1/5:anupasargāt careḥ āṅi ca agurau |*
2/5:anupasargāt careḥ iti atra āṅi ca agurau iti vaktavyam |
3/5:ācaryaḥ deśaḥ |
4/5:agurau iti kimartham |
5/5:ācāryaḥ upanayamānaḥ |

gada vyaktāyāṃ vāci, madī harṣe, cara gatibhakṣaṇayoḥ, yama uparame, etebhyaśca anupasargebhyo yat pratyayo bhavati. gadyam. madyam. caryam. yamyam. anupasarge iti kim? pragādyam. pramādyam. yameḥ pūrveṇa eva siddhe anupasarganiyamārthaṃ vacanam. carerāṅi cāgurau. ācaryo deśaḥ. agurau iti kim? ācārya upanetā.

gadamadacarayamaś ca anupasarge 3.1.100 gada vyaktāyāṃ vāci, madī harṣe, cara gatibhakṣaṇayoḥ, yama uparame, etebhyaśca anupasargebhyo yat pratyayo bhavati. gadyam. madyam. caryam. yamyam. anupasarge iti kim? pragādyam. pramādyam. yameḥ pūrveṇa eva siddhe anupasarganiyamārthaṃ vacanam. carerāṅi cāgurau. ācaryo deśaḥ. agurau iti kim? ācārya upanetā.

gadamadacarayamaścānupasarge. , 3.1.100 "anupasarge" iti. sujvyatyayena pañcamyarthe saptamī. ata evāha-- "anupasargebhyaḥ" iti. avidyamānopalasargebhya ityarthaḥ. athaivaṃ kasmānna vijñāyate-- upasargādanyo'nupasarga iti? aśakyamevaṃ vijñātum; evaṃ hi vijñāyamāne kevalebhyo na syāt. nañivayukta (hai.pa.94) nyāyenopasargasadṛśasya subantasya grahaṇe sati "vadaḥ supi kyap ca" 3.1.106 ityatra punaḥ subgrahaṇamanarthakaṃ syāt, asyaivānupasargasya tatrānuvṛtteḥ. tasmāt pūrvokta evārtho yuktaḥ. "niyamārtham" iti. anupasargādeva yathā syāt, sopasargānamā bhūditi. "careḥ" ityādi. sopasargārthamidam- carerdhātorāṅi copapade yadbhavatīti, agurāvabhidheye. sa tu jñāpakādeva sidhyatīti nopasaṃkhyeyaḥ, yadayam "āścaryamanitye" 6.1.142 "sammānanotsañjanācāryakaraṇa" 1.3.36 ityādi karoti, tato jñāyate-- carerāṅi cāgurau yadbhavatīti. "ācāryo deśaḥ" iti gantavya ityarthaḥ. guruḥ= upanetā॥

gadamada. gada, mada, cara, yam eṣāṃ caturṇāṃ dvandvaḥ. anupasarga iti saptamī pañcamyarthe. ebhyo'nupasargebhyo yadityarthaḥ. ṇyato'pavādaḥ. upasargāṇṇyadeva. pragādyamityādi. carerāṅicā'gurāviti. vārtikamidam. āṅi upasarge satyapicareryatsyādagurau ityarthaḥ. ācāryo gururiti. śuśrūṣaṇīya ityarthaḥ. nanu `poradupadhā' dityeva siddhe yameriha grahaṇaṃ vyarthamityata āha– yamerniyamārthamiti. anupasargādeva yameṇryaditi niyamārthamityatyarthaḥ. tatphalamāha– sopasargānmā bhūditi. nanu `aniyamyasya nā'yuktiḥ' ityatra, `tvayā niyamyā nanu divyacakṣā' ityādau ca nipūrvanādyameḥ kathaṃ yat, anupasargāditi niṣedhādityata āha– nipūrvātsyādeveti. `ya' diti śeṣaḥ. kuta ityata āha– tena na tatreti. prakārāntareṇa samādhatte– niyame sādhuriti veti. `yamaḥ samupaniviṣu ce'ti nipūrvādyamerbhāve appratyaye niyamaśabdaḥ. niyame sādhurityarthaḥ `tatra sādhuḥ' iti prāgghitīye yatpratyaye niyamyaśabdo vyutpādya ityarthaḥ.

gadamadacarayamaścānupasarge 669, 3.1.100 gadamada. gada, mada, cara, yam eṣāṃ caturṇāṃ dvandvaḥ. anupasarga iti saptamī pañcamyarthe. ebhyo'nupasargebhyo yadityarthaḥ. ṇyato'pavādaḥ. upasargāṇṇyadeva. pragādyamityādi. carerāṅicā'gurāviti. vārtikamidam. āṅi upasarge satyapicareryatsyādagurau ityarthaḥ. ācāryo gururiti. śuśrūṣaṇīya ityarthaḥ. nanu "poradupadhā" dityeva siddhe yameriha grahaṇaṃ vyarthamityata āha-- yamerniyamārthamiti. anupasargādeva yameṇryaditi niyamārthamityatyarthaḥ. tatphalamāha-- sopasargānmā bhūditi. nanu "aniyamyasya nā'yuktiḥ" ityatra, "tvayā niyamyā nanu divyacakṣā" ityādau ca nipūrvanādyameḥ kathaṃ yat, anupasargāditi niṣedhādityata āha-- nipūrvātsyādeveti. "ya" diti śeṣaḥ. kuta ityata āha-- tena na tatreti. prakārāntareṇa samādhatte-- niyame sādhuriti veti. "yamaḥ samupaniviṣu ce"ti nipūrvādyamerbhāve appratyaye niyamaśabdaḥ. niyame sādhurityarthaḥ "tatra sādhuḥ" iti prāgghitīye yatpratyaye niyamyaśabdo vyutpādya ityarthaḥ.

gadamada. vyatyayena pañcamyarthe saptamī. ebhyo'nuparuāgebhyo yatsyāt. ṇyato'pavādaḥ. anupasarge kim ?. `na naiṣadhe kāryamidaṃ nigādya' miti śrīharṣaḥ.

gadamadacarayamaścānupasarge 556, 3.1.100 gadamada. vyatyayena pañcamyarthe saptamī. ebhyo'nuparuāgebhyo yatsyāt. ṇyato'pavādaḥ. anupasarge kim?. "na naiṣadhe kāryamidaṃ nigādya" miti śrīharṣaḥ. * carerāṅi cā'gurau. yameriti. "poradupadhā"dityanenaiva siddheriti bhāvaḥ. niyame sādhuriti. "yamaḥ samupaniviṣu ca" iti vaikalpike'ppratyaye kṛte "tatra sādhuḥ" iti taddhito yadityarthaḥ. yadyapyasminpakṣe "kṛtyānāṃ kartari vā" ityasyā'pravṛtteḥ kartari tṛtīyā durlabhā tathāpi tvayeti ca teneti cakaraṇatvavivakṣayā tṛtīyeti sthitasya gatirbodhyā. kevalādyataṃ kṛtvā niśabdena samāsa ityapare. yadvā "yamo'pariveṣaṇe mi"diti matamāśritya "paryavasitaṃ niyamaya"nnityādāviva mittvaṃ svīkṛtya ṇyantādyadbodhyaḥ. atha vā saṃjñāpūrvakavidheranityatvāṇṇyatyeva vṛddhirna pravṛtteti dik. evaṃ ca vārtikaprayogo'pyanyathāsiddha iti tadbalenanipūrvādyaditi na kalpanīyamiti bhāvaḥ.