1/14:na avyayībhāvāt ataḥ iti yogavyavasānam |*
2/14:na avyayībhāvāt ataḥ iti yogaḥ vyavaseyaḥ |
3/14:na avyayībhāvāt akārāntāt supaḥ luk bhavati |
4/14:tataḥ am tu apañcamyāḥ iti |
5/14:kimarthaḥ yogavibhāgaḥ |
6/14:pañcamyāḥ ampratiṣedhārtham | pañcamyāḥ amaḥ pratiṣedhaḥ yathā syāt |*
7/14:ekayoge hi ubhayoḥ pratiṣedhaḥ |*
8/14:ekayoge hi sati ubhayoḥ pratiṣedhaḥ syāt amaḥ alukaḥ ca |
9/14:saḥ tarhi yogavibhāgaḥ kartavyaḥ |
10/14:na kartavyaḥ |
11/14:tuḥ niyāmakaḥ |*
12/14:tuḥ kriyate |
13/14:sa niyāmakaḥ bhaviṣyati |
14/14:am eva apañcamyāḥ iti |

1/14:ami pañcamīpratiṣedhe apādānagrahaṇam |*
2/14:ami pañcamīpratiṣedhe apādānagrahaṇam kartavyam |
3/14:apādānapañcamyāḥ iti vaktavyam |
4/14:kim prayojanam |
5/14:karmapravacanīyayukte apratiṣedhārtham | karmapravacanīyayukte mā bhūt |*
6/14:āpāṭaliputram vṛṣṭaḥ devaḥ |
7/14:na vā uttarapadasya karmapravacanīyayogāt samāsāt pañcamyabhāvaḥ |*
8/14:na vā vaktavyam |
9/14:kim kāraṇam |
10/14:uttarapadam atra karmapravacanīyayuktam |
11/14:uttarapadasya karmapravacanīyayogāt samāsāt pañcamī na bhaviṣyati |
12/14:yadā ca samāsaḥ karmapravacanīyayuktaḥ bhavati tadā pratiṣedhaḥ |
13/14:tat yathā |
14/14:ā upakumbhāt ā upamaṇikāt iti |

pūrveṇa luk prāptaḥ pratiṣidhyate. adantādavyayībhāvāduttarasya supo na lug bhavati, amādeśas tu tasya supo bhavatyapañcamyāḥ. etasmin pratiṣiddhe pañcamyāḥ śravanam eva bhavati. upakumbhaṃ tiṣṭhati. upakumbhaṃ paśya. upamaṇikaṃ tiṣṭhati. upamaṇikaṃ paśya. ataḥ iti kim? adhistri. adhikumāri. apañcamyāḥ iti kim? upakumbhādānaya.

na avyayībhāvādato 'm tvapañcamyāḥ 2.4.83 pūrveṇa luk prāptaḥ pratiṣidhyate. dantādavyayībhāvāduttarasya supo na lug bhavati, amādeśas tu tasya supo bhavatyapañcamyāḥ. etasmin pratiṣiddhe pañcamyāḥ śravanam eva bhavati. upakumbhaṃ tiṣṭhati. upakumbhaṃ paśya. upamaṇikaṃ tiṣṭhati. upamaṇikaṃ paśya. ataḥ iti kim? adhistri. adhikumāri. apañcamyāḥ iti kim? upakumbhādānaya.

nāvyayībhāvadato'matvapañcamyāḥ. , 2.4.83 "etasmin pratiṣiddhe pañcamyāḥ śravaṇameva bhavati" iti. katham? iha dvoyararthayorvidhānāt, vidhāyake ca vākye dve eva. tatra "nāvyayībāvādataḥ" ityetat pratiṣedhasya vidhāyakamekaṃ vākyam. "am tvapañcamyāḥ" ityetadamo vidhāyakaṃ dvitīyaṃ vākyam, tatra cāta ityetadapekṣate. ata eva vṛttau vākyadvayamupanyastam-- "adantādavayayībhāvaduttarasya supo na lugbhavati" ityekaṃ vākyam, "amādeśastu tasya bhavatyapañcamyāḥ" iti dvitīyam. tatrāpañcamyā ityanena "anantarasya vidhirvā bhavati pratiṣedho vā" (vyā.pa.19) iti pañcamyā amādeśa eva pratiṣidhyate, na tvaluk pūrvavākyena vihitaḥ. ata evāluki sati pañ()camyāḥ śravaṇameva bavati. ekavākyatāyāṃ hi satyāṃ kāryadvayasyaikayā pāṭhapravṛtyā vidhīyamānatvāt kāryadvayasyāpañcamyā iti pratiṣedhaḥ syāt. pañcamīṃ varjayitvaitat kāryadvayaṃ veditavyam. vākyabhede tvapañcamamyā ityetat pratyāsannamamādeśamapekṣate, na tu vākyāntaravihitamalukam. tenāpañcamyā ityanena sambadhyamānaḥ sāmānyena vidhīyamānaḥ sannaluk pañcamīmapyavagāhate; tasmāt pañcamyāḥ śravaṇameva yuktam. tuśabdenāpyayamartho labhyate. nanu ca kriyāyāḥ kārakāṇi bhavanti, pūrvapadārthapradhānaścāvyayībhāva uktaḥ,pūrvapadārthasya cāsattvabhūtatvāt kriyāmantareṇa sambandhābhāvādapādānādibhāvo nāsti, tat kuto'vyayībhāvāt pañcamyādayo vibhaktayo bhaveyuḥ?naitadasti; pūrvapadārthaprādhānye'pi guṇabhūtottarapadārthapekṣaḥ kriyāyoga upapadyate, yathā-- pañcapūlīmānayeti. tatra bhāvaprādhānye'pi guṇabhūta dravyāpekṣaḥ kriyāsambandhaḥ॥

adantādavyayībhāvātsupo na luk, tasya pañcamī vinā amādeśaśca syāt.. gāḥ pātīti gopāstasminnityadhigopam..

nāvyayībhāvādato'mtvapañcamyāḥ 915, 2.4.83 adantādavyayībhāvātsupo na luk, tasya pañcamī vinā amādeśaśca syāt॥ gāḥ pātīti gopāstasminnityadhigopam॥

tathāca avyayībhāvasamāsādutpannānāṃ supāmavyayādāpsupa iti luk syāditi śaṅkāyāmāhanāvyayībhāvāt. `am tu apañcamyā' iti chedaḥ. `nāvyayībhāvadataḥ' ityekaṃ vākyam. `ṇyakṣatriyārṣe'tyato lugityanuvartate. `avyayādāpsupaḥ' ityataḥ `supa' iti ca. atā avyayībhāvo viśeṣyate. tena tadantavidhiḥ. tadāha adantādavyayībhāvātsupo na lugiti. `am tu apañcamyāḥ' iti vākyāntaram. pañcamībhinnasya tu supo'mādeśaḥ syāt. pañcamyāstu amna bhavatīti labhyate. tadāha–tasya pañcamīṃ vinā amādeśa iti. atrā'pañcamyā iti pratiṣedho'yamanantaratvādama eva bhavati, na tu luṅniṣedhasyāpi. evaṃcā'dantādavyayībhāvātparasya supo na luk, kiṃtvamādeśaḥ. pañcamyāstu lugamādeśaśca na bhavatīti sthitiḥ. sūtre etatsūcanārthameva tuśabdaḥ. `avyayībhāvādato'mtvapañcamyāḥ' ityevoktau tu adantādavyayībhāvātparasya pañcamībhinnasya supo luko'pavādo'mādeśaḥ syādityeva labhyeta. evaṃ sati pañcamyā amo'bhāve `avyayādāpsupaḥ' iti luk syāt. ato luṅ niṣidhyata ityāstāṃ tāvat. apadiśamiti. pañcamībhinnavibhaktīnāmudāharaṇam. pañcamyāstu apadiśādityudāhāryam. yadyapi napuṃsakahyasvatvenā'pyetatsidhyati, `avyayībhāvaśce'ti napuṃsakatvasya vakṣyamāṇatvāt. tathāpi `gostriyo'riti sūtraṃ citragu atikhaṭva ityādyarthamāvaśyakamitīhāpi nyāyyatvādupanyastam. tadevamavyayamiti bhāṣyā'dṛṣṭenāpi yogavibhāgenā'padiśamiti rūpasādhanaṃ vṛddhasaṃmatamityāha- klībe'vyayamiti.

nāvyayībhāvādato'mtvapañcamyāḥ 649, 2.4.83 tathāca avyayībhāvasamāsādutpannānāṃ supāmavyayādāpsupa iti luk syāditi śaṅkāyāmāhanāvyayībhāvāt. "am tu apañcamyā" iti chedaḥ. "nāvyayībhāvadataḥ" ityekaṃ vākyam. "ṇyakṣatriyārṣe"tyato lugityanuvartate. "avyayādāpsupaḥ" ityataḥ "supa" iti ca. atā avyayībhāvo viśeṣyate. tena tadantavidhiḥ. tadāha adantādavyayībhāvātsupo na lugiti. "am tu apañcamyāḥ" iti vākyāntaram. pañcamībhinnasya tu supo'mādeśaḥ syāt. pañcamyāstu amna bhavatīti labhyate. tadāha--tasya pañcamīṃ vinā amādeśa iti. atrā'pañcamyā iti pratiṣedho'yamanantaratvādama eva bhavati, na tu luṅniṣedhasyāpi. evaṃcā'dantādavyayībhāvātparasya supo na luk, kiṃtvamādeśaḥ. pañcamyāstu lugamādeśaśca na bhavatīti sthitiḥ. sūtre etatsūcanārthameva tuśabdaḥ. "avyayībhāvādato'mtvapañcamyāḥ" ityevoktau tu adantādavyayībhāvātparasya pañcamībhinnasya supo luko'pavādo'mādeśaḥ syādityeva labhyeta. evaṃ sati pañcamyā amo'bhāve "avyayādāpsupaḥ" iti luk syāt. ato luṅ niṣidhyata ityāstāṃ tāvat. apadiśamiti. pañcamībhinnavibhaktīnāmudāharaṇam. pañcamyāstu apadiśādityudāhāryam. yadyapi napuṃsakahyasvatvenā'pyetatsidhyati, "avyayībhāvaśce"ti napuṃsakatvasya vakṣyamāṇatvāt. tathāpi "gostriyo"riti sūtraṃ citragu atikhaṭva ityādyarthamāvaśyakamitīhāpi nyāyyatvādupanyastam. tadevamavyayamiti bhāṣyā'dṛṣṭenāpi yogavibhāgenā'padiśamiti rūpasādhanaṃ vṛddhasaṃmatamityāha-klībe'vyayamiti.

nāvyayī. atra `apañcamyāḥ' ithi pratiṣedho'nantaratvādama eva na tu vyavahitasyā'luko'pi. amumevārthaṃ dyotayituṃ sūtre `tu' śabdaḥ. tasya pañcamīṃ vineti. evaṃ cā'dantādavyayībhāvātparasya pañcamabhinnasya supo luṅ na, pañcamyāstu lugamādeśāvubhāvapi na bhavata iti sthitam. ataḥ kim?. adhihari. diśayoriti. diśoriti halantena vigrahe'pi etadeva rupam. diśśabdasya śaradādiṣu pāṭhāṭṭac.

nāvyayībhāvādato'mtvapañcamyāḥ 574, 2.4.83 nāvyayī. atra "apañcamyāḥ" ithi pratiṣedho'nantaratvādama eva na tu vyavahitasyā'luko'pi. amumevārthaṃ dyotayituṃ sūtre "tu" śabdaḥ. tasya pañcamīṃ vineti. evaṃ cā'dantādavyayībhāvātparasya pañcamabhinnasya supo luṅ na, pañcamyāstu lugamādeśāvubhāvapi na bhavata iti sthitam. ataḥ kim(). adhihari. diśayoriti. diśoriti halantena vigrahe'pi etadeva rupam. diśśabdasya śaradādiṣu pāṭhāṭṭac.