā"iti. "namikampi" 3.2.167 ityādinā rapratyayaḥ. "kamanā" iti. anudāttetaśca halādeḥ"3.2.149 iti yucpratyayaḥ. "kamprā"iti. "kapi calane"(dhā.pā.275). "sūdeḥ" ityādi codyam. "anityam" ityādi parihāraḥ. "yogavibhāgādavijñāyate" iti. anityatve sādhanaṃ "nayasūdadīpadīkṣa" ityekayoge katrtavye yadyogavibhāgaṃ karoti tajjñāpayati-- pūrvasmāt pratiṣedhādasya kaścidviśeṣo'stīti. sa puvanarviśeṣo'nityatvameva. yadyapi dīpadīkṣatimyāmapi yuc prāpnoti, anabhidhānna bhavati॥

sūdadīpa. sūda, dīpa, dīkṣa, eṣāṃ dvandvātpañcamī. yujneti. śeṣapūraṇamidam. `anudāttetaśce'ti prāpto yuc pratiṣidhyate. nanviha dīpagrahaṇaṃ vyarthaṃ, `namikampismyajasakamahiṃsadīporaḥ' iti viśeṣavihitena rapratyayena yuco bādhasiddheḥ. naca vā'sarūpavidhinā tadbādhaḥ śaṅkyaḥ, tācchīlikeṣu vāsarūpavidheḥ pratiṣedhādityata āha- - namikampīti. reṇeti. rapratyayenetyarthaḥ. prāyikamiti. tathā cā'tra vāsarūpavidhinā tācchīlikenāpi rapratyayena yuco bādhāsaṃbhavādiha dīperyuco niṣedho'rthavāniti bhāvaḥ. teneti. tācchīlike'pi kvacidvāsarūpavideḥ sattvādityarthaḥ. kamnā kamaneti. icchāśīletyarthaḥ. atrāpi `namikampī'ti reṇa yucaḥ pakṣe bādha iti bhāvaḥ. ākṣipati- - yadīti.yadi `sūdadīpadīkṣaśce'tisūderyucpratiṣidhyate tadā `madhuśūdana' iti kathamityanvayaḥ. samādhatte– nandyādiriti. `sūdi'riti seṣaḥ. tathā ca `nandigrahī'ti lyupratyaya iti bhāvaḥ.

sūdadīpakṣaśca 935, 3.2.153 sūdadīpa. sūda, dīpa, dīkṣa, eṣāṃ dvandvātpañcamī. yujneti. śeṣapūraṇamidam. "anudāttetaśce"ti prāpto yuc pratiṣidhyate. nanviha dīpagrahaṇaṃ vyarthaṃ, "namikampismyajasakamahiṃsadīporaḥ" iti viśeṣavihitena rapratyayena yuco bādhasiddheḥ. naca vā'sarūpavidhinā tadbādhaḥ śaṅkyaḥ, tācchīlikeṣu vāsarūpavidheḥ pratiṣedhādityata āha-- namikampīti. reṇeti. rapratyayenetyarthaḥ. prāyikamiti. tathā cā'tra vāsarūpavidhinā tācchīlikenāpi rapratyayena yuco bādhāsaṃbhavādiha dīperyuco niṣedho'rthavāniti bhāvaḥ. teneti. tācchīlike'pi kvacidvāsarūpavideḥ sattvādityarthaḥ. kamnā kamaneti. icchāśīletyarthaḥ. atrāpi "namikampī"ti reṇa yucaḥ pakṣe bādha iti bhāvaḥ. ākṣipati-- yadīti.yadi "sūdadīpadīkṣaśce"tisūderyucpratiṣidhyate tadā "madhuśūdana" iti kathamityanvayaḥ. samādhatte-- nandyādiriti. "sūdi"riti seṣaḥ. tathā ca "nandigrahī"ti lyupratyaya iti bhāvaḥ.

sūdadīpa. sūda kṣaraṇe, dīpī dīptau, dīkṣa mauṇḍa\ufffdejyādau. tācchīlikeṣviti. `paraspara' miti śeṣaḥ. prāyikamiti. na kevalaṃ yathāśruta [ m ] bhāṣyamavalambya yujrayoreva samāveśa iti mantavyaṃ,kiṃtu prāyikatvaṃ eva bhāṣyasya tātparyam. tena gameḥ `laṣapatapade' tyukañviṣaye tṛnnapi. gantā. gāmukaḥ. tathā `vau kaṣalase'ti ghinuṇviṣaye yujapi– vikatthī vikatthana ityādi sidhyatīti bhāvaḥ.

sūdadīpadīkṣaśca 769, 3.2.153 sūdadīpa. sūda kṣaraṇe, dīpī dīptau, dīkṣa mauṇḍa()ejyādau. tācchīlikeṣviti. "paraspara" miti śeṣaḥ. prāyikamiti. na kevalaṃ yathāśruta [ m ] bhāṣyamavalambya yujrayoreva samāveśa iti mantavyaṃ,kiṃtu prāyikatvaṃ eva bhāṣyasya tātparyam. tena gameḥ "laṣapatapade" tyukañviṣaye tṛnnapi. gantā. gāmukaḥ. tathā "vau kaṣalase"ti ghinuṇviṣaye yujapi-- vikatthī vikatthana ityādi sidhyatīti bhāvaḥ.