1/109:adhikāreṇa iyam pratyayasañjñā kriyate |
2/109:sā prakṛtyupapadopādhīnām api prāpnoti |
3/109:tasyāḥ pratiṣedhaḥ vaktavyaḥ |
4/109:prakṛti |
5/109:guptijkibhyaḥ san |
6/109:upapada |
7/109:stambakarṇayoḥ ramajapoḥ |
8/109:upādhi |
9/109:harateḥ dṛtināthayoḥ paśau |
10/109:eteṣām pratiṣedhaḥ vaktavyaḥ |
11/109:kim ca syāt yadi eteṣām api pratyayasañjñā syāt |
12/109:paratvam ādyudāttatvam aṅgasañjñā iti ete vidhayaḥ prasajyeran |
13/109:ataḥ uttaram paṭhati |
14/109:pratyayādhikāre prakṛtyupapadopādhīnām apratiṣedhaḥ |*
15/109:adhikāreṇa api pratyayasañjñāyām satyām prakṛtyupapadopādhīnām apratiṣedhaḥ |
16/109:anarthakaḥ pratiṣedhaḥ apratiṣedhaḥ |
17/109:pratyayasañjñā kasmāt na bhavati |
18/109:nimittasya nimittikāryārthatvāt anyatra api |*
19/109:nimittāni hi nimittikāryārthāni bhavanti |
20/109:kim punaḥ nimittam kaḥ vā nimittī |
21/109:prakṛtyupapaopādhayaḥ nimittam pratyayaḥ nimittī |
22/109:anyatra api ca eṣaḥ nyāyaḥ dṛṣṭaḥ |
23/109:kva anyatra |
24/109:loke |
25/109:tat yathā |
26/109:bahuṣu āsīneṣu kaḥ cit kam cit pṛcchati |
27/109:katamaḥ devadattaḥ |
28/109:kataraḥ yajñadattaḥ iti |
29/109:saḥ tasmai ācaṣṭe |
30/109:yaḥ aśve yaḥ pīṭhe iti ukte nimittasya nimittikāryārthatvāt adhyavasyati ayam devadattaḥ ayam yajñdatta iti |
31/109:na idānīm aśvasya pīṭhasya vā devadattaḥ iti sañjñā bhavati |
32/109:kim punaḥ nimittam kaḥ vā nimittī |
33/109:nirjñātaḥ arthaḥ nimittam anirjñātārthaḥ nimittī |
34/109:iha ca pratyayaḥ anirjñātaḥ prakṛtyupapadopādhayaḥ nirjñātāḥ |
35/109:kva |
36/109:dhātūpadeśe prātipadikopadeśe ca |
37/109:te nirjñātāḥ nimittatvena upādīyante |
38/109:pradhāne kāryasampratyayāt vā siddham | atha vā pradhāne kāryasampratyayaḥ bhaviṣyati |*
39/109:kim ca pradhānam |
40/109:pratyayaḥ |
41/109:tat yathā |
42/109:bahuṣu yātsu kaḥ cit kam cit pṛcchati |
43/109:kaḥ yāti iti |
44/109:saḥ āha rājā iti |
45/109:rājā iti ukte pradhāne kāryasampratyayāt yaḥ pṛcchati yaḥ ca ācaṣṭe ubhayoḥ sampratyayaḥ bhavati |
46/109:kiṅkṛtam punaḥ prādhānyam |
47/109:arthakṛtam |
48/109:yathā punaḥ loke arthakṛtam prādhānyam śabdasya idānīm kiṅkṛtam prādhānyam |
49/109:śabdasya apūrvopadeśaḥ prādhānyam |
50/109:yasya apūrvopadeśaḥ saḥ pradhānam |
51/109:prakṛtyupapadopādhayaḥ ca upadiṣṭāḥ |
52/109:kva |
53/109:dhātūpadeśe prātipadikopadeśe ca |
54/109:yadi eva nimittasya nimittikāryārthatvāt atha api pradhāne kāryasampratyayāt prakṛtyupapadopādhīnām na bhavati vikārāgamānām tu prāpnoti |
55/109:hanaḥ ta ca |
56/109:trapujatunoḥ ṣuk iti |
57/109:eteṣām hi apūrvopadeśāt prādhānyam |
58/109:nimittinaḥ ca ete |
59/109:vikārāgameṣu ca paravijñānāt |*
60/109:vikārāgameṣu ca paravijñānāt pratyayasañjñā na bhaviṣyati |
61/109:pratyayaḥ paraḥ bahvati iti ucyate |
62/109:na ca vikārāgamāḥ pare sambhavanti |
63/109:kim punaḥ kāraṇam samāne apūrvopadeśe pratyayaḥ paraḥ vikārāgamāḥ na pare |
64/109:ṣaṣṭhīnirdiṣṭasya ca tadyuktatvāt |*
65/109:ṣaṣṭhīnirdiṣtam vikārāgamayuktam pañcamīnirdṣṭāt ca pratyayaḥ vidhīyate |
66/109:pratyayavidhānānupapattiḥ tu |*
67/109:pratyayavidhiḥ tu na upapapdyate |
68/109:kva |
69/109:yatra vikārāgamāḥ vidhīyante |
70/109:hanaḥ ta ca |
71/109:tarpujatunoḥ ṣuk |
72/109:kim punaḥ kāraṇam na sidhyati |
73/109:vikārāgamayuktatvāt apañcamīnirdiṣṭatvāt ca |
74/109:tasmāt tatra pañcamīnirdeśāt siddham |*
75/109:tasmāt tatra pañcamīnirdeśaḥ kartavyaḥ |
76/109:na kartavyaḥ |
77/109:iha tāvat hanaḥ te iti |
78/109:dhātoḥ iti vartate| iha trapujatunoḥ ṣuk iti |
79/109:prātipadikāt iti vartate |
80/109:yadi evam hanaḥ ta ca dhātoḥ kyap bhavati iti dhātumātrāt kyap prāpnoti |
81/109:na eṣaḥ doṣaḥ |
82/109:ācāryapravṛttiḥ jñāpayati na dhātumātrāt kyap bhavati iti yat ayam etistuśasvṛdṛjuṣaḥ kyap iti parigaṇanam karoti |
83/109:atha vā hantim eva atra dhātugrahaṇena abhisambhantsyāmaḥ |
84/109:hanaḥ taḥ bhavati |
85/109:dhātoḥ kyap bhavati |
86/109:kasmāt |
87/109:hanteḥ iti |
88/109:arthāśrayatvāt vā |*
89/109:atha vā arthāśrayaḥ pratyayavidhiḥ |
90/109:yaḥ tam artham sampratyāyayati saḥ pratyayaḥ |
91/109:kim vaktavyam etat |
92/109:na hi |
93/109:katham anucyamānam gaṃsyate |
94/109:pratyayaḥ iti mahatī sañjñā kriyate |
95/109:sañjñā ca nāma yataḥ na laghīyaḥ |
96/109:kutaḥ etat |
97/109:laghvartham hi sañjñākaraṇam |
98/109:tatra mahatyāḥ sañjñāyāḥ karaṇe etat prayojanam anvarthasañjñā yathā vijñāyeta |
99/109:pratyāyayiti iti pratyayaḥ |
100/109:yadi pratyāyayiti iti pratyayaḥ avikādīnām pratyayasañjñā na prāpnoti |
101/109:na hi te kim cit pratyāyayanti |
102/109:evam tarhi pratyāyyate pratyayaḥ iti |
103/109:evam api sanādīnām na prāpnoti |
104/109:evam tari ubhayasādhanaḥ ayam kartṛsādhanaḥ karmasādhanaḥ ca |
105/109:evam api kutaḥ etat samāne apūrvopadeśe trāpuṣam jātuṣam iti atra akāraḥ tam artham sampratyāyayati na punaḥ ṣakāraḥ iti |
106/109:anyatra api akāreṇa tasya arthasya vacanāt manyāmahe akāraḥ tam artham sampratyāyayatina ṣakāraḥ iti |
107/109:kva anyatra |
108/109:bilvādibhyaḥ aṇ |
109/109:bailvaḥ |

adhikāro 'yam. pratyayaśabdaḥ saṃjñātvena adhikriyate. ā pañcamādyāyaparisamāpteryānita ūrdhvam anukramiṣyamaḥ, pratyayasaṃjñāste veditavyāḥ, prakṛtyupapādopādhivikārāgamān varjayitvā. vakṣyati tavyattavyānīyaraḥ 3-1-96. kartavyam. karaṇīyam. pratyayapradeśāḥ pratyayalope pratyayalakṣaṇam 1-1-62 ityevam ādayaḥ.

pratyayaḥ 3.1.1 adhikāro 'yam. pratyayaśabdaḥ saṃjñātvena adhikriyate. ā pañcamādyāyaparisamāpteryānita ūrdhvam anukramiṣyamaḥ, pratyayasaṃjñāste veditavyāḥ, prakṛtyupapādopādhivikārāgamān varjayitvā. vakṣyati tavyattavyānīyaraḥ 3.1.96. kartavyam. karaṇīyam. pratyayapradeśāḥ pratyayalope pratyayalakṣaṇam 1.1.61 ityevam ādayaḥ.

pratyayaḥ. , 3.1.1 "pratyayaśabdaḥ saṃjñātvenādhikriyate" iti. śāstrasya lāghavārtham. yadi sanpratyayaḥ, kyacpratyayaḥ, kyaṅapratyayaḥ ityevamekaikaṃ saṃjñinamupādāyānakeṣāṃ bhinnavākyaiḥ pratyayasaṃjñā vidhīyet tadā śāstrasay gauravaṃ syāt; saṃjñināṃ bahutvāt. na hi teṣāṃ tathāvidhaṃ sāyānyamabhinnamasti yadupādāyaikena vākyenānekeṣāṃ saṃjñā kavidhīyet yathā--- "vṛddhiryasyācāmādistadvṛddham" 1.1.72 iti. nanu cedamasti samānyaṃ saviti, evañca sūtraṃ kariṣyate-- "sap()pratyayaḥ" iti, saviti pratyāhāragrahaṇaṃ ca sanaḥ sakārādārabhya kapaḥ pakāreṇa? naitadasti; anye'pi bahavaḥ pakārāḥ santi-- "sibbahulaṃ leṭi" 3.1.34, "vadaḥ supi kyap ca" 3.1.106 ityevamādayaḥ tatra yadi pratyāsattimāśrityānantaraḥ pakāraḥ pratyāhārārtha gṛhrate,tadā sipaḥ pakāremaiva pratyāhāragrahaṇaṃ vijñāyeta. atha vyāptirgṛhrate? tadā "taptanaptanāthanāśca" 7.1.45 iti tanapaḥ pakāreṇaiva syāt. syādetat-- vyāptereva nyāya āśrayitavyaḥ. na ca tanapaḥ pakāreṇa pratyāhāragarhaṇaṃ bhaviṣyati, api tu kapa eva, "ica ekāco'mpratyayavacca" 6.3.67 iti vacanājjñāpakāt; anyathā ṣaṣṭhe'pi pratyayasaṃjñāvyāpārādapārthakamidaṃ syāt? naitadasti; asati hi prayojane jñāpakaṃ bhavati, asti hrasya prayojanam, kiṃ tat? ampratyayapratibaddhaṃ viśiṣṭameva yathā syāt. pratyayamātrapratibaddhaṃ mā bhūditi niyamārthametat syāt, tatkuto vaiyathryam. athāpi kathañcit kapaḥ pakāreṇaiva pratyāhāro labhyeta, evamapi pratipattigauravaṃ syāt. ato lāghavārthamadhikāreṇaiveyaṃ saṃjñā vidhātuṃ yukteti matvā'‌'ha-- "pratyayaśabdaḥ saṃjñātvenādhikriyate" iti. yadyevam, pratiyogaṃ tenopasthātavyam, tatrāsāvupasthitaḥ sannādibhireva sambadhyate, na prakṛtyādibhiriti niyamaheturnāsti. ataḥ prakṛtyupapadopādhivikārāgamānāmapyeṣā saṃjñā syāt. tatra prakṛtiḥ-- "guptijkidbhyaḥ san" 3.1.5, upapadam-- "stambakarṇayo ramijapoḥ" 3.2.13, upādhiḥ-- "haraterdatināthayoḥ paśau" 3.2.25. yadyapi pa()ārthasya saṃjñāyāḥ prayojanaṃ nāsti, tathāpi tadvācino'stīti tasya syādeva. vikāraḥ-- "hanasta ca" 3.1.108, āgamaḥ--"trapujatunoḥ ṣuk" 4.3.136. pratyayasaṃjñāyāñcaiṣāṃ paratvamādyudāttatvañca syāt. yadyapi yugapadagupādīnāṃ parasparāpekṣayā sanādīnāñca paratvaṃ na sambhavati, tathāpi paryāyeṇa syāt--- kadācit gupādayaḥ pare syuḥ, kadācit sannādayaḥ, anyato vā kutaścidgupādayaḥ pare bhaveyurityata āha-- "prakṛtyupapada" ityādi. etacca nyāyaprāptamevoktam. katham? prakṛtyupapadopādhayastāvat parakāryasiddhaye bhūtavibhaktyā pañcamyādikayā nirdiśyanta iti teṣāṃ pañcamyādivibhaktyantaṃ śabdarūpaṃ saṃjñāsaṃjñisambandhaṃ pratipattumayogyam. tathā hi-- prathamāntasay vā sāmānādhikaraṇyena saṃjñāsaṃjñisambandho bhavati yatra buddhyāhitasaṃjñārūpaḥ so'yamityabhedasambandhamupagataḥ saṃjñī saṃjñayā saha nirdiśyate, yathā-- "vṛddhirādaic" 1.1.1 iti; ṣaṣṭha()ntasya vā yatra saṃjñāsaṃjñinorbhedavivakṣāyāṃ saṃjñāśabdena svarūpapadātmakenopādīyamānenopajanitavyatirekaḥ ṣaṣṭha()ā saṃjñī nirdiśyate, yathā-- "svaṃ rūpaṃ śabdasyāśabdasaṃjñā" 1.1.67 iti. prakṛtyādayastu paropakārayogyaṃ vibhaktiviśeṣamupādāya vatrtanta ityaśakya eṣāṃ saṃjñāsambandhaḥ karttum. na ca saṃjñāsaṃjñisambandhayogyavibhaktyadhyāhāre satyeṣāṃ saṃjñā bhaviṣyatīti yuktaṃ parikalpiyitum. asati hi vacanasyāvakāśe'dhyāhāro yuktaḥ, na tu sati. asti cāvakāśaḥ sannādiḥ. aprādhānyācca prakṛtyādīnāmayuktā saṃjñā. pradhāne ha#i kāryasampratyayo loke dṛṣṭaḥ, yathā-- bahuṣu gacchatsu kaścit pṛcchati ko'yaṃ yāti? sa āha-- rājeti. tatra yaḥ pṛcchati, yaścācaṣṭe-- tayorubhayorapi pradhāne rājani sampratyayayo bhavati. tasmādihāpi pradhāne sannādau kāryasampratyayāt tasyaiva saṃjñā bhaviṣyati. prādhānyaṃ punastasyāpūrvasya vidhānāt. prakṛtyādīnāṃ dhātvadipāṭhe nijrñātasvarūpāṇāṃ sannādyarthopādānādaprādhānyam, tat kutasteṣāṃ saṃjñā? āgamavikārayoryadyapi saṃjñāsaṃjñisambandhayogyatayā prathamayā nirdeśaḥ, vidheyatvācca prādhānyam, tathāpi na bhavati saṃjñā;yasmātpratyaya iti mahatī saṃjñā kriyate. tasyā etatprayojanamanvarthasaṃjñā yathā syāt--- pratiyanatyanenārthāniti pratyayaḥ. na ca vikārāgamābhyāṃ kañcanārthaṃ pratiyanti. yadi tahrranvarthasaṃjñeyam, "aveḥ kaḥ" 5.4.28 "yāvādibhyaḥ kan" 5.4.29 ityevamādīnāṃ pratyayasaṃjñā na prāpnoti; arthābhāvāt. dvivadho hrarthaḥ--laukikaḥ, śāstrīyaśca; tatra pūrvaḥ padenaiva pratīyate, dvitīyastvanvayavyatirekābhyām; sa ca teṣāṃ nāsti, vinā pratyayaiḥ prakṛtereva tadarthasya pratīteḥ? naiṣa doṣaḥ; yadyapi teṣāmanvayavyatirekābhyāmartho na samadhigamyate, tathāpi "anirdiṣṭārthāḥ pratyayāḥ svārthe bhavanti" (pu.pa.90) ityasmādevāptavacanāt samadhigamyate. tasmāt tairapi svārthaṃ pratiyantīti te'pi pratyayā itlamatiprasaṅgeneti sthitametat-- prakṛtyādīnāṃ pratyayasaṃjñā na bhavatīti. "katrtavyam, karaṇīyam" iti. tavyadādeḥ pratyayasaṃjñāyāṃ "yasmātpratyayavidhiḥ" 1.4.13 iti tasmin parato'ṅgasaṃjñā bhavati. atha kathaṃ tadanantaraṃ sannādimatikramya vyavahita eva tavyadādirudāhmataḥ? tatrādyudāttāderapi pratyayasaṃjñākāryasya sambhavāt. sannādau tu tanna sambhavati; dhātusvareṇaiva bādhitatvāt॥

pratyayaḥ. tṛtīyādhyāyasyādimaṃ sūtramidam. ita ūdhrvamā pañcamādhyāyaparisamāpteḥ pratyayaśabdaḥ saṃjñātvenādhikriyata ityarthaḥ. `hanaśca vadhaḥ', `ī ca khanaḥ', `naḍādīnāṃ kukce'tyādīnāmādeśāgamānāṃ tu na pratyayasaṃjñā, mahāsaṃjñākaraṇāt.

pratyayaḥ 179, 3.1.1 pratyayaḥ. tṛtīyādhyāyasyādimaṃ sūtramidam. ita ūdhrvamā pañcamādhyāyaparisamāpteḥ pratyayaśabdaḥ saṃjñātvenādhikriyata ityarthaḥ. "hanaśca vadhaḥ", "ī ca khanaḥ", "naḍādīnāṃ kukce"tyādīnāmādeśāgamānāṃ tu na pratyayasaṃjñā, mahāsaṃjñākaraṇāt.