kim ityetat kṣepe gamyamāne supā saha samasyate taturuṣaśca samāso bhavati. kiṃrājā, yo na rakṣati. kiṃsakhā, yo 'bhidruhyati. kiṃgauḥ, yo na vahati. kimaḥ kṣepe 5-4-70 iti samāsānto na bhavati. kṣepe iti kim? ko rājā pāṭaliputre.

poṭāyuvatistokakatipayagṛṣṭidhenuvaśāvehadbaṣkayaṇīpravaktṛśrotriyādhyāpakadhūrtair jātiḥ 2.1.65 ubhayavyañjanā poṭā ityabhidhīyate. gṛṣṭirekavāraprasūtā. dhenuḥ pratyagraprasūtā. vaśā vandhyā. dehad garbhapātinī. baṣkayaṇī taruṇavatsā. poṭādibhiḥ saha jātivāci subantaṃ samasyate, tatpuruṣaśca samāso bhavati. ibhapoṭā. ibhayuvatiḥ. agnistokaḥ. udaśvitkatipayam. gogṛṣṭiḥ. godhenuḥ. govaśā. govehat. gobaṣkayaṇī. kaṭhapravaktā. kaṭhaśrotriyaḥ. kaṭhādhyāpakaḥ. kaṭhadhūrtaḥ. jātiḥ iti kim? devadatttaḥ pravaktā. dhūrtagrahaṇam akutsārtham.

poṭāyuvatistokakatipayagṛṣṭidhenuvaśāvehadbaṣkayaṇīpravaktṛśrotriyādhyāpakadhūrtairjātiḥ. , 2.1.64 viśeṣaṇamityādinā samāse prāpte vacanamidaṃ paranipātārtham. guṇaśabdā hrete. tatra yadi tena samāsaḥ syāta tadaiṣāṃ pūrvanipātaḥ prasajyeta. atha dhūtrtagrahaṇaṃ kimartham, yāvatā kutsanaśabdo'yam, "kutsitāni kutsanaiḥ" (2.1.53) ityevaṃ samāsaḥ siddha? ityāha-- "dhūtrtagrahaṇamakutsārtham" iti. śabdapravṛttinimittakutsāyāṃ samāso vijñāyate, na kutsāyām॥

kiṃ kṣepe. kṣepo nindā. tatragamye kimityavyayaṃ samānādhikaraṇena samasyate sa tatpuruṣa ityarthaḥ. kutsito rājeti. asvapadavigraho'yam. kimpadasthāne kutsidapadamiti jñeyam, vākyena nindānavagamena svapadalaukikavigrahā'sambhavāt. kiṃrājeti. `rājāhaḥsakhibhyaḥ' iti ṭac tu na, `kimaḥ kṣepe' iti niṣedhāt. nanu rājño bahusampattiśālinaḥ kathaṃ kutsitatvamityata āha–yo na rakṣatīti. sa kirājetyanvayaḥ.

poṭāyuvatistokakatipayagṛṣṭidhenuvaśāvehadbaṣkayaṇīpravaktṛśrotriyādhyāpakadhūrtairjātiḥ 734, 2.1.64 poṭāyuvati. poṭādibhiḥ samānādhikaraṇairjātivācakaṃ samasyate sa tatpuruṣa ityarthaḥ.

kiṃ kṣepe. kiṃrājeti. `kimaḥ kṣepe'iti samāsāntaniṣedhaḥ. kṣepe kim?. ko rājā pāṭaliputre. evaṃ `kiṃsakhā yo dahati' `kiṃgauryo na vahati' ityapyudāharaṇaṃ bodhyam.