1/50:taugrahaṇam kimartham |
2/50:śatṛśānacau pratinirdiśyete |
3/50:na etat asti prayojanam |
4/50:prakṛtau śatṛśānacau anuvartiṣyete |
5/50:kva prakṛtau |
6/50:laṭaḥ śatṛsānacau aprathamāsamānādhikaraṇe iti |
7/50:ataḥ uttaram paṭhati |
8/50:tau sat iti vacanam asaṃsargārtham ṭau grahaṇam kriyate asaṃsargārtham |*
9/50:asaṃsaktayoḥ etaiḥ viśeṣaiḥ śatṛśānacoḥ sañjñā yathā syāt |
10/50:nanu ca ete viśeṣāḥ nivarteran |
11/50:yadi api ete viśeṣāḥ nivartante ayam tu khalu vartamānaḥ kālaḥ avaśyam uttarārthaḥ anuvartyaḥ |
12/50:tasmin anuvartamāne vartamānakālavihitayoḥ eva śatṛśānacoḥ satsñjñā syāt |
13/50:bhūtabhaviṣyakālavihitayoḥ na syāt |
14/50:kim punaḥ bhūtabhaviṣyakālavihitayoḥ satsñjñāvacane prayojanam |
15/50:pūraṇaguṇasuhitasat iti |
16/50:brāhmaṇasya pakṣyan |
17/50:brāhmaṇasya pakṣyamāṇaḥ |
18/50:atha kriyamāṇe api taugrahaṇe katham eva asaṃsaktayoḥ etaiḥ viśeṣaiḥ sañjñā labhyā |
19/50:labhyā iti āha |
20/50:katham |
21/50:tau iti śabdataḥ sat iti yoge kriyamāṇe tau grahaṇam yogāṅgam jāyate |
22/50:sati ca yogāṅge yogavibhāgaḥ kariṣyate |
23/50:tau |
24/50:tau etau śatṛśānacau dhātumātrāt parasya pratyayasya bhavataḥ |
25/50:tataḥ sat |
26/50:satsñjñau bhavatau śatṛśānacau |
27/50:iha api tarhi prāpnutaḥ |
28/50:kārakaḥ hārakaḥ iti |
29/50:avadhāraṇam lṛṭi vidhānam |*
30/50:lṛtaḥ sat vā iti etat niyamārtham bhaviṣyati |
31/50:lṛṭaḥ eva dhātumātrāt parasya na anyasya iti |
32/50:kaimarthyakyāt niyamaḥ bhavati |
33/50:vidheyam na asti iti kṛtvā |
34/50:iha ca asti vidheyam |
35/50:kim |
36/50:nityau śatṛśānacau prāptau |
37/50:tau vibhāṣā vidheyau |
38/50:tatra apūrvaḥ vidhiḥ astu niyamaḥ astu iti apūrvaḥ eva vidhiḥ bhaviṣyati na niyamaḥ |
39/50:yogavibhāgataḥ ca vihitam sat |*
40/50:evam tarhi yogavibhāgaḥ kariṣyate |
41/50:lṛṭaḥ sat |
42/50:lṛṭaḥ satsañjñau bhavataḥ |
43/50:kimartham idam |
44/50:niyamārtham |
45/50:lṛṭaḥ eva dhātumātrāt parasya na anyasya iti |
46/50:tataḥ vā |
47/50:vā ca lṛṭaḥ śatṛśānacau satsañjñau bhavataḥ |
48/50:tatra ayam api arthaḥ |
49/50:sadvidhiḥ nityam aprathamāsamānādhikaraṇe iti vakṣyati |
50/50:tat na vaktavyam bhavati |

1/37:atha yau etau uttarau śatānau kim etau lādeśau āhosvit alādeśau |
2/37:kaḥ ca atra viśeṣaḥ |
3/37:uttarayoḥ lādeśe vāvacanam |*
4/37:uttarayoḥ lādeśe vā iti vaktavyam |
5/37:pavamānaḥ yajamānaḥ |
6/37:pavate yajate iti api yathā syāt |
7/37:sādhanābhidhānam |*
8/37:sādhanābhidhānam ca prāpnoti |
9/37:laḥ karmaṇi ca bhāve ca akarmakebhyaḥ iti bhāvakarmaṇoḥ api prāpnutaḥ |
10/37:svaraḥ |*
11/37:svaraḥ ca sādhyaḥ |
12/37:kati iha pavamānāḥ |
13/37:adupadeśāt lasārvadhātukam anudāttam bhavati iti eṣaḥ svaraḥ prāpnoti |
14/37:upagrahapratiṣedhaḥ ca |*
15/37:upagrahasya ca pratiṣedhaḥ vaktavyaḥ |
16/37:kati iha nighnānāḥ |
17/37:taṅānau ātmanepadam iti ātmanepadasañjñā prāpnoti |
18/37:stām tarhi alādeśau |
19/37:alādeśe ṣaṣṭhīpratiṣedhaḥ |*
20/37:alādeśe ṣaṣṭhīpratiṣedhaḥ vaktavyaḥ |
21/37:somam pavamānaḥ |
22/37:naḍam āghnānaḥ |
23/37:adhīyan pārāyaṇam |
24/37:laprayoge na iti pratiṣedhaḥ na prāpnoti |
25/37:mā bhūt evam |
26/37:tṛn iti eva bhaviṣyati |
27/37:katham |
28/37:tṛn iti na idam pratyayagrahaṇam |
29/37:kim tarhi |
30/37:pratyāhāragrahaṇam |
31/37:kva sanniviṣṭāṇām pratyāhāraḥ |
32/37:laṭaḥ śatṛ iti ataḥ ārabhya ā tṛnaḥ nakārāt |
33/37:yadi pratyāhāragrahaṇam caurasya dviṣan vṛṣalasya dviṣan atra api prāpnoti |
34/37:dviṣaḥ śatuḥ vāvacanam |*
35/37:dviṣaḥ śatuḥ vā iti vaktavyam |
36/37:tat ca avaśyam vaktavyam pratyayagrahaṇe sati pratiṣedhārtham |
37/37:tat eva pratyāhāragrahaṇe sati vidhyartham bhaviṣyati|

tau śatṛśānacau satsaṃjñau bhavataḥ. taugrahaṇam upādyasaṃsargārtham. śatṛśānajmātrasya saṃjñā bhavati. brāhmaṇasya kurvan. brāhmaṇasya kurvāṇaḥ. brāhmaṇasya kariṣyan. brāhmaṇasya kariṣyamāṇaḥ. satpradeśāḥ pūraṇaguṇasuhitārthasad. avyayatavyasamānādhikaraṇena 2-2-11 ityevam ādayaḥ.

tau sat 3.2.127 tau śatṛśānacau satsaṃjñau bhavataḥ. taugrahaṇam upādyasaṃsargārtham. śatṛśānajmātrasya saṃjñā bhavati. brāhmaṇasya kurvan. brāhmaṇasya kurvāṇaḥ. brāhmaṇasya kariṣyan. brāhmaṇasya kariṣyamāṇaḥ. satpradeśāḥ pūraṇaguṇasuhitārthasad. avyayatavyasamānādhikaraṇena 2.2.11 ityevam ādayaḥ.

tau sat. `laṭaḥ śatṛśānacau' iti sūtropāttau śatṛśānacau tacchabdaḥ parāmṛśati. tadāha- - tau śatṛśānacāviti.

tau sat 908, 3.2.127 tau sat. "laṭaḥ śatṛśānacau" iti sūtropāttau śatṛśānacau tacchabdaḥ parāmṛśati. tadāha-- tau śatṛśānacāviti.