1/13:asādṛśye iti kimartham |
2/13:yathā devadattaḥ tathā yajñadattaḥ iti |
3/13:asādṛśye iti ucyate |
4/13:tatra idam na sidhyati : yathāśakti yathābalam iti |
5/13:kim kāraṇam |
6/13:yathā iti ayam prakāravacane thāl saḥ ca sādṛśye vartate |
7/13:na eṣaḥ doṣaḥ |
8/13:ayam yathāśabdaḥ asti eva avyutpannam prātipadikam vīpsāvācī |
9/13:asti prakāravacane thāl |
10/13:tat yat avyutpannam prātipadikam vīpsāvāci tasya idam grahaṇam |
11/13:atha yaḥ prakāravacane thāl tasya grahaṇam kasmāt na bhavati |
12/13:pūrveṇa prāpnoti sādṛśyasampatti iti |
13/13:pratiṣedhavacanasāmarthyāt na bhaviṣyati |

yathā ityetadavyayam asādṛśye vartamānaṃ supā saha samasyate, avyayībhāvaśca samāso bhavati. yathāvṛddhaṃ brāhmaṇānāmantrayasva. ye ye vṛddhāḥ yathāvṛddham. yathādhyāpakam. asādṛśye iti kim? yathā devadattaḥ tathā yajñadattaḥ. yathārthe yadavyayam iti pūrveṇa eva siddhe samāse vacanam idaṃ sādṛśyapratiṣedhārtham.

yathā 'sādṛśye 2.1.7 yathā ityetadavyayam asādṛśye vartamānaṃ supā saha samasyate, avyayībhāvaśca samāso bhavati. yathāvṛddhaṃ brāhmaṇānāmantrayasva. ye ye vṛddhāḥ yathāvṛddham. yathādhyāpakam. asādṛśye iti kim? yathā devadattaḥ tathā yajñadattaḥ. yathārthe yadavyayam iti pūrveṇa eva siddhe samāse vacanam idaṃ sādṛśyapratiṣedhārtham.

yathā'sādṛśye. , 2.1.7 "ye ya vṛddhāḥ" ityanena "yathāvṛddham" ityatra yathāśabdo vīpsāyāṃ vatrtata ityācaṣṭe. "yathā devadattastathā yajñadattaḥ" iti. devadattasadṛśo yajñadatta ityarthaḥ. nanu ca yathāśabdo'yamupamānaṃ "yajñadatta" ityupameyamapekṣate. tatra "sāpekṣamasamarthaṃ bhavati" ityasāmathryādeva samāso na bhaviṣyati, tatkimarthamasādṛśya iti pratiṣedhena? naitadasti; na hratra yathāśabda upamānam, kiṃ tarhi? "yathā devadattaḥ" ityeṣa samudāyaḥ. tasmāt tasyaivopameyāpekṣayā'sāmathryam, na tu yathāśabdasya॥

yathā'sādṛsye. `asādṛśye' iti chedaḥ. vyākhyānāt. asādṛśye yogyatāvīpsāpadārthānativṛttirūpe vartamānaṃ yathetyavyayaṃ samasyate ityarthasya yathārthatvādeva siddhe niyamārthamidamityāha-asādṛśye eveti. nanu `prakāravacane thā'liti vihitatatālpratyayāntasya kathaṃ sādṛśye vṛttirityata āha–hareriti. sāmānyasya bhedako yo viśeṣaḥ sa prakāraḥ, tasminprakāre thāliti `prakāravacane thāl' ityāsyārthaḥ. tataśca yadviśeṣadharmavānharistadviśeṣadharmavānhara iti bodhe sati yattacchabdābhyāṃ tayoḥ prakārayorabhedāvagamādupamānatvapratītiriti bhāvaḥ. teneti `prāpta'mityatrānvayaḥ. sādṛśyārthakatvenetyarthaḥ. sādṛśya iti veti. `avyayaṃ vibhaktī'ti sūtragatena sādṛśye vartamānamavyayaṃ samasyata ityaṃśena vā, yathārthe vidyamānamavyayaṃ samasyata ityaṃśena vā prāptamavyayībhāvasamāsakāryaṃ niṣidhyata iti bhāvaḥ. bhāṣye tu prakāravacane yathāśabdayoge sādṛsyetyanenaiva prāptiruktā, na tu yathārthatvena prāptiruktā. yathāśabdasya sūtragṛhītatvena tadyoge yatārthetyasyā'pravṛtteriti tadāśaya iti śabdenduśekhare vistaraḥ.

yathā'sādṛśye 653, 2.1.7 yathā'sādṛsye. "asādṛśye" iti chedaḥ. vyākhyānāt. asādṛśye yogyatāvīpsāpadārthānativṛttirūpe vartamānaṃ yathetyavyayaṃ samasyate ityarthasya yathārthatvādeva siddhe niyamārthamidamityāha-asādṛśye eveti. nanu "prakāravacane thā"liti vihitatatālpratyayāntasya kathaṃ sādṛśye vṛttirityata āha--hareriti. sāmānyasya bhedako yo viśeṣaḥ sa prakāraḥ, tasminprakāre thāliti "prakāravacane thāl" ityāsyārthaḥ. tataśca yadviśeṣadharmavānharistadviśeṣadharmavānhara iti bodhe sati yattacchabdābhyāṃ tayoḥ prakārayorabhedāvagamādupamānatvapratītiriti bhāvaḥ. teneti "prāpta"mityatrānvayaḥ. sādṛśyārthakatvenetyarthaḥ. sādṛśya iti veti. "avyayaṃ vibhaktī"ti sūtragatena sādṛśye vartamānamavyayaṃ samasyata ityaṃśena vā, yathārthe vidyamānamavyayaṃ samasyata ityaṃśena vā prāptamavyayībhāvasamāsakāryaṃ niṣidhyata iti bhāvaḥ. bhāṣye tu prakāravacane yathāśabdayoge sādṛsyetyanenaiva prāptiruktā, na tu yathārthatvena prāptiruktā. yathāśabdasya sūtragṛhītatvena tadyoge yatārthetyasyā'pravṛtteriti tadāśaya iti śabdenduśekhare vistaraḥ.

yathā'sā. niḥsaṃdehāya `sādṛśye yathe'tyeva vaktavye viparītoccāraṇaṃ nañaḥ praśleṣalābhārthamiti vāyacaṣṭhe asādṛśya iti. yāvanta iti. yatparimāṇameṣāṃ te. `yattadetebhyaḥ—' iti vatup.

yathā'sādṛśye 578, 2.1.7 yathā'sā. niḥsaṃdehāya "sādṛśye yathe"tyeva vaktavye viparītoccāraṇaṃ nañaḥ praśleṣalābhārthamiti vāyacaṣṭhe asādṛśya iti. yāvanta iti. yatparimāṇameṣāṃ te. "yattadetebhyaḥ---" iti vatup.