Kāśikāvṛttī1: 
katarakatamau jātiparipraśne vṛtamānau samarthena supā saha samasyete, tatpuruṣa 
See More
katarakatamau jātiparipraśne vṛtamānau samarthena supā saha samasyete, tatpuruṣaśca samāso
bhavati. katarakaṭhaḥ. katarakālāpaḥ. katamakaṭhaḥ. katamakālāpaḥ. nanu katamaśabdastāvaj jātiparipraśna eva
vyutpāditaḥ, kataraśabdo 'pi sāhacaryāt tadarthavṛttireva grahīṣyate, kiṃ
jātiparipraśnagrahaṇena? evaṃ tarhyetaj jñāpayati katamaśabdo 'nyatra api vartate iti.
tathā ca pratyudāharanam kataro bhavator devadattaḥ, katamo bhavatāṃ devadattaḥ.
Kāśikāvṛttī2: kiṃ kṣepe 2.1.64 kim ityetat kṣepe gamyamāne supā saha samasyate taturuṣaśca sa See More
kiṃ kṣepe 2.1.64 kim ityetat kṣepe gamyamāne supā saha samasyate taturuṣaśca samāso bhavati. kiṃrājā, yo na rakṣati. kiṃsakhā, yo 'bhidruhyati. kiṃgauḥ, yo na vahati. kimaḥ kṣepe 5.4.70 iti samāsānto na bhavati. kṣepe iti kim? ko rājā pāṭaliputre.
Nyāsa2: kiṃ kṣepe. , 2.1.63 "kiṃsakhā" iti. "anaṅa sau" 7.1.93 ityan See More
kiṃ kṣepe. , 2.1.63 "kiṃsakhā" iti. "anaṅa sau" 7.1.93 ityanaṅādeśaḥ. atha kiṃrājetyādau "rājāhaḥ sakhibhyaṣṭac" 5.4.91 "gorataddhitaluki" 5.4.92 iti ṭac samāsāntaḥ kasmānna bhavatītyāha-- "kimaḥ kṣepe" ityādi. atra "na pūjanāt" 5.4.69 ityataḥ "na" ityanuvatrtate॥
Bālamanoramā1: katarakatamau. jātiparipraśne gamye katarakatamo samānādhikaraṇena samasyete it Sū #732 See More
katarakatamau. jātiparipraśne gamye katarakatamo samānādhikaraṇena samasyete ityarthaḥ. katarakaṭha
iti. anayo kaḥ kaṭha ityarthaḥ. `kiṃyattadornirdhāraṇe dvayorekasya ḍatarac'. kaṭhena
proktamadhīte kaṭhaḥ. vaiśampāyanāntevāsitvāt prokte ṇiniḥ. `kaṭhacarakāllu'giti
tasya luk. tataḥ `tadadhīte ' ityaṇaḥ `proktāllu'giti luk. katamakalāpa iti. eṣāṃ kaḥ
kalāpa iti vigrahaḥ kalāpinā proktamadhīte kalāpaḥ. `kalāpino'ṇ'. `sabrāhṛcārī'ti
ṭilopaḥ. `vā bahūnāṃ jātiparipraśne ḍatamac'. nanu ghaṭatvādivatkaṭhaśākhādhyetṛtvādikaṃ na
jātiḥ, `ākṛtigrahaṇā jātiḥ' iti lakṣaṇasya `liṅgānāṃ ca na sarvabhāk,
sakṛdākhyātanigrrāhrā' iti lakṣaṇamasya ca tatrā'pravṛtterityata āha–gotraṃ ceti.
atra katamaśabdasya jātiparipraśna eva vyutpādanātarārthameva jātiparipraśnagrahaṇam.
evaṃcā'nayoḥ kataro devadatta ityatra na bhavati samāsaḥ. `eṣāṃ katamo devadattaḥ' iti tu
nāstyeva, jātiparipraśna eva ḍatamaco vidhānāt. vastutastu ḍataratamavidhau dvayoriti
bahūnāmiti jātiparipraśne iti pratyākhyātaṃ bhāṣye. evaṃca `katama eṣāṃ devadatta'
ityapyasti. tatra samāsā'bhāvāya jātiparipraśnagrahaṇamiti śabdenduśekhare
stha#itam.
Bālamanoramā2: kiṃ kṣepe 733, 2.1.63 kiṃ kṣepe. kṣepo nindā. tatragamye kimityavyayaṃ samānādhi See More
kiṃ kṣepe 733, 2.1.63 kiṃ kṣepe. kṣepo nindā. tatragamye kimityavyayaṃ samānādhikaraṇena samasyate sa tatpuruṣa ityarthaḥ. kutsito rājeti. asvapadavigraho'yam. kimpadasthāne kutsidapadamiti jñeyam, vākyena nindānavagamena svapadalaukikavigrahā'sambhavāt. kiṃrājeti. "rājāhaḥsakhibhyaḥ" iti ṭac tu na, "kimaḥ kṣepe" iti niṣedhāt. nanu rājño bahusampattiśālinaḥ kathaṃ kutsitatvamityata āha--yo na rakṣatīti. sa kirājetyanvayaḥ.
Tattvabodhinī2: kiṃ kṣepe 649, 2.1.63 kiṃ kṣepe. kiṃrājeti. "kimaḥ kṣepe"iti samāsānta See More
kiṃ kṣepe 649, 2.1.63 kiṃ kṣepe. kiṃrājeti. "kimaḥ kṣepe"iti samāsāntaniṣedhaḥ. kṣepe kim(). ko rājā pāṭaliputre. evaṃ "kiṃsakhā yo dahati" "kiṃgauryo na vahati" ityapyudāharaṇaṃ bodhyam.
1.Source: Arsha Vidya Gurukulam
2.Source: Sanskrit Documents
