Kāśikāvṛttī1: 
kṛtyapratyayāntās tulyaparyāyāśca subantā ajātivacanena samasyante, tatpuruṣaśca 
See More
kṛtyapratyayāntās tulyaparyāyāśca subantā ajātivacanena samasyante, tatpuruṣaśca
samāso bhavati. bhojyoṣṇam. bhojyalavaṇam. pānīyaśītam. tulyākhyāḥ tulyaśvetaḥ.
tulyamahān. sadṛśaśvetaḥ. sadṛśamahān. ajātyā ti kim? bhojya odanaḥ.
Kāśikāvṛttī2: varṇo varṇena 2.1.69 varṇaviśeṣavāci subantaṃ varṇaviśeṣavācinā subantena samān See More
varṇo varṇena 2.1.69 varṇaviśeṣavāci subantaṃ varṇaviśeṣavācinā subantena samānādhikaraṇena saha samasyte, tatpuruṣaśca samāso bhavati. kṛṣṇasāraṅgaḥ. lohitasāraṅgaḥ. kṛṣṇaśabalaḥ. lohitaśabalaḥ. avayavadvārena kṛṣṇaśabdaḥ samudāye vartamānaḥ samānādhikaraṇo bhavati.
Nyāsa2: varṇo varṇena . , 2.1.68 "viśeṣaṇaṃ viśeṣyeṇa" 2.1.56 iti vatrtate. ta See More
varṇo varṇena . , 2.1.68 "viśeṣaṇaṃ viśeṣyeṇa" 2.1.56 iti vatrtate. tatra yadi dvayorapi varṇaśabdayoḥ svarūpagrahaṇamiha syāt, viśeṣaṇaviśeṣyabhāvo nopapadyeta; abhinnārthatvāt. na hi tadeva devadattasya viśeṣaṇatvaṃ viśeṣyatvaṃ copapadyate. athāpyekasya svarūpagrahaṇaṃ syāt, aparasyārthagrahaṇam? evapyekaḥ sāmānyavācī syādvarṇaśabdaḥ, dvitīyastu viśeṣavācī kṛṣṇādiśabdaḥ. tataśca pratyekaṃ viśeṣaṇatvaṃ viśeṣyatvaṃ ca na syāt. yatra ca tadubhayamasti tatra samāsa iti prāgubhayagrahaṇasya prayojanamuktam. tasmādubhayatrāpyarthagrahaṇaṃ vijñāyata ityāha-- "varṇaviśeṣavāci" ityādi. "kṛṣṇasāraṅgaḥ, lohitasāraṅgaḥ" iti. nanu ca kṛṣṇaśabdo lohitaśabdaścāvayave vatrtate sāraṅgaśabdastu samudāye; yathā-- śabalaśabdaḥ, tatkathamavayavavṛtteḥ kṛṣṇādiśabdasya samudāyavṛttinā sāraṅgādiśabdena sāmānādhikaraṇyamityāha-- "avayavadvāreṇa" ityādi. kṛṣṇa ityucyate, lohitāvayavasambandhāllohita iti. ata eva gauṇatvādatra sāmānādhikaraṇyasya "viśeṣaṇaṃ viśeṣyeṇa" 2.1.56 ityādinā samāso na prāpnotītīdamārabhyate mahatyāḥ saṃjñāyāḥ karaṇamanvarthasaṃjñā yathā vijñāyeteti. tenāpradhānamupasarjanamiti. na cātra samudāyo'pradhānam, kiṃ tarhi? pradhānameva. avayavānāntu tadarthatvādaprādhānyam. ato'vayavavacanasyaiva kṛṣṇaśabdāderupasarjanatvam. na samudāyavacanasya sāraṅgādiśabdasya॥
Bālamanoramā1: kṛtyatulyākhyā. kṛtyapratyayāntāḥ , tulyavācakāśca jātibhinnavācakena
samānādhi Sū #739 See More
kṛtyatulyākhyā. kṛtyapratyayāntāḥ , tulyavācakāśca jātibhinnavācakena
samānādhikaraṇena samasyante sa tatpuruṣa ityarthaḥ. bhojyoṣṇamiti. bhojyaṃ ca taduṣṇaṃ
ceti vigrahaḥ. `ṛhaloṇrya'diti ṇyat. arhe. kṛtyapratyayaḥ. bhojyoṣṇaśabdayoḥ
kriyāguṇaśabdatvādviśeṣaṇatve kāmacārādaniyatapūrvanipāte prāpte niyamārthamidam.
tulya\ufffdota iti. tulyaścāsau \ufffdotaśceti vigrahaḥ. ubhayorguṇavacanatayā
viśeṣaṇatvā'niyame'pi tulyaśabdasyaiva pūrvanipātaḥ. ākhyāgrahaṇasya prayojanamāha–
sadṛśa\ufffdota iti. sadṛśaśabdasya tulyaparyāyatvāditi bhāvaḥ. bhojya odana iti. atra
odanaśabdasya jātivācitvāttenāyaṃ samāso na bhavatītyarthaḥ. nanvetatsamāsā'bhāve'pi
viśeṣaṇasamāso durvāra ityata āha-pratiṣedheti.
bhojyaśabdapūrvanipātasyobhayatrāpyaviśiṣṭatayā `ajātye'ti paryudāsavaiyathryāditi
bhāvaḥ.
Bālamanoramā2: varṇo varṇena 740, 2.1.68 varṇo śeṣapūraṇena sūtraṃ vyācaṣṭe--samānādhikaraṇenet See More
varṇo varṇena 740, 2.1.68 varṇo śeṣapūraṇena sūtraṃ vyācaṣṭe--samānādhikaraṇeneti. varṇavācinā samānādhikaraṇena varṇavācī samasyate sa tatpuruṣa ityarthaḥ. kṛṣṇasāraṅga iti. sāraṅgaḥ-citravarṇavān. kṛṣṇaśabdaḥ kṛṣṇāvayavake lākṣaṇika iti sāmānādhikaraṇyam. kṛṣṇaścāsau sāraṅgaśceti vigrahaḥ. viśeṣaṇasamāsena siddhe idaṃ prapañcārthameva. yattu "varṇo varṇeṣvanete" iti svaravidhau pratipadoktatvādasyaiva grahaṇārthamidam. tena sāraṅgasyāvayavaḥ kṛṣṇaḥ sāraṅgakṛṣṇa ityatra "varṇo varṇeṣu" iti svaro neti, taccintyaṃ, karmadhārayasvaraprakaraṇe "varṇo varṇeṣvanete" iti sūtrasya pāṭhenaiva siddheriti dik.
Tattvabodhinī1: kṛtyatulyākhyā. `tulyamahān'`sadṛśamahā'nityādau tu paratvādanena `sa Sū #654 See More
kṛtyatulyākhyā. `tulyamahān'`sadṛśamahā'nityādau tu paratvādanena `sanmaha'diti
bādhyate. `tasya satkṛtyaśālinaḥ'iti bhaṭṭiprayoge tu `satāṃ kṛtyaṃ satkṛtya'miti
ṣaṣṭhīsamāso bodhyaḥ. evaṃ `paramapūjyaḥ'ityādiṣvapi.
Tattvabodhinī2: varṇo varṇena 655, 2.1.68 varṇo. samānādhikaraṇena varṇavācinā varṇavāci samasya See More
varṇo varṇena 655, 2.1.68 varṇo. samānādhikaraṇena varṇavācinā varṇavāci samasyata ityarthaḥ. "viśeṣaṇaṃ viśeṣyeṇe"tyanenaiva siddhe pṛthagvidhānaṃ "varṇo varṇeṣvanete"iti pūrvapadaprakṛtisvaro vidhīyamānaḥ pratipadoktatvādetatsamāsapūrvapadasyaiva bhavatu nānyasyetyetadartham. kṛṣṇasāraṅga iti. sāraṅgaścitraparyāyaḥ. sa ca guṇopasarjanadravyaparaḥ. kṛṣṇaśabdo'pi kṛṣṇāvayavake bhāktaḥ. evaṃ ca gauṇe sāmānādikaraṇye "viśeṣaṇaṃ viseṣyeṇe"tyapravuttau samāsārthamapīdamārabdhavyamityāhuḥ. nanu "tṛtīye"tyanenaivāyaṃ samāsaḥ sidhyati, sāraṅgatvasya kṛṣṇādikṛtatvāt. nāpi svare bhedaḥ. "tatpuruṣe tulyārtha tṛtīye"tyanenaiva pūrvapadaprakṛtisvarasiddheriti cedatrāhuḥ--"kṛṣṇaśuklo haritaśukla ityādyarthaṃ samāso'nenā'vaśyaṃ vidheyaḥ. nahīha tatkṛtatvamasti. yadyapīha "viśeṣaṇaṃ viśeṣyeṇe"tyanena samāsaḥ sidhyati, tathāpīṣṭaḥ svaro na sidhyati. na capratipadoktasamāso'kiñcitkaraḥ, vyāvarttyā'lābāditi vācyaṃ, kṛṣṇaśuklau ityādevryāvarttyasya saṃbhavā"diti.
1.Source: Arsha Vidya Gurukulam
2.Source: Sanskrit Documents
