1/100:kimartham idam ucyate |
2/100:paraḥ yathā syāt |
3/100:pūrvaḥ mā bhūt iti |
4/100:na etat asti prayojanam |
5/100:yam icchati pūrvam āha tam : vibhāṣā supaḥ bahuc purastāt tu iti |
6/100:madhye tarhi mā bhūt iti |
7/100:madhye api yam icchati āha tam : avyayasarvanāmnām akac prāk ṭeḥ iti |
8/100:yaḥ idānīm anyaḥ pratyayaḥ śeṣaḥ saḥ antareṇa vacanam paraḥ eva bhaviṣyati iti nā arthaḥ paravacanena |
9/100:evam api yeṣām eva pratyayānām deśaḥ niyamyate te eva niyatadeśāḥ syuḥ |
10/100:yaḥ idānīm aniyatadeśaḥ saḥ kadā cit pūrvaḥ kadā cit paraḥ kadā cit madhye syāt |
11/100:tat yathā mātuḥ vatsaḥ kadā cit agrataḥ kadā cit pṛṣṭhataḥ kadā cit pārśvataḥ bhavati |
12/100:paraḥ eva yathā syāt iti evamartham paravacanam |
13/100:paravacanam anarthakam pañcamīnirdiṣṭatvāt parasya |*
14/100:paragrahaṇam anarthakam |
15/100:kim kāraṇam |
16/100:pañcamīnirdiṣṭatvāt parasya kāryam ucyate |
17/100:tat yathā dvyantarupasargebhyaḥ apaḥ īt |
18/100:viṣamaḥ upanyāsaḥ |
19/100:sataḥ tatra parasya kāryam ucyate |
20/100:iha idānīm kasya sataḥ parasya kāryam bhavitum arhati |
21/100:iha api sataḥ eva| katham |
22/100:paratvam svābhāvikam |
23/100:atha vācanike paratve sati arthaḥ syāt paragrahaṇena |
24/100:vācanike ca na arthaḥ |
25/100:etat hi tasya parasya kāryam yat asau paraḥ syāt |
26/100:atha vā yat asya parasya sataḥ sañjñā syāt |
27/100:yatra tarhi pañcamī na asti tadartham ayam yogaḥ vaktavyaḥ |
28/100:kva ca pañcamī na asti |
29/100:yatra vikārāgamāḥ śiṣyante |
30/100:kva ca vikārāgamāḥ śiṣyante |
31/100:hanaḥ ta ca |
32/100:trapujatunoḥ ṣuk iti |
33/100:vikārāgameṣu ca uktam |*
34/100:kim uktam |
35/100:pratyayavidhānānupapattiḥ tu |
36/100:tasmāt tatra pañcamīnirdeśāt siddham iti |
37/100:atyantāparadṛṣṭānām vā parabhūtalopārtham |*
38/100:atyantāparadṛṣṭānām tarhi parabhūtalopārtham paragrahaṇam kartavyam |
39/100:ye ete atyantāparadṛṣṭāḥ kvibādayaḥ lupyante teṣām parabhūtānām lopaḥ yathā syāt |
40/100:aparabhūtānām mā bhūt |
41/100:kim punaḥ atyantāparadṛṣṭānām parabhūtalopavacane prayojanam |
42/100:kiti ṇiti iti kāryāṇi yathā syuḥ iti |
43/100:etat api na asti prayojanam |
44/100:ācāryapravṛttiḥ jñāpayati atyantāparadṛṣṭāḥ parabhūtāḥ lupyante iti yat ayam teṣu kādīn anubandhān āsajati |
45/100:katham kṛtvā jñāpakam |
46/100:anubandhāsañjane etat prayojanam kiti ṇiti iti kāryāṇi yathā syuḥ iti |
47/100:yadi ca atra atyantāparadṛṣṭāḥ parabhūtāḥ lupyantetataḥ anubandhāsañjanam arthavat bhavati |
48/100:prayoganiyamārtham vā |*
49/100:prayoganiyamārtham tarhi paragrahaṇam kartavyam |
50/100:parabhūtānām prayogaḥ yathā syāt |
51/100:aparabhūtānām mā bhūt iti |
52/100:asti punaḥ kim cit aniṣṭam yadarthaḥ niyamaḥ syāt |
53/100:asti iti āha |
54/100:prakṛteḥ arthābhidhāne pratyayādarśanāt | prakṛteḥ arthābhidhāne apratyayikāḥ dṛśyante |*
55/100:kva saḥ devadattaḥ kva saḥ yajñdattaḥ babhruḥ maṇḍuḥ lamakaḥ iti |
56/100:bābhravyaḥ māṇḍavyaḥ lāmakāyanaḥ iti prayoktavye babhruḥ maṇḍuḥ lamakaḥ iti prayujyate |
57/100:dvayasajādīnām ca kevaladṛṣṭatvāt |*
58/100:dvayasajādīnām ca kevalānām prayogaḥ dṛśyate |
59/100:kim asya dvayasam |
60/100:kim asya mātram |
61/100:kā adya tithī iti |
62/100:dvayasajādayaḥ vai vṛttijasadṛśāḥ avṛttijāḥ yathā bahuḥ tathā |
63/100:vāvacane ca anutpattyartham | vāvacane ca anutpattyartham paragrahaṇam kartavyam |*
64/100:vā vacanena anutpattiḥ yathā syāt |
65/100:atha kriyamāṇe api vai paragrahaṇe katham iva vāvacanena anutpattiḥ labhyā |
66/100:kriyamāṇe paragrahaṇe vāvacanena vā paraḥ iti etat abhisambadhyate |
67/100:akriyamāṇe punaḥ paragrahaṇe vāvacanena kim anyat śakyam abhisambandhum anyat ataḥ sañjñāyāḥ |
68/100:na ca sañjñāyāḥ bhāvābhāvau iṣyete |
69/100:vāvacane ca uktam |*
70/100:kim uktam |
71/100:vāvacanānarthakyam ca tatra nityatvāt sanaḥ iti |
72/100:prayoganiyamārtham eva tarhi paragrahaṇam kartavyam |
73/100:atha etasmin prayoganiyame sati kim ayam pratyayahiyamaḥ |
74/100:prakṛtiparaḥ eva pratyayaḥ prayoktavyaḥ aprakṛtiparaḥ na iti |
75/100:āhosvit prakṛtiniyamaḥ |
76/100:pratyayaparā eva prakṛtiḥ prayoktavyā apratyayā na iti |
77/100:kaḥ ca atra viśeṣaḥ |
78/100:tatra pratyayaniyame prkṛtiniyamābhāvaḥ |*
79/100:tatra pratyayaniyame sati prkṛtiniyamaḥ na prāpnoti |
80/100:apratyayikāyāḥ prakṛteḥ prayogaḥ prāpnoti |
81/100:kva saḥ devadattaḥ kva saḥ yajñdattaḥ babhruḥ maṇḍuḥ lamakaḥ iti |
82/100:astu tarhi prakṛtiniyamaḥ |
83/100:prakṛtiniyame pratyayāniyamaḥ |*
84/100:prakṛtiniyame sati pratyayasya niyamaḥ na prāpnoti |
85/100:kim asya dvayasam |
86/100:kim asya mātram |
87/100:kā adya tithī iti |
88/100:aprakṛtikasya pratyayasya prayogaḥ prāpnoti |
89/100:siddham tu ubhayaniyamāt |*
90/100:siddham etat |
91/100:katham |
92/100:ubhayaniyamāt |
93/100:ubhayaniyamaḥ ayam |
94/100:prakṛtiparaḥ eva pratyayaḥ prayoktavyaḥ pratyayaparā eva ca prakṛtiḥ iti |
95/100:kim vaktavyam etat |
96/100:na hi |
97/100:katham anucyamānam gaṃsyate |
98/100:paragrahaṇasāmarthyāt |
99/100:antareṇa api paragrahaṇam syāt ayam paraḥ |
100/100:paraḥ eva yathā syāt iti evamartham paragrahaṇam |

ayam apyadhikāro yoge yoge upatiṣṭhate, paribhāṣā vā. paraśca sa bhavati dhātor vā prātipadikād vā yaḥ pratyayasaṃjñaḥ. kartavyam. taittirīyam. cakāraḥ punarasyaiva samuccayārthaḥ. tena uṇādiṣu paratvaṃ na vikalpyate.

paraś ca 3.1.2 ayam apyadhikāro yoge yoge upatiṣṭhate, paribhāṣā vā. paraśca sa bhavati dhātor vā prātipadikād vā yaḥ pratyayasaṃjñaḥ. kartavyam. taittirīyam. cakāraḥ punarasyaiva samuccayārthaḥ. tena uṇādiṣu paratvaṃ na vikalpyate.

paraśca. , 3.1.2 "ayamapyadhikāraḥ" iti. na kevalaṃ pratyaya ityapiśabdārthaḥ. "yoge yoge upatiṣṭhate" iti. paribhāṣāyā adhikārasya bhedaṃ darśayati. paribhāṣā hrekadeśasthaiva sarvatra śāstre vyāpriyate, na tu pratiyogamupatiṣṭhate. "paribhāṣā vā" iti. pakṣāntaraṃ darśayati. ekadeśasyaiva sarvatra śāstre vyāpriyata ityeṣa paribhāṣādharmo vṛttau na darśitaḥ; adhikāradharmapradarśanadvāreṇāvagamyamānatvāt. yadi hi prayogamupatiṣṭhamānā paribhāṣā kāryasiddhau vyāpriyeta tadā'dhikāraparibhāṣayorbhedo na syāt, tathā ca tayoriha bhedenopanyaso niṣphalaḥ syāt. liṅgavatī ceyaṃ paribhāṣā, liṅgañcāsyāḥ pratyayasaṃjñaiva. dhātorveti kriyāvācinyā prakṛteridamupalakṣaṇam, tena tiṅantamapi gṛhrate. tadapi kriyāpradhānatvāt kriyāvācīti śakyate vyapadeṣṭum. pradhānena hi vyapadeśā bhavanti, yathā--- rājadhānīti. "prātipadikādvā" iti. akriyābhidhāyinyāḥ prakṛteridamupakṣaṇam, tena ṅyāpāvapi gṛhrete. "taittirīyam" iti. proktārthe "tittiravaratantukhaṇḍikokhācchaṇ" 4.3.102 iti chaṇ. tadantāt "tadadhīte tadveda" 2.4.59 ityaṇ. tasya "proktālluk" 4.2.63 iti luk. atha cakāraḥ kimarthaḥ; yāvatā nātra kiñcit prakṛtamasti yaccakāreṇa samuccīyate? ityāha-- "cakāraḥ punaḥ" ityādi. anyasya samuccetavyasyābhāvādasyaiva samuccayārthaścakāro vijñāyate, tena bahulādhikāre'pi ye pratyayā vidhīyante teṣvapyṛṇādiṣu paratvaṃ na vikalpyate. kimarthaṃ punaridamucyate? paro yathā syāt, pūrvo mā bhūditi. naitadasti prayojanam, tathā hi-- yamicchati pūrvaṃ tamāha--- "avyayasarvanāmnāmakac prākṭeḥ" 5.3.71 iti. ya idānīmato'nyaḥ pratyayaḥ so'ntareṇāpi vacanaṃ para eva bhaviṣyati? naitadasti; yeṣāmeva hi pratyayānāṃ deśo niyamyate ta eva niyatadeśāḥ syuḥ. ya idānīmato'nyo'niyatadeśaḥ sa kadācit pare, kadācit pūrve, kadācinmadhye syāt, tasmāt paraśceti vaktavyam? na vaktavyam; yasmāt dhātoḥ pratipadikāditi ca digyogalakṣameyaṃ pañcamī; anyasyāpādānādeḥ pañcamīnimittasyābhāvāt. tasmādeṣaiva paradikśabdādhyāhāraṃ kariṣyati? naitadasti; pūrvadikśabdādhyāhāraḥ syāt, tathā ca pūrve'pi kadācit sannādayaḥ syuḥ. "tasmādityuttarasya" (1.1.67) ityanayā paribhāṣayā tarhi vyavasthā bhaviṣyati? naitadasti; yatra pañcamīnirdiṣṭāt parasya ṣaṣṭhīnirdeśasya kāryaṃ vidhīyate so'sya viṣayaḥ, na ca sannādayaḥ ṣaṣṭha()ā nirdiśyante, tanāpi teṣāṃ sambandhikāryaṃ vidhīyate, teṣāmeva bhāvyamānatvāt. nanu ca pratyayasaṃjñākāryaṃ vidhīyate? naivam, kathaṃ punarasatāṃ teṣāṃ śakyaṃ saṃjñākāryaṃ vidhātum? kiñca yeṣāṃ pratyayasaṃjñaiva na vidhīyate-- "kaṇeṣṭhaḥ" (da.u. 5.6) "śamerḍhaḥ" (5.11), ityevamādīnām, tatra kā gatiḥ syāt? na hreṣāṃ pratyayasaṃjñeṣyate, tathā hi-- kaṇṭhaḥ, śaṇḍha ityatra pratyayasyocyamānamikādeśādikāryaṃ na bhavati. yadyevam, pratyayasyocyamānaṃ paratvamapi na syāt? paraścetyadhikārasāmathryādbhaviṣyati. asati hretasmin vacane satyapi tasyāḥ paribhāṣāyā upasthāne bahulādhikāre vidhīyamānatvāduṇādiṣu paratvaṃ vikalpyeta. tasmāt katrtavyametat॥

paraśca 121, 3.1.2 ityadhikṛtya. ṅyantādābantātprātipadikācca pare svādayaḥ pratyayāḥ syuḥ॥

paraśca. tṛtīyādhyāyasya dvitīyasūtrametat. ayamapi tatheti. ayamapi yoga ā pañcamaparisamāpteradhikāra ityarthaḥ. avadhiniyame tu vyākhyānameva śaraṇam.

paraśca 180, 3.1.2 paraśca. tṛtīyādhyāyasya dvitīyasūtrametat. ayamapi tatheti. ayamapi yoga ā pañcamaparisamāpteradhikāra ityarthaḥ. avadhiniyame tu vyākhyānameva śaraṇam.