1/14:kim udāharaṇam |
2/14:tatra saktūn pāsyāmaḥ |
3/14:abhijānāsi devadatta tatra saktūn apibāma |
4/14:bhavet pūrvam param ākāṅkṣati iti sākāṅkṣam syāt |
5/14:param tu katham sākāṅkṣam |
6/14:param api sākāṅkṣam |
7/14:katham asti asmin ākāṅkṣā iti ataḥ sākāṅkṣam |
8/14:vibhāṣā sākāṅkṣe sarvatra |*
9/14:vibhāṣā sākāṅkṣe sarvatra iti vaktavyam |
10/14:kva sarvatra |
11/14:yadi ca ayadi ca |
12/14:yadi tāvat |
13/14:abhijānāsi devadatta yat kaśmīrān gamiṣyāmaḥ yat kaśmīrān agacchāma yat tatra odanam bhokṣyāmahe yat tatra odanam abhuñjmahi |
14/14:abhijānāsi devadatta kaśmīrān gamiṣyāmaḥ kaśmīrān agacchāma tatra odanam bhokṣyāmahe tatra odanam abhuñjmahi |

yadi iti na anuvartate. ubhayatra vibhāśeyam. abhijñāvacane upapade yacchabdasahite kevale ca vibhāṣā lṛṭ pratyayo bhavati, sākāṅkṣaścet prayoktā. lakṣyalakṣaṇayoḥ sambandhe prayokturākāṅkṣā bhavati. abhijānasi devadatta kaśmīreṣu vatsyāmas tatra udanaṃ bhokṣyāmahe. abhijānāsi devadatta magadheṣu vatsyāmaḥ, tatra udanaṃ bhokṣyāmahe. yadi khalvapi abhijānāsi devadatta yat kaśmīreṣu vatsyāmaḥ, yat tatra udanaṃ bhokṣyāmahe. abhijānasi devadatta yat kaśmīreṣvavasāma, yat tatra udanam abhuñjmahi. vāso lakṣaṇaṃ, bhojanaṃ lakṣyam.

vibhāṣā sākāṅkṣe 3.2.114 yadi iti na anuvartate. ubhayatra vibhāśeyam. abhijñāvacane upapade yacchabdasahite kevale ca vibhāṣā lṛṭ pratyayo bhavati, sākāṅkṣaścet prayoktā. lakṣyalakṣaṇayoḥ sambandhe prayokturākāṅkṣā bhavati. abhijānasi devadatta kaśmīreṣu vatsyāmas tatra udanaṃ bhokṣyāmahe. abhijānāsi devadatta magadheṣu vatsyāmaḥ, tatra udanaṃ bhokṣyāmahe. yadi khalvapi abhijānāsi devadatta yat kaśmīreṣu vatsyāmaḥ, yat tatra udanaṃ bhokṣyāmahe. abhijānasi devadatta yat kaśmīreṣvavasāma, yat tatra udanam abhuñjmahi. vāso lakṣaṇaṃ, bhojanaṃ lakṣyam.

vibhāṣā sākāṅkṣe. , 3.2.114 "ubhayatravibhāṣeyam" iti. prāpte cāprāpte ca. asati hi yacchabde " abhijñāvacane luṭ" 3.2.112 iti prāpte, sati yacchabde "na yadi" 3.2.113 iti pratiṣedhādaprāpte. ākāṅkṣaṇam = ākāṅkṣā,ākāṅkṣayā saha vatrtate sākāṅkṣaḥ. ākāṅkṣā ca sambandhajñānamucyate, taccetanāvato dharmaḥ, tasmāt sākāṅkṣa iti prayokturviśeṣaṇaṃ vijñāyata ityāha-- "sākāṅkṣaścet prayoktā"iti. asyaivārtha spaṣṭīkarttumāha--"sākāṅkṣaśceta prayoktā" iti. asyaivārtha spaṣṭīkarttumāha-- "lakṣyalakṣaṇayoḥ" ityādi. tatra yadi hretadapekṣyata etaduktaṃ bhavati-- lakṣyalakṣaṇayoryaḥ sambandhastadviṣayajñānaṃ yadi prayokturupapannaṃ bhavati. yadi prayoktā lakṣyalakṣaṇayoḥ sambandhamapekṣata iti yāvat. "bhokṣyāmahe" iti. bhujaḥ pūrvavadātmanepadam, syapratyayaśca, ṭeretvam, "coḥ kuḥ" 8.2.30 iti kutvam-- jakārasya gakāraḥ, "khari ca" 8.4.54 iti catrvam-- kakāraḥ, sakārasya ṣatvam. kiṃ punarlakṣyaṃ lakṣaṇañca, yayoḥ sambandhe prayokturākāṅkṣetyāha-- "vāso lakṣaṇamiti. parijñātatvāllakṣaṇam, tena hi jano lakṣyate. "bhojanaṃ tu lakṣyam" iti. aparijñātatvāt; na tu lakṣaṇam. parijñātaṃ lakṣaṇamiti bhavati, yathā-- agnerdhuma iti॥

vibhāṣā. uktaviṣaye iti. abhijñābodhinyupapade ityarthaḥ. lakṣyalakṣaṇabhāveneti. jñāpyajñāpyakabhāvenetyarthaḥ. atra vyākhyānameva śaraṇam. smarasīti. pūrvaṃ vane avasāma, tatra vane gā acārayāmeti yattat he kṛṣṇa ! smarasītyarthaḥ. atra yadityasya gamyatve'pi tasya prayogā'bhāvānna yadyogaḥ. vāso lakṣaṇamiti. `cāraṇasye'ti śeṣa-. ubhayatrāpi lṛḍvikalpaḥ, abhijñāvacanayogasya aviśiṣṭatvāditi bhāvaḥ. na ca yadyoga eva `vibhāṣā sāṅkākṣe' iti vikalpo'stviti bhramitavyaṃ, `yadi ca ayadi cā'yaṃ vikalpa' iti bhāṣyāttadāha– yacchabdayoge'pīti. `parokṣe li'ḍiti prāgvyākhyātamapi viśeṣavivakṣayā smāryate. ahamarthasya pratyakṣatvāt parokṣatvā'bhāvātkathamasya liṭa uttamapuruṣa ityata āha– uttamapuruṣe citteti. supta iti. suptatvādahaṃ vilalāpetyarthaḥ. atra svāpāccittavikṣepaḥ. bahu jagadeti. mattatvāttasya purastādahaṃ bahu jagadetyarthaḥ. atra unmādāccittavikṣepaḥ. ādinā vyāsaṅgasaṅgrahaḥ. atyantāpahnave iti. aparokṣārthamidam. kaliṅgeṣvavātsīriti. atastvaṃ na sahavāsayogya iti praśnaḥ. `aṅgavaṅgakaliṅgeṣu saurāṣṭramagadheṣu ca. tīrthayātrāṃ vinā yātaḥ punaḥ saṃskāramarhati.' iti vacanāditi bhāvaḥ. nāhaṃ kaliṅgān jagāmetyuttaram. kaliṅgaśabdasya janapadaviseṣavācitvādbahuvacam. atra taddeśagamanottarakālikavavāsaviṣayakapraśne kāraṇībhūtagamanasyaivāpalāpādatyantāpahnavo jñeyaḥ. kaliṅgeṣvavātsīrityatra `akarmakadhātubhiryoge deśaḥ kālo bhāvaḥ' iti karmasaṃjñāyāḥ pākṣikatvānna dvitīyeti kārakādhikāre nirūpitam.

vibhāṣā sākāṅkṣe 599, 3.2.114 vibhāṣā. uktaviṣaye iti. abhijñābodhinyupapade ityarthaḥ. lakṣyalakṣaṇabhāveneti. jñāpyajñāpyakabhāvenetyarthaḥ. atra vyākhyānameva śaraṇam. smarasīti. pūrvaṃ vane avasāma, tatra vane gā acārayāmeti yattat he kṛṣṇa ! smarasītyarthaḥ. atra yadityasya gamyatve'pi tasya prayogā'bhāvānna yadyogaḥ. vāso lakṣaṇamiti. "cāraṇasye"ti śeṣa-. ubhayatrāpi lṛḍvikalpaḥ, abhijñāvacanayogasya aviśiṣṭatvāditi bhāvaḥ. na ca yadyoga eva "vibhāṣā sāṅkākṣe" iti vikalpo'stviti bhramitavyaṃ, "yadi ca ayadi cā'yaṃ vikalpa" iti bhāṣyāttadāha-- yacchabdayoge'pīti. "parokṣe li"ḍiti prāgvyākhyātamapi viśeṣavivakṣayā smāryate. ahamarthasya pratyakṣatvāt parokṣatvā'bhāvātkathamasya liṭa uttamapuruṣa ityata āha-- uttamapuruṣe citteti. supta iti. suptatvādahaṃ vilalāpetyarthaḥ. atra svāpāccittavikṣepaḥ. bahu jagadeti. mattatvāttasya purastādahaṃ bahu jagadetyarthaḥ. atra unmādāccittavikṣepaḥ. ādinā vyāsaṅgasaṅgrahaḥ. atyantāpahnave iti. aparokṣārthamidam. kaliṅgeṣvavātsīriti. atastvaṃ na sahavāsayogya iti praśnaḥ. "aṅgavaṅgakaliṅgeṣu saurāṣṭramagadheṣu ca. tīrthayātrāṃ vinā yātaḥ punaḥ saṃskāramarhati." iti vacanāditi bhāvaḥ. nāhaṃ kaliṅgān jagāmetyuttaram. kaliṅgaśabdasya janapadaviseṣavācitvādbahuvacam. atra taddeśagamanottarakālikavavāsaviṣayakapraśne kāraṇībhūtagamanasyaivāpalāpādatyantāpahnavo jñeyaḥ. kaliṅgeṣvavātsīrityatra "akarmakadhātubhiryoge deśaḥ kālo bhāvaḥ" iti karmasaṃjñāyāḥ pākṣikatvānna dvitīyeti kārakādhikāre nirūpitam.

vāso lakṣaṇamiti. prasiddhatvājjñāpakamityarthaḥ.cāraṇaṃ lakṣyamiti. sahasā buddhyanārohājrajñāpyam. pakṣe laṅiti. vane avasāma, gā acārayāma. yacchabdayoge'pīti. ataeva `na yadī'ti yogātpūrvaṃ `vibhāṣā sākāṅkṣe' itina kṛtamiti bhāvaḥ. apahnavo'palāpastatra ātyantikatvaṃ nāmaivaṃ yadabhiyuktastaddhetorapyapahnutiḥ. nāhamityādi. kaliṅgo nāma niṣiddho deśaḥ, `aṅgavaṅgakaliṅgeṣu saurāṣṭramagadheṣu ca. tīrthayātrāṃ vinā gatvā punaḥ saṃskāramarhati' iti smaraṇāt, tasmindeśe tvayā gatvā ciraṃ sthitamiti kenacitkaściduktaḥ sannāha–`nāhaṃ kaliṅgāñjagāme'ti. nakevalamavasthānameva niṣidhyate kiṃ tarhi taddhetubhūtaṃ gamanamapīti bhavatyatyantā'pahnavaḥ. yadā tu kaliṅageṣvagama ityuktaḥ sangamanamevāpalapati na tadātyantāpahna iti laṅeva bhavati, `na kaliṅgeṣvagaccha' miti.

vibhāṣā sākāṅkṣe 493, 3.2.114 vāso lakṣaṇamiti. prasiddhatvājjñāpakamityarthaḥ.cāraṇaṃ lakṣyamiti. sahasā buddhyanārohājrajñāpyam. pakṣe laṅiti. vane avasāma, gā acārayāma. yacchabdayoge'pīti. ataeva "na yadī"ti yogātpūrvaṃ "vibhāṣā sākāṅkṣe" itina kṛtamiti bhāvaḥ.*atyantāpahnave liḍvaktavyaḥ. atyantāpahnava iti. apahnavo'palāpastatra ātyantikatvaṃ nāmaivaṃ yadabhiyuktastaddhetorapyapahnutiḥ. nāhamityādi. kaliṅgo nāma niṣiddho deśaḥ, "aṅgavaṅgakaliṅgeṣu saurāṣṭramagadheṣu ca. tīrthayātrāṃ vinā gatvā punaḥ saṃskāramarhati" iti smaraṇāt, tasmindeśe tvayā gatvā ciraṃ sthitamiti kenacitkaściduktaḥ sannāha--"nāhaṃ kaliṅgāñjagāme"ti. nakevalamavasthānameva niṣidhyate kiṃ tarhi taddhetubhūtaṃ gamanamapīti bhavatyatyantā'pahnavaḥ. yadā tu kaliṅageṣvagama ityuktaḥ sangamanamevāpalapati na tadātyantāpahna iti laṅeva bhavati, "na kaliṅgeṣvagaccha" miti.