1/52:snoḥ kittve sthaḥ īkārpratiṣedhaḥ |*
2/52:snoḥ kittve sthaḥ īkārpratiṣedhaḥ vaktavyaḥ |
3/52:sthāsnuḥ iti |
4/52:ghumāsthāgāpājahātisām hali iti īttvam prāpnoti |
5/52:evam tarhi na kit kariṣyate |
6/52:akiti guṇapratiṣedhaḥ |*
7/52:yadi akit guṇapratiṣedhaḥ vaktavyaḥ |
8/52:jiṣṇuḥ iti |
9/52:bhuvaḥ iṭpratiṣedhaḥ ca |*
10/52:bhuvaḥ iṭpratiṣedhaḥ ca vaktavyaḥ |
11/52:kim ca anyat |
12/52:guṇapratiṣedhaḥ ca |
13/52:bhūṣṇuḥ iti |
14/52:astu tarhi kit| nanu ca uktam snoḥ kittve sthaḥ īkārpratiṣedhaḥ vaktavyaḥ iti |
15/52:na eṣaḥ doṣaḥ |
16/52:sthādaṃśibhyām snuḥ chandasi |*
17/52:sthādaṃśibhyām snuḥ chandasi vaktavyaḥ |
18/52:sthāsnu jaṅgamam |
19/52:daṅkṣṇavaḥ paśavaḥ iti |
20/52:saḥ idānīm sthaḥ aviśeṣeṇa vidhāsyate |
21/52:sūtram tarhi bhidyate |
22/52:yathānyāsam astu| nanu ca uktam snoḥ kittve sthaḥ īkārpratiṣedhaḥ vaktavyaḥ iti |
23/52:evam tarhi git kariṣyate |
24/52:sthoḥ gittvāt na sthaḥ īkāraḥ |*
25/52:sthoḥ gittvāt sthaḥ īkāraḥ na bhaviṣyati |
26/52:kim kāraṇam |
27/52:kṅitoḥ īttvaśāsanāt |*
28/52:kṅitoḥ īttvam śiṣyate |
29/52:iha tarhi jiṣṇuḥ iti guṇaḥ prāpnoti |
30/52:guṇābhāvaḥ triṣu smāryaḥ |*
31/52:guṇābhāvaḥ triṣu smartavyaḥ |
32/52:giti kiti ṅiti iti |
33/52:tat gakāragrahaṇam kartavyam |
34/52:na kartavyam |
35/52:kriyate nyāse eva |
36/52:kakāre gakāraḥ cartvabhūtaḥ nirdiśyate |
37/52:kkṅiti ca iti |
38/52:iha tarhi bhūṣṇuḥ iti śryukaḥ kiti iti iṭpratiṣedhaḥ na prāpnoti |
39/52:śryuko aniṭtvam gakoḥ itoḥ |*
40/52:śryukaḥ aniṭtvam gakārakakārayoḥ iti vaktavyam |
41/52:tat gakāragrahaṇam kartavyam |
42/52:na kartavyam |
43/52:kriyate nyāsaḥ eva |
44/52:kakāre gakāraḥ cartvabhūtaḥ nirdiśyate |
45/52:śryukaḥ kkiti iti |
46/52:yadi evam cartvasya asiddhatvāt haśi iti uttvam prāpnoti |
47/52:sautraḥ nirdeśaḥ |
48/52:atha vā asaṃhitayā nirdeśaḥ kariṣyate |
49/52:śryukaḥ kkiti iti |
50/52:sthoḥ gittvāt na sthaḥ īkāraḥ kṅitoḥ īttvaśāsanāt |*
51/52:guṇābhāvaḥ triṣu smāryaḥ |*
52/52:śryuko aniṭtvam gakoḥ itoḥ |*

chandasi iti nivṛttam. glā ji sthā ityetebhyo dhātubhyaḥ, cakārāt bhuvaśca tacchīlādiṣu kṣnuḥ pratyayo bhavati. glāsnuḥ. jiṣṇuḥ. sthāsnuḥ. bhūṣṇuḥ. giccāyaṃ pratyayo na kit. tena sthaḥ īkāro na bhavati. kṅiti ca 1-1-5 ityatra gakāro 'pi cartvabhūto nirdiśyate, tena guṇo na bhavati. śryukaḥ kiti 7-2-11 ityatra api gakaro nirdiśyate, tena bhuva iḍ na bhavati. kṣtorgittvān na stha īkāraḥ kaṅitorītvaśāsanāt. guṇābhāvastriṣu smāryaḥ śryuko 'niṭtvaṃ gakoritoḥ. daṃśeśchandasyupasaṅkhyānam. daṃkṣṇavaḥ paśavaḥ.

glājisthaś ca kṣnuḥ 3.2.139 chandasi iti nivṛttam. glā ji sthā ityetebhyo dhātubhyaḥ, cakārāt bhuvaśca tacchīlādiṣu kṣnuḥ pratyayo bhavati. glāsnuḥ. jiṣṇuḥ. sthāsnuḥ. bhūṣṇuḥ. giccāyaṃ pratyayo na kit. tena sthaḥ īkāro na bhavati. kṅiti ca 1.1.5 ityatra gakāro 'pi cartvabhūto nirdiśyate, tena guṇo na bhavati. śryukaḥ kiti 7.2.11 ityatra api gakaro nirdiśyate, tena bhuva iḍ na bhavati. kṣtorgittvān na stha īkāraḥ kaṅitorītvaśāsanāt. guṇābhāvastriṣu smāryaḥ śryuko 'niṭtvaṃ gakoritoḥ. daṃśeśchandasyupasaṅkhyānam. daṃkṣṇavaḥ paśavaḥ.

glājisthaśca ksnuḥ. , 3.2.139 atha sthāsnurityatra "ghumāsthāgāpā" 6.4.66 ityādisūtreṇa kasmādītvaṃ bhavatītyāha-- "piccāyam" ityādi. īttvaṃ kṅiti. tatra "dīṅo yuḍaci kṅiti" 6.4.63 ityanuvṛtteḥ. na cāyaṃ kit, na cāyaṃ ṅit; kiṃ tarhi? git. gakārasya tvaśravaṇam,catrvabhūtasya nirdeśāt. yadi tarhi gidayam, jiṣṇurityatra guṇaḥ prāpnoti, yasmāt "kṅiti ca" 1.1.5 iti kṅiti pratyaye guṇaḥ pratiṣidhyate, na gitītyata āha-- "kṅiti ca" ityādi. na hi "kṅiti ca" 1.1.5 ityatra kakāraṅakārāveva nirdiśyete, kiṃ tarhi? gakāro'pi kṛtacartvaḥ,tena gityapi guṇo na bhavati. bhūṣṇurityatra tarhi śrayukaḥ kiti" 7.2.11 iṭ()pratiṣedha udyamāno giti na syādityata āha-- "śrayukaḥ" kiti ityādinā gakāraścatrvabhūto nirdiśyate" iti prakṛtena sambandhaḥ. "tena" iti. gakārasya cartavabhūtasya nirdeśeneti. "kasnorgitvātityādi. gakāra itsaṃjñako yasya sa git, tadbhāvo gittvam. tasmāt gittvānna syāsnurityatrekāraḥ. tiṣṭhaterīkāro na bhavati. kasmāt punargittavādīkāro na bhavatītyāha-- "kaṅitoritvaśāsanāt" ityādi. kakāre'kāra uccāraṇārthaḥ. yasmāt kṅitītvamucyate, ayaṃ tu git, tasmāt kṅiti vidhīyamānamītvaṃ gitvādiha na prāpnoti. yadyevam, jiṣṇurityatra guṇaḥ prāpnotītyata āha-- "guṇābhāvaḥ"ityādi. triṣu kakāragakāraṅakāreṣvitsaṃjñakeṣu yo guṇapratiṣedhaḥ sa smatrtavya- = jñātavyaḥ. "kṅiti ca" 1.1.5 ityatra gakāraścatrvabhūto nirdiṣṭaḥ. yadi tarhi gidayam, "bhūṣṇurityatra "śrayukaḥ kiti"7.2.11 ityīṭ()pratiṣedho na syādityata āha-- "śrayuko'niṭ()catvamiṭpratiṣedho bhavatīti veditavyam. yadi gakāraścatrvabhūtaḥ "śrayuka kiti" 7.2.11 itīṭpratiṣedho na syādityata āha-- "śayuko'niṭ()tvam" ityādi. gakāro'pi tataścatrvabhūto nirdiśyate. tana kakāragakārayodrvayorapītsaṃjñakayoḥ śrayuko'niṭ()tvamiṭpratiṣedho bhavatīti veditavyam. yadigakāraścattrvabhūtaḥ "śrayukaḥ kiti" 7.2.11 ityatra nirdiśyate," haśi ca" 6.1.110 ityutvaṃ prāpnoti, tasyāsiddhatvāt? sautratvānnirdeśaśyāsaṃhitayā pāṭhānna bhaviṣyatītyadoṣaḥ. vāmanasya tvetat sarvamanabhimatam. yathā nābhimataṃ tathā "kṅiti ca" 1.1.5 ityatra pratipāditam. "daṃśeḥ"ityādi. upasaṃkhyānaśabdaḥ pratipādane vatrtate. "danśa daṃśane" (dhā.pā.898) ityetasmādapi ksnupratyayasyopasaṃkhyānam = pratipādanaṃ katrtavyam. tatredaṃ pratipādanam-- pūrvasūtrāccakāro'nutrtate, sa cānuktasamuccayārthaḥ, tena daṃśerapi bhaviṣyatīti. "daṃkṣṇavaḥ" iti. vraścādinā 8.2.36 ṣatvam, "ṣaḍhoḥ kaḥ si" 8.2.41 iti katvam. "aniditām" 6.4.24 ityanunāsikalopo na bhavati, ksnorgitvāt. ye tu kitvamicchanti, tairiha nakāralopapratiṣedhaḥ "nāñceḥ pūjāyām" 6.4.30 ityatra neti yogavibhāgena katrtavyaḥ. yatnāntaraṃ vā tairāstheyam-- nakārasyānusvāraḥ, tasya parasavarṇaḥ॥

glājisthaśca. nivṛttamiti. vyākhyānāditi bhāvaḥ. cādbhuva ityanuvakṛṣyate. glā, ji, sthā eṣāṃ dvandvātpañcamī. glā, ji,sthā, bhū ityebhyaḥ ksnuḥ syāttacchīlādiṣvityarthaḥ. kakāra it. `sthāsnu' ityatra kittvalakṣaṇaṃ `ghumāsthe' tīttvamāśaṅkyāha– gidayamiti. sūtre cartvena kakāranirdeśa iti bhāvaḥ. gittvānna guṇa iti. `kkṅiti ce'tyatra gasya cartvena kakārāntarapraśleṣāditi bhāvaḥ. nanu bhūṣṇurityatra iṭ syāt, `śryukaḥ kitī'ti kita eva iṇniṣedhāt , asya ca gittvādityata āha– śryuka iti. praśleṣāditi. cartveneti bhāvaḥ.

glājisthaśca 921, 3.2.139 glājisthaśca. nivṛttamiti. vyākhyānāditi bhāvaḥ. cādbhuva ityanuvakṛṣyate. glā, ji, sthā eṣāṃ dvandvātpañcamī. glā, ji,sthā, bhū ityebhyaḥ ksnuḥ syāttacchīlādiṣvityarthaḥ. kakāra it. "sthāsnu" ityatra kittvalakṣaṇaṃ "ghumāsthe" tīttvamāśaṅkyāha-- gidayamiti. sūtre cartvena kakāranirdeśa iti bhāvaḥ. gittvānna guṇa iti. "kkṅiti ce"tyatra gasya cartvena kakārāntarapraśleṣāditi bhāvaḥ. nanu bhūṣṇurityatra iṭ syāt, "śryukaḥ kitī"ti kita eva iṇniṣedhāt , asya ca gittvādityata āha-- śryuka iti. praśleṣāditi. cartveneti bhāvaḥ.

īttvaṃ neti. `ghumāsthe'tyādiḥ. gittvāditi. `kṅiti ce'tyatra gakāraṃ praśliṣya giti kiti ṅitīti vyākhyānāditi bhāva-. gakārapraśleṣāditi. nanvevaṃ gakāre catrvasyā'siddhatvāt `haśice'tyutvaṃ syādita cet. satyam. sautro'yaṃ nirdeśaḥ. tathā ca vārtikaṃ– gsnorgittvānna stha īkāraḥ. kṅitorīttvapraśāsanat. guṇā'bhāvastriṣu smāryaḥ śryuko'niṭtvaṃ kagoritoḥ' iti. daṅakṣṇava iti. daṃśa daśane. `vraśce'tyādinā ṣatve `ṣaḍhoḥ kaḥ sī'ti katvam. `ādeśapratyayo'riti ṣatvam. `aniditī'miti nalopo na,gsnorgittvena prāptyabhāvāt.

glājisthaśca gsnuḥ 756, 3.2.139 īttvaṃ neti. "ghumāsthe"tyādiḥ. gittvāditi. "kṅiti ce"tyatra gakāraṃ praśliṣya giti kiti ṅitīti vyākhyānāditi bhāva-. gakārapraśleṣāditi. nanvevaṃ gakāre catrvasyā'siddhatvāt "haśice"tyutvaṃ syādita cet. satyam. sautro'yaṃ nirdeśaḥ. tathā ca vārtikaṃ-- gsnorgittvānna stha īkāraḥ. kṅitorīttvapraśāsanat. guṇā'bhāvastriṣu smāryaḥ śryuko'niṭtvaṃ kagoritoḥ" iti. daṅakṣṇava iti. daṃśa daśane. "vraśce"tyādinā ṣatve "ṣaḍhoḥ kaḥ sī"ti katvam. "ādeśapratyayo"riti ṣatvam. "aniditī"miti nalopo na,gsnorgittvena prāptyabhāvāt.