pūṅo yajeśca dhātoḥ śānan pratyayo bhavati. pavamānaḥ. yajamānaḥ. yadi pratyayāḥ śānannādayaḥ na lā'deśāḥ, kathaṃ somaṃ pavamānaḥ, naḍamāghnānaḥ iti ṣaṣṭhīpratiṣedhaḥ? tṛniti pratyāhāranirdeśāt. kva saṃniviṣṭānāṃ pratyāhāraḥ? laṭaḥ śatṛśānacāvaprathamāsamānādhikaraṇe 3-2-124 ityataḥ prabhṛti ā tṛno nakārāt. dviṣaḥ śaturvā vacanam. caurasya dviṣan, cauraṃ dviṣan.

pūṅ yajoḥ śānan 3.2.128 pūṅo yajeśca dhātoḥ śānan pratyayo bhavati. pavamānaḥ. yajamānaḥ. yadi pratyayāḥ śānannādayaḥ na lā'deśāḥ, kathaṃ somaṃ pavamānaḥ, naḍamāghnānaḥ iti ṣaṣṭhīpratiṣedhaḥ? tṛniti pratyāhāranirdeśāt. kva saṃniviṣṭānāṃ pratyāhāraḥ? laṭaḥ śatṛśānacāvaprathamāsamānādhikaraṇe 3.2.124 ityataḥ prabhṛti ā tṛno nakārāt. dviṣaḥ śaturvā vacanam. caurasya dviṣan, cauraṃ dviṣan.

pūṅyajoḥ śānan. , 3.2.128 vatrtamānavihitāḥ śatṛśānacprabhṛtayaḥ. ete lādeśā vā syuḥ? pratyayā vā? tatra yadi iha laṭa ityanuvatrtate tadā lādeśāḥ, atha nānuvatrtate tataḥ pratyayāḥ. tasyādeśāḥ kriyeraṃstadā "nanvorvibhāṣā"3.2.121 ityato vibhāṣāgrahaṇamanuvatrtayitavyaṃ jāyeta; anyathā pavate devadattaḥ, yajate devadatta iti tiṅaśravaṇaṃ kuryāt. pratyayalakṣaṇe tu vāsarūpavidhinā yadā laḍ bhavati tadā pratyayaśravaṇaṃ tiṅaśravaṇamupapadyate. kiñca, ādeśapakṣe "laḥ karmaṇi ca bhāve cākarmakebhyaḥ" 3.4.69 iti bhāvakarmaṇorapi śānannādayaḥ syuḥ, katrtaryeva ceṣyante. pratyayapakṣe tu "katrtari kṛt" 3.4.67 iti katrtaryeva bhavanti, na bhāvakarmaṇoḥ, iha katīha maṇḍayamāna ittyuttarasūtre cānaśi kṛte "tāsyanudāttenṅidadupadeśāllasārvadhātukamanudāttamahnviṅoḥ" 6.1.180 itinighātaḥ syāt, pratyayapakṣe tu na bhavati; alasārvadhātukatvāt. cānaśaḥ "laḥ parasmaipadam" 1.4.98 "taṅānāvātmanepadam" 1.4.99 ityātmanepadasaṃjñā prasajyeta, tataścātmanepadibhya eva syāt-- katīha nighnānā iti. pratyayapakṣe tvalādeśānna bhavatyātmanepadasaṃjñāprasaṅgaḥ. tadevamādeśapakṣe bahavo doṣāḥ pratividheyāḥ, pratatividhāne'pi teṣāṃ pratipattigauravaṃ bhavatīti matvā pratyayapakṣamāśrityāha-- "śānanpratyayo bhavati" iti. śakāraḥ sārvadhātukasaṃjñārthaḥ. "pavamānaḥ" iti. "pūṅa pavane" (dhā.pā.966), śap, "āne muk" 7.2.82. "yadi" ityādi. "na lokāvyaya"2.3.69 ityādau tṛnniti tṛna eva pratyayasya nirdeśa iti manyamānasya praśnaḥ. "tṛnniti pratyāhāranirdeśāt" iti. "somaṃ pavamānaḥ, naḍamāghnānaḥ" iti. ṣaṣṭhīpratiṣedha ityanena sambandhanīyam. yadi tṛnniti pratyayagrahaṇaṃ syāt tadā śānanprabhṛtīnāṃ pratyayārthe sati "somaṃ pavamānaḥ" ityādau ṣaṣṭhīpratiṣedho na syāt. na ca tṛnniti pratyayasya grahaṇam, kiṃ tarhi? pratyāhārasya. tatra caśānannādayo'ntarbhūtā iti bhavatyeva ṣaṣṭhīpratiṣedhaḥ. "dviṣaḥ śaturvā vacanam" iti. "dviṣo'mitre" 3.2.131 ityanena yaḥ {śatā"iti mudritaḥ pāṭhaḥ} śatṛ vidhīyate tasya pratyāhāre'sminnantarbhāvāt tadyoge ṣaṣṭhīpratiṣedhaḥ syāt, tataścaurasya dviṣanniti pakṣe na syāt. tasmāt "dviṣa aprītau" (dhā.pā.1013) ityasya śatrantasya prayoge dvitīyāyāṃ prāptāyāṃ vā ṣaṣṭhī vaktavyā॥

pūṅyajoḥ śānan. pañcamyarthe ṣaṣṭhī. vartamāne iti. śeṣapūraṇamidam. `vartamāne la'ḍityatastadanuvṛtteriti bhāvaḥ. laḍgrahaṇaṃ tu nivṛttam. tataśca ṇvulādivatsvatantro'yaṃ , na tu śatrādivallādeśaḥ. tathā ca kartaryevāyaṃ, na tu bhāvakarmaṇoḥ. na ca lādeśatvā'bāve `somaṃ pavamānaṭa ityatra karmaṇi ṣaṣṭhī syāditi vācyaṃ, `na loke'ti sūtre `tṛn' iti pratyāhāra ityuktatvāt.

pūṅyajoḥ śānan 910, 3.2.128 pūṅyajoḥ śānan. pañcamyarthe ṣaṣṭhī. vartamāne iti. śeṣapūraṇamidam. "vartamāne la"ḍityatastadanuvṛtteriti bhāvaḥ. laḍgrahaṇaṃ tu nivṛttam. tataśca ṇvulādivatsvatantro'yaṃ , na tu śatrādivallādeśaḥ. tathā ca kartaryevāyaṃ, na tu bhāvakarmaṇoḥ. na ca lādeśatvā'bāve "somaṃ pavamānaṭa ityatra karmaṇi ṣaṣṭhī syāditi vācyaṃ, "na loke"ti sūtre "tṛn" iti pratyāhāra ityuktatvāt.

pūṅyajoḥ. śānanaḥ śakāraḥ sārvadhātukatvārthaḥ. nakāraḥ svarārthaḥ. ṇvulādivatsvatantro'yaṃ na tu śatrādivallādeśaḥ, tathāhi sati veti vācyaṃ syāt, pavate yajate iti tiṅo'pi yathā syuriti. na ca vā'sarūpanyāyena nirvāhaḥ,lādeśeṣu vā'sarūpavidhirnāstītyākare sthitatvāt.kiṃca lādeśatve `laḥ karmaṇi ce' ti bhāvakarmaṇorvihitasya lasyāpi bhāvakarmaṇorapi prayujyeta, iṣyate tu kartaryeva. evaṃ cānaśaḥ `iṅghāryo' riti śatuśca svātantryaṃ bodhyam. atra kecit- śānano lādeśatve lasārvadhātukānudāttatvaṃ syādityāhuḥ. taccintyam. paratvānnitsvarapravṛttyā pavamāna ityāderādyudāttatve śānano'nudāttatvasyeṣṭatvāt. nanveṣāṃ lādeśatvā'naṅgīkāre `somaṃ pavamāna' ityādau karmaṇi ṣaṣṭī syāditi cenmaivam. `na loke' ti sūtre tṛnniti pratyāhāranirdeśa ityuktatvāt.

pūṅyajoḥ śānan 747, 3.2.128 pūṅyajoḥ. śānanaḥ śakāraḥ sārvadhātukatvārthaḥ. nakāraḥ svarārthaḥ. ṇvulādivatsvatantro'yaṃ na tu śatrādivallādeśaḥ, tathāhi sati veti vācyaṃ syāt, pavate yajate iti tiṅo'pi yathā syuriti. na ca vā'sarūpanyāyena nirvāhaḥ,lādeśeṣu vā'sarūpavidhirnāstītyākare sthitatvāt.kiṃca lādeśatve "laḥ karmaṇi ce" ti bhāvakarmaṇorvihitasya lasyāpi bhāvakarmaṇorapi prayujyeta, iṣyate tu kartaryeva. evaṃ cānaśaḥ "iṅghāryo" riti śatuśca svātantryaṃ bodhyam. atra kecit- śānano lādeśatve lasārvadhātukānudāttatvaṃ syādityāhuḥ. taccintyam. paratvānnitsvarapravṛttyā pavamāna ityāderādyudāttatve śānano'nudāttatvasyeṣṭatvāt. nanveṣāṃ lādeśatvā'naṅgīkāre "somaṃ pavamāna" ityādau karmaṇi ṣaṣṭī syāditi cenmaivam. "na loke" ti sūtre tṛnniti pratyāhāranirdeśa ityuktatvāt.