1/30:tṛnvidhau ṛtvikṣu ca anupasargasya |*
2/30:tṛnvidhau ṛtvikṣu ca anupasargasya iti vaktavyam |
3/30:hotā potā |
4/30:anupasargasya iti kimartham |
5/30:praśāstā pratihartā |
6/30:nayateḥ ṣuk ca |*
7/30:nayateḥ ṣuk vaktavyaḥ |
8/30:tṛn ca pratyayaḥ vaktavyañ| neṣṭā |
9/30:na vā dhātvanyatvāt | na vā vaktavyam |*
10/30:kim kāraṇam |
11/30:dhātvanyatvāt |
12/30:dhātvantaram neṣatiḥ |
13/30:katham jñāyate |
14/30:neṣatu neṣṭāt iti darśanāt |*
15/30:neṣatu neṣṭāt iti prayogaḥ dṛśyate |
16/30:indraḥ naḥ tena neṣatu |
17/30:gāḥ vaḥ neṣṭāt |
18/30:tviṣeḥ devatāyām akāraḥ ca upadhāyāḥ aniṭvam ca |*
19/30:tviṣeḥ devatāyām tṛn vaktavyaḥ akāraḥ ca upadhāyāḥ aniṭvam ca iti |
20/30:tvaṣṭā |
21/30:kim punaḥ idam tviṣeḥ eva aniṭvam |
22/30:na iti āha |
23/30:yat ca anukrāntam yat ca anukraṃsyate sarvasya eṣaḥ śeṣaḥ aniṭvam iti |
24/30:kṣadeḥ ca yukte |*
25/30:kṣadeḥ ca yukte tṛn vaktavyaḥ |
26/30:kṣattā |
27/30:chandasi tṛc ca |*
28/30:chandasi tṛc ca tṛn ca vaktavyaḥ |
29/30:kṣattṛbhyaḥ saṅgrahītṛbhyaḥ |
30/30:kṣattṛbhyaḥ saṅgrahītṛbhyaḥ |

sarvadhātubhyaḥ tṛnpratyayo bhavati tacchīlādiṣu kartṛṣu. nakāraḥ svarārthaḥ. tacchīle tāvat kartā kaṭān. vaditā janāpavādān. taddharmaṇi muṇḍayitāraḥ śrāviṣṭhāyanāḥ bhavanti vadhūmūḍhām. annamapahartāraḥ āhvarakāḥ bhavanti śrāddhe siddhe. unnetāraḥ taulvalāyanāḥ bhavanti putre jāte. tatsādhukāriṇi kartākaṭam. gantā kheṭam. tṛnvidhāvṛtvikṣu ca anupasargasya. hotā. potā. anupasargasya iti kim? udgātā. pratihartā. tṛjeva bhavati. svare viśeṣaḥ. nayateḥ ṣuk ca. neṣṭā. tviṣer devatāyām akāraśca upadhāyā aniṭtvaṃ ca. tvaṣṭā. kṣadeśca niyukte. kṣattā. kvacidadhikṛta ucyate. chandasi tṛc ca. kṣatṛbhyaḥ saṅgrahītṛbhyaḥ. svare viśeṣaḥ.

tṛn 3.2.135 sarvadhātubhyaḥ tṛnpratyayo bhavati tacchīlādiṣu kartṛṣu. nakāraḥ svarārthaḥ. tacchīle tāvat kartā kaṭān. vaditā janāpavādān. taddharmaṇi muṇḍayitāraḥ śrāviṣṭhāyanāḥ bhavanti vadhūmūḍhām. annamapahartāraḥ āhvarakāḥ bhavanti śrāddhe siddhe. unnetāraḥ taulvalāyanāḥ bhavanti putre jāte. tatsādhukāriṇi kartākaṭam. gantā kheṭam. tṛnvidhāvṛtvikṣu ca anupasargasya. hotā. potā. anupasargasya iti kim? udgātā. pratihartā. tṛjeva bhavati. svare viśeṣaḥ. nayateḥ ṣuk ca. neṣṭā. tviṣer devatāyām akāraśca upadhāyā aniṭtvaṃ ca. tvaṣṭā. kṣadeśca niyukte. kṣattā. kvacidadhikṛta ucyate. chandasi tṛc ca. kṣatṛbhyaḥ saṅgrahītṛbhyaḥ. svare viśeṣaḥ.

tṛn. , 3.2.135 "muṇḍayitāraḥ" iti. muṇḍāṃ kurvantīti "muṇḍamiśra" 3.1.21 ityādinā ṇic, iṣṭhavadbhāvena ṭilopaḥ. "{muṇḍayitāraḥ śrāviṣṭhāyanā bhavanti badhūmūḍhām"--kāśikā.} vadhūmūḍhāṃ śrāviṣṭhāyanā muṇḍayanti" iti. eteṣāṃ kuladharmaḥ. "āhvarakāḥ śrāddhe siddhe'nnamapaharanti" iti. eteṣāmācāraḥ. yaḥ kaṭaṃ sādhu karotīti sa katrtā kaṭamiti. kheṭaṃ yo līlayā gacchati sa sādhu gacchati. "tṛnvidhau" ityādi. atācchīlyārtha ārambhaḥ. a()smastṛnvidhāvanupasargasya dhātostṛn vaktavya ṛtvikṣvabhidheyeṣu. "hotā" iti. "hu {dānādanayoḥ. ādāne ityeke.prīṇane'pi iti bhāṣyam-- dhā.pā.} dāne" (dhā.pā.1083). "potā" iti. "pūṅa pavane" (dhā.pā.966). "udgātā" iti. "kai gai śabde" (dhā.pā.916,917)."svare vikṣeṣaḥ" iti. tṛci sati "gatikārakopapadāt kṛt" 6.2.138 iti prakṛtisvareṇāntodāttatvaṃ bhavati, tṛni tu sati "gatiranantaraḥ" 6.2.49 ityanuvatrtamāne" "tādau ca niti kṛtyatau" 6.2.49 iti pūrvavadasya prakṛtisvaraḥ prasajyeta. "nayateḥ ṣuk ca" iti. kṛte guṇe ṣugāgamo veditavyaḥ; anyathā hralaghūpadhatvād()guṇo na syāt. guṇo'pi vā vaktavyaḥ. atra ṛtvigiti vatrtate. ayamapyatācchīlyārtha ārambhaḥ. "tviṣeḥṭa ityādi. "tviṣa dīptau" (dhā.pā.1001) ityasmāddevatāyāmabhidheyāṃ tṛn vaktavyaḥ, akāraścopadhāyā ādeśo bhavati. "aniṭ()tvaṃ ca"iti. etasya sarvaśeṣatve cāsya potetyatrāniṭ()tvaṃ siddhaṃ bhavati. "kṣadeḥ"ityādi. "kṣada"iti sautro dhātuḥ. "gudhṛvīpacivayiyamisadi kṣadibhyastraḥ"(paṃ.u.4.166) ityādyuṇādisūtrapāṭhāt. uṇādiṣu nipātitatvāt hotrādaya iti siddham. tatra hi "naptṛneṣṭṛtvaṣṭṛkṣatṛpotṛhotṛbhrātṛjāmātṛpitṛduhitṛ" (da.u.2.3.) ityete nipātitāḥ॥

tṛn. dhātostṛnpratyayaḥ syāttacchīlādiṣu kartṛṣu. tacchīle udāharati– kartā kaṭamiti. kaṭakaraṇakriyāśīla ityarthaḥ. `na loke'ti ṣaṣṭhīniṣedhaḥ, `na loke'ti sūtre `tṛ'nnityanena `laṭaḥ śata' ityārabhya etatsūtrasthanakāreṇa pratyāhāraśrayaṇāt. taddharmaṇi yathā– `muṇḍayitāraḥ śrāviṣṭhāyanā bhavanti ūḍhāṃ vadhūm?'. śrāviṣṭhāyanā nāma deśaviśeṣīyā vadhūmuṇḍanaṃ svadharma ityanuṣṭhātāra ityarthaḥ. tatsādhukāriṇi `kartā kaṭa'mityevodāharaṇam.kaṭaṃ sādhu karotītyarthaḥ.

tṛn 917, 3.2.135 tṛn. dhātostṛnpratyayaḥ syāttacchīlādiṣu kartṛṣu. tacchīle udāharati-- kartā kaṭamiti. kaṭakaraṇakriyāśīla ityarthaḥ. "na loke"ti ṣaṣṭhīniṣedhaḥ, "na loke"ti sūtre "tṛ"nnityanena "laṭaḥ śata" ityārabhya etatsūtrasthanakāreṇa pratyāhāraśrayaṇāt. taddharmaṇi yathā-- "muṇḍayitāraḥ śrāviṣṭhāyanā bhavanti ūḍhāṃ vadhūm()". śrāviṣṭhāyanā nāma deśaviśeṣīyā vadhūmuṇḍanaṃ svadharma ityanuṣṭhātāra ityarthaḥ. tatsādhukāriṇi "kartā kaṭa"mityevodāharaṇam.kaṭaṃ sādhu karotītyarthaḥ.