Kāśikāvṛttī1:
āśiṣi viṣaye yo liṅ tasmin parataḥ chandasi viṣaye aṅ pratyayo bhavati. śapo 'pa
See More
āśiṣi viṣaye yo liṅ tasmin parataḥ chandasi viṣaye aṅ pratyayo bhavati. śapo 'pavādaḥ.
chandasyubhayathā 3-4-117 iti liṅaḥ sārvadhātukasaṃjñāpyasti.
sthāgāgamivacividiśakiruhayaḥ prayojanam. sthā upastheṣaṃ vṛṣabhaṃ tugriyāṇām. gā satyam
upageṣam. gami gṛhaṃ gamema. vaci mantraṃ vocemāgnaye. vidi videyamenāṃ manasi
praviṣṭām. śaki vrataṃ cariṣyāmi tacchakeyam. ruhi svargaṃ lokam āruheyam.
dṛśerag vaktavyaḥ. pitaraṃ dṛśeyaṃ mātaraṃ ca.
Kāśikāvṛttī2:
liṅyāśiṣyaṅ 3.1.86 āśiṣi viṣaye yo liṅ tasmin parataḥ chandasi viṣaye aṅ pratya
See More
liṅyāśiṣyaṅ 3.1.86 āśiṣi viṣaye yo liṅ tasmin parataḥ chandasi viṣaye aṅ pratyayo bhavati. śapo 'pavādaḥ. chandasyubhayathā 3.4.117 iti liṅaḥ sārvadhātukasaṃjñāpyasti. sthāgāgamivacividiśakiruhayaḥ prayojanam. sthā upastheṣaṃ vṛṣabhaṃ tugriyāṇām. gā satyam upageṣam. gami gṛhaṃ gamema. vaci mantraṃ vocemāgnaye. vidi videyamenāṃ manasi praviṣṭām. śaki vrataṃ cariṣyāmi tacchakeyam. ruhi svargaṃ lokam āruheyam. dṛśerag vaktavyaḥ. pitaraṃ dṛśeyaṃ mātaraṃ ca.
Nyāsa2:
liṅyāśiṣyaṅ. , 3.1.86 "śapo'pavādaḥ" iti. nanu cāśiṣi yo liṅa vihitast
See More
liṅyāśiṣyaṅ. , 3.1.86 "śapo'pavādaḥ" iti. nanu cāśiṣi yo liṅa vihitastasya "liṅāśiṣi" 3.4.116 ityārthadhātukasaṃjñā, sārvadhātuke ca śab()vihitaḥ, tatkathaṃ śapo'pavāda ityāha-- "chandasyubhayathā" ityādi.
sthādibhya evātra dṛśyate,nānyebhya ityabhiprāyeṇāha-- "sthāgāgami" ityādi. "upastheyam" iti.upapūrvāttiṣṭhaterāśiṣi liṅa, mip, tasya "tasthas" 3.4.101 ityādinā'mādeśaḥ, yāsuṭ, ubhayasaṃjñātvena sārvadhātukatvāt "liṅa salopo'nantyasya" 7.2.79 iti salopaḥ. kvacit "upastheṣam" iti pāṭhaḥ. tatrādrdhadhātukatvāt salopābhāvaḥ, vali yalopaḥ. "upageyam" iti. "gai śabde" (dhā.pā.917) "ādeca upadeśe'śiti" 6.1.44 ityāttvam. śeṣaṃ pūrvavat. "gamema" iti. gameḥ parasya liṅo mas, "nityaṃ ṅitaḥ" 3.4.99 iti salopaḥ. yāsuḍādi sarva pūrvavat. "voceyam" iti. "vaca bhāṣaṇe" (dhā.pā.1842). sip, tasyām, aṅa, aṅi parataḥ "vaca um" 7.4.20, "yā" ityasya iy, ubhayatra "ādguṇaḥ" 6.1.84. "videyam" iti. "vida jñāne" (dhā.pā.1064). "śakeyam" iti. "śaklṛ śaktau" (dhā.pā.1261). "āruheyam" iti. "ruha {bījajanmaṇi prādurbhāve-- dhā.pā.} janmani (dha.pā.859) iyādeśādi sarva pūrvavat.
"dṛśeragvaktavyaḥ" iti. aṅi hi sati "ṛdṛśo'ṅi guṇaḥ" 7.4.16 iti guṇaḥ syāt. tathā ca dṛśeyamiti na sidhyet. aki tu sati kittvādguṇābhāvo bhavati. tasmādagvaktavyaḥ = vyākhyeyaḥ. vyākhyānaṃ tu bahulagrahaṇānuvṛttervaktavyam॥
1.Source: Arsha Vidya Gurukulam
2.Source: Sanskrit Documents