1/59:kimarthaḥ kakāraḥ |
2/59:kṅiti iti guṇapratiṣedhaḥ yathā syāt |
3/59:na etat asti prayojanam |
4/59:sārvadhātukārdhadhātukayoḥ aṅgasya guṇaḥ ucyate |
5/59:dhātoḥ ca vihitaḥ pratyayaḥ śeṣaḥ ārdhadhātukasañjñām labhate |
6/59:na ca ayam dhātoḥ vidhīyate |
7/59:kaṇḍvādīni hi prātipadikāni |
8/59:kaṇḍvādibhyaḥ vāvacanam |*
9/59:kaṇḍvādibhyaḥ vā iti vaktavyam |
10/59:avacane hi nityapratyayatvam |*
11/59:akriyamāṇe hi vāvacane nityaḥ pratyayavidhiḥ prasajyeta |
12/59:tatra kaḥ doṣaḥ |
13/59:tatra dhātuvidhitukpratiṣedhaḥ |*
14/59:tatra dhātuvidheḥ tukaḥ ca pratiṣedhaḥ vaktavyaḥ syāt |
15/59:kaṇḍvau kaṇḍvaḥ |
16/59:aci śnudhātubhruvām yvoḥ iyaṅuvaṅau iti uvaṅadeśaḥ prasajyeta |
17/59:iha ca kaṇḍvā kaṇḍve na ūṅdhātvoḥ iti pratiṣedhaḥ prasajyeta |
18/59:tuk ca pratiṣedhyaḥ |
19/59:valguḥ mantuḥ iti |
20/59:hrasvasya piti kṛti tuk prāpnoti |
21/59:hrasvayalopau ca vaktavyau |*
22/59:hrasvayalopau ca vaktavyau syātām |
23/59:valguḥ mantuḥ iti |
24/59:kimartham idam na hrasvaḥ eva ayam |
25/59:antaraṅgatvāt akṛdyakāre iti dīrghatvam prāpnoti |
26/59:yalopaḥ |
27/59:yalopaḥ ca vaktavyaḥ |
28/59:kaṇḍūḥ valguḥ mantuḥ iti |
29/59:kimartham idam na vali iti eva siddham |
30/59:vali iti ucyate |
31/59:na ca atra valim paśyāmaḥ |
32/59:nanu cal kvip valādiḥ |
33/59:kviblope kṛte valādyabhāvāt na prāpnoti |
34/59:idam iha sampradhāryam |
35/59:kviblopaḥ kriyatām vali lopaḥ iti |
36/59:kim atra kartavyam |
37/59:paratvāt kviblopaḥ |
38/59:nityaḥ khalu api kviblopaḥ |
39/59:kṛte api yalope prāpnoti akṛte api prāpnoti |
40/59:nityatvāt paratvāt ca kvilope kṛte valādyabhāvāt na prāpnoti |
41/59:evam tarhi pratyayalakṣaṇena bhaviṣyati |
42/59:varṇāśraye na asti pratyayalakṣaṇam |
43/59:atha kriyamāṇe api vāvacane yadā yagantāt kvip tadā ete doṣāḥ kasmāt na bhavanti |
44/59:na etebhyaḥ tadā kvip drakṣyate |
45/59:kim kāraṇam |
46/59:anyebhyaḥ api dṛśyate iti ucyate |
47/59:na ca etebhyaḥ tadā kvip dṛśyate |
48/59:yathā eva tarhi kriyamāṇe vāvacane anyebhyaḥ api dṛśyate iti evam atra kvip na bhavati evam akriyamāṇe api na bhaviṣyati |
49/59:avaśyam etebhyaḥ tadā kvip eṣitavyaḥ |
50/59:kim prayojanam |
51/59:etāni rūpāṇi yathā syuḥ iti |
52/59:tat tarhi vāvacanam kartavyam |
53/59:na kartavyam |
54/59:ubhayam kaṇḍvādīni dhātavaḥ ca prātipadikāni ca |
55/59:ātaḥ ca ubhayam |
56/59:kaṇḍūyati iti kriyām kurvāṇe prayujyate asti me kaṇḍūḥ iti vedanāmātrasya sānnidhye |
57/59:aparaḥ āha : dhātuprakaraṇāt dhātuḥ kasya āsañjanāt api |*
58/59:āha ca ayam imam dīrgham |*
59/59:manye dhātuḥ vibhāṣitaḥ |*

kaṇḍūñityevam ādibhyo yak pratyayo bhavati. dvivadhāḥ kaṇḍvādayo, dhātavaḥ prātipādikāni ca. tatra dhātvadhikārād dhatubhyaḥ eva pratyayo vidhīyate, na tu prātipadikebhyaḥ. tathā ca guṇapratiṣedhārthaḥ kakāro 'nubadhyate. dhātuprakaraṇād dhātuḥ kasya cāsañjanādapi. āha ca ayam imaṃ dīrghaṃ manye dhatur vibhāṣitaḥ. kaṇḍūñ kaṇḍūyati, kaṇḍūyate. ñitvāt kartrabhiprāye kriyāphale 1-3-72 ityātmanepadam. kaṇḍūñ. mantu. hṛṇīṅ. valgu. asmanas. mahīṅ. leṭ. loṭ. iras. iraj. irañ. dravas. medhā. kuṣubha. magadha. tantas. pampas. sukha. duḥkha. sapara. arara. bhiṣaj. bhiṣṇaj. iṣudha. caraṇa. curaṇa. bhuraṇa. turaṇa. gadgada. elā. kelā. khelā. liṭ. loṭ.

kaṇḍvādibhyo yak 3.1.27 kaṇḍūñityevam ādibhyo yak pratyayo bhavati. dvivadhāḥ kaṇḍvādayo, dhātavaḥ prātipādikāni ca. tatra dhātvadhikārād dhatubhyaḥ eva pratyayo vidhīyate, na tu prātipadikebhyaḥ. tathā ca guṇapratiṣedhārthaḥ kakāro 'nubadhyate. dhātuprakaraṇād dhātuḥ kasya cāsañjanādapi. āha ca ayam imaṃ dīrghaṃ manye dhatur vibhāṣitaḥ. kaṇḍūñ kaṇḍūyati, kaṇḍūyate. ñitvāt kartrabhiprāye kriyāphale 1.3.72 ityātmanepadam. kaṇḍūñ. mantu. hṛṇīṅ. valgu. asmanas. mahīṅ. leṭ. loṭ. iras. iraj. irañ. dravas. medhā. kuṣubha. magadha. tantas. pampas. sukha. duḥkha. sapara. arara. bhiṣaj. bhiṣṇaj. iṣudha. caraṇa. curaṇa. bhuraṇa. turaṇa. gadgada. elā. kelā. khelā. liṭ. loṭ.

kaṇḍvādibhyo yak. , 3.1.27 kiṃ punarime kaṇḍvādayo dhātavaḥ? uta prātipadikāni? tatra yadi dhātavaḥ, yaki kṛte kaṇḍūriti na sidhyati. kaṇḍūyeti prāpnoti. nanu ca vetyanuvartiṣyate, tatar yadā yaṅa nāsti tadā kaṇḍūriti bhaviṣyati? naitadasti; na hi dhātoḥ subvibhaktirutpattumutsahate; tasyāḥ prātipadikādvidhānāt. syādetat-- yagantāt "anyabhyo'pi" 3.2.178 iti kvipi kṛte ato lope 6.4.48 vali yakāralope (6.1.66) ca kaṇḍūriti bhaviṣyati? asadetat; katrtari kvib vidhīyate, kaṇḍūriti ca vedanāmātramucyate, na kartā; tathāpi sampadāderākṛtigaṇatvāt bhāve kvipaṃ vidhāya kaṇḍūriti vyutpādyate. evamapi mantuḥ, valguriti na sidhyet. yadi tāvadvetyanuvṛttyā manuvalguśabdābhyāṃ pakṣe yagna bhavati tadā vibhaktistābhyāṃ nopapadyeta, tathā ca mantu, valgu ityavibhaktikaṃ rūpaṃ syāt. athāpi tābhyāṃ yakaṃ vidhāya kvip kriyate? evamapi mantūrvalgurityaniṣṭaṃ rūpaṃ syāt. avaśyaṃ yaki kṛte "akṛtsārvadhātukayoḥ" 7.4.25 iti dīrghatvena bhavitavyam. atha prātipadikāni kaṇḍavādayastadā yakaḥ karāro'narthakaḥ syāt, sa hi "sārvadhātukārdhadhātukayoḥ" 7.3.84 iti prāptasya guṇasya "kṅiti ca" 1.1.5 iti pratiṣedho yathā syādityevamarthaṃ kriyate. prātipadikatve teṣāmetatprayojanaṃ nopapadyate, na hi prātipadikādvihitaḥ pratyaya ardhadhātukasaṃjñāṃ labhata iti yo deśayet, taṃ pratyāha-- "dvividhāḥ" ityādi. tatreti nirdhāraṇe saptamī. teṣu dhātuprātipadikeṣu madhye ye dhātavaḥ kaṇḍvādayastebhyo yak. "dhātvadhikārāt" ityatravopapattiḥ. evamevārthaṃ draḍhayitumāha-- "tathā ca" ityādi. yata evaṃ dhātubhyaḥ pratyayo vidhīyate; dhātvadhikārāt , prātipadikebhyaḥ. evañca kṛtvā yakaḥ kakāro'nubadhyate guṇapratiṣedhāt. yadi tu pratipadikebhyo yak syāt tasyānārdhadhātukatvād()guṇasya prāptireva nāsti, tatpratiṣedhārthaṃ kakārānubandhakaraṇamanarthakaṃ syāt. "dhātuprakaraṇāddhātuḥ" iti. pratyayamutpādayatīti śeṣaḥ. "dhātorekācaḥ" 3.1.22 ityota dhātugrahaṇamanuvartate. tena dhātureva kaṇḍvādiśabdaḥ pratyayamutpādayati, na prātipadikam. "kasya" ityādi. yaccedaṃ kakārānubandhāsañjanamato'pi hetoreva dhātuḥ pratyayamutpādayati. anyathā kakārānubandhakaraṇaṃ pūrvoktayā rītyā nirarthakameva syāt. ataeva dhātubhūtebhyaḥ kaṇḍavādibhyo yagvidhānāt kakārānubandhāsañjanācca teṣāṃ dhātutvaṃ vijñāyate. na hradhātubhūtebhyo yagvidhānamupapadyate, nāpi kakārānubandhakaraṇam; prayojanābhāvāt. atha prātipadikatvaṃ kaṇḍvādīnāṃ kathamavasīyate? ityāha-- "āha cāyam" ityādi. cakāro hetau. yadyete dhātava eva syustato yaki kṛte "akṛta" 7.4.25 iti dīrghatvasya siddhatvāt kaṇḍūñ, hmaṇīṅ, mahīṅiti dīrghaṃ noccārayet, uccārayati ca dīrgham, ato'vasīyate-- "dhāturvibhāṣitaḥ" iti. dhātutvameṣāṃ vikalpitamityarthaḥ. nanu ca pakṣe yatra yaṅa nāsti tatrāyagantebhyaḥ kvibādau pratyaya utpanne kaṇḍūḥ, kaṇḍūtiḥ, kaṇḍūtavāniti dīrghasya śravaṇaṃ yathā syādityevamarthaṃ dīrghoccāraṇaṃ syāt. tat kutastasyānarthakyam! kathaṃ punarayagantebhyaḥ kvibādayo bhavanti, yakaḥ pākṣikatvāt, tadapi kutaḥ? vetyanuvṛtteḥ, naitat; nityatvādasya vidheḥ. nityatvantu vāgrahaṇasya nivartitatvāt. kutaḥ punastannivṛttiravīsayate? "āyādayaḥ" 3.1.31 ityādeḥ sūtrārambhāt. yadyatra vetyanuvṛttistadottaratrāpyanuvatrtanādāyādayo vā bhaviṣyantītyetannārabheta. na ca tadanārambhe sārvadhātuke'pyāyādayo vikalpena prāpnuvanti; vāgrahaṇasya vyavasthitavibhāṣātvāt. tasmādāyādaya ityāderārambhādvāgrahaṇanivṛttiravasīyata iti nityaṃ yakā bhavitavyam. tataśca yadyeṣāṃ pakṣe prātipadikatvaṃ na syāddīrghoccāraṇamanarthakaṃ syāt. tasmāddīrghoccāraṇasāmathryāt prātipadikatvameṣāmastītyekānta eṣa pakṣaḥ. tatra dhātupakṣe kaṇḍūyata ityādayaḥ sidhyanti, prātipadikapakṣe tvasati yaki kaṇḍūrmanturvalgurityādayaḥ. magadha ityādayo ye'kārāntāḥ kaṇḍvādiṣu paṭha()nte teṣāṃ "ato lopaḥ" 6.4.48 ityakāralopaḥ--- magadhyati, sukhyati, duḥkhyati. leṭ()loṭau śabdau paṭha()ete, tayoḥ lvarūpeṇaiva grahaṇam, na tu pratyayatvena, kaṇḍvādibhiḥ svarūpaśabdaiḥ sāhacaryāt॥

kaṇḍvādibhyo yak 733, 3.1.27 ebhyo dhātubhyo nityaṃ yak syātsvārthe. kaṇḍūñ gātravigharṣaṇe॥ 1॥ kaṇḍūyati. kaṇḍūyata ityādi॥

atha kaṇvādiprakriyā nirūpyante. kaṇḍvādibhyo yak. dhātubhya iti. `dhātorekācaḥ' ityatastadanuvṛtteriti bhāvaḥ. nityamiti. vāgrahaṇaṃ tu nivṛttamiti bhāvaḥ. anyathā kaṇḍavatītyādyapi syāditi bhāvaḥ. dvidhā hīti. etacca bhāṣye spaṣṭam. tena kaṇḍūrityādyavigṛhītarūpasiddhiḥ. leṭiteti. `yasya halaḥ' iti yalopaḥ. medhā āśugrahaṇe iti. āśugrahaṇam̐ tvarayā bodhaḥ. `sugrahaṇe' iti pāṭhāntaram. sukhyatīti. yaki ato lopaḥ. prātipadikebhyo yaki tu ādrdhadhātukatvā'bhāvādallopo na syāditi bodhyam. caurādikayostu sukhayati duḥkhayatītyuktam. arara ārākarmaṇīti. ārā = pratodaḥ, tatkaraṇakaṃ karma- ārākarma. bhiṣaj cikitsāyām. jāntoya'yam. bhiṣajyati. lekhā skhalane ceti. lekhāyati.lekhyatīti. adantādyaki ato lopaḥ. ākṛtigaṇo'yamiti. kaṇḍvādirityarthaḥ. tena duvas saṃdīpane ityādisaṅgrahaḥ. `samidhā'\ufffdgna duvasyate'. iti kaṇḍvādayaḥ.

kaṇḍvādibhyo yak 524, 3.1.27 atha kaṇvādiprakriyā nirūpyante. kaṇḍvādibhyo yak. dhātubhya iti. "dhātorekācaḥ" ityatastadanuvṛtteriti bhāvaḥ. nityamiti. vāgrahaṇaṃ tu nivṛttamiti bhāvaḥ. anyathā kaṇḍavatītyādyapi syāditi bhāvaḥ. dvidhā hīti. etacca bhāṣye spaṣṭam. tena kaṇḍūrityādyavigṛhītarūpasiddhiḥ. leṭiteti. "yasya halaḥ" iti yalopaḥ. medhā āśugrahaṇe iti. āśugrahaṇam̐ tvarayā bodhaḥ. "sugrahaṇe" iti pāṭhāntaram. sukhyatīti. yaki ato lopaḥ. prātipadikebhyo yaki tu ādrdhadhātukatvā'bhāvādallopo na syāditi bodhyam. caurādikayostu sukhayati duḥkhayatītyuktam. arara ārākarmaṇīti. ārā = pratodaḥ, tatkaraṇakaṃ karma- ārākarma. bhiṣaj cikitsāyām. jāntoya'yam. bhiṣajyati. lekhā skhalane ceti. lekhāyati.lekhyatīti. adantādyaki ato lopaḥ. ākṛtigaṇo'yamiti. kaṇḍvādirityarthaḥ. tena duvas saṃdīpane ityādisaṅgrahaḥ. "samidhā'()gna duvasyate". iti kaṇḍvādayaḥ.atha kārakaprakaraṇam.---------------

kaṇḍvādibhyo yak. `dhātorekāca' ityasmāddhātoriti vartate. veti nivṛttam. anyathā kaṇḍavatīti syāttadāha— dhātornityamiti. kecittu `nityaṃ kauṭilye gatau' ityato nityamityanuvartata ityāhuḥ. taccintyam. tatra hi nityagrahaṇamevakārārthe vartate takrakauṇḍinyanyāyasyā'nityatāṃ jñāpayitumiti prāgvyākhyātatvāt.kiṃ ca `nityaṃ kauṭilye gatau' ityatrāpi vetyanurtate. anyathā gatyarthebhyo nityaṃ yah syāditi. svārthe iti. iti kaṇḍvādibhyo yaksyātkṛñarthe iti prācoktamayuktamiti bhāvaḥ. dvidhā hīti. yakaḥ kittvena dhātava iti jñāyate. kaṇḍūñiti dīrghapāṭhena prātipadikānyapīti. yadi tu dhātava eva syustarhi hyasvānte paṭhite'pi yaki pare `akṛtsārve'ti dīrgheṇa kaṇḍūyatītyādisiddheḥ kiṃ tena dīrghapāṭhena ?. dvaividhye tu dhātubhyo yaki guṇaniṣedhena kittvaṃ sārthakam. `kaṇḍū'rityādiyagrahitarūpasiddhyā dīrghapāṭho'pi sārthakaḥ. ata evoktaṃ bhāṣye– - dhātuprakaraṇāddhātuḥ kasyacā'sañjanādapi. āha cāyamimamaṃ dīrghaṃ manye dhāturvibhāṣitaḥ'. iti.etena kaṇḍūṃ karoti kaṇḍūyatīti prācoktavigraho'pi parāstaḥ. kaṇḍvādayaḥ prātipadikānyevetyanabhyupagamāt. na ca dvaividhyābhyupagame'pi prātapadikādeva yak syāditi vācyaṃ, tathāhi sati dātorlaḍādau kaṇḍavatītyādyaniṣṭaprasaṅgāt. sukhaduḥkhādiprāptipadikebhyo yaki allopā'saṃbhavana sukhyatītyādyasiddhiprasaṅgācca. yattu kaiścit `śabdavairakalahe'ti sūtrātkaraṇe ityanurtanātkṛñarthe yagiti prācoktavyākhyāyāṃ na kiṃcidbādhakamityuktaṃ,taccintyam, anudhṛttau mānā'bhāvāt. anyathā ṇijanteṣviva prakṛtipratyayābhyāṃ vyāpāradvayāpatteriti dik. pūrvabhāva iti. pūrvatvamityarthaḥ. leṭiteti. `yasya halaḥ' iti yalopaḥ. sukhyatīti. curādau tu `sukha duḥkha tatkriyāyāṃ. sukhayatī'tyādyudāhmatam. sapara. yagantāt `a pratyayāt' `gurośca halaḥ' ityanena vā apratyaye ṭāp. saparyā. arara. ārā = pratodaḥ. tatkaraṇakaṃ karma ārākarma. adanto'yamiti. lekhyati. ādantapakṣe tu lekhāyati. mahīṅ. `pretya svarge mahīyate' iti rāmāyaṇam. prasṛtāviti. prasṛtiḥ– parimāṇaviśeṣaḥ. prabhatūbhāve iti. bāhulya ityarthaḥ. `prabhūtaṃ pracuraṃ prājyamadabhraṃ bahulaṃ bahu'ityamaraḥ. saṃbhūyasyati. asaṃbhūyasīt.neha saṃśabdasay pṛthakkṛtiḥ, yatra prātipadikāddhātusaṃjñāprayojakapratyayasya vidhānaṃ tatraiva pṛthakkṛtirityāhuḥ. ākṛtigaṇa iti. tena duvas sandīpane ityādi siddham. prayujyate ca `samidhā'gni duvasyate'tyādi. \r\niti tattvabodhinyām kaṇḍvādiprakriyā.

kaṇḍvādibhyo yak 471, 3.1.27 kaṇḍvādibhyo yak. "dhātorekāca" ityasmāddhātoriti vartate. veti nivṛttam. anyathā kaṇḍavatīti syāttadāha--- dhātornityamiti. kecittu "nityaṃ kauṭilye gatau" ityato nityamityanuvartata ityāhuḥ. taccintyam. tatra hi nityagrahaṇamevakārārthe vartate takrakauṇḍinyanyāyasyā'nityatāṃ jñāpayitumiti prāgvyākhyātatvāt.kiṃ ca "nityaṃ kauṭilye gatau" ityatrāpi vetyanurtate. anyathā gatyarthebhyo nityaṃ yah syāditi. svārthe iti. iti kaṇḍvādibhyo yaksyātkṛñarthe iti prācoktamayuktamiti bhāvaḥ. dvidhā hīti. yakaḥ kittvena dhātava iti jñāyate. kaṇḍūñiti dīrghapāṭhena prātipadikānyapīti. yadi tu dhātava eva syustarhi hyasvānte paṭhite'pi yaki pare "akṛtsārve"ti dīrgheṇa kaṇḍūyatītyādisiddheḥ kiṃ tena dīrghapāṭhena?. dvaividhye tu dhātubhyo yaki guṇaniṣedhena kittvaṃ sārthakam. "kaṇḍū"rityādiyagrahitarūpasiddhyā dīrghapāṭho'pi sārthakaḥ. ata evoktaṃ bhāṣye--- dhātuprakaraṇāddhātuḥ kasyacā'sañjanādapi. āha cāyamimamaṃ dīrghaṃ manye dhāturvibhāṣitaḥ". iti.etena kaṇḍūṃ karoti kaṇḍūyatīti prācoktavigraho'pi parāstaḥ. kaṇḍvādayaḥ prātipadikānyevetyanabhyupagamāt. na ca dvaividhyābhyupagame'pi prātapadikādeva yak syāditi vācyaṃ, tathāhi sati dātorlaḍādau kaṇḍavatītyādyaniṣṭaprasaṅgāt. sukhaduḥkhādiprāptipadikebhyo yaki allopā'saṃbhavana sukhyatītyādyasiddhiprasaṅgācca. yattu kaiścit "śabdavairakalahe"ti sūtrātkaraṇe ityanurtanātkṛñarthe yagiti prācoktavyākhyāyāṃ na kiṃcidbādhakamityuktaṃ,taccintyam, anudhṛttau mānā'bhāvāt. anyathā ṇijanteṣviva prakṛtipratyayābhyāṃ vyāpāradvayāpatteriti dik. pūrvabhāva iti. pūrvatvamityarthaḥ. leṭiteti. "yasya halaḥ" iti yalopaḥ. sukhyatīti. curādau tu "sukha duḥkha tatkriyāyāṃ. sukhayatī"tyādyudāhmatam. sapara. yagantāt "a pratyayāt" "gurośca halaḥ" ityanena vā apratyaye ṭāp. saparyā. arara. ārā = pratodaḥ. tatkaraṇakaṃ karma ārākarma. adanto'yamiti. lekhyati. ādantapakṣe tu lekhāyati. mahīṅ. "pretya svarge mahīyate" iti rāmāyaṇam. prasṛtāviti. prasṛtiḥ-- parimāṇaviśeṣaḥ. prabhatūbhāve iti. bāhulya ityarthaḥ. "prabhūtaṃ pracuraṃ prājyamadabhraṃ bahulaṃ bahu"ityamaraḥ. saṃbhūyasyati. asaṃbhūyasīt.neha saṃśabdasay pṛthakkṛtiḥ, yatra prātipadikāddhātusaṃjñāprayojakapratyayasya vidhānaṃ tatraiva pṛthakkṛtirityāhuḥ. ākṛtigaṇa iti. tena duvas sandīpane ityādi siddham. prayujyate ca "samidhā'gni duvasyate"tyādi. iti tattvabodhinyām kaṇḍvādiprakriyā.