1/17:puṇyasudinābhyām ahnaḥ napuṃsakatvam vaktavyam |
2/17:puṇyāham sudināham |
3/17:pathaḥ saṅkhyāvyayādeḥ |*
4/17:pathaḥ saṅkhyāvyayādeḥ iti vaktavyam |
5/17:dvipatham tripatham catuṣpatham utpatham vipatham |
6/17:dviguḥ ca |*
7/17:dviguḥ ca samāsaḥ napuṃsakaliṅgaḥ bhavati iti vaktavyam |
8/17:pañcagavam daśagavam |
9/17:akārāntottarapadaḥ dviguḥ striyām bhāṣyate iti vaktavyam |
10/17:pañcapūlī daśapūlī |
11/17:vā ābantaḥ |*
12/17:vā ābantaḥ striyām bhāṣyate iti vaktavyam |
13/17:pañcakhaṭvam pañcakhaṭvī daśakhaṭvam daśakhaṭvī |
14/17:anaḥ nalopaḥ ca vā ca striyām bhāṣyate iti vaktavyam |
15/17:pañcatakṣam pañcatakṣī daśatakṣam daśatakṣī |
16/17:pātrādibhyaḥ pratiṣedhaḥ vaktavyaḥ |
17/17:dvipātram pañcapātram |

apathaśabdo napuṃsakaliṅgo bhavati. apatham idam. apathāni gāhate mūḍhaḥ. iha kasmān na bhavati, apatho deśaḥ, apathā nagarī? tatpuruṣaḥ iti vartate.

apathaṃ napuṃsakam 2.4.30 apathaśabdo napuṃsakaliṅgo bhavati. apatham idam. apathāni gāhate mūḍhaḥ. iha kasmān na bhavati, apatho deśaḥ, apathā nagarī? tatpuruṣaḥ iti vartate.

apathaṃ napuṃsakam. , 2.4.30 "apadham" iti. "patho vibhāṣā" 5.4.72 iti yadā samāsāntapratiṣedho nāsti tadā "ṛkpūrabdhūpathāmānakṣe" 5.4.74 ityakāraḥ samāsāntaḥ. samāsāntanirdaśādyadā samāsānto nāsti tadā puṃlliṅgataiva bhavati-- apanthā iti॥

apathaṃ napuṃsakaṃ. na-panthā iti vigrahe nañsamāse naño nasya lope `ṛkpūḥ' ityapratyaye ṭilope apathaśabdaḥ, sa napuṃsakamityarthaḥ. paravalliṅgatāpavādaḥ. tatpuruṣa ityeveti. `paravalliṅga'mityatastadanuvṛtteriti bhāvaḥ. dvandvagrahaṇaṃ tu nānuvartate, ayogyatvāt. anyatra tviti. bahuvrīhāvityarthaḥ. apanthā iti. `patho vibhāṣā' iti samāsāntavikalpaḥ. `pathaḥ saṃkhyāvyayādeḥ' iti vakṣyamāṇavārtikena gatārthamevedaṃ sūtram.

apathaṃ napuṃsakam 805, 2.4.30 apathaṃ napuṃsakaṃ. na-panthā iti vigrahe nañsamāse naño nasya lope "ṛkpūḥ" ityapratyaye ṭilope apathaśabdaḥ, sa napuṃsakamityarthaḥ. paravalliṅgatāpavādaḥ. tatpuruṣa ityeveti. "paravalliṅga"mityatastadanuvṛtteriti bhāvaḥ. dvandvagrahaṇaṃ tu nānuvartate, ayogyatvāt. anyatra tviti. bahuvrīhāvityarthaḥ. apanthā iti. "patho vibhāṣā" iti samāsāntavikalpaḥ. "pathaḥ saṃkhyāvyayādeḥ" iti vakṣyamāṇavārtikena gatārthamevedaṃ sūtram.

apathaṃ napuṃsakam. tatpuruṣa ityeveti. dvandva grahaṇaṃ tu nānuvartate, ayogyatvāditi bhāvaḥ. apanthā iti. `patho vibhāṣā' iti samāsāntavikalpaḥ. idaṃ sūtraṃ śakyamakartum. `pathaḥ saṅkhyāvyayādeḥ'iti vakṣyamāṇavārtikena gatārthatvāt. prasaṅgādāha–.

apathaṃ napuṃsakam 707, 2.4.30 apathaṃ napuṃsakam. tatpuruṣa ityeveti. dvandva grahaṇaṃ tu nānuvartate, ayogyatvāditi bhāvaḥ. apanthā iti. "patho vibhāṣā" iti samāsāntavikalpaḥ. idaṃ sūtraṃ śakyamakartum. "pathaḥ saṅkhyāvyayādeḥ"iti vakṣyamāṇavārtikena gatārthatvāt. prasaṅgādāha--.