1/44:pañcamīvidhāne lyablope karmaṇi upasaṅkhyānam |*
2/44:pañcamīvidhāne lyablope karmaṇi upasaṅkhyānam kartavyam |
3/44:prāsādam āruhya prekṣate |
4/44:prāsādātprekṣate |
5/44:adhikaraṇe ca |*
6/44:adhikaraṇe ca upasaṅkhyānam kartavyam |
7/44:āsanāt prekṣate |
8/44:śayanāt prekṣate |
9/44:praśnākhyānayoḥ ca |*
10/44:praśnākhyānayoḥ ca pañcamī vaktavyā |
11/44:kutaḥ bhavān |
12/44:pāṭaliputrāt |
13/44:yataḥ ca adhvakālanirmāṇam | yataḥ ca adhvakālanirmāṇam tatra pañcamī vaktavyā |*
14/44:gavīdhumataḥ sāvakāśyaīm catvāri yojanāni |
15/44:kārtikyāḥ āgrahāyaṇī māse |
16/44:tadyuktāt kāle saptamī | tadyuktāt kāle saptamī vaktavyā |*
17/44:kārtikyāḥ āgrahāyaṇī māse |
18/44:adhvanaḥ prathamā ca | adhvanaḥ prathamā ca saptamī ca vaktayvā |*
19/44:gavīdhumataḥ sāvakāśyaīm catvāri yojanāni caturṣu yojaneṣu |
20/44:tat tarhi idaṃ bahu vaktavyam |
21/44:na vaktavyam |
22/44:apādāne iti eva siddham |
23/44:iha tāvat prāsādāt prekṣate |
24/44:śayanāt prekṣate iti |
25/44:apakrāmati tat tasmāt darśanam |
26/44:yadi apakrāmati kim na atyantāya apakrāmati |
27/44:santatatvāt |
28/44:atha vā anyānyaprādurbhāvā |
29/44:praśnākhyānayoḥ ca pañcamī vaktavyā iti |
30/44:idam atra prayoktavyam sat na prayujyate |
31/44:kutaḥ bhavān āgacchati |
32/44:pāṭaliputrāt āgacchami iti |
33/44:yataḥ ca adhvakālanirmāṇam tatra pañcamī vaktavyā iti |
34/44:idam atra prayoktavyam sat na prayujyate gavīdhumataḥ niḥsṛtya sāṅkāśyam catvāri yojanāni |
35/44:kārtikyāḥ āgrahāyaṇī māse iti |
36/44:idam atra prayoktavyam sat na prayujyate |
37/44:kārttikyāḥ prabhṛti āgrahāyaṇī māsa iti |
38/44:tadyuktāt kāle saptamī vaktavyā iti |
39/44:idam atra prayoktavyam sat na prayujyate |
40/44:kārttikyāḥ āgrahāyaṇī gate māse iti |
41/44:adhvanaḥ prathamā ca saptamī ca iti |
42/44:idam atra prayoktavyam sat na prayujyate |
43/44:gavīdhumato niḥsṛtya yadā catvāri yojanāni gatāni bhavanti tataḥ sāṅkāśyam |
44/44:caturṣu yojaneṣu gateṣu sāṅkāśyam iti |

apādāne kārake pañcamī vibhaktir bhavati. grāmādāgacchati. parvatādavarohati. vṛkebhyo bibheti. adhyayanāt parājayate. pañcamīvidhāne lyablope karmaṇyupasaṅkhyānam. prāsādam āruhya prekṣate, prāsādāt prekṣate. adhikaraṇe ca upasaṅkhyānam. āsane upaviṣya prekṣate, āsanāt prekṣate. śayanāt prekṣate. praṣnākhyānayoṣ ca pañcamī vaktavyā. kuto bhavān? pāṭaliputrāt. yataṣcādhvakālanirmāṇam tatra pañcamī vaktavyā. gavīdhumataḥ sāṅkāśyaṃ catvāri yojanā'ni. kārtikyā āgrahāyaṇī māse. tadyuktāt kāle saptamī vaktavyā. kārtikyā āgrahāyaṇī māse. adhvanaḥ prathamā saptamī ca vaktavyā. gavīdhumataḥ sāṅkāśyaṃ catvāri yojanāni, caturṣu yojaneṣu vā.

apādāne pañcamī 2.3.28 apādāne kārake pañcamī vibhaktir bhavati. grāmādāgacchati. parvatādavarohati. vṛkebhyo bibheti. adhyayanāt parājayate. pañcamīvidhāne lyablope karmaṇyupasaṅkhyānam. prāsādam āruhya prekṣate, prāsādāt prekṣate. adhikaraṇe ca upasaṅkhyānam. āsane upaviṣya prekṣate, āsanāt prekṣate. śayanāt prekṣate. praṣnākhyānayoṣ ca pañcamī vaktavyā. kuto bhavān? pāṭaliputrāt. yataṣcādhvakālanirmāṇam tatra pañcamī vaktavyā. gavīdhumataḥ sāṅkāśyaṃ catvāri yojanā'ni. kārtikyā āgrahāyaṇī māse. tadyuktāt kāle saptamī vaktavyā. kārtikyā āgrahāyaṇī māse. adhvanaḥ prathamā saptamī ca vaktavyā. gavīdhumataḥ sāṅkāśyaṃ catvāri yojanāni, caturṣu yojaneṣu vā.

apādāne pañcamī. , 2.3.28 "vṛkebhyo bibheti" iti. "bhītrārthānāṃ bhayahetuḥ" 1.4.25 ityapādānatvam. adhyayanāt parājayata ityatra "parājerasoḍhaḥ" 1.4.26 ityapādānatvam. "viparābhyāñjeḥ" 1.3.19 ityātmanepadam. "pañcamīvidhāne ityādi. yadetat pañcamīvidhānamatra lyablope pañcamo syādityupasaṃkhyānam = vyākhyānaṃ katrtavyamityarthaḥ. tatredaṃ vyākhyānam-- iha pūrvasūtrāccakāro'nuvatrtate. sa cānuktasamuccayārthaḥ. tena lyablope karmaṇi pañcamī bhaviṣyati. "adhikaraṇe copasaṃkhyānam" ityādi. atrāpyupasaṃkhyānaśabdasya pratipādanamarthaḥ. pratipādanaṃ tu pūrvavaccakārānuktasamuccayārthatvamāśritya katrtavyam. "praśnākhyānayośca" ityādi. vaktavyeti vyākhyātavyetyarthaḥ. vyākhyānantu tāmeva cakārānuvṛttimāśritya katrtavyam. atha vā-- atrāpādāna ityevaṃ siddhā pañcamī. tathā hi kuto bhavānitytarāgacchatīti pratīyate, pāṭaliputrādityatrāpyagacchāmīti; ataḥ sphuṭamevāpādānatvam. "yataścāṣvakāla" ityādi. yataḥ prabhṛtyadhvanaḥ kālasay nirmāṇamiyattāparicchedastatra pañcamī vaktavyā. etaduktaṃ bhavati-- adhvani kāle ca nirmīyamāṇe yadavaśribhūtatvena vivakṣyate tatra pañcamī vaktavyā = vyākhyeyā. vyākhyānantu pūrvavaccākārānuvṛttimāśritya katrtavyam. atha vā- adhvani nirmīyamāṇe apādāna ityevaṃ siddhā pañcamī. tathā hi-- gavīdhumataḥ sāṅkāśyaṃ catvāri yojanānītyatra niḥsṛtyeti kriyā gamyate. ato yuktamevāpādānatvam. kārttikyā āgrahāyaṇī māsa ityatrāpi pareṇeti śabdo gamyate. tatrottarasūtreṇa digyolakṣaṇā pañcamī bhaviṣyati. "tadyuktātkāle" ityādau tadityanena pañcamī sambadhyate. pañcamīyuktāt paro yaḥ kālastatra saptamī vaktavyā = vyākhyeyā. vyākhyānaṃ tu kārttikyā āgrahāyaṇī māsa ityatra "yasya ca bhāvena bhāvalakṣaṇam"2.3.37 ityanena saptamī siddhā. kārttikyāḥ paro yo māsastatsattayā'‌'grahāyaṇyā bhāvo lakṣyate. "adhvanaḥ prathamā" ityādi. tadyuktāditi vatrtate. tatra yadā sāṅkāśyasya yojanādabhedo vivakṣyate tadā prathamā. "gavīṣumataḥ sāṅkāśyaṃ catvāri yojanāni" iti. bhedavivakṣāyāntu "yasya ca bhāvena bhāvalakṣaṇam" 2.3.37 iti saptamī. tathā hi gavīdhumataḥ sāṃkāśyaṃ caturṣu yojaneṣu gateṣu satsu bhavatītyeṣo'rthaḥ pratīyate. tatra yojanasya sambandhi sambandhi gamanaṃ sāṅkāśyabhāvasya lakṣaṇaṃ bhavati॥

kartṛkaraṇayostṛtīyā 898, 2.3.28 anabhihite kartari karaṇe ca tṛtīyā syāt. rāmeṇa bāṇena hato vālī॥ iti tṛtīyā.

apādāne pañcamī. spaṣṭatvānna vyākhyātam. grāmādāyātīti. āgacchatītyarthaḥ. kasmādityākāṅkṣāviṣayatvādgrāmovadhiriti apādānatvātpañcamī. `māthurāḥ pāṭalīputrakebhya āḍha\ufffdtarāḥ' ityādau buddhikalpitaviśeṣāvadhitvamādāya apādānatvamiti bhāṣye spaṣṭam. nanu viśleṣānukūlacalanā'nāśrayabhūtaṃ yattadeva dhruvamiti vyākhyāyatām, kimavadhitvavivakṣayetyata āha–dhāvato'\ufffdāātpatatīti. a\ufffdāsya calanāśrayatve'pi patanakriyāṃ prati kasmādityākāṅkṣāviṣayatvalakṣaṇamavadhitvaṃ na viruddhamiti bhāvaḥ. jugupsādyarthakadhātubhiryoge jugupsādiviṣayasyāpādānatvamityarthaḥ. pāpājjugupsata iti. pāpaviṣaye kutsitatvabuddhyā na ramate ityarthaḥ. viramatīti. `pāpā'dityanuṣajyate. pāpaviṣaye na pravartata ityarthaḥ. dharmātpramādyatīti. dharmaviṣaye muhratītyarthaḥ. vāstavasaṃyogaviśleṣayorabhāvādvacanamidam. yadā tu `jugupsate' ityāderjugupsādibhirnivartata ityartha āśrīyate, tadā buddhikalpitaviśleṣāvadhitvamādāyāpādānatvaṃ siddhamiti idaṃ sūtraṃ bhāṣye pratyākhyātam.

apādāne pañcamī 579, 2.3.28 apādāne pañcamī. spaṣṭatvānna vyākhyātam. grāmādāyātīti. āgacchatītyarthaḥ. kasmādityākāṅkṣāviṣayatvādgrāmovadhiriti apādānatvātpañcamī. "māthurāḥ pāṭalīputrakebhya āḍha()tarāḥ" ityādau buddhikalpitaviśeṣāvadhitvamādāya apādānatvamiti bhāṣye spaṣṭam. nanu viśleṣānukūlacalanā'nāśrayabhūtaṃ yattadeva dhruvamiti vyākhyāyatām, kimavadhitvavivakṣayetyata āha--dhāvato'()āātpatatīti. a()āsya calanāśrayatve'pi patanakriyāṃ prati kasmādityākāṅkṣāviṣayatvalakṣaṇamavadhitvaṃ na viruddhamiti bhāvaḥ.jugupseti. jugupsādyarthakadhātubhiryoge jugupsādiviṣayasyāpādānatvamityarthaḥ. pāpājjugupsata iti. pāpaviṣaye kutsitatvabuddhyā na ramate ityarthaḥ. viramatīti. "pāpā"dityanuṣajyate. pāpaviṣaye na pravartata ityarthaḥ. dharmātpramādyatīti. dharmaviṣaye muhratītyarthaḥ. vāstavasaṃyogaviśleṣayorabhāvādvacanamidam. yadā tu "jugupsate" ityāderjugupsādibhirnivartata ityartha āśrīyate, tadā buddhikalpitaviśleṣāvadhitvamādāyāpādānatvaṃ siddhamiti idaṃ sūtraṃ bhāṣye pratyākhyātam.