Kāśikāvṛttī1: 
upamīyate 'nena ityupamānam. upamānavācīni subantāni sāmānyavacanaiḥ subantaiḥ s 
See More
upamīyate 'nena ityupamānam. upamānavācīni subantāni sāmānyavacanaiḥ subantaiḥ saha
samasyante, tatpuruṣaśca samāso bhavati. upamānaupameyayoḥ sādhāraṇe dharmaḥ sāmānyaṃ,
tadviśiṣṭaupameyavacanairayaṃ samāsaḥ. śastrīva śyāmā śastrīśyāmā devadattā.
kumudaśyenī. haṃsagadgadā. nyagrodhaparimaṇḍalā. upamānāni iti kim? devadattā śayāmā.
sāmānyavacanaiḥ iti kim? phālā iva taṇḍulāḥ. parvatā iva balāhakāḥ.
Kāśikāvṛttī2: upamitaṃ vyāghrā'dibhiḥ sāmānyāprayoge 2.1.56 upameyam upamitaṃ , tadvāci suban See More
upamitaṃ vyāghrā'dibhiḥ sāmānyāprayoge 2.1.56 upameyam upamitaṃ , tadvāci subantaṃ vyāghrā'dibhiḥ sāmarthyādupamānavacanaiḥ saha sāmasyate, tatpuruṣaśca samāso bhavati, na cet sāmānyavācī śabdaḥ prayujyate. viśeṣaṇaṃ viśeṣyeṇa bahulam 2.1.56 iti paranipāte prāpte viśeṣyasya pūrvanipātārtha ārambhaḥ. puruṣo 'yaṃ vyāghra iva puruṣavyāghraḥ. puruṣasiṃhaḥ. sāmānyāprayoge iti im? puruṣo 'yaṃ vyāghra iva śūraḥ. vyāghra. siṃha. ṛkṣa. ṛṣabha. candana. vṛkṣa. varāha. vṛṣa. hastin. kuñjara. ruru. pṛṣata. puṇḍarīka. balāhaka. akṛtiganaśca ayam, tena idam api bhavati mukhapadmam, mukhakamalam, karakisalayam, pārthivacandraḥ ityevam ādi.
Nyāsa2: upamitaṃ vyāghrādibhiḥ sāmānyāprayoge. , 2.1.55 "sāmathryādupamānavacanaiḥ& See More
upamitaṃ vyāghrādibhiḥ sāmānyāprayoge. , 2.1.55 "sāmathryādupamānavacanaiḥ" iti. yadyapi "upamānavacanaiḥ" iti sūtre nopāttaṃ, tathāpyupameyamānāpekṣamityupamitaśabdaḥ sambandhiśabdatvādupamānatvaṃ vyāghradīnāṃ gamayati. tena viśeṣānabhidhāne'pi sāmathryādupamānavacanaistaiḥ samāso vijñāyate. "na cetsāmānyavācī śabdaḥ prayujyate" iti. upamānopameyayoḥ sādhāraṇo dharmaḥ, śauryādi, sāmānyamṣa yadi tadvācī śabdo na prayujyate, evaṃ sati samāso bhavati; nānyathā. nanu ca sāmānyasya samāse'ntarbhūttavāt tdavācināṃ śabdānāṃ prayogo nāsti, ta()tka pratiṣedhena? naitadasti; sādhāraṇadharmaḥ sāmānyaṃ hi samāse'ntarbhūtam, na tu tadviśeṣaḥ. tatrāsati pratiṣedhe viśiṣṭasādhāraṇadharmavācinaḥ prayogaḥ syādeveti katrtavyaḥ pratiṣedhaḥ? na katrtavyaḥ,katham? sāmānyaśabdaprayoge hi sati tadapekṣatvena sāpekṣamasamartha bhavatītyasāmathryādeva samāso na bhaviṣyati. eṃ tahrretajjñāpayati-- "bhavati hi pradhānasya sāpekṣyasyāpi samāsaḥ" iti. puruṣāścātropameyatvāt pradhānaḥ, upamānantu vyāghrādi tadarthatvādapradhānam. kimetena jñāpakena prayojanam? "rājapuruṣaḥ śobhanaḥ" ityevamādi siddhaṃ bhavati. "viśeṣaṇaṃ viśeṣyeṇeti prāpte" iti. nanu ca viśeṣaṇasya viśeṣyeṇa samānādhikaraṇena samāsaṃ vakṣyati, upamānopameyayośca bhedādvaiyadhikaraṇyam, tatkuto viśeṣaṇaṃ viśeṣyeṇeti prāptiḥ? evaṃ manyate-- puruṣādāvupameye vatrmānaivryāghrādibhirupamānaśabdairayaṃ samāso bhavati. yathā copamānaśabdānāmupameyavṛttitve sāmānādhikaraṇyaṃ tathā pūrvasūtra eva vyākhyātam॥
Laghusiddhāntakaumudī1: ghana iva śyāmo ghanaśyāmaḥ. (śākapārthivādīnāṃ siddhaye uttarapadalopasyopasaṃ Sū #948 See More
ghana iva śyāmo ghanaśyāmaḥ. (śākapārthivādīnāṃ siddhaye uttarapadalopasyopasaṃkhyānam).
śākapriyaḥ pārthivaḥ śākapārthivaḥ. devapūjako brāhmaṇo devabrāhmaṇaḥ..
Bālamanoramā1: upamānāni. upamīyante sadṛśatayā paricchidyante yaistāni–upamānāni.
sādṛśyanirū Sū #724 See More
upamānāni. upamīyante sadṛśatayā paricchidyante yaistāni–upamānāni.
sādṛśyanirūpakāṇītyarthaḥ. sāmānyam=upamānopameyasādhāraṇadharmaḥ, tamuktavantaḥ śabdāḥ
sāmānyavacanāḥ. bāhulakaḥ kartari lyuṭ. pūrvaṃ sāmānyamuktvā tadviti dravye ye
paryavasyanti te sāmānyavacanā iti yāvat. tathāca sādṛśyanirūpakaśabdā'paraparyāyā
upamānaśabdā upamānopameyasādhāraṇadharmaviśiṣṭavācibhiḥ samānādhikaraṇaiḥ samasyante sa tatpuruṣa
ityarthaḥ. ghanaśyāma iti. nanviha ghana iva śyāma iti vigrahe ghanaśabdasya śyāmaśabdasya
caikārthavṛttitvalakṣaṇasāmānādhikaraṇyā'bhāvātkathamiha samāsaḥ,
ivaśabdāpekṣatvenā'sāmathryāccetyata āha–iha pūrvapadamiti. evaṃ ca ghanaśabdo lakṣaṇayā
ghanasadṛśe rāme vartate, śyāmaśabdo'pi rāme vartata iti sāmānādhikaraṇyam. ata eva mṛgīva
capalā mṛgacapaletyatra `puṃvatkarmadhāraye'ti puṃvattvaṃ sidhyati. ghanaśabdasya
bhūtapūrvagatyopamānaparatvaṃ nirvāhram. tathāca `ghanasadṛśaśyāmaḥ' iti bodhaḥ. sādṛśyaṃ
tadbhinnatve sati tadgatadharmavattvam. evaṃca sādṛśyapratiyogyanuyoginoḥ
sādhāraṇadharmavattvaṃ labdham. sa ceha sādhāraṇadharma uttarapadopasthāpya eva gṛhrate,
saṃnihitatvāt. tathāca ghanagataśyāmatvasadṛśaśyāmatvavāniti bodhaparyavasānam. nanu
viśeṣaṇasamāsena siddhe kimarthamidaṃ sūtramityata āha–pūrvanipāteti. anyathā ubhayorapi
guṇavacanatayā viśeṣaṇaviśeṣyabhāve kāmacārātkhañjakubjaḥ kubjakhañja itivadaniyamaḥ syāditi
bhāvaḥ.
Bālamanoramā2: upamitaṃ vyāghrādibhiḥ sāmānyā'prayoge 725, 2.1.55 upamitam. prāgvaditi. samānād See More
upamitaṃ vyāghrādibhiḥ sāmānyā'prayoge 725, 2.1.55 upamitam. prāgvaditi. samānādhikaraṇaiḥ samasyate sa tatpuruṣa ityarthaḥ. atropamitasya nityamupamānākāṅkṣatvādupamānabhūtavyāghrādibhirityarthasiddham. nanu viśeṣaṇasamāsenaiva siddhe kimarthamidaṃ sūtramityata āha-viśeṣyasyeti. upamānopameyasamabhivyāhāre upamānasyaiva viśeṣaṇatvātpūrvanipāte prāpte viśeṣyasya pūrvanipātanārthamidamityarthaḥ. puruṣavyāghra iti. puruṣo vyāghra iveti vigrahaḥ. atra sādṛśyopapādakaḥ śauryātmakaḥ sādhāraṇadharmaḥ, sa iha nopātta iti bhavati samāsaḥ. puruṣovyāghra iva śūra iti. śauryeṇa vyāghrasadṛśa iti yāvat. atra śauryasyopamānopameyasādhāraṇadharmasya prayogānna samāsa iti bhāvaḥ. "bhāṣyābdhiḥ kvātigambhīraḥ" iti kaiyaṭaprayogastu mayūravyaṃsakāditvātsamādheyaḥ. bāṣyamevābdhiriti rūpakaṃ vā. na ca puruṣaśabdasya śūraśabdasāpekṣatvādasāmathryādevātra samāsasya na pravṛttiḥ, ataḥ "sāmānyā'prayoge" iti vyarthamiti vācyaṃ, samasyamāneṣvapradhānasyaiva hi sāpekṣatvaṃ sāmathryavighātakaṃ na tu pradhānasya. tathācā'tra puruṣasya pradhānatayā tasya śūrāpekṣatve'pi astyeva sāmathryamiti samāsapravṛtteḥ, tannivṛttyarthaṃ sāmānyā'prayoga iti vacanam. idameva "pradhānasya sāpekṣatve'pi na sāmathryavighātakatva"miti jñāpayati. tena "rājapuruṣaḥ sundara" ityādau samāsaḥ siddho bhavatīti bhāṣye spaṣṭam.
Tattvabodhinī1: upamānāni. upamīyate yena tadupamānam. upapūrvānmāṅaḥ kataraṇe lyuṭ. prādisamās Sū #642 See More
upamānāni. upamīyate yena tadupamānam. upapūrvānmāṅaḥ kataraṇe lyuṭ. prādisamāsaḥ
upapūrvako māṅ sādṛśyahetuke paricchede rūḍhaḥ. yena vastvantaraṃ sādṛśyena
paricchidyate tadupamānamityarthaḥ. yathā `gauriva gavayaḥ'. iha hi gauḥ karaṇaṃ, sādṛśyaṃ
hetuḥ, puruṣaḥ paricchettā. sa hi gosādṛśyena gavayaṃ paricchinatti. sāmānyavacanairiti.
samāno dharmaḥ–sāmānyam. cāturvaṇryāditvātsvārthe ṣyañ. upamānopameyasādhāraṇo
yo dharmastadviśiṣṭavacanairityarthaḥ, na tu sādhāraṇadharmamātravacanairiti. etacca
vacanagrahaṇāllabhyate. sāmānyamuktavantaḥ–sāmānyavacanāḥ. bāhulakātkartari bhūte
lyuṭ. ye pūrvaṃ sāmānyamuktvā tadvati dravye paryavasyanti te tathoktāḥ. tacca
sāmānyaviśiṣṭamupamānaśabdasya saṃbandhiśabdatvādākṣiptamupameyameva vijñāyate.
lākṣaṇikamiti. ataeva sāmānādhikaraṇyānmṛgīva capalā mṛgacapaletyādau puṃvadbhāvaḥ.
uttarapadopasthitaśyāmatvacaralatvādidvārakameveha sādṛśyaṃ gṛhrate, saṃnidhānāt. kathaṃ
tarhi upamānaparateti cet. bhūtapūrvagatyā śakyārthamādāya tatparatetyavehi.
pūrvanipāteti. anyathā'niyamaḥ syāt, khañja kubjavaditi bhāvaḥ. kiṃca `tatpuruṣe
tulyārthatṛtīyāsaptamyupamānavyaya#e'ti sūtre pratipadoktasyāsyaivopamānagrahaṇena
grahaṇārthamapīdaṃ sūtram. ataeva mayūravyaṃsakāditvātsamāse na pravartata iti
siddhāntaḥ.
Tattvabodhinī2: upamitaṃ vyāghrādibhiḥ sāmānyāprayoge 643, 2.1.55 upamitam. upameyamupamitam. bh See More
upamitaṃ vyāghrādibhiḥ sāmānyāprayoge 643, 2.1.55 upamitam. upameyamupamitam. bhūtakālo'tra na vivakṣitaḥ. tacca saṃbandhiśabdādupamānamākṣipati. tathā copamānabhūtaivryāghrādibhirityarthaḥ. puruṣo vyāghrā iva śūra iti. tatra hi śūrasāpekṣasyāpi puruṣasya pradhānatvāt "rājapuraṣaḥ sundaraḥ"itivadatrāpi samāsaḥ syātsa mā bhūditi "sāmānyā'prayoge"ityuktamiti bhāvaḥ. kathaṃ tarhi "bhāṣyābdhiḥ kvātigambhīraḥ" iti kaiyaṭaḥ, sāmānyaprayodasattvenā'syā'prāpteḥ. atra kecit--pramāda evāyamityāhuḥ. iha gambhīryeṇa sādṛśyaṃ na vivakṣitaṃ, kiṃtu vitataduravagāhatvādinā. tasya hi vitatatvāderaprayogo'styeveti nirbādhaḥ samāsa iti manoramāyāṃ sthitam.
1.Source: Arsha Vidya Gurukulam
2.Source: Sanskrit Documents
 2.1.55.jpg)
.jpg)
