1/35:luṅlṛṭoḥ apavādaprasaṅgaḥ bhūtabhaviṣyatoḥ aviśeṣavacanāt |*
2/35:luṅlṛṭoḥ apavādaḥ prāpnoti |
3/35:agāma ghoṣān |
4/35:apāma payaḥ |
5/35:aśayiṣmahi pūtīkatṛṇeṣu |
6/35:gamiṣyāmaḥ ghoṣān |
7/35:pāsyāmaḥ payaḥ |
8/35:śayiṣyāmahe pūtīkatṛṇeṣu |
9/35:kim kāraṇam |
10/35:bhūtabhaviṣyatoḥ aviśeṣavacanāt |
11/35:bhūtabhaviṣyatoḥ aviśeṣeṇa vidhīyete luṅlṛṭau |
12/35:tayoḥ viśeṣavihitau lanluṭau apavādau prāpnutaḥ |
13/35:na vā apavādasya nimittābhāvāt anadyatane hi tayoḥ vidhānam |*
14/35:na vā eṣaḥ doṣaḥ |
15/35:kim kāraṇam |
16/35:apavādasya nimittābhāvāt |
17/35:na atra apavādasya nimittam asti |
18/35:kim kāraṇam |
19/35:anadyatane hi tayoḥ vidhānam |
20/35:anadyatane hi tau vidhīyete laṅluṭau |
21/35:na ca atra anadyatanaḥ kālaḥ vivakṣitaḥ |
22/35:kim tarhi |
23/35:bhūtakālasāmānyam bhaviṣyatkālasāmānyam ca |
24/35:yadi api tāvat atra etat śakyate vaktum gamiṣyāmaḥ ghoṣān pāsyāmaḥ payaḥ śayiṣyāmahe pūtīkatṛṇeṣu iti yatra etat na jñāyate kim kadā iti |
25/35:iha tu katham agāma ghoṣān apāma payaḥ aśayiṣmahi pūtīkatṛṇeṣu yatra etat nirjñātam bhavati amuṣmin ahani gatam iti |
26/35:atra api na vā apavādasya nimittābhāvāt anadyatane hi tayoḥ vidhānam iti eva |
27/35:katham punaḥ sataḥ nāma avivakṣā syāt |
28/35:sataḥ api avivakṣā bhavati |
29/35:tat yathā |
30/35:alomikā eḍakā |
31/35:anudarā kanyā |
32/35:asataḥ ca vivakṣā bhavati |
33/35:tat yathā |
34/35:samudraḥ kuṇḍikā |
35/35:vindhyaḥ vardhitakam iti |

1/10:vaseḥ luṅ rātriśeṣe |*
2/10:vaseḥ luṅ rātriśeṣe vaktavyaḥ |
3/10:nyāyye pratyutthāne pratyutthitam kaḥ cit kam cit pṛcchati |
4/10:kva bhavān uṣitaḥ iti |
5/10:saḥ āha |
6/10:amutra avātsam iti |
7/10:amutra avasam iti prāpnoti |
8/10:jāgaraṇasantatau |*
9/10:jāgaraṇasantatau iti vaktavyam |
10/10:yaḥ hi muhūrtamātram api svapiti tatra amutra avasam iti eva bhavitavyam |

bhūte ityeva. būte 'rthe vartamānād dhātoḥ luṅ pratyayo bhavati. akārṣīt. ahārṣīt. vasater luṅ rātriviśeṣe jāgaraṇasantatau vaktavyaḥ. kva bhavānuṣitaḥ. ahamatrāvātsam.

luṅ 3.2.110 bhūte ityeva. būte 'rthe vartamānād dhātoḥ luṅ pratyayo bhavati. akārṣīt. ahārṣīt. vasater luṅ rātriviśeṣe jāgaraṇasantatau vaktavyaḥ. kva bhavānuṣitaḥ. ahamatrāvātsam.

luṅ. , 3.2.110 ṅakāraḥ "nityaṃ ṅitaḥ" 3.4.99 iti viśeṣaṇārthaḥ. ukāraḥ "luṅalaṅalṛṅakṣvaḍudāttaḥ"6.4.71 iti viśeṣaṇārthaḥ. bhūtasāmānye cāyaṃ luṅa veditavyaḥ; bhūtaviśeṣaṇe'nadyatanyāṃ laṅaliṭorvidhānāt. "akārṣīt" iti. "sici vṛddhiḥ parasmaipadeṣu" 7.2.1 iti vṛddhiḥ; pūrvavadīṭ. "vasateḥ" ityādi. "vasa nivāse" (dhā.pā.1005) ityasmādanadyatane laṅi prāpte luṅa vaktavyaḥ. divasaḥ sakalo'tikrāntāyā rātreścaturtho yāma āgāminyāśca prathamo yāmaḥ-- ityeṣo'nadyatanaḥ kālaḥ. tatra rātriviśeṣe'tikrāntāyā rātreścaturthe yāme pratyutthitaḥ kva bhavānuṣitaḥ? iti kenacit pṛṣṭaḥ kaścit, sa tasmin rātraviśeṣe divā vā prativacanaṃ prayacchan luṅaṃ prayuṅkte-- "ahamatrāvātsam" iti. sa ca na prāpnoti; yasmādasau tato rātriśeṣāt pūrvabhāgaṃ praharatrayalakṣamadhiśayitaḥ, so'syānadyatanakālaḥ, tataścānadyatane laṅa syāt; tasamālluṅ vaktavyaḥ = vyākhyeyaḥ. vyākhyānaṃ tvihāpi bahulagrahaṇamāśritya katrtavyam. "jāgaraṇasantatau" iti. yadyasau rātriśeṣaṃ sakalaṃ santatyā'vicchedena jāgaritavānevaṃ luṅ bhavati. muhūtrtamapi yadyasmin rātriviśeṣe śayitavāṃstato laṅeva-- āhamatrāvasamiti. "avātsam" iti. luṅ, mip, "tasthastha" 3.4.101 ityādināmbhāvaḥ, "vadavraja" 7.2.3 ityādinā vṛddhiḥ; "saḥ syārdhadhātuke"7.4.49 iti sakārasya tatvam॥