Kāśikāvṛttī1:
mukhyasadṛśaḥ pratinidhiḥ. dattasya pratiniryātanaṃ pratidānam. yasmāt
pratinidh
See More
mukhyasadṛśaḥ pratinidhiḥ. dattasya pratiniryātanaṃ pratidānam. yasmāt
pratinidhiryataśca pratidānaṃ tatra karmapravacanīyayukte pañcamī vibhaktir bhavati.
abhimanyurarjunataḥ prati. pradyumno vāsudevataḥ prati. māṣānasmai tilebhyaḥ prati
yacchati. nanu ca pratinidhipratidāne karmapravacanīyayukte, na tu yataḥ
pratinidhipratidāne? na eṣa doṣaḥ, sambandhasambandhāt tasya api yogo 'styeva.
Kāśikāvṛttī2:
pratinidhipratidāne ca yasmāt 2.3.11 mukhyasadṛśaḥ pratinidhiḥ. dattasya pratin
See More
pratinidhipratidāne ca yasmāt 2.3.11 mukhyasadṛśaḥ pratinidhiḥ. dattasya pratiniryātanaṃ pratidānam. yasmāt pratinidhiryataśca pratidānaṃ tatra karmapravacanīyayukte pañcamī vibhaktir bhavati. abhimanyurarjunataḥ prati. pradyumno vāsudevataḥ prati. māṣānasmai tilebhyaḥ prati yacchati. nanu ca pratinidhipratidāne karmapravacanīyayukte, na tu yataḥ pratinidhipratidāne? na eṣa doṣaḥ, sambandhasambandhāt tasya api yogo 'styeva.
Nyāsa2:
pratinidhipratidāne ca yasmāt. , 2.3.11 "mukhyasadṛśaḥ pratinidhiḥ" it
See More
pratinidhipratidāne ca yasmāt. , 2.3.11 "mukhyasadṛśaḥ pratinidhiḥ" iti. mukhyo yaḥ kaścit kārye rūḍhaḥ = samarthaḥ, prasiddhaḥ = pradhānabhūtastena sadṛśo yastadabhāve tasya kāryasya siddhyarthamupādīyate sa pratinidhiḥ. "abhimanyurarjunataḥ prati" iti. mukhyādarjunādabhimanyuḥ pratinidhistataḥ pañcamīvibhaktirbhavati. pratiyoge pañcamyāstasiḥ. "māṣānasmai tilebhyaḥ pratiyacchati" iti. ye tilāḥ pūrvaṃ dattāstebhyo māṣāṇāṃ pratidānam. tilebhya iti pañcamī bhavati. tilān gṛhītvā māṣān dadātītyarthaḥ.
nanu ca "pratiḥ pratinidhipratidānayoḥ" 1.4.91 iti prateḥ pratinidhipratidānarorevārthayoḥ karmapravacanīyasaṃjñā, tayoreva pratinā yoga upapadyate, na tu yataste tasyeti manyamāna āha-- "nanu ca" ityādi. "sambandhasambandhāt" iti. sambadhyata iti sambandhaḥ=pratinidhiḥ, pratidānañca, tadubhayamayi karmapravacanīyena pratinā yujyate. tena sambandhena yaḥ sambandhaḥ sa sambandhasambandhaḥ. kasyapunastena sambandhaḥ? yataḥ pratinidhiḥ pratipādanañca tasya. sambandhiśabdau hi pratinidhipratidānaśabdau. tau ca nāsati pūrvavijñāte mukhye pūrvadatte ca bhavati iti pratinidhipratidānābhyāṃ yasya sambandhastasya tābhyāṃ sambandho'stīti te api karmapravacanīyairyukte bhavata iti. kvacit "sambandhisambandhāt" iti pāṭhaḥ. tatrāpi pratinidhiḥ hūtidānañca sambandhiśabdenocyate; tadubhayasyāpi karmapravacanīyena sambandhāt. tena sambandhinā yaḥ sambandhaḥ sa sambandhisambandha iti sa evārthaḥ॥
Tattvabodhinī1:
pratinidhipratidāne. asmādeva nirdeśālliṅgādābhyāṃ yoge pañcamī.
`jñāpakāsiddha Sū #530
See More
pratinidhipratidāne. asmādeva nirdeśālliṅgādābhyāṃ yoge pañcamī.
`jñāpakāsiddhaṃ na sarvatra' iti `kṛṣṇasya pratinidhi'rityapi siddhamityāhuḥ.
mukhyasyā'bhāve sati tatsadṛśa upādīyate sa pratinidhiḥ. deyasya pratiniryātanaṃ
pratidānam. #eakartari. hetubhūtamiti. `hetau'ityanuvartate ithi bhāvaḥ.
Tattvabodhinī2:
pratinidhipratidāne ca yasmāt 530, 2.3.11 pratinidhipratidāne. asmādeva nirdeśāl
See More
pratinidhipratidāne ca yasmāt 530, 2.3.11 pratinidhipratidāne. asmādeva nirdeśālliṅgādābhyāṃ yoge pañcamī. "jñāpakāsiddhaṃ na sarvatra" iti "kṛṣṇasya pratinidhi"rityapi siddhamityāhuḥ. mukhyasyā'bhāve sati tatsadṛśa upādīyate sa pratinidhiḥ. deyasya pratiniryātanaṃ pratidānam. #eakartari. hetubhūtamiti. "hetau"ityanuvartate ithi bhāvaḥ.
1.Source: Arsha Vidya Gurukulam
2.Source: Sanskrit Documents