1/64:anyatarasyāṅgrahaṇam kimartham |
2/64:anyatarasyām samāsaḥ yathā syāt |
3/64:samāsena mukte vākyam api yathā syāt |
4/64:dvitīyam bhikṣāyāḥ iti |
5/64:na etat asti prayojanam |
6/64:prakṛtā mahāvibhāṣā |
7/64:tayā vākyam api bhaviṣyati |
8/64:idam tarhi prayojanam |
9/64:ekadeśisamāsena mukte ṣaṣṭhīsamāsaḥ api yathā syāt |
10/64:bhikṣādvitīyam iti |
11/64:etat api na asti prayojanam |
12/64:ayam api vibhāṣā ṣaṣṭhīsamāsaḥ api |
13/64:tau ubhau vacanāt bhaviṣyataḥ |
14/64:ataḥ uttaram paṭhati |
15/64:dvitīyādīnām vibhāṣāprakaraṇe vibhāṣāvacanam jñāpakam avayavavidhāne sāmānyavidhānābhāvasya |*
16/64:dvitīyādīnām vibhāṣāprakaraṇe vibhāṣāvacanam kriyate jñāpārtham |
17/64:kim jñāpyate |
18/64:etat jñāpayati ācāryaḥ |
19/64:avayavavidhau sāmānyavidhiḥ na bhavati iti |
20/64:kim etasya jñāpane prayojanam |
21/64:bhinatti chinatti |
22/64:śnami kṛte śap na bhavati |
23/64:na etat asti prayojanam |
24/64:śabādeśāḥ śyanādayaḥ kariṣyante |
25/64:tat tarhi śapaḥ grahaṇam kartavyam |
26/64:na kartavyam |prakṛtam anuvartate |
27/64:kva prakṛtam |
28/64:kartari śap iti |
29/64:tat vai prathamānirdiṣṭam ṣaṣṭhīnirdiṣṭena ca iha arthaḥ |
30/64:rudhādibhyaḥ iti eṣā pañcamī śap iti prathamāyāḥ ṣaṣthīm prakalpayiṣyati tasmāt iti uttarasya iti |
31/64:pratyayavidhiḥ ayam na ca pratyayavidhau pañcamyaḥ prakalpikāḥ bhavanti |
32/64:na ayam pratyayavidhiḥ |
33/64:vihitaḥ pratyayaḥ prakṛtaḥ ca anuvartate |
34/64:evam tarhi jñāpayati ācāryaḥ yatra utsargāpavādam vibhāṣā tatra apavādena mukte utsargaḥ na bhavati iti |
35/64:kim etasya jñāpane prayojanam |
36/64:dikpūrvapadāt ṅīp |
37/64:prāṅmukhī prāṅmukhā pratyaṅmukhī pratyaṅmukhā |
38/64:ṅīpa mukte ṅīṣ na bhavati |
39/64:na etat asti prayojanam |
40/64:vakṣyati etat |
41/64:dikpūrvapadāt ṅīṣaḥ anudāttatvam ṅībvidhāne hi anyatra api ṅīṣviṣayāt ṅīpprasaṅgaḥ iti |
42/64:idam tarhi prayojanam |
43/64:ardhapippalī ardhakośātakī |
44/64:ekadeśisamāsena mukte ṣaṣṭhīsamāsaḥ na bhavati |
45/64:unmattagaṅgam lohitagaṅgam |
46/64:avyayībhāvena mukte bahuvrīhiḥ na bhavati |
47/64:dākṣiḥ plākṣiḥ |
48/64:iñā mukte aṇ na bhavati |
49/64:yadi etat jñāpyate upagoḥ apatyam aupagavaḥ |
50/64:taddhitena mukte upagvapatyam iti na sidhyati |
51/64:asti atra viśeṣaḥ |
52/64:dve hi atra vibhāṣā |
53/64:daivayajñiśaucivṛkṣisātyamugrikāṇṭheviddhibhyaḥ anyatarasyām iti samarthānām prathamāt vā iti ca |
54/64:tatra ekaya vṛttiḥ bhaviṣyati aparaya vṛttiviṣaye vibhāṣapavādaḥ |
55/64:kriyamāṇe api vai anyatarasyāṅgrahaṇe ṣaṣṭhīsamāsaḥ na prāpnoti |
56/64:kim kāraṇam |
57/64:pūraṇena iti pratiṣedhāt |
58/64:na etat pūraṇāntam |
59/64:anā etat paryavapannam |
60/64:etat api pūraṇāntam eva |
61/64:katha| pūraṇam nāma arthaḥ tam āha tīyaśabdaḥ |
62/64:ataḥ pūraṇam |
63/64:yaḥ asau pūraṇāntāt svārthe bhāge an saḥ api pūraṇam eva |
64/64:evam tarhi anyatarasyāṅgrahaṇasāmarthyāt ṣaṣṭhīsamāsaḥ api bhaviṣyati |

ekadeśinā ekādhikarane iti vartate. ṣasṭhīsamāsāpavādo 'yaṃ yogaḥ. anyatarasyāṃ grahaṇāt so 'pi ṣaṣṭhīsamāso bhavati. pūraṇaguṇa 2-2-11 iti pratiṣedhaśca ata eva anyatarasyāṃ grahaṇasāmarthyān na pravartate. dvitīyaṃ bhikṣāyāḥ caturthabhikṣā, bhikṣācaturthaṃ vā. turyaṃ bhikṣāyāḥ turyabhikṣā, bhikṣāturyaṃ vā. turīyaśabdasya apīṣyate. turīyaṃ bhikṣāyāḥ turīyabhikṣā, bhikṣāturīyaṃ vā. ekadeśinā ityeva, dvitīyaṃ bhikṣāyā bhikṣukasya. ekādhikaraṇe ityeva, dvitīyāṃ bhikṣāṇām.

dvitiyatṛtīyacaturthaturyāṇyanytarasyām 2.2.3 ekadeśinā ekādhikarane iti vartate. ṣasṭhīsamāsāpavādo 'yaṃ yogaḥ. anyatarasyāṃ grahaṇāt so 'pi ṣaṣṭhīsamāso bhavati. pūraṇaguṇa 2.2.11 iti pratiṣedhaśca ata eva anyatarasyāṃ grahaṇasāmarthyān na pravartate. dvitīyaṃ bhikṣāyāḥ caturthabhikṣā, bhikṣācaturthaṃ vā. turyaṃ bhikṣāyāḥ turyabhikṣā, bhikṣāturyaṃ vā. turīyaśabdasya apīṣyate. turīyaṃ bhikṣāyāḥ turīyabhikṣā, bhikṣāturīyaṃ vā. ekadeśinā ityeva, dvitīyaṃ bhikṣāyā bhikṣukasya. ekādhikaraṇe ityeva, dvitīyāṃ bhikṣāṇām.

dvitīyatṛtīyacaturthaturyāṇyantarasyām. , 2.2.3 "anyatarasyāṃ grahaṇāt so'pi ṣaṣṭhīsamāso bhavati" iti. nanu ca pūraṇapratyayāntā ete dvitīyādayaḥ śabdāḥ. tatra pūraṇetyādinā samāsaniṣedhena bhavitavyam, tatkathaṃ so'pi bhavatītyāha-- "pūraṇa" ityādi. yadyatra ṣaṣṭhīsamāsya pratiṣedhaḥ syāt tadā'nyatarasyāṃ grahaṇamanarthakaṃ syāt. vākyasya tu mahāvibhāṣayaiva siddhatvāditi bhāvaḥ. "dvitīyaṃ bhikṣāyāḥ" iti. bhikṣāyā dvitīyo bhāga ityarthaḥ. "dvitīyaṃ bhikṣāyā bhikṣakasya" iti. bhikṣukeṇa sahātra samāso na bhavati. na hrasāvekadeśī, kiṃ tarhi? svāmī. turyaśabdaḥ "caturaśchayatāvādyakṣaralopaśca" (vā.571) iti yatpratyayāntaḥ pūraṇārthasya pratipādakaḥ॥

dvitīyatṛtīya. dvitīyaṃ bhikṣāyā iti. vigraho'yam. bhikṣāyā dvitīyamardhamityarthaḥ. dvitīyabhikṣeti. dvitīyaśabdasya prathamānirdiṣṭatvātpūrvanipātaḥ. `paravalliṅga'miti strītvam. dvitīyaṃ bhikṣāyā bhikṣukasyeti. bhikṣāyā dvitīyaṃ bhāgaṃ bhikṣukasyetyanvayaḥ. `bhikṣāyā' ityavayavaṣaṣṭhī `dvitīya' mityatrānveti. `dvitīya'mityetattu `bhikṣukasye'tyatra karmatvenānveti. ` na loke'ti niṣedhānna ṣaṣṭhī. atra `dvitīya'mityasya `bhikṣukasye'tyanena samāso na bhavati, dvitīyaṃ prati bhikṣukasya ekadeśitvā'bhāvādityarthaḥ. nanu vibhāṣādhikāreṇa vikalpe siddhe'nyatarasyāṅgrahaṇaṃ vyarthamityata āha–anyatarasyāmiti. anyatarasyāṅragrahaṇasāmathryātpakṣe ṣaṣṭhīsamāsa ityanvayaḥ. anyathā ṣaṣṭha\ufffdpavādabhūtenānena samāsena mukte utsargo na pravarteta. mahāvibhāṣādhikāre `apavādena mukte utsargo na pravartate, iti `pāremadhye ṣaṣṭha\ufffdā ve'ti vāgrahaṇena jñāpitatvāditi bhāvaḥ. nanu `pūraṇaguṇe'ti niṣedhātkathamiha ṣaṣṭhīsamāsa ityata āha–pūraṇaguṇeti niṣedhaṃ bādhitveti. anyathā anyatarasyāṅgrahaṇavaiyathryāditi bhāvaḥ. [ityekadeśisamāsanirūpaṇam].

dvitīyatṛtīyacaturthaturyāṇyanyatarasyām 705, 2.2.3 dvitīyatṛtīya. dvitīyaṃ bhikṣāyā iti. vigraho'yam. bhikṣāyā dvitīyamardhamityarthaḥ. dvitīyabhikṣeti. dvitīyaśabdasya prathamānirdiṣṭatvātpūrvanipātaḥ. "paravalliṅga"miti strītvam. dvitīyaṃ bhikṣāyā bhikṣukasyeti. bhikṣāyā dvitīyaṃ bhāgaṃ bhikṣukasyetyanvayaḥ. "bhikṣāyā" ityavayavaṣaṣṭhī "dvitīya" mityatrānveti. "dvitīya"mityetattu "bhikṣukasye"tyatra karmatvenānveti. " na loke"ti niṣedhānna ṣaṣṭhī. atra "dvitīya"mityasya "bhikṣukasye"tyanena samāso na bhavati, dvitīyaṃ prati bhikṣukasya ekadeśitvā'bhāvādityarthaḥ. nanu vibhāṣādhikāreṇa vikalpe siddhe'nyatarasyāṅgrahaṇaṃ vyarthamityata āha--anyatarasyāmiti. anyatarasyāṅragrahaṇasāmathryātpakṣe ṣaṣṭhīsamāsa ityanvayaḥ. anyathā ṣaṣṭha()pavādabhūtenānena samāsena mukte utsargo na pravarteta. mahāvibhāṣādhikāre "apavādena mukte utsargo na pravartate, iti "pāremadhye ṣaṣṭha()ā ve"ti vāgrahaṇena jñāpitatvāditi bhāvaḥ. nanu "pūraṇaguṇe"ti niṣedhātkathamiha ṣaṣṭhīsamāsa ityata āha--pūraṇaguṇeti niṣedhaṃ bādhitveti. anyathā anyatarasyāṅgrahaṇavaiyathryāditi bhāvaḥ. [ityekadeśisamāsanirūpaṇam].

dvitīyatṛtīyā. ṣaṣṭhīsamāsā pavādo'yaṃ yoga iti vṛttikṛtoktamayuktamati dhvanayannāha–niṣedhaṃ bādhitveti.

dvitīyatṛtīyacaturthaturyāṇyanyatarasyām 627, 2.2.3 dvitīyatṛtīyā. ṣaṣṭhīsamāsā pavādo'yaṃ yoga iti vṛttikṛtoktamayuktamati dhvanayannāha--niṣedhaṃ bādhitveti.