1/60:ṭitām ṭeḥ evidheḥ luṭaḥ ḍāraurasaḥ pūrvavipratiṣiddham |*
2/60:ṭitām ṭeḥ evidheḥ luṭaḥ ḍāraurasaḥ bhavanti pūrvavipratiṣedhena |
3/60:ṭeḥ etvasya avakāśaḥ pacate pacete pacante |
4/60:ḍāraurasām avakāśaḥ śvaḥ kartā śvaḥ kartārau śvaḥ kartāraḥ |
5/60:iha ubhayam prāpnoti |
6/60:śvaḥ adhetā śvaḥ adhyetārau śvaḥ adhyetāraḥ |
7/60:ḍāraurasaḥ bhavanti pūrvavipratiṣedhena |
8/60:saḥ tarhi pūrvavipratiṣedhaḥ vaktavyaḥ |
9/60:na vaktavyaḥ |
10/60:ātmanepadānām ca iti vacanāt siddham |*
11/60:ātmanepadānām ca ḍāraurasaḥ bhavanti iti vaktavyam |
12/60:tat ca samasaṅkhyārtham | tat ca avaśyam ātmanepadagrahaṇam kartavyam samasaṅkhyārtham |*
13/60:saṅkhyātanudeśaḥ yathā syāt |
14/60:akriyamāṇe hi ātmanepadagrahaṇe śaṭ sthāninaḥ trayaḥ ādeśāḥ |
15/60:vaiṣamyāt saṅkhyātānudeśaḥ na prāpnoti |
16/60:pūrvavipratiṣedhārthena tāvat na arthaḥ ātmanepadagrahaṇena |
17/60:idam iha sampradhāryam |
18/60:ḍāraurasaḥ kriyantām ṭeḥ etvam iti |
19/60:kim atra kartavyam |
20/60:paratvāt etvam |
21/60:nityāḥ ḍāraurasaḥ |
22/60:kṛte api etve prapnuvanti akṛte api prāpnuvanti |
23/60:ṭeḥ etvam api nityam |
24/60:kṛteṣu api ḍāraurassu prāpnoti akṛteṣu api prāpnoti |
25/60:anityam etvam |
26/60:anyasya kṛteṣu ḍāraurassu prāpnoti anyasya akṛteṣu |
27/60:śabdāntarasya ca prāpnuvan vidhiḥ anityaḥ bhavati |
28/60:ḍāraurasaḥ api anityāḥ |
29/60:anyasya kṛte etve prāpnuvanti anyasya akṛte |
30/60:śabdāntarasya prāpnuvantaḥ anityā bhavanti |
31/60:ubhayoḥ anityayoḥ paratvāt etvam |
32/60:etve kṛte punaḥprasaṅgavijñānāt ḍāraurasaḥ bhaviṣyanti |
33/60:samasaṅkhyārthena ca api na arthaḥ ātmanepadagrahaṇena |
34/60:sthāne antaramena vyavasthā bhaviṣyati |
35/60:kutaḥ āntaryam |
36/60:arthataḥ |
37/60:ekārthasya ekārthaḥ dvyarthasya dvyarthaḥ bahvarthasya bahvarthaḥ |
38/60:atha vā ādeśāḥ api ṣaṭ eva nirdiśyante |
39/60:katham |
40/60:ekaśeṣanirdeśāt |
41/60:ekaśeṣanirdeśaḥ ayam |
42/60:atha etasmin ekaśeṣanirdeśe sati kim ayam kṛtaikaśeṣāṇām dvandvaḥ |
43/60:ḍā ca ḍā ca ḍā rau ca rau ca rau raḥ ca raḥ ca raḥ| ḍā ca rau ca raḥ ca ḍāraurasaḥ iti |
44/60:āhosvit kṛtadvandvānām ekaśeṣaḥ |
45/60:ḍā ca rau ca raḥ ca ḍāraurasaḥ |
46/60:ḍāraurasaḥ ca ḍāraurasaḥ ca ḍāraurasaḥ iti |
47/60:kim ca ataḥ |
48/60:yadi kṛtaikaśeṣāṇām dvandvaḥ aniṣṭaḥ samasaṅkhyaḥ prāpnoti ekavacanadvivacanayoḥ ḍā prāpnoti |
49/60:bahuvacanaikavacanayoḥ rau prāpnoti dvivacanabahuvacanayoḥ ca raḥ prāpnoti |
50/60:atha kṛtadvandvānām ekaśeṣaḥ na doṣaḥ bhavati |
51/60:yathā na doṣaḥ tathā astu |
52/60:kim punaḥ atra jyāyaḥ |
53/60:ubhayam iti āha |
54/60:ubhayam hi dṛśyate |
55/60:bahu śaktikiṭakam bahūni śaktikiṭakāni bahu sthālīpiṭharam bahūni sthālīpiṭharāni |
56/60:ḍāraurasaḥ kṛte ṭeḥ e yathāt dvitvam prasāraṇe samasṅkhyena na artha asti |*
57/60:siddham sthāne arthataḥ antarāḥ |*
58/60:āntaryataḥ vyavasthā |*
59/60:trayaḥ eva ime bhavantu sarveṣām |*
60/60:ṭeḥ etvam ca paratvāt kṛte api tasmin ime santu |*

1/83:ḍāvikārasya śitkaraṇam sarvādeśārtham |*
2/83:ḍāvikāraḥ śit kartavyaḥ |
3/83:kim prayojanam |
4/83:sarvādeśārtham |
5/83:śit sarvasya iti sarvādeśaḥ yathā syāt |
6/83:akriyamāṇe hi śakāre alaḥ antyasya vidhayaḥ bhavanti iti antasya prasajyeta |
7/83:nighātaprasaṅgaḥ tu |*
8/83:nighātaḥ tu prapnoti |
9/83:śvaḥ kartā |
10/83:tāseḥ param lasārvadhātukam anudāttam bhavati iti eṣaḥ svaraḥ prāpnoti |
11/83:yat tāvat ucyate ḍāvikārasya śitkaraṇam sarvādeśārtham iti |
12/83:siddham alaḥ antyavikārāt |*
13/83:siddham etat |
14/83:katham |alaḥ antyavikārāt |
15/83:astu ayam alaḥ antyasya |
16/83:kā rūpasiddhiḥ : kartā |
17/83:ḍiti ṭeḥ lopāt lopaḥ |*
18/83:ḍiti ṭeḥ lopena lopaḥ bhaviṣyati |
19/83:abhatvāt na prāpnoti |
20/83:ḍitkaraṇasāmarthyāt bhaviṣyati |
21/83:anittvāt vā |*
22/83:atha vā anittvāt etat siddham |
23/83:kim idam anittvāt iti |
24/83:antyasya ayam sthāne bhavan na pratyayaḥ syāt |
25/83:asatyām pratyayasañjñāyām itsañjñā na |
26/83:asatyām itsañjñāyām lopaḥ na |
27/83:asati lope anekāl |
28/83:yada anekāl tadā sarvādeśaḥ |
29/83:yadā sarvādeśaḥ tadā pratyayaḥ |
30/83:yadā pratyayaḥ tadā itsañjñā |
31/83:yadā itsañjñā tadā lopaḥ |
32/83:praśliṣṭanirdeśāt vā |*
33/83:atha vā praśliṣṭanirdeśaḥ ayam |
34/83:ḍā ā ḍā |
35/83:saḥ anekālśit sarvasya iti sarvādeśaḥ bhaviṣyati |
36/83:yadā tarhi ayam antyasya sthāne bhavati tadā tiṅgrahaṇena grahaṇam na prāpnoti |
37/83:tiṅgrahaṇam ekadeśavikṛtasya ananyatvāt |*
38/83:ekadeśavikṛtam ananyavat bhavati iti tiṅgrahaṇena grahaṇam bhaviṣyati svaraḥ katham |
39/83:svare vipratiṣedhāt siddham |*
40/83:ḍāraurasaḥ kriyantām anudāttatvam iti kim atra kartavyam |
41/83:paratvāt anudāttatvam |
42/83:nityāḥ ḍāraurasaḥ |
43/83:kṛte api anudāttatve prapnuvanti akṛte api prapnuvanti |
44/83:anudāttatvam api nityam |
45/83:kṛteṣu kṛteṣu api ḍāraurassu prāpnoti akṛteṣu api prāpnoti |
46/83:anityam anudāttatvam |
47/83:anyasya kṛteṣu ḍāraurassu prāpnoti anyasya akṛteṣu |
48/83:śabdāntarasya ca prāpnuvan vidhiḥ anityaḥ bhavati |
49/83:ḍāraurasaḥ api anityāḥ |
50/83:anyathāsvarasya kṛte anudāttatve prāpnuvanti anyathāsvarasya akṛte |
51/83:svarabhinnasya ca prāpnuvantaḥ anityāḥ bhavanti |
52/83:ubhayoḥ anityayoḥ paratvāt anudāttatvam |
53/83:anudāttatve kṛte punaḥprasaṅgavijñātāt ḍāraurasaḥ |
54/83:ṭilope udāttanivṛttisvareṇa siddham |
55/83:na sidhyati |
56/83:kim kāraṇam |
57/83:antaraṅgatvāt ḍāraurasaḥ |
58/83:tatra antaraṅgatvāt ḍāraurassu kṛteṣu anudāttatvam kriyatām ṭilopaḥ iti kim atra kartavyam |
59/83:paratvāt ṭilopena bhavitavyam |
60/83:evam tarhi svare vipratiṣedhāt siddham |
61/83:nyāyyaḥ eva ayam svare vipratiṣedhaḥ |
62/83:idam iha sampradhāryam |
63/83:anudāttatvam kriyatām udāttanivṛttisvaraḥ iti |
64/83:kim atra kartavyam |
65/83:paratvāt anudāttatvam |
66/83:anudāttatve kṛte punaḥprasaṅgavijñānāt udāttanivṛttisvaraḥ bhaviṣyati |
67/83:tat etat kva siddham bhavati |
68/83:yat pit vacanam |
69/83:yat apit vacanam tatra na sidhyati |
70/83:tatra api siddham |
71/83:katham idam adya lasārvadhātukānudāttatvam pratyayasvarasya apavādaḥ |
72/83:na ca apavādaviṣaye utsargaḥ abhiniviśate |
73/83:pūrvam hi apavādāḥ abhiniviśante paścāt utsargāḥ |
74/83:prakalpya vā apavādaviṣayam tataḥ utsargaḥ abhiniviśate |
75/83:tat na tāvat kadā cit pratyayasvaraḥ bhavati |
76/83:apavādam lasārvadhātukanudāttatvam pratīkṣate |
77/83:tatra anudāttatvam kriyatām lopaḥ iti |
78/83:yadi api paratvāt lopaḥ saḥ asau avidyamānodāttatve anudātte udāttaḥ lupyate |
79/83:pratyayasvarāpavādaḥ lasārvadhātukānudāttam |*
80/83:tena tatra na prasaktaḥ pratyayasvaraḥ kadā cit |*
81/83:pratyayasvaraḥ tu tāseḥ vṛttisanniyogaśiṣṭaḥ |*
82/83:tena ca api asau udāttaḥ lopsyate |*
83/83:tathā na doṣaḥ |*

luḍādeśasya prathamapuruṣasya prasmaipadasya ātmanepadasya ca yathākramam ḍā rau rasityete ādeśā bhavanti. kartā, kartārau, kartāraḥ. ātmanepadasya adhyetā, adhyetārau, adhyetāraḥ. prathamasya iti kim? śvaḥ kartāsi. śvo 'dhyetāse. iti śrījayādityaviracitāyāṃ kāśikāyāṃ vṛttau dvitīyādhyāyasya caturthaḥ pādaḥ. tṛtīyo 'dyāyaḥ prathamaḥ pādaḥ.

luṭaḥ prathamasya ḍāraurasaḥ 2.4.85 luḍādeśasya prathamapuruṣasya prasmaipadasya ātmanepadasya ca yathākramam ḍā rau rasityete ādeśā bhavanti. kartā, kartārau, kartāraḥ. ātmanepadasya adhyetā, adhyetārau, adhyetāraḥ. prathamasya iti kim? śvaḥ kartāsi. śvo 'dhyetāse. iti śrījayādityaviracitāyāṃ kāśikāyāṃ vṛttau dvitīyādhyāyasya caturthaḥ pādaḥ. tṛtīyo 'dyāyaḥ prathamaḥ pādaḥ.

luṭaḥ prathamasya ḍāraurasaḥ. , 2.4.85 parasmaipadasyātmanepadasya ca yathākramaṃ ḍārauras-- ityeta ādeśā bhavanti" iti. yadeyavam, parasmaipadeṣu tip tas jhītyetat pratyekaṃ prathamapuruṣasaṃjñā, ātmanepadeṣvapi ta ātāṃ jha iti; tatra sthāninaḥ ṣaṭ, traya ādeśā iti vaiṣamyāt saṃkhyāyānudeśābhāvādekaikasya paryāyeṇa sarva ādeśāḥ syuḥ? naiṣa doṣaḥ; ānantaryato hi vyayasthā bhaviṣyati. taccārthakṛtamānantaryam---" ekārthasyaikārthaḥ, dvayarthasya dvyarthaḥ, bahvarthasya bahvartha iti. "katrtā" iti. "anadyatane luṭ" 3.3.15, tip, tasyānekāltvāt ḍā ityayaṃ sarvādeśaḥ. nanu ca nānubandhakṛtamanekāltvam (vyā.pa.14), ḍakāraścānubandhaḥ,tat kuto'nekāltvaṃ yataḥ sarvādeśaḥ syāt? naiṣa doṣaḥ; na hrakṛte sarvādeśe "cuṭū" 1.3.7 itītsaṃjñā bhavati. itsaṃjñāyā abhāve cānubandho na bhavatītyanekāltvāt sarvādeśo bhavati. ḍityabhasyāpi "ṭeḥ" 6.4.143 iti ṭilopaḥ. "katrtārau, kātrtāraḥ" iti. "rica" 7.4.51 iti sakāralopaḥ. evamadhyetetyevamādīni rūpāṇi "iṅa adhyayane" (dhā.pā.1046) ityetasya. atra paramapi ṭeretvaṃ bādhitvā'ntaraṅgatvāt ḍādaya ādeśā bhavanti. antaraṅgatvaṃ punasteṣāṃ sthānimātrāpekṣatvāt. ṭeretvantu bahiraṅgam; taddhi dhātumapyapekṣate, na kevalaṃ sthāninam; ā tṛtīyādhyāyaparisamāpteḥ "dhātoḥ" 3.1.7 ityasyādhikṛtatvāt. "thāsaḥ se" 3.4.80 iti jñāpakam-- tiṅādeśasya ṭeretvaṃ na bhavatīti. tena kṛteṣvapi ḍāraurassvettvaṃ na bhavati. "katrtāsi" iti. "tāsastyorlopaḥ"7.4.50 iti sakāralopaḥ॥ iti śrībodhisattvadeśīyācāryajinendrabuddhipādaviracitāyāṃ kāśikāvivaraṇapañjikāyāṃ dvitīyādhyāyasya caturthaḥ pādaḥ samāptaścāyaṃ dvitīyo'dhyāyaḥ॥ ---------------------------------- śrībodhisattvadeśīyācāryajinendrabuddhipādaviracitā nyāsāparaparyāyā kāśikāvivaraṇapañjikākhyā kāśikāvyākhyā tṛtīyo'dhyāyaḥ prathamaḥ pādaḥ

luṭaḥ prathamasya ḍāraurasaḥ 407, 2.4.85 ḍā rau ras ete kramātsyuḥ. ḍitvasāmarthyādabhasyāpi ṭerlopaḥ. bhavitā॥

bhū i tās iti sthite– ukārasya guṇe'vādeśe ca bhavitā s iti sthite–luṭaḥ prathamasya. ḍā rau ras eṣāṃ dvandvātprathamābahuvacanam. `luṭa' iti sthānaṣaṣṭhī. luḍādeśasya prathamapuruṣasyetyarthaḥ. kramāditi – yathāsaṅkhyalabhyama. nanu parasmaipadasya trayaḥ prathamāḥ, ātmanepadasya ca trayaḥ prathamā iti sthāninaḥ ṣaṭ, ādeśāstu traya iti kathaṃ yathāsaṅkhyamiti cenna, ḍāśca rauśca ras ceti kṛtadvandvānāṃ ḍāraurasaśca ḍāraurasaścetyekaśeṣamāśritya bhāṣye samāhitatvāt. ḍābhāvasya cādeśatvāt prāk pratyayatvā'bhāvena `cuṭū' ityasyā'pravṛttyā sarvādeśatvam. sati ca tasmin pratyayatvaccuṭū iti ṭakārasyetsaṃjñeti bhāṣye spaṣṭam. evaṃ ca bhū tās ā iti sthite prakriyāṃ darśayati–ḍittvasāmathryāditi. ḍābhāvasya kapratyayāvadhiṣu svādiṣvanantarbhūtatvena tasmin pare bhatvā'bhāve'pi ḍittvasāmathryāṭṭeriti ṭilopa ityarthaḥ.

luṭaḥ prathamasya ḍāraurasaḥ 37, 2.4.85 bhū i tās iti sthite-- ukārasya guṇe'vādeśe ca bhavitā s iti sthite--luṭaḥ prathamasya. ḍā rau ras eṣāṃ dvandvātprathamābahuvacanam. "luṭa" iti sthānaṣaṣṭhī. luḍādeśasya prathamapuruṣasyetyarthaḥ. kramāditi -- yathāsaṅkhyalabhyama. nanu parasmaipadasya trayaḥ prathamāḥ, ātmanepadasya ca trayaḥ prathamā iti sthāninaḥ ṣaṭ, ādeśāstu traya iti kathaṃ yathāsaṅkhyamiti cenna, ḍāśca rauśca ras ceti kṛtadvandvānāṃ ḍāraurasaśca ḍāraurasaścetyekaśeṣamāśritya bhāṣye samāhitatvāt. ḍābhāvasya cādeśatvāt prāk pratyayatvā'bhāvena "cuṭū" ityasyā'pravṛttyā sarvādeśatvam. sati ca tasmin pratyayatvaccuṭū iti ṭakārasyetsaṃjñeti bhāṣye spaṣṭam. evaṃ ca bhū tās ā iti sthite prakriyāṃ darśayati--ḍittvasāmathryāditi. ḍābhāvasya kapratyayāvadhiṣu svādiṣvanantarbhūtatvena tasmin pare bhatvā'bhāve'pi ḍittvasāmathryāṭṭeriti ṭilopa ityarthaḥ.