1/3:sup iti vartamāne punaḥ subgrahaṇam kimartham |
2/3:avyayam iti evam tat abhūt submātre yathā syāt |
3/3:māṣaprati sūpaprati odanaprati |

mātrā binduḥ, stokam, alpam iti paryāyāḥ. mātrā'rthe vartamānena pratinā saha subantaṃ samasyate, avyayībhāvaśca samāso bhavati. astyatra kiñcit śākam śākaprati. sūpaprati. mātrā'rthe iti kim? vṛkṣaṃ prati vidhotate vidyut. supiti vartamāne punaḥ subgrahaṇam avyayanivṛttyartham.

sup praitnā mātrā'rthe 2.1.9 mātrā binduḥ, stokam, alpam iti paryāyāḥ. mātrā'rthe vartamānena pratinā saha subantaṃ samasyate, avyayībhāvaśca samāso bhavati. astyatra kiñcit śākam śākaprati. sūpaprati. mātrā'rthe iti kim? vṛkṣaṃ prati vidhotate vidyut. supiti vartamāne punaḥ subgrahaṇam avyayanivṛttyartham.

suppratinā mātrārthe. , 2.1.9 "vṛkṣaṃ prati" ityatra lakṣaṇe pratiśabdo vatrtate, na mātrārthe. nanu paraṃ subgrahaṇaṃ kamarthaṃm? yāvatā "subāmantrite" 2.1.2 ityataḥ subgrahaṇamatuvartiṣyata ityata āha-- "subgrahaṇam" ityādi. subgrahaṇaṃ pūrvaṃ hravyayena sambaddham; atastadanuvṛttau tasyāpyanuvṛttiḥ syāt. tasmādavyayanivṛttyarthamidamanyata subgrahaṇaṃ kriyate॥

suppratinā mātrārthe. subiti chedaḥ. mātrā-leśaḥ. tasminnarthe vidyamānena pratinā subantaṃ samasyata ityarthaḥ. subityanuvartamāne punaḥ subgrahaṇaṃ saṃnihitasyā'vyayamityasyānanuvṛttyarthaṃ, taddhvanayannudāharati-śākasya leśa iti. atra `pratī'tyavyayaṃ mātrārthakam. atastena śākasyeti subantasya samāsaḥ. samāsavidhau subantasya prathamānirdiṣṭatvena upasarjanatvātpūrvanipātaḥ, na tu prateḥ, tasya samāsavidhau tṛtīyānirdiṣṭatvāt. vṛkṣaṃ pratīti. atra pratermātrārthakatvā'bhāvānna tena samāsaḥ. na ca `lakṣaṇettha'miti karmapravacanīyatvavidhānasāmathryādevā'tra samāso na bhaviṣyati, sati samāse dvitīyāyāḥ ṣaṣṭha\ufffdā vā luki aviśeṣāt, sakṛtpravṛttatayā samāsāttadvibhaktyanutpatteriti vācyam, `vṛkṣaṃ prati siñcatī'tyādau `upasargātsunotī'ti ṣatvanivṛttyā karmapravacanīyatvasya caritārthatvādityanyatra vistaraḥ.

suppratinā mātrārthe 655, 2.1.9 suppratinā mātrārthe. subiti chedaḥ. mātrā-leśaḥ. tasminnarthe vidyamānena pratinā subantaṃ samasyata ityarthaḥ. subityanuvartamāne punaḥ subgrahaṇaṃ saṃnihitasyā'vyayamityasyānanuvṛttyarthaṃ, taddhvanayannudāharati-śākasya leśa iti. atra "pratī"tyavyayaṃ mātrārthakam. atastena śākasyeti subantasya samāsaḥ. samāsavidhau subantasya prathamānirdiṣṭatvena upasarjanatvātpūrvanipātaḥ, na tu prateḥ, tasya samāsavidhau tṛtīyānirdiṣṭatvāt. vṛkṣaṃ pratīti. atra pratermātrārthakatvā'bhāvānna tena samāsaḥ. na ca "lakṣaṇettha"miti karmapravacanīyatvavidhānasāmathryādevā'tra samāso na bhaviṣyati, sati samāse dvitīyāyāḥ ṣaṣṭha()ā vā luki aviśeṣāt, sakṛtpravṛttatayā samāsāttadvibhaktyanutpatteriti vācyam, "vṛkṣaṃ prati siñcatī"tyādau "upasargātsunotī"ti ṣatvanivṛttyā karmapravacanīyatvasya caritārthatvādityanyatra vistaraḥ.

suppratinā. subityanuvartamāne punaḥ subgrahaṇamavyayanivṛttyarthamiti dhvanayannudāharati–śākapratīti.nanvārambhasāmathryādavyayabhinnameva supsamasyata iti cet. atrāhuḥ–punaḥ subgrahaṇā'bhāve doṣāmanyamahardivāmanyā rātririti vṛttiviṣaye sattvapradhānatādarśanāttādṛśāvyayānyeva mātrārthe pratinā samasyeran, tathā ca divasasya leśo divāprati doṣāpratītyādīnāharaṇatvaṃ saṃbhāvyeteti. vṛkṣaṃ pratīti. nanu lakṣaṇādau prateḥ karmapravacanīyasaṃjñāvidhānasāmathryāddhvitīyāgarbhaṃ vākyameva syāt, na tu samāsaḥ, tasya leśārthe sāvakāśatvāditi cet. maivam. `vṛkṣaṃ prati siñcantī'tyādau ṣatvanivārakatvena karmapravacanīyasaṃjñāvidhānasya carutārthatvānmātrārthagrahaṇā'bhāve lakṣaṇādābapyanena samāsaprasaṅgāt. vīpsāyāmavyayībhāve tu pratyādeḥ pūrvanipātatve `pratyarthaṃ siñcantī'tyādau ṣatvā'prasaktyā karmapravacanīyavidhānasyā'caritārthatayā tatsāmathryāddvitīyāgarbhaṃ vākyamapītyuktaṃ mūlakṛtā `avyayaṃ vibhaktī'ti sūtre. atra navyāḥ–pratyarthamityavyayībhāve vīpsāyāṃ dyotakatvena vidyamānamavyayaṃ samasyate. vīpsādyotakasya yadi karma pravacanīyasaṃjñāvidhiḥ svīkriyate, tadāpi pratistavanaṃ pratisthānamityādau ṣatvanivāraṇāya pratītyasya karmapravacanīyasaṃjñā caritārthaiva. vastutastu vīpsāyāṃ viṣayabhūtāyāṃ pratyādeḥ karmapravacanīyasaṃjñā, na tu vīpsādyotakasyaiva. anyathā `vṛkṣaṃ vṛkṣaṃ prati siñcatī'tyatra dvirvacanenaiva vīpsā dyotyate. pratiśabdastu kriyāyā saṃbadhyate. karmaṇi dvitīyā. karmapravacanīyasaṃjñayā upasargasaṃjñāyā bādhāt ṣatvaṃ ne'tyādimanoramāgranthasya `lakṣaṇetthaṃbhūte'ti sūtrasthasya dattajalāñjaliḥ syāt, tataśca saṃjñāvidhānasāmathryāsyopakṣīṇatvāt, arthamarthaṃ pratītyādibhāṣyaprayogādeva dvitīyāgarbhaṃ vākyamapi bhavatītyevaṃ vyākhyeyamityāhuḥ. parājayaṃ dyotayitumāha— viparītaṃ vṛttamiti. pūrvaṃ jaye yathā vṛttaṃ tathā na vṛttamityarthaḥ. ekaparīti. ekaṃna viparītaṃ vṛttamityarthaḥ. evaṃ dviparītyādi. `vibhāṣā'paparibahi'riti yogaṃ vibhajya vyācaṣṭe.

suppratinā mātrārthe 580, 2.1.9 suppratinā. subityanuvartamāne punaḥ subgrahaṇamavyayanivṛttyarthamiti dhvanayannudāharati--śākapratīti.nanvārambhasāmathryādavyayabhinnameva supsamasyata iti cet. atrāhuḥ--punaḥ subgrahaṇā'bhāve doṣāmanyamahardivāmanyā rātririti vṛttiviṣaye sattvapradhānatādarśanāttādṛśāvyayānyeva mātrārthe pratinā samasyeran, tathā ca divasasya leśo divāprati doṣāpratītyādīnāharaṇatvaṃ saṃbhāvyeteti. vṛkṣaṃ pratīti. nanu lakṣaṇādau prateḥ karmapravacanīyasaṃjñāvidhānasāmathryāddhvitīyāgarbhaṃ vākyameva syāt, na tu samāsaḥ, tasya leśārthe sāvakāśatvāditi cet. maivam. "vṛkṣaṃ prati siñcantī"tyādau ṣatvanivārakatvena karmapravacanīyasaṃjñāvidhānasya carutārthatvānmātrārthagrahaṇā'bhāve lakṣaṇādābapyanena samāsaprasaṅgāt. vīpsāyāmavyayībhāve tu pratyādeḥ pūrvanipātatve "pratyarthaṃ siñcantī"tyādau ṣatvā'prasaktyā karmapravacanīyavidhānasyā'caritārthatayā tatsāmathryāddvitīyāgarbhaṃ vākyamapītyuktaṃ mūlakṛtā "avyayaṃ vibhaktī"ti sūtre. atra navyāḥ--pratyarthamityavyayībhāve vīpsāyāṃ dyotakatvena vidyamānamavyayaṃ samasyate. vīpsādyotakasya yadi karma pravacanīyasaṃjñāvidhiḥ svīkriyate, tadāpi pratistavanaṃ pratisthānamityādau ṣatvanivāraṇāya pratītyasya karmapravacanīyasaṃjñā caritārthaiva. vastutastu vīpsāyāṃ viṣayabhūtāyāṃ pratyādeḥ karmapravacanīyasaṃjñā, na tu vīpsādyotakasyaiva. anyathā "vṛkṣaṃ vṛkṣaṃ prati siñcatī"tyatra dvirvacanenaiva vīpsā dyotyate. pratiśabdastu kriyāyā saṃbadhyate. karmaṇi dvitīyā. karmapravacanīyasaṃjñayā upasargasaṃjñāyā bādhāt ṣatvaṃ ne"tyādimanoramāgranthasya "lakṣaṇetthaṃbhūte"ti sūtrasthasya dattajalāñjaliḥ syāt, tataśca saṃjñāvidhānasāmathryāsyopakṣīṇatvāt, arthamarthaṃ pratītyādibhāṣyaprayogādeva dvitīyāgarbhaṃ vākyamapi bhavatītyevaṃ vyākhyeyamityāhuḥ. parājayaṃ dyotayitumāha---viparītaṃ vṛttamiti. pūrvaṃ jaye yathā vṛttaṃ tathā na vṛttamityarthaḥ. ekaparīti. ekaṃna viparītaṃ vṛttamityarthaḥ. evaṃ dviparītyādi. "vibhāṣā'paparibahi"riti yogaṃ vibhajya vyācaṣṭe.