1/20:tṛtīyāsaptamyanteṣu ca kriyābhidhānāt |*
2/20:tṛtīyāsaptamyanteṣu ca kriyābhidhānāt aśiṣyaḥ bahuvrīhiḥ |
3/20:kim kāraṇam |
4/20:kriyābhidhānāt |
5/20:kriyā abhidhīyate |
6/20:tatra anyapadārthe iti eva siddham |
7/20:na vā ekaśeṣapratiṣedhārtham |*
8/20:na vā aśiṣyaḥ |
9/20:kim kāraṇam |
10/20:ekaśeṣapratiṣedhārtham idam vaktavyam |
11/20:pūrvadīrghārtham ca |*
12/20:pūrvadīrghārtham ca idam vaktavyam |
13/20:keśākeśi |
14/20:syāt etat prayojanam yadi niyogataḥ asya anena eva dīrghatvam syāt |
15/20:atha idānīm anyeṣām api dṛśyate iti dīrghatvam na prayojanam bhavati |
16/20:matvarthe vā pūrvasya vidhānāt |*
17/20:atha va matvarthe pūrvaḥ yogaḥ |
18/20:amatvarthaḥ ayam ārambhaḥ |
19/20:kababhāvārtham vā |*
20/20:atha va kap mā bhūt iti |

tatra iti saptamyantaṃ gṛhyate. tena iti tṛtīyāntam. sarūpagrahanaṃ pratyekam abhisambadhyate. tatra iti saptamyante sarūpe pade teneti ca tṛtīyānte idam ityetasminnarthe saṃsyete, bahuvrīhiśca samāso bhavati. itikaranaśca iha vivakṣārtho laukikam artham anusārayati. tato grahaṇaṃ, praharanaṃ karmavyatīhāro, yuddhaṃ ca samāsārthaḥ iti sarvam itikaranāllabhyate. yat tatra iti nirdiṣṭaṃ grahaṇam cet tad bhavati, yat tena iti nirdiṣṭaṃ praharanaṃ cet tad bhavati, yatidam iti nirdiṣṭaṃ yuddhaṃ cet tad bhavati. keśeṣu keśeṣu ca gṛhītvā idaṃ yuddhaṃ pravṛttaṃ keśākeśi. kacākaci. daṇḍaiśca daṇḍaiśca pragṛtya idaṃ yuddhaṃ pravṛttaṃ daṇḍādaṇḍi. musalāmusali. ic karmavyatīhāre 5-4-127 iti ic samāsāntaḥ, sa ca avyayam. anyeṣām api dṛśyate 6-3-137 iti pūrvapadasya dīrghatvam. sarūpagrahaṇaṃ kim? halaiśca musalaiśca prahṛtya idaṃ yuddhaṃ pravṛttam.

tatra tena idam iti sarūpe 2.2.27 tatra iti saptamyantaṃ gṛhyate. tena iti tṛtīyāntam. sarūpagrahanaṃ pratyekam abhisambadhyate. tatra iti saptamyante sarūpe pade teneti ca tṛtīyānte idam ityetasminnarthe saṃsyete, bahuvrīhiśca samāso bhavati. itikaranaśca iha vivakṣārtho laukikam artham anusārayati. tato grahaṇaṃ, praharanaṃ karmavyatīhāro, yuddhaṃ ca samāsārthaḥ iti sarvam itikaranāllabhyate. yat tatra iti nirdiṣṭaṃ grahaṇam cet tad bhavati, yat tena iti nirdiṣṭaṃ praharanaṃ cet tad bhavati, yatidam iti nirdiṣṭaṃ yuddhaṃ cet tad bhavati. keśeṣu keśeṣu ca gṛhītvā idaṃ yuddhaṃ pravṛttaṃ keśākeśi. kacākaci. daṇḍaiśca daṇḍaiśca pragṛtya idaṃ yuddhaṃ pravṛttaṃ daṇḍādaṇḍi. musalāmusali. ic karmavyatīhāre 5.4.127 iti ic samāsāntaḥ, sa ca avyayam. anyeṣām api dṛśyate 6.3.136 iti pūrvapadasya dīrghatvam. sarūpagrahaṇaṃ kim? halaiśca musalaiśca prahṛtya idaṃ yuddhaṃ pravṛttam.

tatra tenedamiti sarūpe , 2.2.27 "itikaraṇaḥ" ityādi. samāsādabhimate'rthe itikaraṇo yamarthaṃ pratipādayati taṃ darśayitumāha-- "laukikamarthamanusārayati" iti. anugamayati prabodhayatīti yāvat. sa punarlaukiko'rtho grahaṇādiriti darśayannāha "tataḥ" ityādi. yasmāditikaraṇo laukikamarthamanusārayati tato hetorgarhaṇādiriti sarvaṃ labhyate. "yattatretyādinā" karmavyatīhāra iti parasparagrahaṇam, parasparagrahaṇañcetikaraṇādeva labhyata iti veditavyam. svarūpavidhiratretikaraṇādeva na bhavatīti veditavyam. daṇḍaiśceti karaṇe tṛtīyā. "sa cāvyayam" iti. tiṣṭhadguprabhṛtiṣu pāṭhādavyayībhāvaḥ; "avyayībhāvaśca" 1.1.40 ityavyayasaṃjñāvidhānāt. "sarūpam" iti. samānasya "jyotiravacanasya" 6.3.84 ityādinā sabhāvaḥ॥

tatra tena. samāsa iti, bahuvrīhiriti cādhikṛtam. `tatre'tyanena saptamyante pade vivakṣite. `grahaṇaviṣaye' iti prathamādvivacanāntaṃ tadviśeṣaṇamadhyāhāryam. `tene'tyanena tu tṛtīyānte pade vivakṣite. `praharaṇaviṣaye'iti, prathamādvivacanāntaṃ tadviśeṣaṇamadhtāhāryam. `sarūpe' iti prathamādvivacanāntaṃ padaviśeṣaṇam. `grahaṇaviṣaye' iti `praharaṇaviṣaye' iti tu saptamyantayostṛtīyāntayośca yathāsaṅkhyamanveti. `ida'mityarthanirdeśaḥ. `yuddhaṃ pravṛtta'miti tadviśeṣyamadhyāhāryam. karmavyatihāre dyotye'ityapayadhyāhāryam. tadāha–saptamyante iti. prathamādvivacanamidam. grahaṇaviṣaye iti. gṛhrate asminniti grahaṇaṃ=keśādi. adhikaraṇe lyuṭ, tat viṣayaḥ=vācyaṃ yayoste grahaṇaviṣaye. grahaṇavācake iti yāvat. praharaṇaviṣaye iti. prahyiyate aneneti praharaṇaṃ =daṇḍādi. tat-viṣayaḥ=vācyaṃ yayoste praharaṇaviṣaye. praharaṇavācake iti yāvat. atrāpi `sarūpe'pade inyanveti. idaṃ yuddhaṃ pravṛttamityarthe iti. `ida'miti sāmānyārthanirdeśaḥ. `yuddha'miti viśeṣanirdeśaḥ. ataḥ keśākeśi yuddhimiti na punaruktiḥ. parasparagrahaṇaṃ parasparapraharaṇaṃ ca karmavyatihāraḥ. nanu `grahaṇaviṣaye' `praharaṇaviṣaye'ityadhyāhāre kiṃ pramāṇamityata āha– itiśabdāditi. itiśabdo laukikaprasiddhaprakāravacanaḥ. `keśākeśī'tyādilaukikaprayoge yāvānarthaḥ prasiddhastāvatyarthe'yaṃ bahuvrīhirbhavatītyarthaḥ.

tatra tenedamiti sarūpe 836, 2.2.27 tatra tena. samāsa iti, bahuvrīhiriti cādhikṛtam. "tatre"tyanena saptamyante pade vivakṣite. "grahaṇaviṣaye" iti prathamādvivacanāntaṃ tadviśeṣaṇamadhyāhāryam. "tene"tyanena tu tṛtīyānte pade vivakṣite. "praharaṇaviṣaye"iti, prathamādvivacanāntaṃ tadviśeṣaṇamadhtāhāryam. "sarūpe" iti prathamādvivacanāntaṃ padaviśeṣaṇam. "grahaṇaviṣaye" iti "praharaṇaviṣaye" iti tu saptamyantayostṛtīyāntayośca yathāsaṅkhyamanveti. "ida"mityarthanirdeśaḥ. "yuddhaṃ pravṛtta"miti tadviśeṣyamadhyāhāryam. karmavyatihāre dyotye"ityapayadhyāhāryam. tadāha--saptamyante iti. prathamādvivacanamidam. grahaṇaviṣaye iti. gṛhrate asminniti grahaṇaṃ=keśādi. adhikaraṇe lyuṭ, tat viṣayaḥ=vācyaṃ yayoste grahaṇaviṣaye. grahaṇavācake iti yāvat. praharaṇaviṣaye iti. prahyiyate aneneti praharaṇaṃ =daṇḍādi. tat-viṣayaḥ=vācyaṃ yayoste praharaṇaviṣaye. praharaṇavācake iti yāvat. atrāpi "sarūpe"pade inyanveti. idaṃ yuddhaṃ pravṛttamityarthe iti. "ida"miti sāmānyārthanirdeśaḥ. "yuddha"miti viśeṣanirdeśaḥ. ataḥ keśākeśi yuddhimiti na punaruktiḥ. parasparagrahaṇaṃ parasparapraharaṇaṃ ca karmavyatihāraḥ. nanu "grahaṇaviṣaye" "praharaṇaviṣaye"ityadhyāhāre kiṃ pramāṇamityata āha--itiśabdāditi. itiśabdo laukikaprasiddhaprakāravacanaḥ. "keśākeśī"tyādilaukikaprayoge yāvānarthaḥ prasiddhastāvatyarthe'yaṃ bahuvrīhirbhavatītyarthaḥ.

tatra tenedaṃ. grahaṇa viṣaya iti. gṛhrate aneneti grahaṇaṃ=keśādi. tadviṣayo=vācyo yayoste sarūpe. prāhyiyate aneneti praharaṇaṃ=daṇḍādi, tadviṣayo=vācyo yayoriti prāgvat. karmavyatihāraḥ=parasparagrahaṇaṃ, parasparapraharaṇaṃ ca. nanu `grahaṇaviṣaye saptamyante samasyete, praharaṇaviṣaye tṛtīyānte ce'tyādiviṣayaviśeṣaḥ sūtrākṣaraiḥ kathaṃ labhyata ityata āha—iti śabdāditi. sa hi laukikīṃ vivakṣāṃ darśayati. loke keśākeśītyādiprayoge yāvānarthaḥ pratīyate tāvatyarthe bahuvrīhirbhavatītyarthaḥ.

tatra tenedamiti sarūpe 732, 2.2.27 tatra tenedaṃ. grahaṇa viṣaya iti. gṛhrate aneneti grahaṇaṃ=keśādi. tadviṣayo=vācyo yayoste sarūpe. prāhyiyate aneneti praharaṇaṃ=daṇḍādi, tadviṣayo=vācyo yayoriti prāgvat. karmavyatihāraḥ=parasparagrahaṇaṃ, parasparapraharaṇaṃ ca. nanu "grahaṇaviṣaye saptamyante samasyete, praharaṇaviṣaye tṛtīyānte ce"tyādiviṣayaviśeṣaḥ sūtrākṣaraiḥ kathaṃ labhyata ityata āha---iti śabdāditi. sa hi laukikīṃ vivakṣāṃ darśayati. loke keśākeśītyādiprayoge yāvānarthaḥ pratīyate tāvatyarthe bahuvrīhirbhavatītyarthaḥ.