Kāśikāvṛttī1: 
varṇaviśeṣavāci subantaṃ varṇaviśeṣavācinā subantena samānādhikaraṇena saha sama 
See More
varṇaviśeṣavāci subantaṃ varṇaviśeṣavācinā subantena samānādhikaraṇena saha samasyte,
tatpuruṣaśca samāso bhavati. kṛṣṇasāraṅgaḥ. lohitasāraṅgaḥ. kṛṣṇaśabalaḥ. lohitaśabalaḥ.
avayavadvārena kṛṣṇaśabdaḥ samudāye vartamānaḥ samānādhikaraṇo bhavati.
Kāśikāvṛttī2: kumāraḥ śramaṇā'adibhiḥ 2.1.70 kumāraśabdaḥ śramaṇā'adibhiḥ saha samasyate, tat See More
kumāraḥ śramaṇā'adibhiḥ 2.1.70 kumāraśabdaḥ śramaṇā'adibhiḥ saha samasyate, tatpuruṣaśca samāso bhavati. ye 'tra strīliṅgāḥ paṭhyante, śramaṇā, pravrajitā, kulaṭā ityevam ādayaḥ, taiḥ saha strīliṅgaḥ eva kumāraśabdaḥ samasyate. ye tu puṃliṅgāḥ, adhyāpakaḥ, abhirūpakaḥ, paṇḍitaḥ iti, tairubhayathā, prātipadikagrahaṇe liṅgaviśiṣṭasya api grahaṇam iti. kumārī śramaṇā kumāraśramaṇā. śramanā. pravrajitā. kulaṭā. garbhiṇī. tāpasī. dāsī. bandhakī. adhyāpaka. abhirūpaka. paṇḍita. paṭu. mṛdu. kuśala. capala. nipuṇa.
Nyāsa2: kumāraḥ śramaṇādibhiḥ. , 2.1.69 "taiḥ saha strīliṅga eva kumārīśabdaḥ samas See More
kumāraḥ śramaṇādibhiḥ. , 2.1.69 "taiḥ saha strīliṅga eva kumārīśabdaḥ samasyate" iti. na tu puṃlliṅga ityavadhāraṇena darśayati. na hi puṃlliṅgasya strīliṅgena sāmānādhikaraṇyamupapadyata iti bhāvaḥ. "tairupabhayathā" iti. strīliṅgaḥ, puṃlliṅaśca. kathaṃ punaḥ puṃlliṅgaiḥ samāsa ucyamānaḥ strīliṅgaiḥ syādityata āha-- "prātipadikagrahaṇe" iti. gatārtham॥
Bālamanoramā1: varṇo śeṣapūraṇena sūtraṃ vyācaṣṭe–samānādhikaraṇeneti. varṇavācinā samānādhika Sū #740 See More
varṇo śeṣapūraṇena sūtraṃ vyācaṣṭe–samānādhikaraṇeneti. varṇavācinā samānādhikaraṇena
varṇavācī samasyate sa tatpuruṣa ityarthaḥ. kṛṣṇasāraṅga iti. sāraṅgaḥ-citravarṇavān.
kṛṣṇaśabdaḥ kṛṣṇāvayavake lākṣaṇika iti sāmānādhikaraṇyam. kṛṣṇaścāsau sāraṅgaśceti
vigrahaḥ. viśeṣaṇasamāsena siddhe idaṃ prapañcārthameva. yattu `varṇo varṇeṣvanete' iti
svaravidhau pratipadoktatvādasyaiva grahaṇārthamidam. tena sāraṅgasyāvayavaḥ kṛṣṇaḥ
sāraṅgakṛṣṇa ityatra `varṇo varṇeṣu' iti svaro neti, taccintyaṃ,
karmadhārayasvaraprakaraṇe `varṇo varṇeṣvanete' iti sūtrasya pāṭhenaiva siddheriti dik.
Tattvabodhinī1: varṇo. samānādhikaraṇena varṇavācinā varṇavāci samasyata ityarthaḥ. `viśeṣaṇaṃ
Sū #655 See More
varṇo. samānādhikaraṇena varṇavācinā varṇavāci samasyata ityarthaḥ. `viśeṣaṇaṃ
viśeṣyeṇe'tyanenaiva siddhe pṛthagvidhānaṃ `varṇo varṇeṣvanete'iti
pūrvapadaprakṛtisvaro vidhīyamānaḥ pratipadoktatvādetatsamāsapūrvapadasyaiva bhavatu
nānyasyetyetadartham. kṛṣṇasāraṅga iti. sāraṅgaścitraparyāyaḥ. sa ca
guṇopasarjanadravyaparaḥ. kṛṣṇaśabdo'pi kṛṣṇāvayavake bhāktaḥ. evaṃ ca gauṇe
sāmānādikaraṇye `viśeṣaṇaṃ viseṣyeṇe'tyapravuttau samāsārthamapīdamārabdhavyamityāhuḥ.
nanu `tṛtīye'tyanenaivāyaṃ samāsaḥ sidhyati, sāraṅgatvasya kṛṣṇādikṛtatvāt. nāpi
svare bhedaḥ. `tatpuruṣe tulyārtha tṛtīye'tyanenaiva pūrvapadaprakṛtisvarasiddheriti
cedatrāhuḥ–`kṛṣṇaśuklo haritaśukla ityādyarthaṃ samāso'nenā'vaśyaṃ vidheyaḥ. nahīha
tatkṛtatvamasti. yadyapīha `viśeṣaṇaṃ viśeṣyeṇe'tyanena samāsaḥ sidhyati, tathāpīṣṭaḥ
svaro na sidhyati. na capratipadoktasamāso'kiñcitkaraḥ, vyāvarttyā'lābāditi
vācyaṃ, kṛṣṇaśuklau ityādevryāvarttyasya saṃbhavā'diti.
Tattvabodhinī2: kumāraḥ śramaṇādimiḥ 657, 2.1.69 etadevet. elakāraḥ sphuṭasiddhatacvadyotanārtho See More
kumāraḥ śramaṇādimiḥ 657, 2.1.69 etadevet. elakāraḥ sphuṭasiddhatacvadyotanārtho, na tvavadhāraṇārthaḥ, "yuvā khalatī"ti sūtre jaratīgrahaṇasyāpi jñāpakatvasaṃbhavāt. na hi yuvanśabdasya puṃstvaṃ jaratīsāmānādhikaraṇyaṃ saṅgacchate.
1.Source: Arsha Vidya Gurukulam
2.Source: Sanskrit Documents
