1/11:parokṣe iti ucyate |
2/11:kim parokṣam nāma |
3/11:param akṣṇaḥ parokṣam |
4/11:akṣi punaḥ kim |
5/11:aśnoteḥ ayam auṇādikaḥ karaṇasādhanaḥ si pratyayaḥ |
6/11:anute anena iti akṣi |
7/11:yadi evam parākṣam iti prāpnoti |
8/11:na eṣaḥ doṣaḥ |
9/11:parobhāvaḥ parasya akṣe parokṣe liṭi dṛśyatām | paraśabdasya akṣaśabde uttarapade parobhāvaḥ vaktavyaḥ |*
10/11:utvam vā ādeḥ parāt akṣṇaḥ |atha vā paraśabdāt uttarasya akṣiśabdasya utvam vaktavyam |*
11/11:siddham vā asmāt nipātanāt |*

1/41:kasmin punaḥ parokṣe |
2/41:kāle |
3/41:na vai kālādhikāraḥ asti |
4/41:evam tarhi dhātoḥ iti vartate |
5/41:dhātau parokṣe |
6/41:dhātuḥ vai śabdaḥ |
7/41:na ca śabdasya pratyakṣaparokṣatāyām sambhavaḥ asti |
8/41:śabde asambhavāt arthe kāryam vijñāsyate |
9/41:parokṣe dhātau parokṣe dhātvarthe iti |
10/41:kaḥ punaḥ dhātvarthaḥ |
11/41:kriyā |
12/41:kriyāyām parokṣāyām |
13/41:yadi evam hyaḥ apacat iti atra api liṭ prāpnoti |
14/41:kim kāraṇam |
15/41:kriyā nāma iyam atyantāparidṛṣṭā anumānagamyā aśakyā piṇḍībhūtā nidarśayitum yathā garbhaḥ nirluṭhitaḥ |
16/41:evam tarhi sādhaneṣu parokṣeṣu |
17/41:sādhaneṣu ca bhavataḥ kaḥ sampratyayaḥ |
18/41:yadi sāvad guṇasamudāyaḥ sādhanam sādhanam api anumānagamyam |
19/41:atha anyat guṇebhyaḥ sādhanam bhavati prtayakṣaparokṣatāyām sambhavaḥ |
20/41:atha yadā anena rathyāyām taṇḍulodakam dṛṣṭam katham tatra bhavitavyam |
21/41:yadi tāvat sādhaneṣu parokṣeṣu papāca iti bhavitavyam |
22/41:bhavanti hi tasya sādhanāni parokṣāṇi |
23/41:atha ye ete kriyākṛtāḥ viśeṣāḥ cītkārāḥ phūtkārāḥ ca teṣu parokṣeṣu evam api papāca iti bhavitavyam |
24/41:kathañjātīyakam punaḥ parokṣam nāma |
25/41:ke cit tāvat āhuḥ |
26/41:varṣaśatavṛttam parokṣam iti |
27/41:apare āhuḥ |
28/41:kaṭāntaritam parokṣam iti |
29/41:apare āhūḥ |
30/41:dvyahavṛttam tryahvṛttam ca iti |
31/41:sarvathā uttamaḥ na sidhyati |
32/41:suptamattoyoḥ iti vaktavyam |
33/41:suptaḥ aham kila vilalāpa |
34/41:mattaḥ aham kila vilalāpa |
35/41:suptaḥ nu aham kila vilalāpa |
36/41:mattaḥ nu aham kila vilalāpa |
37/41:atha vā bhavati vai kaḥ cit jāgarat api vartamānakālam na upalabhate |
38/41:tat yathā vaiyākaraṇānām śākaṭāyanaḥ rathamārge āsīnaḥ śakaṭasāṛtham yāntam na upalabhate |
39/41:kim punaḥ kāraṇam jāgarat api vartamānakālam na upalabhate |
40/41:manasā saṃyuktāni indriyāṇi upalabdhau kāraṇāni bhavanti |
41/41:manasaḥ asānnidhyāt |

1/9:parokṣe liṭ atyantāapahnave ca |
2/9:parokṣe liṭ iti atra atyantāapahnave ca iti vaktavyam |
3/9:no khaṇḍikān jagāma no kaliṅgān jagāma |
4/9:na kārisomam prapau |
5/9:na dārvajasya pratijagrāha |
6/9:kaḥ me manuṣyaḥ praharet vadhāya |
7/9:parobhāvaḥ parasya akṣe parokṣe liṭi dṛśyatām |*
8/9:utvam vā ādeḥ parāt akṣṇaḥ |*
9/9:siddham vā asmāt nipātanāt |*

bhūtānadyatane iti vartate. tasya viśeṣaṇaṃ parokṣagrahaṇam. ghūtānadyatanaparokṣe 'rthe vartamanād dhātḥ liṭ pratyayo bhavati. nanu dhātvarthaḥ sarvaḥ parokṣa eva? satyam etat. asti tu loke dhātvarthena api kārakeṣu pratyakṣābhimanaḥ. sa yatra na asti tat parokṣam ityucyate. cakāra. jahāra. uttamaviṣaye 'pi cittavyākṣepāt parokṣatā sambhavatyeva. tad yathā supto 'haṃ kila vilalāpa. atyantāpahnave ca liḍ vaktavyaḥ. kaliṅgeṣu sthito 'si? hānaṃ kaliṅgañ jagāma. dakṣiṇāpathaṃ praviṣṭo 'si? nāhaṃ dakṣiṇāpathaṃ praviveśa.

parokṣe liṭ 3.2.115 bhūtānadyatane iti vartate. tasya viśeṣaṇaṃ parokṣagrahaṇam. ghūtānadyatanaparokṣe 'rthe vartamanād dhātH liṭ pratyayo bhavati. nanu dhātvarthaḥ sarvaḥ parokṣa eva? satyam etat. asti tu loke dhātvarthena api kārakeṣu pratyakṣābhimanaḥ. sa yatra na asti tat parokṣam ityucyate. cakāra. jahāra. uttamaviṣaye 'pi cittavyākṣepāt parokṣatā sambhavatyeva. tad yathā supto 'haṃ kila vilalāpa. atyantāpahnave ca liḍ vaktavyaḥ. kaliṅgeṣu sthito 'si? hānaṃ kaliṅgañ jagāma. dakṣiṇāpathaṃ praviṣṭo 'si? nāhaṃ dakṣiṇāpathaṃ praviveśa.

parokṣe liṭ. , 3.2.115 "nanu ca" ityādi. dhātvartho hi pūrvāparībhūtāvayavā sādhyamānā kriyā. yacca sādhyamānaṃ tadasat. taccāsadindriyāṇāmaviṣayaḥ, teṣāṃ sadviṣayatvāt. yaccendriyāṇāmaviṣayaḥ tat parokṣamiti sa eva hi dhātvarthaḥ parokṣaḥ, tataḥ parokṣagrahaṇamanarthakam, vyavacchedyābhāvāditi bhāvaḥ. "satyametat" iti. yadanantaramuktam. yadi satyametat tadā kasya vyavacchedārthaṃ parokṣagrahaṇaṃ kṛtamityāha-- "asti tu" ityādi. yatra sādhyāni pratyakṣāṇi tatrāniṣpanne kriyātmani dhātvarthe pratyakṣābhimāno lokasya bhavati. nanu ca sāvadhānānyapi naiva pratyakṣāṇi;śaktisvabhāvatvāt, śakteśca kāryānumeyatvāt, na hraśaktau kāryaṃ karotīti kāryakaraṇe śaktiranumīyate; tat kimucyate sādhanāni pratyakṣāṇi? naiṣa doṣaḥ;"dravyāśritā hi śaktayaḥ"iti dravyasya pratyakṣtavādāśrayadhamamāśriteṣu śaktyātmakeṣūpacāryāṇyetānyapi pratyakṣāṇītyucyante. atha vā-- tadapi sādhanāśrayaṃ dravyaśaktimatorbhedasyāvivakṣitatvāt sādhanaśabdenocyate; tadanena parokṣagrahaṇena pratyakṣābhimāno'sti, sa eva parokṣa icyucyate-- tadāha-- "sa yatra nāsta" iti. ātmaviṣaya uttamasya ca dhātvarthasya parokṣatvaṃ nopapadyate; tatsādhanānāṃ pratyakṣatvāt. tatra lokasya pratyakṣatvāt, tataścottamena sidhyatīti codyamāśaṅkyāha-- "uttamaviṣaye" ityādi. ātmasādhyā hi kriyā, yatra cittavikṣepānnopapadyate, tadāsau parokṣā bhavati, tenottamaviṣaye'pi parokṣabhāvaḥ. tadbhavatyeva. "vilalāpa" iti. lapervipūrvasyottame ṇali rūpam. "atyantāpahnave" iti. pratyakṣametat. apahnavaḥ = apalāpaḥ. sa kcidatyanto bhavati yaḥ sarvāpahnavaḥ, kvacidanatyanto ya ekadeśāpahnavaḥ. tatra yo'tyantaḥ sa sarvāpahnavaḥ, tatra liḍ()vaktavya, vyākhyeya ityarthaḥ. vyākhyānaṃ tvihāpi bahulagrahaṇamāśrit katrtavyam. kaścit kenacit pṛṣṭaḥ-- "kaliṅgeṣu prasthito'si"ityādi. sa evamāha-- "nāhaṃ kaliṅgān jagām" iti. atra kevalaṃ na kaliṅgaviṣayasyāpahnavo'pi tu gamanasyāpīti vidyate'tyantāpahnavaḥ. yastu sthānamātrasyāpahnavo na gamanasyāpi , tadānatyantāpahnave laṅeva bhavati-- na hi kaliṅgeṣu pratyatiṣṭha iti. tathā kaścit kenacit pṛṣṭaḥ dakṣiṇāpathaṃ praviśya tvayedaṃ kāryaṃ kṛtamiti. sa evamāha-- "nāhaṃ dakṣiṇāpathaṃ praviveśa" iti. atrāpi vidyate'tyantāpahnavaḥ. tathā hi-- na kevalaṃ dakṣiṇāpathapiṣayaṃ kāryaṃ pratiṣidhyate, api tu praveśamapi॥

parokṣe liṭ 393, 3.2.115 bhūtānadyatana parokṣārthavṛtter dhātorliṭ syāt. lasya tibādayaḥ.

parokṣe liṭ. `anadyane la'ḍityasmādanadyatana ityanuvartate. `bhūte' ityadhikṛtam. parokṣatvaṃ dhātvarthaviśeṣamaṃ, tadāha–bhūtānadyatanetyādinā. atītarātrerantyayāmena āgamirātrerādyayāmena sahito divaso'dyatana iti luṅ?sūtrabhāṣye kaiyaṭe sthitam. parokṣatvaṃ tu varṣaśatavṛttatvamityeke. varṣasaharuāvṛttatvamityapare. dvyahavṛttatvaṃ, tryahavṛttatvaṃ, tryahavṛttatvaṃ cetyanye. kuḍa\ufffdkaṭādyantaritatvamitītare. ete pakṣā bhāṣye sthitāḥ. tatra prayokturindriyā'gocaratvaṃ parokṣatvamityeva sarvasaṃmatamityalam. lasya tibādaya iti. tibādinavakamityarthaḥ.

parokṣe liṭ 21, 3.2.115 parokṣe liṭ. "anadyane la"ḍityasmādanadyatana ityanuvartate. "bhūte" ityadhikṛtam. parokṣatvaṃ dhātvarthaviśeṣamaṃ, tadāha--bhūtānadyatanetyādinā. atītarātrerantyayāmena āgamirātrerādyayāmena sahito divaso'dyatana iti luṅ()sūtrabhāṣye kaiyaṭe sthitam. parokṣatvaṃ tu varṣaśatavṛttatvamityeke. varṣasaharuāvṛttatvamityapare. dvyahavṛttatvaṃ, tryahavṛttatvaṃ, tryahavṛttatvaṃ cetyanye. kuḍa()kaṭādyantaritatvamitītare. ete pakṣā bhāṣye sthitāḥ. tatra prayokturindriyā'gocaratvaṃ parokṣatvamityeva sarvasaṃmatamityalam. lasya tibādaya iti. tibādinavakamityarthaḥ.

yadyapyadhiśrayaṇādivyāpārarūpā kriyā sarvā parokṣaiva.uktaṃ hi bhāṣye– `kriyā nāmeyamatyantā'paridṛṣṭā pūrvāparībhūtāvayavā na śakyā piṇḍībhūtā nidarśayitu'miti, tathāpi tadanukūlaśaktimatāṃ vyāpārā'viṣṭānāṃ sādhanānāṃ parokṣyamiha viva7#itam. tena kriyā'nāviṣṭasādhanamātrapratyakṣe'pi liṅbhavatyeva. ayaṃ papāca. tvaṃ pecitha॥ nanu kriyāśabdavācyādiśrayaṇā[dhaḥ śrayaṇā]divyāpārāṇāṃ yugapatpratyakṣaviṣayatve'pi kramaśaḥ pratyakṣaviṣayatvamasti, yatra tu kramaśo'pi pratyakṣaviṣayatvaṃ nāsti tatra hi pārokṣyaṃ kriyāyāḥ, tataśca liḍuttamapuruṣo durlabha iti cet. atrāhu– - svavyāpārasyāpi vartamānatādaśāyāṃ vyāsahgādinā svayamapratisandhāne tataḥ kāryeṇānumitau bhavatyeva, `bahu jagada purastāttasya mattā kilāha'mitivaditi.

parokṣe liṭ 17, 3.2.115 yadyapyadhiśrayaṇādivyāpārarūpā kriyā sarvā parokṣaiva.uktaṃ hi bhāṣye-- "kriyā nāmeyamatyantā'paridṛṣṭā pūrvāparībhūtāvayavā na śakyā piṇḍībhūtā nidarśayitu"miti, tathāpi tadanukūlaśaktimatāṃ vyāpārā'viṣṭānāṃ sādhanānāṃ parokṣyamiha viva7#itam. tena kriyā'nāviṣṭasādhanamātrapratyakṣe'pi liṅbhavatyeva. ayaṃ papāca. tvaṃ pecitha॥ nanu kriyāśabdavācyādiśrayaṇā[dhaḥ śrayaṇā]divyāpārāṇāṃ yugapatpratyakṣaviṣayatve'pi kramaśaḥ pratyakṣaviṣayatvamasti, yatra tu kramaśo'pi pratyakṣaviṣayatvaṃ nāsti tatra hi pārokṣyaṃ kriyāyāḥ, tataśca liḍuttamapuruṣo durlabha iti cet. atrāhu--- svavyāpārasyāpi vartamānatādaśāyāṃ vyāsahgādinā svayamapratisandhāne tataḥ kāryeṇānumitau bhavatyeva, "bahu jagada purastāttasya mattā kilāha"mitivaditi.