1/84:kimarthaḥ cakāraḥ |
2/84:svarārthaḥ |
3/84:citaḥ antaḥ udāttaḥ bhavati iti antodāttatvam yathā syāt |
4/84:na etat asti prayojanam |
5/84:ekāc ayam |
6/84:tatra na arthaḥ svarārthena cakāreṇa anubandhena |
7/84:pratyayasvareṇa eva siddham |
8/84:viśeṣaṇārthaḥ tarhi |
9/84:kva viśeṣaṇārthena arthaḥ |
10/84:asya cvau kyaci ca iti |
11/84:kye ca iti ucyamāne api kākaḥ śyenāyate atra api prasayjeta |
12/84:na etat asti |
13/84:tadanubandhakagrahaṇe atadanubandhakasya grahaṇam na iti evam etasya na bhaviṣyati |
14/84:sāmānyagrahaṇāvighātārthaḥ tarhi |
15/84:kva ca sāmānyagrahaṇāvighātārthena arthaḥ |
16/84:naḥ kye iti |
17/84:atha ātmangrahaṇam kimartham |
18/84:ātmecchāyām yathā syāt |
19/84:parecchāyām mā bhūt iti |
20/84:rājñaḥ putram icchati iti |
21/84:kriyamāṇe api ātmagrahaṇe parecchāyām prāpnoti |
22/84:kim kāraṇam |
23/84:ātmanaḥ iti iyam kartari ṣaṣṭhī |
24/84:icchā iti akāraḥ bhāve |
25/84:saḥ yadi eva ātmanaḥ icchā atha api parasya ātmecchā eva asau bhavati |
26/84:na ātmagrahaṇena icchā abhisambadhyate |
27/84:kim tarhi |
28/84:subantam abhisambadhyate |
29/84:ātmanaḥ yat subantam iti |
30/84:yadi ātmagrahaṇam kriyate chandasi parecchāyām na prāpnoti |
31/84:ma tvā vṛkāḥ aghāyavaḥ vidan |
32/84:tasmāt na arthaḥ ātmagrahaṇena |
33/84:iha kasmāt na bhavati : rājñaḥ putram icchati iti |
34/84:asāmarthyāt |
35/84:katham asāmarthyam |
36/84:sāpekṣam asamartham bhavati iti |
37/84:chandasi api tarhi na prāpnoti |
38/84:ma tvā vṛkāḥ aghāyavaḥ vidan |
39/84:asti atra viśeṣaḥ |
40/84:antareṇa api atra tṛtīyasya padasya prayogam parecchā gamyate |
41/84:katham punaḥ antareṇa api atra tṛtīyasya padasya prayogam parecchā gamyate |
42/84:te ca eva vṛkāḥ evamātmakaḥ hiṃsrāḥ |
43/84:kaḥ ca ātmanaḥ agham eṣitum arhati |
44/84:ataḥ antareṇa api atra tṛtīyasya padasya prayogam parecchā gamyate |
45/84:yathā eva tarhi chandasi aghaśabdāt parecchāyām khyac bhavati evam bhāṣāyām api prāpnoti |
46/84:agham icchati iti |
47/84:tasmāt ātmagrahaṇam kartavyam |
48/84:chandasi katham |
49/84:ācāryapravṛttiḥ jñāpayati bhavati chandasi aghaśabdāt parecchāyām kyac iti yat ayam aśvāghasyāt iti kyaci pratkṛte ītvabādhanārtham ākāram śāsti |
50/84:atha subgrahaṇam kimartham |
51/84:subantāt utpattiḥ yatha syāt |
52/84:prātipadikāt mā bhūt iti |
53/84:na etat asti prayojanam |
54/84:na asti atra viśeṣaḥ subantāt utpattau satyām prātipadikāt vā ayam asti viśeṣaḥ |
55/84:subantāt utpattau satyām padasañjñā siddhā bhavati |
56/84:prātipadikāt utpattau satyām padasañjñā na prāpnoti |
57/84:nanu ca prātipadikāt utpattau satyām padasañjñā siddhā |
58/84:katham |
59/84:ārabhyate naḥ kye iti |
60/84:tat ca avaśyam kartavyam subantāt utpattau satyām niyamārtham |
61/84:tat eva prātipadikāt utpattau satyām vidhyartham bhaviṣyati |
62/84:idam tarhi prayojanam |
63/84:subantāt utpattiḥ yatha syāt |
64/84:dhātoḥ mā bhūt iti |
65/84:etat api na asti prayojanam |
66/84:dhātoḥ san vidhīyate |
67/84:saḥ bādhakaḥ bhaviṣyati |
68/84:anavakāśāḥ hi vidhayaḥ bādhakāḥ bhavanti sāvakāśaḥ ca san |
69/84:kaḥ avakāśaḥ |
70/84:parecchā |
71/84:na parecchāyām sanā bhavitavyam |
72/84:kim kāraṇam |
73/84:samānakartṛkāt iti ucyate |
74/84:yāvat ca iha ātmagrahaṇam tāvat tatra samānakartṛkagrahaṇam |
75/84:idam tarhi prayojanam |
76/84:subantāt utpattiḥ yatha syāt |
77/84:vākyāt māt bhūt iti |
78/84:mahāntam putram icchati iti |
79/84:na vā bhavati mahāputrīyati iti |
80/84:bhavati yadā etat vākyam bhavati |
81/84:mahān putraḥ mahāputraḥ |
82/84:mahāputram icchati mahāputrīyati iti |
83/84:yadā tu etat vākyam bhavati mahāntam putram icchati iti tadā na bhavitavyam tadā ca prāpnoti |
84/84:tadā mā bhūt iti |

1/63:atha kriyamāṇe api subgrahaṇe kasmāt eva atra na bhavati |
2/63:subantam hi etat vākyam |
3/63:na etat subantam |
4/63:katham |
5/63:pratyayagrahaṇe yasmāt tadādeḥ grahaṇam bhavati iti |
6/63:atha yat atra subantam tasmāt utpattiḥ kasmāt na bhavati |
7/63:samānādhikaraṇānām sarvatra avṛttiḥ ayogāt ekena |*
8/63:samānādhikaraṇānām sarvatra eva vṛttiḥ na bhavati |
9/63:kva sarvatra |
10/63:samāsavidhau pratyayavidhau |
11/63:samāsavidhau tāvat |
12/63:ṛddhasya rājñaḥ puruṣaḥ |
13/63:mahat kaṣṭam śritaḥ iti |
14/63:pratyayavidhau |
15/63:ṛddhasya upagoḥ apatyam |
16/63:mahāntam putram icchati |
17/63:iti |
18/63:kim punaḥ kāraṇam samānādhikaraṇānām sarvatra vṛttiḥ na bhavati |
19/63:ayogāt ekena |
20/63:na hi ekena padena yogaḥ bhavati |
21/63:iha tāvat ṛddhasya rājñaḥ puruṣaḥ iti ṣaṣṭhyantena subantena sāmarthye sati samāsaḥ vidhīyate |
22/63:yat ca atra ṣaṣthyantam na tasya subantena sāmarthyam |
23/63:yasya ca sāmarthyam na tat ṣaṣṭhyantam |
24/63:vākyam tat |
25/63:ṛddhasya upagoḥ apatyam iti ca |
26/63:ṣaṣṭhīsamarthāt apatyena yoge pratyayaḥ vidhīyate |
27/63:yat ca atra ṣaṣṭḥīsamartham na tasya apatatyena yogaḥ yasya ca aptatyena yogaḥ na tat ṣaṣṭhyantam |
28/63:vākyam tat |
29/63:samānādhikaraṇānām iti ucyate |
30/63:atha vyadhikaraṇānām katham |
31/63:rājñaḥ putram icchati iti |
32/63:evam tarhi idam paṭhitavyam |
33/63:saviśeṣaṇānām sarvatra avṛttiḥ ayogāt ekena |
34/63:dvitīyānupapattiḥ tu |*
35/63:dvitīyā tu na upapadyate |
36/63:mahāntam putram icchati iti |
37/63:kim kāraṇam |
38/63:na putraḥ iṣikarma |
39/63:yadi putraḥ na iṣikarma na ca avaśyam dvitīyā eva |
40/63:kim tarhi |
41/63:sarvāḥ dvitīyādayaḥ vibhaktayaḥ |
42/63:mahatā putreṇa kṛtam |
43/63:mahate putrāya dehi |
44/63:mahaḥ putrāt ānaya |
45/63:mahataḥ putrasya svam |
46/63:mahati putre nidhehi |
47/63:tasmāt na evam śakyam vaktum na putraḥ iṣikarma iti |
48/63:putra eva iṣikarma |
49/63:tatsāmānādhikaraṇyāt dvitīyādayaḥ bhaviṣyanti |
50/63:vṛttiḥ tarhi kasmāt na bhavati |
51/63:saviśeṣaṇānām vṛttiḥ na vṛttasya vā viśeṣaṇam na prayujyate iti vaktavyam |
52/63:yadi saviśeṣaṇānām vṛttiḥ na vṛttasya vā viśeṣaṇam na prayujyate iti ucyate muṇḍayati māṇavakam iti atra vṛttiḥ na prāpnoti |
53/63:amuṇḍādīnām iti vaktavyam |
54/63:tat tarhi vaktavyam saviśeṣaṇānām vṛttiḥ na vṛttasya vā viśeṣaṇam na prayujyate amuṇḍādīnām iti |
55/63:na vaktavyam |
56/63:vṛttiḥ kasmāt na bhavati mahāntam putram icchati iti |
57/63:agamakatvāt |
58/63:iha samānārthena vākyena bhavitavyam pratyayāntena ca |
59/63:yaḥ ca iha arthaḥ vākyena gamyate mahāntam putram icchati iti na asau jātu cit pratyayāntena gamyate mahāntam putrīyati iti |
60/63:etasmāt hetoḥ brūmaḥ agamakatvāt iti |
61/63:na brūmaḥ apaśabdaḥ syāt iti |
62/63:yatra ca gamakatvam bhavati tatra vṛttiḥ |
63/63:tat yathā muṇḍayati māṇavakam iti |

1/72:atha asya kyajantasya kāni sādhanāni bhavanti |
2/72:bhāvaḥ kartā ca |
3/72:atha karma |
4/72:na asti karma |
5/72:nanu ca ayam iṣiḥ sakarmakaḥ yasya ayam arthe kyac vidhīyate |
6/72:abhihitam tat karma antarbhūtam dhātvarthaḥ sampannaḥ |
7/72:na ca idānīm anyat karma asti yena sakarmakaḥ syāt |
8/72:katham tarhi ayam sakarmakaḥ bhavati aputram putram iva ācarati putrīyati māṇavakam iti |
9/72:asti atra viśeṣaḥ |
10/72:dve hi atra karmaṇī upamānakarma upameyakarma ca |
11/72:upamānakarma antarbhūtam |
12/72:upameyena karmaṇā sakarmakaḥ bhavati |
13/72:tat yathā |
14/72:api kākaḥ śyenāyate iti atra dvau kartārau upamānakartā ca upameyakartā ca| upamānakartā antarbhūtaḥ |
15/72:upemeyakartrā sakrtṛkaḥ bhavati |
16/72:ayam tarhi katham sakarmakaḥ bhavati |
17/72:muṇḍayati māṇavakam iti |
18/72:atra api dve karmaṇī sāmānyakarma viśeṣakarma ca |
19/72:sāmānyakarma antarbhūtam |
20/72:viśeṣakarmaṇā sakarmakaḥ bhavati |
21/72:nanu ca vṛttyā eva atra na bhavitavyam |
22/72:kim kāraṇam |
23/72:asāmarthyāt |
24/72:katham asāmarthyam |
25/72:sāpekṣam asamartham bhavati iti |
26/72:na eṣaḥ doṣaḥ |
27/72:na atra ubhau karotiyuktau muṇḍaḥ māṇavakaḥ ca |
28/72:na hi māṇavakaḥ kriyate |
29/72:yadā ca ubhau karotiyuktau bhavataḥ na bhavati tadā vṛttiḥ |
30/72:tat yathā balīvardam karoti muṇḍam ca enam karoti iti |
31/72:kāmam tarhi anena eva hetunā kyac api kartavyaḥ māṇavakam muṇḍam icchati iti |
32/72:na ubhau iṣiyuktau iti |
33/72:na kartavyaḥ |
34/72:ubhau atra iṣiyuktau muṇḍaḥ māṇavakaḥ ca |
35/72:katham |
36/72:na hi asau mauṇḍyamātreṇa santoṣam karoti |
37/72:māṇavakastham asau mauṇḍyam icchati |
38/72:iha api tarhi na prāpnoti muṇḍayati māṇavakam iti |
39/72:atra api hi ubhau karotiyukta muṇḍaḥ māṇavakaḥ ca |
40/72:na hi asau mauṇḍyamātreṇa santoṣam karoti |
41/72:māṇavakastham asu mauṇḍyam nirvartayati |
42/72:evam tarhi muṇḍādayaḥ guaṇavacanāḥ |
43/72:guṇavacanāḥ ca sāpekṣāḥ |
44/72:vacanāt sāpekṣāṇām api vṛttiḥ bhaviṣyati |
45/72:atha vā dhātavaḥ eva muṇḍādayaḥ |
46/72:na na eva hi arthāḥ ādiśyante kriyāvacanatā ca gamyate |
47/72:atha vā na idam ubhayam yugapat bhavati vākyam ca pratyayaḥ ca |
48/72:yadā vākyam na tadā pratyayaḥ |
49/72:yadā pratyayaḥ sāmānyena tadā vṛttiḥ |
50/72:tatra avśyam viśeṣārthinā viśeṣaḥ anuprayoktavyaḥ |
51/72:muṇḍayati |
52/72:kam |
53/72:māṇavakam iti |
54/72:muṇḍaviśiṣṭena vā karotina tam āptum icchati |
55/72:atha vā uktam etat |
56/72:na atra vyāpāraḥ anugantavyaḥ iti |
57/72:gamaktvāt iha vṛttiḥ bhaviṣyati |
58/72:muṇḍayati māṇavakam iti |
59/72:atha iha kyacā bhavitavyam |
60/72:iṣṭaḥ putraḥ |
61/72:iṣyate putraḥ iti |
62/72:ke cit tāvat āhuḥ na bhavitavyam it |
63/72:kim kāraṇam |
64/72:svaśabdena uktatvāt iti |
65/72:apare āhuḥ : bhavitavyam iti |
66/72:kim kāraṇam |
67/72:dhātvarthe ayam kyac vidhīyate |
68/72:saḥ ca dhātvarthaḥ kena cit eva śabdena nirdeṣṭavyaḥ iti |
69/72:ihabhavantaḥ tu āhuḥ na bhavitavyam iti |
70/72:kim kāraṇam |
71/72:iha samānārthena vākyena bhavitavyam pratyayāntena ca |
72/72:yaḥ ca iha arthaḥ vākyena gamyate iṣṭaḥ putraḥ iṣyate putraḥ iti na asau jātu cit pratyayāntena gamyate |

1/13:kyaci māntāvyayapratiṣedhaḥ |*
2/13:kyaci māntāvyayānām pratiṣedhaḥ vaktavyaḥ |
3/13:iha māt bhūt |
4/13:idam icchati |
5/13:kim icchati |
6/13:uccaiḥ icchati |
7/13:nīcaiḥ icchati |
8/13:gosamānākṣaranāntāt iti eke |*
9/13:gām icchati gavyati |
10/13:samānākṣarāt |
11/13:dadhīyati madhati kartrīyati hartrīyati |
12/13:nāntāt |
13/13:rājīyati takṣīyati |

karmaṇaḥ icchāyāṃ vā ityanuvartate. iṣikarmaṇaḥ eṣituḥ eva ātmasambandhinaḥ subantādicchāyām arthe vā kyac pratyayo bhavati. ātmanaḥ putram icchati putrīyati. subgrahaṇaṃ kim? vākyān mā bhūt. mahāntaṃ putram icchati. ātmanaḥ iti kim? rājñaḥ putram icchati. kakāraḥ naḥ kye 1-4-15 iti sāmānyagrahaṇārthaḥ. cakāras tadavighātārthaḥ. kyaci māntāvyayapratiṣedho vaktavyaḥ. idam icchati. uccairicchati. nīciaricchati. chandasi parecchāyām iti vaktavyam. mā tvā vṛkā aghāyavo vidan.

supa ātmanaḥ kyac 3.1.8 karmaṇaḥ icchāyāṃ vā ityanuvartate. iṣikarmaṇaḥ eṣituḥ eva ātmasambandhinaḥ subantādicchāyām arthe vā kyac pratyayo bhavati. ātmanaḥ putram icchati putrīyati. subgrahaṇaṃ kim? vākyān mā bhūt. mahāntaṃ putram icchati. ātmanaḥ iti kim? rājñaḥ putram icchati. kakāraḥ naḥ kye 1.4.15 iti sāmānyagrahaṇārthaḥ. cakāras tadavighātārthaḥ. kyaci māntāvyayapratiṣedho vaktavyaḥ. idam icchati. uccairicchati. nīciaricchati. chandasi parecchāyām iti vaktavyam. mā tvā vṛkā aghāyavo vidan.

supa ātmanaḥ kyac. , 3.1.8 ātmaśabdaḥ parasya vyāvṛtiṃ()ta kurvāṇo yastatpratiyoginamarthamācaṣṭe sa iha parigṛhrate, na tu yo'ntavryāpāravati puruṣe bhoktari vatrtate; sa iha gṛhramāṇo'kiñcitkaraḥ syāt. tenecchā viśiṣyeta, subantaṃ vā; tatrecchā tāvadātmanaḥ, anyasya na sambhavtayeveti tadviśeṣaṇatā tasyāyuktā. subanthamapyeṣitrānyena vā sambadhyamānamātmasambaddhameva bhavati; ubhayorapi tayorātmasambandhitvāt. tasmāt subantaviśeṣaṇatvamapi tasyāyuktamiti parapratiyogivacana eva gṛhrate. evaṃ hi kaparanivṛttiḥ śakyate karttum, nānyathā. atrāpīcchāyāḥ sannidhānāt tayaiva vyāpyamānasya karmatvaṃ vijñāyate, ityāha-- "iṣikarmaṇaḥ" iti. ātmagrahaṇena yadīcchā viśiṣyeta tadehāpi syāt-- rājñaḥ putramicchatīti. rājño'pi putra iṣyamāṇe satyātmana evaiṣituricchā bhavati. tasmāsubantamevātmagarhaṇena viśeṣayituṃ yuktamiti matvā'‌'ha-- "eṣiturātmasambandhinaḥ" iti. ātmasambandhitvaṃ tu subantasyārthadvārakaṃ veditavyam. athaiṣiturevaitat kuto labhyate? icchayā sannidhīyamānayehaiṣituḥ sannidhāpitatvāt. etadapi kutaḥ? tena vinā tadabhāvāt. "putrīyati" iti. "kyaci ca" 7.4.33 itīttvam. sabgrahaṇamiha prātipadikanivṛttyarthaṃ vā syāt? dhātunivṛttyarthaṃ vā? tatra prātipadikanivṛttyarthaṃ tāvannopapadyate, na hi subantāt pratyayotpattau prātipadikādvā kaścidviśeṣo'sti. dhātunivṛttyarthamapi na yujyate, tato vihitasya sano bādhakatvādityabhiprāyeṇāha-- "subgrahaṇaṃ kim" iti, "vākyānmā bhut" iti. subgrahaṇaprayojanamāha-- asati subrāgrahaṇe vākyādapi syāt, atastannivṛttyarthaṃ kṛtaṃ subgrahaṇam. atha kimidānīṃ na bhavitavyameva mahāputrīyatīti? bhavitavyaṃ yadā samāse kṛta etadvākyaṃ bhavati-- mahāputramicchatīti, yadātvetadvākyaṃ bhavati-- mahāntaṃ putramicchatīti, tadā na bhavitavyam. padasamudāyopalakṣaṇañca vākyagrahaṇaṃ veditavyam. tasmānmahāntaṃ putramityataḥ samudāyāt prāptirāśaṅkyate, na caitadvākyam; aparisamāptyarthatvāt. kiñca syāt yadyataḥ syāt? pratyayārthe guṇībhūtayormahatputraśabdayorasatyekārthībhāvalakṣaṇe'sāmārthye samāso na syāt. tataścottarapade vidhīyamānaṃ "ānmahataḥ samānādhikaraṇajātīyayoḥ" 6.3.45 ityāttvaṃ na syāt. atha vā-- pratyayārthe guṇībhūtasya putraśabdasya pūjyamānatāviśeṣaṇaṃ na syāditi "sanmahat" 2.1.60 ityādinā samāso na syāt, tadabhāvādāttvamapi na syāt. atha kriyamāṇe subgrahaṇe kasmādevātra na bhavati, subantaṃ hretat? naitat; pratyayagrahaṇaparibhāṣayā yataḥ subūtpannaḥ subgrahaṇe sati tadādereva grahaṇaṃ bhavati. na ceha vākyāt subutpannaḥ, kiṃ tarhi? avayavāt. tena vākyādutpattirna bhavati. avayavāt tarhi putraśabdāt kasmānna bhavati? agamakatvāt. vṛttisamānārthena hi vākyena pratyayāntena bhavitavyam. yaśceha mahāntaṃ putramicchatīti vākyanārthaḥ pratīyate nāsau pratyayāntena. {tathā hi mahāntaṃ putramicchatīti vākyenārthaḥ kañcit-- vārāṇasīmudraṇam} tathā hi mahāntaṃ putrīyatītyukte mahāntaṃ kañcit putramivācaratītyeṣo'rtho vākyārthadbhinnajātīya e gamyate. "rājñaḥ putra micchati" iti. nanu ca sāpekṣatvādasāmarthye sati na bhaviṣyati, kimātmagrahaṇena,kathamasāmathryam? sāpekṣamasamarthaṃ bhavati" (cāṃ.pa.27) iti vacanāt? naitat. yadā tahrrarthāt prakaraṇādvā'napekṣaṃ nijrñātaṃ bhavati tadā prāpnoti. iha ca prāpnoti-- pāpamicchati, aghamicchatīti. atra hi tṛtīyasya parapadasya prayogamantareṇāpi parasyeti gamyate, na hi kaścidātmanaḥ pāpamicchati. "kakāra#ḥ" ityādi. asati kakāre'sya grahaṇaṃ na syāt; "naḥ kye" 1.4.15 ityatra kakārānubandhavato grahaṇāt. cakārastadavighātārthaḥ. asati cakāre tu sati kyackyaṅakyaṣo dvanubandhakā bhavantīti sāmānyagrahaṇasya vighāto na bhavati. antodāttārthastu cakāro na bhavati; "ghātoḥ" 6.1.156 iti tasya siddhatvāt. "vaktavyaḥ" iti. vyākhyeya ityarthaḥ. vyākhyānantu-- vetyanuvatrtamānasya vyavasthitavibhāṣātvamāśritya katrtavyam. tena māntāvyayebhyaeḥ kyajna bhavati. "chandasi" ityādi. chandasi parecchāyāmapi kyajbhavatītyetadartharūpaṃ vyākhyeyamityarthaḥ. vyākhyānaṃ punaryadyaṃ kyaci kṛte "a()āādyasyāt" 7.4.37 itīttvabādhanārthamaghaśabdasyettvaṃ śāsti tajjñāpayati-- chandasi parecchāyāmapi kyajbhavati. na hi kaścidātmano'ghamicchati. "aghāyavaḥ" iti. jñāpakasutreṇāttvam, "kyācchandasi" 3.2.170 ityupratyayaḥ, "jasi ca" 7.3.109 iti guṇaḥ, avādeśaḥ॥

supa ātmanaḥ kyac 723, 3.1.8 iṣikarmaṇa eṣituḥ saṃbandhinaḥ subantādicchāyāmarthe kyac pratyayo vā syāt॥

atha namadhātuprakriyā nirūpyante. supa ātmanaḥ. pratyayagrahaṇaparibhāṣayā subantāditi labhyate. sannidhānādicchāṃ pratyeva karmatvaṃ vivakṣitam. ātmanśabdaḥ svaparyāyaḥ. tādathryasya śeṣatvavivakṣāyāṃ ṣaṣṭhī. svarthātkarmaṇa iti labhyate. svaśca icchāyāṃ sannidhāpitatvādeṣitaiva vivakṣitaḥ. tathā ca svasmai yadiṣyate karmakārakaṃ tadvṛtteḥ subantādicchāyāṃ kyajvā syāditi phalati. tadidamabhipretya āha- -iṣikarmaṇa eṣitṛsambandhina ityādinā. eṣitrarthādiṣikarmaṇa ityarthaḥ. eṣitrā svārthaṃ yadiṣyate karmakārakaṃ .dvācakātsubantāditi yāvat. dhātvavayavatvāditi. subantātkyaci kṛte tadantasya `sanādyantā' iti dhātutvāditi bhāvaḥ.

supa ātmanaḥ kyac 482, 3.1.8 atha namadhātuprakriyā nirūpyante. supa ātmanaḥ. pratyayagrahaṇaparibhāṣayā subantāditi labhyate. sannidhānādicchāṃ pratyeva karmatvaṃ vivakṣitam. ātmanśabdaḥ svaparyāyaḥ. tādathryasya śeṣatvavivakṣāyāṃ ṣaṣṭhī. svarthātkarmaṇa iti labhyate. svaśca icchāyāṃ sannidhāpitatvādeṣitaiva vivakṣitaḥ. tathā ca svasmai yadiṣyate karmakārakaṃ tadvṛtteḥ subantādicchāyāṃ kyajvā syāditi phalati. tadidamabhipretya āha--iṣikarmaṇa eṣitṛsambandhina ityādinā. eṣitrarthādiṣikarmaṇa ityarthaḥ. eṣitrā svārthaṃ yadiṣyate karmakārakaṃ.dvācakātsubantāditi yāvat. dhātvavayavatvāditi. subantātkyaci kṛte tadantasya "sanādyantā" iti dhātutvāditi bhāvaḥ.

supa ātmanaḥ kyac. `dhātoḥ karmaṇaḥ' iti pūrvasūtrātkarmaṇa icchāyāṃ vetyanuvartate. tataśca sannidhānādicchākarmaṇa eva bhavatītyāha– iṣikarmaṇa iti. `parasya putramicchatī'tyatrātiprasaṅgavāraṇāya sūtre ātmaśabda upāttaḥ. sa tu svaśabdaparyāya. svaśca ka ityākāṅkṣāyāmicchāyāḥ sannidhāpitatvādeṣitaiva gṛhrate. tadāha–eṣitṛsaṃbandhina iti. subantasyoktaviśeṣaṇadvayamarthadvārakaṃ bodhyam.

supa ātmanaḥ kyac 415, 3.1.8 supa ātmanaḥ kyac. "dhātoḥ karmaṇaḥ" iti pūrvasūtrātkarmaṇa icchāyāṃ vetyanuvartate. tataśca sannidhānādicchākarmaṇa eva bhavatītyāha-- iṣikarmaṇa iti. "parasya putramicchatī"tyatrātiprasaṅgavāraṇāya sūtre ātmaśabda upāttaḥ. sa tu svaśabdaparyāya. svaśca ka ityākāṅkṣāyāmicchāyāḥ sannidhāpitatvādeṣitaiva gṛhrate. tadāha--eṣitṛsaṃbandhina iti. subantasyoktaviśeṣaṇadvayamarthadvārakaṃ bodhyam.