1/90:dhātoḥ iti kimartham |
2/90:prakartum aicchat prācikīrṣat |
3/90:sopasargāt mā bhūt |
4/90:karmagrahaṇāt sanvidhau dhātugrahaṇānarthakyam |*
5/90:karmagrahaṇāt sanvidhau dhātugrahaṇam anarthakam |
6/90:karmaṇaḥ samānakartṛkāt icchāyām vā sambhavati iti eva dhātoḥ utpattiḥ bhaviṣyati |
7/90:soparsargam vai karma |
8/90:tataḥ utpattiḥ prāpnoti |
9/90:sopasargam karma iti cet karmaviśeṣakatvāt upasargasya anupasargam karma |*
10/90:sopasargam karma iti cet karmaviśeṣakaḥ upasargaḥ |
11/90:anupasargam hi karma |
12/90:avaśyam ca etat evam vijñeyam anupasargam karma iti |
13/90:sopasargasya hi karmatve dhātvadhikāre api sanaḥ avidhānam akarmatvāt |*
14/90:yaḥ hi manyate sopasargam karma iti kriyamāṇe api tasya dhātugrahaṇe sanaḥ avidhiḥ syāt |
15/90:kim kāraṇam |
16/90:akarmatvāt |
17/90:idam tarhi prayojanam |
18/90:subantāt utpattiḥ mā bhūt |
19/90:subantāt ca aprasaṅgaḥ kyajādīnām apavādatvāt |*
20/90:subantāt ca sanaḥ aprasaṅgaḥ |
21/90:kim kāraṇam |
22/90:kyajādīnām apavādatvāt |
23/90:subantāt kyajādayaḥ vidhīyante |
24/90:te apavādatvāt bādhakāḥ bhaviṣyanti |
25/90:anabhidhānāt vā |*
26/90:atha vā anabhidhānāt subantāt utpattiḥ na bhaviṣyati |
27/90:na hi subantāt utpadyamānena sanā icchāyā abhidhānam syāt |
28/90:anabhidhānāt tataḥ utpattiḥ na bhaviṣyati |
29/90:iyam tāvat agatikā gatiḥ yat ucyate anabhidhānāt iti |
30/90:yat api ucyate subantāt ca aprasaṅgaḥ kyajādīnām apavādatvāt iti |
31/90:bhavet kasmāt cit aprasaṅgaḥ syāt ātmecchāyām |
32/90:parecchāyām tu prāpnoti : rājñaḥ putram icchati iti |
33/90:evam tarhi idam iha vyapadeśyam sat ācāryaḥ na vyapadiśati |
34/90:kim |
35/90:samānakartṛkāt iti ucyate |
36/90:na ca subantasya samānaḥ kartā asti |
37/90:evam api bhavet kasmāt cit aprasaṅgaḥ yasya kartā na asti |
38/90:iha tu prāpnoti : āsitum icchati śayitum icchati |
39/90:icchāyām arthe san vidhīyate icchārtheṣu ca tumun |
40/90:tatra tumunā uktatatvāt tasya arthasya san na bhaviṣyati |
41/90:evam api iha prāpnoti : āsanam icchati śayanam icchati iti |
42/90:iha yaḥ viśeṣaḥ upādhiḥ vā upādīyate dyotye tasmin tena bhavitavyam |
43/90:yaḥ ca iha arthaḥ gamyate āsitum icchati śayitum icchati svayam tām kriyām kartum icchati iti na asau iha gamyate āsanam icchati śayanam icchati iti |
44/90:anyasya api āsanam icchati iti eṣaḥ api arthaḥ gamyate |
45/90:avaśyam ca etat evam vijñeyam |
46/90:yaḥ hi manyate adyotye tasmin tena bhavitavyam iti kriyamāṇe api tasya dhātugrahaṇe iha prasajyeta : saṅgatam icchati devadattaḥ yajñadattena iti |
47/90:karmasamānakartṛkagrahaṇānarthakyam ca icchābhidhāne pratyayavidhānāt |*
48/90:karmasamānakartṛkagrahaṇam ca anarthakam |
49/90:kim kāraṇam |
50/90:icchābhidhāne pratyayavidhānāt |
51/90:icchāyām abhidheyāyām san vidhīyate |
52/90:akarmaṇaḥ hi asamānakartṛkāt vā anabhidhānam | icchāyām abhidheyāyām san vidhīyate |*
53/90:na ca akarmaṇaḥ asamānakartṛkāt vā utpadyamānena sanā icchāyā abhidhānam syāt |
54/90:anabhidhānāt tataḥ utpattiḥ na bhaviṣyati |
55/90:aṅgaparimāṇārtham tu |*
56/90:aṅgaparimāṇārtham tarhi anyatarat kartavyam karmagrahaṇam dhātugrahaṇam vā |
57/90:aṅgaparimāṇam jñāsyāmi iti |
58/90:kim punaḥ atra jyāyaḥ |
59/90:dhātugrahaṇam eva jyāyaḥ |
60/90:aṅgaparimāṇam ca eva vijñātam bhavati |
61/90:api ca dhātoḥ vihitaḥ pratyayaḥ śeṣaḥ ārdhadhātukasañjñaḥ bhavati iti sanaḥ ārdhadhātukasañjñā siddhā bhavati |
62/90:yat ca api etat uktam karmagrahaṇāt sanvidhau dhātugrahaṇānarthakyam sopasargam karma iti cet karmaviśeṣakatvāt upasargasya anupasargam karma sopasargasya hi karmatve dhātvadhikāre api sanaḥ avidhānam akarmatvāt iti svapakṣaḥ anena varṇitaḥ |
63/90:yuktam iha draṣṭavyam kim nyāyyam karma iti |
64/90:etat ca atra yuktam yat sopasargam karma syāt |
65/90:nanu ca uktam sopasargasya hi karmatve dhātvadhikāre api sanaḥ avidhānam akarmatvāt iti |
66/90:na eṣaḥ doṣaḥ |
67/90:karmaṇaḥ iti na eṣā dhātusamānādhikaraṇā pañcamī |
68/90:karmaṇaḥ dhātoḥ iti |
69/90:kim tarhi |
70/90:avayavayogā eṣā ṣaṣṭhī |
71/90:karmaṇaḥ yaḥ dhātuḥ avayavaḥ |
72/90:yadi avayavayogā eṣā ṣaṣṭhīkevalāt utpattiḥ na prāpnoti |
73/90:cikīrṣati jihīrṣati iti |
74/90:eṣaḥ api vyapadeśivadbhāvena karmaṇaḥ dhātuḥ avayaḥ bhavati |
75/90:kāmam tarhi anena eva hetunā kyac api kartavyaḥ |
76/90:mahāntam putram icchati |
77/90:karmaṇaḥ yat subantam avayayaḥ iti |
78/90:na kartavyaḥ |
79/90:asāmarthyāt na bhaviṣyati |
80/90:katham asāmarthyam |
81/90:sāpekṣam asamartham bhavati iti |
82/90:vāvacanānarthakyam ca tatra nityatvāt sanaḥ |*
83/90:vāvacanam ca anarthakam |
84/90:kim kāraṇam |
85/90:tatra nityatvāt sanaḥ |
86/90:iha hi dvau pakṣau vṛttipakṣaḥ avṛttipakṣaḥ ca |
87/90:svabhāvataḥ ca etat bhavati vākyam ca pratyayaḥ ca |
88/90:tatra svābhāvike vṛttiviṣaye nitye pratyaye prāpte vāvacanena kim anyat śakyam abhisambandhum anyat ataḥ sañjñāyāḥ |
89/90:na ca sañjñāyāḥ bhāvābhāvau iṣyete |
90/90:tasmāt na arthaḥ vāvacanena |

1/48:tumunantāt vā tasya ca lugvacanam |*
2/48:tumunantāt vā san vaktavyaḥ tasya ca tumunaḥ luk vaktavyaḥ |
3/48:kartum icchati cikīrṣati |
4/48:liṅuttamāt vā |*
5/48:liṅuttamāt vā san vaktavyaḥ tasya ca liṅaḥ luk vaktavyaḥ |
6/48:kuryām iti icchati cikīrṣati |
7/48:āśaṅkāyām acetaneṣu upasaṅkhyānam |*
8/48:āśaṅkāyām acetaneṣu upasaṅkhyānam kartavyam |
9/48:aśmā luluṭhiṣate |
10/48:kūlam pipatiṣati iti |
11/48:kim punaḥ kāraṇam na sidhyati |
12/48:evam manyate |
13/48:cetanāvataḥ etat bhavati icchā iti |
14/48:kūlam ca acetanam |
15/48:acetanagrahaṇena na arthaḥ |
16/48:āśaṅkāyām iti eva |
17/48:idam api siddham bhavati |
18/48:śvā mumūrṣati |
19/48:na vā tulyakāraṇatvāt icchayāḥ hi pravṛttitaḥ upalabdhiḥ |*
20/48:na vā kartavyam |
21/48:kim kāraṇam |
22/48:tulyakāraṇatvāt |
23/48:tulyam hi kāraṇam cetanāvati devadatte kūle ca acetane |
24/48:kim kāraṇam |
25/48:icchayāḥ hi pravṛttitaḥ upalabdhiḥ |
26/48:icchayāḥ hi pravṛttitaḥ upalabdhiḥ bhavati |
27/48:yaḥ api asu kaṭam cikīrṣuḥ bhavati na asau āghoṣayati |
28/48:kaṭam kariṣyāmi iti |
29/48:kim tarhi |
30/48:sannaddham rajjukīlakpūlapāṇim dṛṣṭvā tataḥ icchā gamyate |
31/48:kūlasya api pipatiṣataḥ loṣṭāḥ śīryante bhidā jāyante deśāt deśāntaram upasaṅkrāmati |
32/48:śvānaḥ khalu api mumūrṣavaḥ ekāntaśīlāḥ śūnākṣāḥ ca bhavanti |
33/48:upamānāt vā siddham |*
34/48:upamānāt vā siddham etat |
35/48:katham |
36/48:luluṭhiṣate iva luluṭhiṣate |
37/48:pipatiṣati iva pipatiṣati |
38/48:na tiṅantena upamānam asti |
39/48:evam tarhi icchā iva icchā |
40/48:sarvasya vā cetanāvattvāt |*
41/48:atha vā sarvam cetanāvat |
42/48:evam hi āha |
43/48:kaṃsakāḥ sarpanti |
44/48:śirīṣaḥ adhaḥ svapiti |
45/48:suvarcalā ādityam anu paryeti |
46/48:āskanda kapilaka iti ukte tṛṇam āskandati |
47/48:ayaskāntam ayaḥ saṅkrāmati |
48/48:ṛṣiḥ paṭhati śrṇota grāvāṇaḥ

1/33:ime iṣavaḥ bahavaḥ paṭhyante |
2/33:tatra na jñāyate kasya ayam arthe san vidhīyate iti |
3/33:iṣeḥ chatvabhāvinaḥ |
4/33:yadi evam kartum anvicchati kartum anveṣaṇā atra api prāpnoti |
5/33:evam tarhi yasya striyām icchā iti etat rūpam nipātyate |
6/33:kasya ca etat nipātyate |
7/33:kāntikarmaṇaḥ |
8/33:atha iha grāmam gantum icchati iti kasya kim karma |
9/33:iṣeḥ ubhe karmaṇī |
10/33:yadi evam grāmam gantum icchati grāmāya gantum icchati iti gatyarthakarmaṇi dvitīyācaturthyau na prāpnutaḥ |
11/33:evam tarhi gameḥ grāmaḥ karma iṣeḥ gamiḥ karma |
12/33:evam api iṣyate grāmaḥ gantum iti parasādhane utpadyamānena lena grāmasya abhidhānam na prāpnoti |
13/33:evam tarhi gameḥ grāmaḥ karma iṣeḥ ubhe karmaṇī |
14/33:atha sanantāt sanā bhavitavyam : cikīrṣitum icchati jihīrṣitum icchati iti |
15/33:na bhavitavyam |
16/33:kim kāraṇam |
17/33:arthagatyarthaḥ śabdaprayogaḥ |
18/33:artham sampratyāyayiṣyāmi iti śabdaḥ prayujyate |
19/33:tatra ekena uktatvāt tasya arthasya aparasya prayogeṇa na bhavitavyam |
20/33:kim kāraṇam |
21/33:uktārthānām aprayogaḥ |
22/33:na tarhi idānīm idam bhavati : eṣitum icchati eṣiṣiṣati iti |
23/33:asti atra viśeṣaḥ |
24/33:ekasya atra iṣeḥ iṣiḥ sādhanam vartamānakālaḥ ca pratyayaḥ |
25/33:aparasya bāhyam sādhanam sarvakālaḥ ca pratyayaḥ |
26/33:iha api tarhi ekasya iṣeḥ karotiviṣiṣṭaḥ iṣiḥ sādhanam vartamānakālaḥ ca pratyayaḥ |
27/33:aparasya bāhyam sādhanam sarvakālaḥ ca pratyayaḥ |
28/33:yena eva khalu api hetunā etat vākyam bhavati cikīrṣitum icchati jihīrṣitum icchati iti tena eva hetunā vṛttiḥ api prāpnoti |
29/33:tasmāt sanantāt sanaḥ pratiṣedhaḥ vaktavyaḥ |
30/33:tam ca api bruvatā iṣisanaḥ iti vaktavyam |
31/33:bhavati hi jugupsiṣate mīmāṃsiṣate iti |
32/33:śaiṣikāt matubarthīyāt śaiṣikaḥ matubarthikaḥ sarūpaḥ pratyayaḥ na iṣṭaḥ |*
33/33:sanantāt na san iṣyate |*

iṣikarma yo dhaturiṣiṇaiva samānakartṛkaḥ, tasmādicchāyām arthe vā san pratyayo bhavati. karmatvaṃ samānakartṛkatvaṃ ca dhātorarthadvārakam. karṭum icchati. cikīrṣati. jihīrṣati. dhātugrahanaṃ kim? sopasargādutpattir mā bhūt. prakaṛtum aicchat prācikīrṣat. karmaṇaḥ iti kim? karaṇān mā bhūt. gamanena icchati. samānakartṛkatiti kim? devadattasya bhojanam icchati yajñadattaḥ. icchāyām iti kim? kartuṃ jānāti. vāvacanād vākyam api bhavati. dhātoḥ iti vidhānādatra sanaḥ ārdhadhātukasaṃjñā bhavati, na pūrvatra. āśaṅkāyām upasaṃkhyānam. āśaṅke patiṣyati kūlam, pipatiṣati kūlam. śvā mumūrṣati. icchāsannantāt pratiṣedho vaktavyaḥ. cikīrṣitum icchati. viśeṣaṇaṃ kim? jugupsiṣate. mīmāṃsiṣate. śaiṣikānmatubarthīyācchaiṣiko matubarthikaḥ. sarūpaḥ pratyayo neṣṭaḥ sanantān na saniṣyate.

dhātoḥ karmaṇaḥ samānakartṛkādicchāyāṃ vā 3.1.7 iṣikarma yo dhaturiṣiṇaiva samānakartṛkaḥ, tasmādicchāyām arthe vā san pratyayo bhavati. karmatvaṃ samānakartṛkatvaṃ ca dhātorarthadvārakam. karṭum icchati. cikīrṣati. jihīrṣati. dhātugrahanaṃ kim? sopasargādutpattir mā bhūt. prakaṛtum aicchat prācikīrṣat. karmaṇaḥ iti kim? karaṇān mā bhūt. gamanena icchati. samānakartṛkatiti kim? devadattasya bhojanam icchati yajñadattaḥ. icchāyām iti kim? kartuṃ jānāti. vāvacanād vākyam api bhavati. dhātoḥ iti vidhānādatra sanaḥ ārdhadhātukasaṃjñā bhavati, na pūrvatra. āśaṅkāyām upasaṃkhyānam. āśaṅke patiṣyati kūlam, pipatiṣati kūlam. śvā mumūrṣati. icchāsannantāt pratiṣedho vaktavyaḥ. cikīrṣitum icchati. viśeṣaṇaṃ kim? jugupsiṣate. mīmāṃsiṣate. śaiṣikānmatubarthīyācchaiṣiko matubarthikaḥ. sarūpaḥ pratyayo neṣṭaḥ sanantān na saniṣyate.

dhātoḥ karmaṇaḥ samānakarttṛkādicchāyāṃ vā. , 3.1.7 karttṛḥ kriyayā vyāptumiṣṭatamasya karmabhāva upapadyate. nānyathetyavaśyaṃ yā kācit kriyā'pekṣitavyeti. iha cānyā na śrūyate, pratyayārthatvena cecchā sannidhāpitā, ataḥ saivāpekṣituṃ yuktā; pratyāsattenryāyāt,tasmāt, tayaiva vyāpyamānasya karmabhāvo vijñāyata ityāha-- "iṣikarma" ityādi. iṣeḥ karmeti ṣaṣṭhīsamāsaḥ. pratiyogyapekṣatvāt samānatvasya niyogataḥ pratiyogyapekṣitavyaḥ, na ca sūtre pratiyogī śrūyate, tatra pūrvoktanyāyeneṣereva pratiyogitvaṃ vijñāyata ityāha--- "iṣiṇaiva" ityādi. samāna ekaḥ katrtāsyeti bahuvrīhiḥ, ekakarttṛka ityarthaḥ. nanu caṭa dhātoḥ karmatvaṃ nopapadyate, tasyārthadharmatvāt, dhātośca śabdātmakatvāt. atha karoti dhātumicchatītyādau prayoge dhātorapi karmatā dṛṣṭeti cet? na brāūmaḥ-- sarvathā dhātoḥ karmatvaṃ na bhavatīti, kiṃ tarhi? ya iha sannutpattinimittabhāvanopāttaḥ samānakarttṛkaḥ, tasya na sambhavatīti brāūmaḥ; yasmāt samānakarttṛkatvaṃ sādhyamānasyārthasya bhavati, karmatvaṃ tu siddhasvabhāvasya. aṅgīkṛtya ca samānakarttṛkatvaṃ dhātoḥ karmatve doṣa uktaḥ idānīṃ tadapi na sambhavatyeva. tathā hi-- dhātuḥ śabdaḥ kriya#āyāśca katrtā bhavati, na śabdasyetat āha-- "karmatvam" ityādi. "arthadvārakam" iti. artho dvāramupāyo yasya tadarthadvārakamiti. arthasya karmatvāt samānakarttṛkatvācca tadvacano'pi dhāturarthadharmeṇopacārāt karmasamānakarttṛkaścocyate, yathā--- "dvandvaśca prāṇitūrya" 2.4.2 ityatrārthasya prāṇyaṅgatvāt tadvacano'pi prāmāyaṅgamityucyata iti bhāvaḥ. "cikīrṣati" ityatra karoterartha icchayā vyāpyamānatvāt samānatvāt karmasamānakarttṛkaśceṣiṇā; yasmāt ya eveṣeḥ katrtā sa eva tasyāpi. atastaddvāreṇa karotirapi karmasamānakarttṛkaśceti bhāvaḥ. tataḥ san, "iko jhal" 1.2.9 iti sanaḥ kittvāt guṇabhāvaḥ, "ajjhanagamāṃ sani" (6.4.16 iti dīrghaḥ, "ṛta iddhātoḥ" 7.1.100 itīttvam, raparatvam, "hali ca" 8.2.77 iti dīrghaḥ, "iṇkoḥ" 8.3.57 ityanuvatrtamāne "ādeśapratyayayoḥ" 8.3.59 iti ṣatvam, dvirvacanam, abhyāsakāryam. dhātugrahaṇaṃ kimiti. dhātugrahaṇaṃ hrevamarthaṃ kriyate-- gamanamicchatīti subanthānmā bhūditi. nanu cāsatyapi dhātugrahaṇe tataḥ san bhavituṃ notsahate; "supa ātmanaḥ kyac" 3.1.8 itpapavādena bādhitatvāt, tasmāt pāriśeṣyādvināpi dhātugrahaṇena dhātoreva bhaviṣyatītyabhiprāyeṇāha-- "sopasargādutpattirmā bhūt" iti. yadopasargaviśiṣṭo dhātvartha iṣiṇā vyāpyate tadāsāvupasargaviśiṣṭa eva karmatvamanubhavatīti tadadvāreṇāsau sopasarga eva dhātuḥ. karmeti sopasargādutpattiḥ syāt,tataśca prācikīrṣadityatra dvirvacanaṃ kriyamāṇaṃ sannantasyaikācaḥ prathamasya dvirvacanaṃ bhavatīti "sanyaṅoḥ" 6.1.9 iti samudāyādeḥ praśabdasya syāt. laṅi ca sopasargasyāṅgasaṃjñāyāṃ tataḥ prāgaḍāgamaḥ syāt. yadi tarhi sopasargaḥ, karmadhātorutpattirna syāt, tasyākarmakatvāt? naitadasti, samudāyasya hi karmatve'vayavā apikmatvamanubhavanti;avayavātmakatvāt samudāyasya. abhyupāya eva hravayavakarmatā samudāyakarmatāyāḥ; anyathā yadi samudāye karmaṇyavayavāḥ karmabhāvāpannā na bhaveyuḥ, tadā mahāntaṃ putramicchatītyatra karmalakṣaṇāvayavā dvitīyā na syāt. " gamenenecchati" iti. karaṇatvapradarśanārthaṃ lyuhantopanyāsaḥ. dhātoreva hi sano'nutpattiḥ pratyudāharaṇam. astyatra samānakarttṛkatvam. tathā hi--- ya eveṣeḥ katrtā sa eva gamanasya, sa hrātmīyena gamanena karaṇabhāvamāpannena kimapi vastvicchati. kmatvaṃ tu gamerarthadvārakaṃ nāstīti na bhavatyataḥ san. "devadattasya bhojanamicchati" iti. devadattasyeti "katrtakarmaṇoḥ kṛti" 2.3.65 iti katrtari ṣaṣṭhī. atra hi bhojanasya devadattaḥ katrtā, iṣestu yajñadatta iti samānakarttṛkatvaṃ nāsti. "kartuṃ jānāti" iti. icchāgrahaṇādiha jñāne'rthe sanna bhavati. nanu ceṣikarmā yo dhātu riṣiṇaiva samānakarttṛkastata icchāyā vā san bhavatītyuktam. iha ca yathecchā pratyayārtho nāsti tathā dhātoriṣikarmatvamapi, iṣiṇā samānakarttṛkatvañca, tadayuktaṃ pratyudāharaṇam, aṅgatrayavaikalyāt? naitadasti, sati hīcchāgrahaṇe tadviśeṣaṇadvayaṃ pratyāsatterlabhyate. asati tu tasmin yāṃ kāñcit kriyāṃ prati dhātoḥ karmatvaṃ vijñāyate, pratiyogimātrāpekṣayā ca samānakarttṛkatvamiti kā'trāyuktatā ! "vāvacanādvākyamapi bhavati" iti. uttarasūtra iti śeṣaḥ. iha tu "samānakarttṛkeṣu tumun" 3.3.158 ityata eva vidhānāt karttṛmicchatīti vākyaṃ bhaviṣyati. nityatvehi sanastasya vacanasyānarthakyaṃ syāt. anyadapi vāvacanaprayojanamuktameva, tasyai samuccayārtho'piśabdaḥ. "dhātoriti vidhānāt" ityādi. "ārdhadhātuke śeṣaḥ" 3.4.114 ityanena dhātorityevaṃ dhātuśabdamuccārya vihitasya pratyayasyārdhadhātukasaṃjñāvidhānāt. iha dhātorityeva sano vidhānamityārdhadhātukasaṃjñā na bhavati, na hi tasya tathā vidhānamasti. "āśaṅkāyāmupasaṃkhyānam" iti. āśaṅkā = sambhāvanā, sā ca prayoktṛdharmaḥ. "nadīkūlaṃ pipatiṣati" ityacetanatvāt kūlasyecchā na sambhavatīti na prāpnoti. "āśaṅke kūlaṃ patiṣyati" ityasmin viṣaya evaṃ prayogaḥ. "()āā mumūrṣati" iti. pūrvavat kittvadīrghatve. "udoṣṭha()pūrvasya" 7.1.102 ittyuktam; raparatvañca. atra satyapi cetanatve jīnasya priyatvācchuno martumicchā na sambhavatīti na prāpnoti. eṣa ca prayogaḥ "ahamāśaṅkemariṣyati ()āā" ityatrārthe veditavyaḥ. upasaṃkhyānaśabdasya pratipādanamarthaḥ. katrtavya ityavyāhāryam. pratipādanaṃ tu-- dhātoriti yogavibhāgaḥ katrtavyaḥ, tenāśaṅkāyāmapi san bhaviṣyati. "icchāsanantāt" ityādi. icchāyāmarthe yo vihitaḥ san tadantāt sanaḥ pratiṣedho vyākhyeyaḥ. vyākhyānaṃ tūttaratra kariṣyāmaḥ. svārthe yaḥ san tadantāt saniṣyata evetīcchāviśeṣaṇaṃ kṛtam. "jugupsiṣate" iti. "ato lopaḥ" 6.4.48 ityakāralopaḥ. "śaiṣikāt" ityādi. a()āptayādibhyo'rthebhyo'dūrabhava ityetatparyantebhyo'nyo yo'rthaḥ sa śeṣaḥ, tatra bhavaḥ śaiṣikaḥ, "adhyātmādibhyaṣṭhañ" (vā.456). tasmācchaiṣikaḥ sarūpaḥ pratyayo naṣṭaḥ. śālāyāmbhava iti "vṛddhācchaḥ" 4.2.113 śālīyaḥ, śālīye bhava iti punaścho na bhavati. virūpastu bhavatyeva-- ahicchatre bhava āhicchatraḥ, "prāgdīvyato'ṇ" 4.1.83 āhicchatre bhava āhicchatrīyaḥ-- aṇantādvṛddhāccho 4.2.113 bhavati. matubarthe bhavaḥ pratyayo matubarthīyaḥ, "gahādibhyaśca" 4.2.137 iti cchaḥ, matubartho'syāstīti matubarthikaḥ pratyayaḥ, "ata iniṭhanau" 5.2.114 iti ṭhan. matubartho'syāstītimatubarthīyāt pratyayānmatubarthikaḥ sarūpaḥ pratyayo neṣṭaḥ. daṇḍo'syāstīti daṇḍikaḥ, pūrvavaṭṭhan, daṇḍiko'syāstīti matubarthīyāt punaṣṭhan na bhavati. virūpastu bhavatyeva-- daṇḍo'syāstīti daṇḍī, daṇḍino'syāṃ śālāyāṃ santīti daṇḍamatī śālā, innantānmatup bhavati. "sannatānna saniṣyate" iti. "sarūpaḥ" iti sambadhyate. tatra yadyapi sano rūpasārūpyavyabhicāro nāsti, tathāpi viśeṣaṇasāmathryādarthasārūpyamāśrīyate. tenecchāsanantāditi gamyate, pūrvam "icchāsanantātpratiṣedho vaktavyaḥ" (vā.181) ityabhidhānācca. yastu nindādiṣu gupādibhyaḥ san tat icchāsan bhavatyeva. tathā caivaṃ vṛttādudāhmatam.etatsarvaṃ nyāyaprāptamevodāhmatam. katham? niṣpannā hi prakṛtiḥ pratyayavidhernimittaṃ bhavati. na ca sarūpaśaiṣikapratyayavidhānakāle tathāvidhapratyayānatā niṣpannā prakṛtirasti, nāpi sarūpamatubarthikapratyayavidhānakāle tathāvidhapratyayāntā niṣpannā prakṛtiḥ, nāpīcchāsani vidhīyamāna icchāsanantāt prakṛtirlabdhasattākāsti; idānīmeva hi "tatra bhavaḥ" 4.3.53 ityādibhirlakṣaṇaiḥ sarūpāṇāṃ śaiṣikādīnāṃ bhāvyamānatvāt. tasmādavidyamānaprakṛtikatvāt te yathoktaprakārāyāḥ prakṛterna sambhavantīti॥

iṣikarmaṇa iṣiṇaikakartṛkāddhātoḥ sanpratyayo vā syādicchāyām.. paṭha vyaktāyāṃ vāci..

dhātoḥ karmaṇaḥ samānakartṛkādicchāyāṃ vā 708, 3.1.7 iṣikarmaṇa iṣiṇaikakartṛkāddhātoḥ sanpratyayo vā syādicchāyām॥ paṭha vyaktāyāṃ vāci॥

dhātoḥ karmaṇaḥ. `guptijkidbhyaḥ' ityataḥ sannityanuvartate. icchāyāḥ śrutatvāttāṃ pratyeva karmatvaṃ vivakṣitam. tathā samānakartṛkatvamapi icchānirūpitameva vivakṣitam. karmeti svavācakaśabdadvārā dhātau sā mānādhikaraṇyenānveti. evaṃ ca icchāsamānakartṛkatve sati icchākarmībhūto yo vyāpārastadvācakāddhātoricchāyāṃ san vā syāditi phalati. tadāha – iṣikarmaṇa ityādi. iṣiricchā. iṣiṇā ekakartṛkatatvādiṣaikarmībhūtavyāpāravācakāddhātorityarthaḥ. nanu samānakartṛkādityuktyaiva dhātoriti labdham, dhātvarthavyāpārāśrayasyaiva kartṛtvādityata āha– dhātoriti. dhātoriti vihitasyaiva pratyayasyādrdhadhātukatvaṃ, natu dhātoḥ parasya. anyathā jugupsate ityatra ādrdhadhātukatve phalamāha – iḍiti. dvitvamiti. `sanyaṅo'rityaneneti bhāvaḥ. abhyāsasya ittvavidhiṃ smārayati– sanyata iti. paṭhitumicchatīti. bhāvastumunarthaḥ. `avyayakṛto bhāve' ityukteḥ. dhātvartha eva bhāva ityucyate. tathā ca paṭhitumityasya paṭhanakriyai'vārthaḥ. tasmin paṭhane #icchākarmatvam, icchāsamānakartṛkatvaṃ ca sanā gamyate. tathā ca svakartṛkaṃ phaṭanamicchatītyarthe pipaṭhiṣatīti śabdo vartata ityuktaṃ bhavati. atha `ada bhakṣaṇe' iti dhātoḥ sani ghaslṛbhāvaṃ smārayati– luṅsanorghaslṛ iti. ghas sa iti sthite iṭamāśaṅkya āha– ekāca iti neḍiti. ghas sa iti sthite āha– sasya tatvamiti. `saḥ syādrdhadhātuke' ityaneneti bhāvaḥ. jighatsatīti. dvitve abhyāsajaśtvacutve iti bhāvaḥ. ysanordvitvamiti. `tṛtīyasya vyañjanasye' ti pakṣe īrṣy isa ityatra yakāramātrasya dvitve, sanaḥ ṣatvesaṃ yuktadviyakāraṃ rūpamiti bhāvaḥ. tadāha - - īṣryayiṣatīti. tathā ca sannante īkārarephaṣakārayakāradvitvekāraṣakārāḥ. `tṛtīyasyaikāca' iti pakṣe īṣrya i sa ityatra sa ityasya dvitve abhyāset?tave sakāradvayasyāpi ṣatve rūpaṃ matvā āha– īrṣyiṣiṣatīti. atra tu sannante īkārarephaṣakārayakārekāraṣakārekāraṣakārā'kārāḥ.

dhātoḥ karmaṇaḥ samānakratṛkādicchāyāṃ vā 435, 3.1.7 dhātoḥ karmaṇaḥ. "guptijkidbhyaḥ" ityataḥ sannityanuvartate. icchāyāḥ śrutatvāttāṃ pratyeva karmatvaṃ vivakṣitam. tathā samānakartṛkatvamapi icchānirūpitameva vivakṣitam. karmeti svavācakaśabdadvārā dhātau sā mānādhikaraṇyenānveti. evaṃ ca icchāsamānakartṛkatve sati icchākarmībhūto yo vyāpārastadvācakāddhātoricchāyāṃ san vā syāditi phalati. tadāha -- iṣikarmaṇa ityādi. iṣiricchā. iṣiṇā ekakartṛkatatvādiṣaikarmībhūtavyāpāravācakāddhātorityarthaḥ. nanu samānakartṛkādityuktyaiva dhātoriti labdham, dhātvarthavyāpārāśrayasyaiva kartṛtvādityata āha-- dhātoriti. dhātoriti vihitasyaiva pratyayasyādrdhadhātukatvaṃ, natu dhātoḥ parasya. anyathā jugupsate ityatra ādrdhadhātukatve phalamāha -- iḍiti. dvitvamiti. "sanyaṅo"rityaneneti bhāvaḥ. abhyāsasya ittvavidhiṃ smārayati-- sanyata iti. paṭhitumicchatīti. bhāvastumunarthaḥ. "avyayakṛto bhāve" ityukteḥ. dhātvartha eva bhāva ityucyate. tathā ca paṭhitumityasya paṭhanakriyai'vārthaḥ. tasmin paṭhane #icchākarmatvam, icchāsamānakartṛkatvaṃ ca sanā gamyate. tathā ca svakartṛkaṃ phaṭanamicchatītyarthe pipaṭhiṣatīti śabdo vartata ityuktaṃ bhavati. atha "ada bhakṣaṇe" iti dhātoḥ sani ghaslṛbhāvaṃ smārayati-- luṅsanorghaslṛ iti. ghas sa iti sthite iṭamāśaṅkya āha-- ekāca iti neḍiti. ghas sa iti sthite āha-- sasya tatvamiti. "saḥ syādrdhadhātuke" ityaneneti bhāvaḥ. jighatsatīti. dvitve abhyāsajaśtvacutve iti bhāvaḥ. ysanordvitvamiti. "tṛtīyasya vyañjanasye" ti pakṣe īrṣy isa ityatra yakāramātrasya dvitve, sanaḥ ṣatvesaṃ yuktadviyakāraṃ rūpamiti bhāvaḥ. tadāha -- īṣryayiṣatīti. tathā ca sannante īkārarephaṣakārayakāradvitvekāraṣakārāḥ. "tṛtīyasyaikāca" iti pakṣe īṣrya i sa ityatra sa ityasya dvitve abhyāset()tave sakāradvayasyāpi ṣatve rūpaṃ matvā āha-- īrṣyiṣiṣatīti. atra tu sannante īkārarephaṣakārayakārekāraṣakārekāraṣakārā'kārāḥ.

dhātoḥ karmaṇaḥ. iṣikarmaṇa ityādi. icchāyāmiti śrutatvātkarmatvaṃ kartṛtvaṃ ca tadapekṣameva gṛhrata iti bhāvaḥ. paṭhitumicchatīti. ekaniṣṭhā pāṭhagocarā vartamānecchetyarthaḥ. yisanoriti. `tṛtīyavyañjanasye'ti pakṣe yakārasya dvitvaṃ, `tṛtīyasyaikāca' iti pakṣe tu sana ityarthaḥ.

dhātoḥ karmaṇaḥ samānakartṛkādicchāyāṃ vā 379, 3.1.7 dhātoḥ karmaṇaḥ. iṣikarmaṇa ityādi. icchāyāmiti śrutatvātkarmatvaṃ kartṛtvaṃ ca tadapekṣameva gṛhrata iti bhāvaḥ. paṭhitumicchatīti. ekaniṣṭhā pāṭhagocarā vartamānecchetyarthaḥ. yisanoriti. "tṛtīyavyañjanasye"ti pakṣe yakārasya dvitvaṃ, "tṛtīyasyaikāca" iti pakṣe tu sana ityarthaḥ.