1/25:satyāpa iti kim nipātyate |
2/25:satyasya kṛñi āpuk ca | satyasya kṛñi āpuk ca nipātyate ṇic ca |*
3/25:satyam karoti satyāpayati |
4/25:atyalpam idam ucyate |
5/25:ṇividau arthavedasatyānām apuk ca |*
6/25:ṇividau arthavedasatyānām apuk ca iti vaktavyam |
7/25:arthāpayati vedāpayati satyāpayati |
8/25:yadi āpuk kriyate ṭilopaḥ prāpnoti |
9/25:evam tarhi puk kariṣyate |
10/25:evam api ṭilopaḥ prāpnoti |
11/25:evam tarhi āk kariṣyate |
12/25:evam api ṭilopaḥ prāpnoti |
13/25:evam tarhi ak kariṣyate |
14/25:evam api anākārāntatvāt puk na prāpnoti |
15/25:evam tarhi apuṭ kariṣyate |
16/25:atha vā punaḥ astu āpuk eva |
17/25:nanu ca uktam |
18/25:ṭilopaḥ prāpnoti iti |
19/25:āpugvacanasāmarthyāt na bhaviṣyati |
20/25:atha vā punaḥ astu puk eva |
21/25:nanu ca uktam evam api ṭilopaḥ prāpnoti iti |
22/25:pugvacanasāmarthyāt na bhaviṣyati |
23/25:atha vā punaḥ astu āk eva |
24/25:nanu ca uktam evam api ṭilopaḥ prāpnoti iti |
25/25:āgvacanasāmarthyāt na bhaviṣyati |

satyā'dibhyaścūrṇaparyantebhyaḥ, curādibhyaśca ṇic pratyayo bhavati. satyam ācaṣte satyāpayati. arthavedasatyānām āpug vaktavyaḥ. artham ācaṣte arthāpayati. devāpayati. āpugvacanasāmarthyāṭṭilopo na bhavati. pāśād vimocane vipāśayati. rūpād darśane rūpayati. vīṇayopagāyati upavīṇayati. tūlenānukuṣṇāti anutūlayati. ślokairupastauti upaślokayati. senayābhiyāti abhiṣeṇayati. lomānyanumārṣṭi anulomayati. tvacaṃ gṛhṇāti tvacayati. akārāntas tvacaśabdaḥ. varmaṇā sannahyati saṃvarmayati. varṇam gṛhṇāti varṇayati. cūrṇaiḥ avadhvaṃsayati avacūrṇayati. curādibhyaḥ svārthe. corayati. cintayati. svābhāvikatvādarthābhidhānasya yathāsvaṃ pratyayārthā nirdiśyante.

satyāpapāśarūpavīṇātūlaślokasenālomatvacavarmavarṇacūrṇacurādibhyo ṇic 3.1.25 satyā'dibhyaścūrṇaparyantebhyaḥ, curādibhyaśca ṇic pratyayo bhavati. satyam ācaṣte satyāpayati. arthavedasatyānām āpug vaktavyaḥ. artham ācaṣte arthāpayati. devāpayati. āpugvacanasāmarthyāṭṭilopo na bhavati. pāśād vimocane vipāśayati. rūpād darśane rūpayati. vīṇayopagāyati upavīṇayati. tūlenānukuṣṇāti anutūlayati. ślokairupastauti upaślokayati. senayābhiyāti abhiṣeṇayati. lomānyanumārṣṭi anulomayati. tvacaṃ gṛhṇāti tvacayati. akārāntas tvacaśabdaḥ. varmaṇā sannahyati saṃvarmayati. varṇam gṛhṇāti varṇayati. cūrṇaiḥ avadhvaṃsayati avacūrṇayati. curādibhyaḥ svārthe. corayati. cintayati. svābhāvikatvādarthābhidhānasya yathāsvaṃ pratyayārthā nirdiśyante.

satyāpapāśarūpavīṇātūlaślokasenālomatvacavarmavarṇacūrṇacurādibhyo ṇic. , 3.1.25 curādibhyo'nyeṃṣāmiha grahaṇaṃ prapañcārtham. "prātipadikāddhātvarthe bahulamiṣṭhavacca" (vā.813) iti siddhatvāt. "arthaveda" ityādi. vaktavyaśabdasya vyākhyeyamityarthaḥ. vyākhyānaṃ tu-- prātipadikāddhātvarthe bahulamiti kāryāntaravidhānārthādbahulaṇādeṣāṃ ṇicsanniyogenāpugbhavatīti. satyaśabdasya tu "satyāpa" ityata eva nipātanādāpugbhavatīti veditavyam. "vipāśayati" iti. pāśaṃ vimocayatītyarthaḥ. "nirūpayati" iti. rūpaṃ paśyatītyarthaḥ. "abhiṣeṇayati" iti. "upasargāt" 8.3.65 ityādinā ṣatvam. "tvacayati" iti. nanu ca tvacśabdo halantaḥ, tasmāt ṇici "ṇāviṣṭhavat" (vā.813) itīṣṭhavadbhāvāṭṭilope prāpte tatra "prakṛtyaikāc" 6.4.163 iti prakṛtivadbhāve kṛte "ata upadhāyāḥ" 7.2.116 iti vṛddhiḥ prāpnoti, tat kathaṃ tvacayatīti hi bhavitavyamityāha-- "akārānto'yaṃ tvacaśabdaḥ" iti. śabdāntaramevedamakārāntaṃ tvacśabdasamānārtham. ata eva tvaca ityakārāntasya sūtre nirdeśaḥ, tasyakārasya lope kṛte sthānivadbhāvādvṛddhirna bhavati. "curādibhya svārtha" iti. steyādau. nanu ca neha sūtra ākhyānādayo'rthā upāttāḥ, tatkathaṃ te labhyante? alabdhāśca kathaṃ nirdiśyante? ityāha-- "svābhāvikatvāt" ityādi. śabdānāmarthābhidhānaṃ svābhāvikam,na tu vācanikam; tasyāśakyatva#āditi prāgevoktam. tasmāt svabhāvata eva yo yasyārthasyābhidhāyakaḥ sa sūtrānupātto'rtho yukta eva nirdeṣṭum. "yathāyatham" iti. yo yasyātmīya ityarthaḥ॥

satyāpa. satyāpa pāśa rūpa vīṇā tūla śloka senā loman tvaca varman varṇa cūrṇa curādi– eṣāṃ dvandvātpañcamī. tadāha - ebhyo ṇicsyāditi. kasminnarthe ityākāṅkṣāyāmāha– cūrṇāntebhya iti. satyādibhyaścūrṇāntebhyo dvādaśabhyaḥ karotyācaṣṭe ityādyatha `prātipadikāddhātvarthe bahula'miti vakṣyamāṇena siddhamevā'rthanirdeśanamityarthaḥ. nanu tenaiva siddhatvādiha cūrṇāntānukramaṇaṃ vyrathamityata āha - teṣāmiha grahaṇaṃ prapañcārthamiti. naca tebhyaḥ svārthe eva ṇijvidhirastviti vācyaṃ, `satyasyatu kṛñyāpuṅnapātyate. satyaṃ karoti satyāpayatī'tyādibhāṣyavirodhāditi bhāvaḥ. nāmadhātuprakaraṇe satyādicūrṇāntānāmudāharaṇāni mūla eva sphuṭībhaviṣyanti. curādibhyastu svārthe iti. arthāntarasyā'nirdeśāditi bhāvaḥ. atra `dhātorekācaḥ' ityato dhātorityanuvartate. curādibhyo dhātubhyo ṇijiti phalitam. tataśca ṇica ādrdhadhātukatvaṃ sidhyati. anyathā dhātoriti vihitatvā'bhāvādādrdhadhātukatvaṃ na syāditi bodhyam. tadāha – puganteti guṇa iti. ṇici kṛte cur i iti sthite ṇica ādrdhadhātukatvāttasmin cakārādukārasya `pugantalaghūpadhasye'ti guṇa ityarthaḥ.

satyāpapāśarūpavīṇātūlaślokasenālomatvacavamavaṇacūrṇacurādibhyo ṇica 390, 3.1.25 satyāpa. satyāpa pāśa rūpa vīṇā tūla śloka senā loman tvaca varman varṇa cūrṇa curādi-- eṣāṃ dvandvātpañcamī. tadāha - ebhyo ṇicsyāditi. kasminnarthe ityākāṅkṣāyāmāha-- cūrṇāntebhya iti. satyādibhyaścūrṇāntebhyo dvādaśabhyaḥ karotyācaṣṭe ityādyatha "prātipadikāddhātvarthe bahula"miti vakṣyamāṇena siddhamevā'rthanirdeśanamityarthaḥ. nanu tenaiva siddhatvādiha cūrṇāntānukramaṇaṃ vyrathamityata āha - teṣāmiha grahaṇaṃ prapañcārthamiti. naca tebhyaḥ svārthe eva ṇijvidhirastviti vācyaṃ, "satyasyatu kṛñyāpuṅnapātyate. satyaṃ karoti satyāpayatī"tyādibhāṣyavirodhāditi bhāvaḥ. nāmadhātuprakaraṇe satyādicūrṇāntānāmudāharaṇāni mūla eva sphuṭībhaviṣyanti. curādibhyastu svārthe iti. arthāntarasyā'nirdeśāditi bhāvaḥ. atra "dhātorekācaḥ" ityato dhātorityanuvartate. curādibhyo dhātubhyo ṇijiti phalitam. tataśca ṇica ādrdhadhātukatvaṃ sidhyati. anyathā dhātoriti vihitatvā'bhāvādādrdhadhātukatvaṃ na syāditi bodhyam. tadāha -- puganteti guṇa iti. ṇici kṛte cur i iti sthite ṇica ādrdhadhātukatvāttasmin cakārādukārasya "pugantalaghūpadhasye"ti guṇa ityarthaḥ.

satyāpapāśa. etasyodāharaṇāni agre nāmadhātuṣu sphuṭībhaviṣyantīti nāsmābhirupapādyante. tvacaśabdo'kārāntaḥ. prapañcārthamiti. `satyāpa'grahaṇaṃ tu āpugarthamiti jñeyam. anye tvāhuḥ– sāpekṣebhyo'pi ṇijarthameṣāmupādānam. anyathā `ramaṇīyaṃ ghaṭaṃ karotī'tyādāviva `ramaṇīyaṃ rūpayatī'tyādāvapi ṇijna syāditi.

satyāpapāśarūpavīṇātūlaślokasenālomatvacavamavaṇacūrṇacurādibhyo ṇica 341, 3.1.25 satyāpapāśa. etasyodāharaṇāni agre nāmadhātuṣu sphuṭībhaviṣyantīti nāsmābhirupapādyante. tvacaśabdo'kārāntaḥ. prapañcārthamiti. "satyāpa"grahaṇaṃ tu āpugarthamiti jñeyam. anye tvāhuḥ-- sāpekṣebhyo'pi ṇijarthameṣāmupādānam. anyathā "ramaṇīyaṃ ghaṭaṃ karotī"tyādāviva "ramaṇīyaṃ rūpayatī"tyādāvapi ṇijna syāditi.